Home Notisia Press Day, Dr. Rui: Nutisia Falsu Hadaet Lais Liu Fali Virus Corona,...

Press Day, Dr. Rui: Nutisia Falsu Hadaet Lais Liu Fali Virus Corona, Jornalista Sira Presiza Verifika Didiak

721
0
Dr. Rui Maria Araujo. [Foto: Copyright FB Dr. Rui Araujo | 04.04.2020]

Reportazen Zevonia Vieira

Jornalista no media sira komemora loron Liberdade Imprensa ne’ebe monu iha loron 3 Maiu, ba tema mundial tinan ida ne’e mak Jornalista La Tauk Koalia Los no Kontra Favoritismu”. Liu hosi Centru Integradu Jestaun Krize [CIJK] iha centru media, hatan ba perguntas hosi RTTL relasiona ho loron liberade imprensa, portavoz CIJK, Dr.Rui Araujo hatoo parabens ba jornalista sira ne’ebe mak sei komemora loron importante no agradese ba serbisu ne’ebe jornalista sira halo ona durante periodu ida ne’e, liu-liu iha situasaun Covid-19.

“Desiminasaun informasuan ne’ebe hatoo ba publiku ajuda tebes no esklarese ba publiku, ajuda tebes publiku hodi hamenus situasaun paniku tanba ida ne’e lori sala de situasaun CIJK nia naran hakarak hatoo agradesementu espesial ida ba jornalista sira hotu”, hateten Dr. Rui Araujo iha CCD, 02/05.

Eiz Primeiru Ministru ne’e mos apela ba jornalista sira katak jornalista sira tenke hatudu professionalismu diak liutan, liu-liu iha relasaun ho nutisia falsu ka hoax.

“Ita hotu hatene katak durante pandemia covid-19 ne’ebe mundu tomak  infrenta, nutsia falsu ka lia bobar sira ne’e dalaruma naklekar ka hadaet lais liu fali virus ne’e, laos deit liu hosi media sosial maibe media konvensional sira. Ho haraik an hosi ba jornalista sira atu verifika didiak fonte de informasaun, hare didiak faktus sira ne’e para depois ita hamutuk kontribui ba populasaun bele tur hakmatek, tanba hatene informasaun ne’ebe los, kredibel hodi nune idak-idak kontribui ba buat ne’ebe nia bele, ba ita hotu hamutu infrenta situasaun krize ida ne’e ho susesu”, hateten Dr. Rui Araujo

Print Friendly, PDF & Email

LEAVE A REPLY

Please enter your comment!
Please enter your name here