Home Notisia AJTL Husu Prezidente Autoridade RAEOA, Foti  Sansaun Ba Staff Protokolu Halo Aktu...

AJTL Husu Prezidente Autoridade RAEOA, Foti  Sansaun Ba Staff Protokolu Halo Aktu Violentu Hasoru Jornalista Tatoli

1168
0
AJTL halo Konferensia Imprensa Kontra Ataka Liberdade Imprensa (Foto:Joselina)

Reportajen Joselina dos Santos

Asosiasaun Jornalista Timor Lorosa’e (AJTL), husu ba Prezidente Autoridade Rejiaun Administrativu Espesiál Oekussi Ambeno  (RAEOA), Rogério Tiago Lobato atu foti medida no sansaun forte hasoru pesoál protokolu ne’ebé halo aktu violentu hasoru jornalista Tatoli iha espasu públiku iha Oecusse-Ambeno.

AJTL mos husu SECOMS atu komunika ho instituisaun sira Estadu nian atu respeita mídia no jornalista nian servisu no kolabora atu sira livremente asesu ba espasu públiku hotu-hotu hodi asesu informasaun sein iha impedimentu.

“AJTL kontra no kondena aktu violente hasoru jornalista Tatoli ne’ebé komete husi pesoál protokulu iresponsavel RAEOA nian tanba aktu violente ne’e sei hatauk jornalista no mídia atu iha kontestu kobertura no publikasaun notísia, liuliu atu garante papél media kontrolu sosiál”, Reprezentante AJTL, Acaçio Pinto, hateten iha konferensia imprensa, Sede AJTL Fatuhada kinta, 06/06.

“Entidade hotu-hotu iha obrigasaun atu fó espasu livre ba jornalista sira atu asesu ba informasaun sira ne’ebé iha ligasaun ho serbisu públiku nian. Tanba liberdade imprensa mak sai nu’udar espasu ba sidadaun sira atu hato’o sira nia hanoin no komentáriu hodi hakunu prinsípiu check and balance ba servisu hotu-hotu entiadde Estadu nian”, Acasio aumenta.

AJTL mós konsidera aktu violente ida-ne’e la-hatudu mentalidade demokrátiku pesoál entidade sira Estadu nian atu garante boa governasaun no kontabilidade iha país demokrátiku Timor-Leste. Maibé hatudu fali mentalidade vandalizmu hodi impede mídia no jornalista atu asesu ba informasaun sira ne’ebé iha ligasaun ho servisu públiku nian. Iha rejime sistema polítika demokrasia, iha ámbitu liberdade imprensa nian, mídia no jornalista presiza livre atu hala’o sira ninia serbisu iha fatin ne’ebé deit. Liuliu iha espasu públiku hanesan instituisaun sira Estadu nian. Iha kontestu ida-ne’e presizamente tenke iha garantia ida husi aparellu estadu atu mídia no jornalista sira livremente halo kobertura ba asuntun no informasaun ne’ebé iha ligasaun ho servisu públiku nian sein impedimentu.

Iha Loron Mundial Liberdade Imprensa fulan hirak liuba AJTL bolu tiha ona atensaun ba governo atu haree didiak index liberdade imprensa Timor-Leste nian mak monu hosi rangking 10 tun ba 20 iha mundo. AJTL observa katak hahalok sira hanesna akontese dadaun loron liuba nian no mos akontese iha tinan kotuk nian kontribui hamonu index liberdade imprensa.

Print Friendly, PDF & Email

LEAVE A REPLY

Please enter your comment!
Please enter your name here