Home Saude Matebian Olga Konsideradu COVID-19 Kategoria Grave, Iha Istoria Tensaun-aas no Diabetes

Matebian Olga Konsideradu COVID-19 Kategoria Grave, Iha Istoria Tensaun-aas no Diabetes

376
0
Dr. Rui Araujo halo zoom press conference. [Foto: Zevonia Vieira | 22.04.2021]

Reportazen Zevonia Vieira

Matebian Olga Mendonsa ne’ebe diagnostikadu pozitivu COVID-19, deteta iha loron 19 Abril ne’ebe hakotu nia iis iha sala izolamentu Vera Cruz ohin loron 22 Abril.

Liu hosi zoom press conference Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo esplika katak feto idade 60, konfirmadu pozitivu SARS-CoV-2 iha loron 19 Abril 2021, iha Emerjénsia HNGV, ho Cycle Threshold (CT): N2 gene 31,7; E gene 30,1.

Dr. Rui dehan Matebian ne’e hela iha Lahane Dili, ho istória isin-manas ho mear besik semana ida molok mai Emerjénsia HNGV, no mós istória tensaun-a’as, ho diabetes ne’ebé la kontroladu.  Diagnóze traballu iha Emerjénsia HNGV: Acute Respiratoric Distress Syndrom (Sindroma insufisiénsia respiratória aguda).

“Tamba mós pozitivu SARS-COV-2, kazu ne’e konsideradu COVID-19 kategoria grave, no ekipa konjunta saúde deside 3 enkamiña ba izolamentu Vera Cruz, hodi hahú tratamentu tuir protokolu médiku ne’ebé Timor-Leste adopta, inklui utiliza ventilasaun asistida liu husi CPAP Continuous Positive Airway Pressure (CPAP),”esplika Dr. Rui, 22/04

Ohin 22 de Abril 2021, dadersan maizoumenus 08H25, pasiente i’is kotu no ninia rezultadu test PCR post-ortem Pozitivu SARS-CoV-2 ho CT Cycle Threshold (CT) N2 Gene 33; E Gene 35.

Familia matebian deside atu hakoi iha semitériu públiku Bekussi, no ekipa konjunta funeral nina, husi Ministério Saúde, MSSI ho MAE sei apoia tuir protokolu ne’ebé hala’o iha funeral ida iha semana kotuk, hodi nune’e bele minimiza risku atu mosu kontájiu virus husi matebian nia isin ba fali ema seluk.

Print Friendly, PDF & Email

LEAVE A REPLY

Please enter your comment!
Please enter your name here