Reportajen Silvino Freitas
Xefe Departamentu Formasaun Edukasaun Sivika Suprentidenti Asistente Polisia Domingos Sarmento Gama lamenta ho Diresaun Tranzitu no Seguransa Rodaviariu Suprentidente Xefe da Polisia Antonino Mauluta neebe delega fali nia hodi asina dokumentu avizu konjuntu ba trasporte publiku kumpri lei kodigu estrada nian neebe assina ho diretora Diresaun Nasional Transporte Terestre (DNTT) Maria Antonio Vitor da Costa, maibe diretor Seguransa Rodaviariu Suprentidente Xefe da Polisia Antonino Mauluta ba halao fali servisu departamentu nian.
“hanesan ema veteranu hau hateten ba imi sala nee hau ba loos mai loos deit, kuriji para atu hadia laos mai servisu para interese ba osan hanesan ema veteranu interese ba povu no nasaun nee principal” tenik Xefe Departamentu Formasaun Edukasaun Sivika Suprentidenti Asistente Polisia Domingos Sarmento Gama, iha DNTT Balide, (29/10).
Nia dehan tan, ninia involvimentu iha instituisaun PNTL laos lori naran pesoal maibe lori naran ema resistensia tanba antes 2000 no 2001 2003 ejistensia PNTL iha ona hanoin husi politika sira atu involve ema veteranu resistensia atu bele hadia, tanba nee nia hanesan ema resistensia neebe involve iha PNTL tenke hadia nakasalak neebe halo insitituisaun PNTL nian nunee servi nee ho fuan ho laran laos servi ho osan.
“dokumentu sira hanesan nee ami parte instituisaun PNTL nee iha diskrisaun klaru director, sefi departamentu, sefe seksaun nia servisu saida nee klaru ona iha neeba, neebe orientasaun servisu nee tuir deskrisaun servisu” tenik nia.
Nunee iha biban nee nia rasik ho via telephone ba Diresaun Tranzitu no Seguransa Rodaviariu Suprentidente Xefe da Polisia Antonino Mauluta hetan orientasaun hodi assina maibe Diretor Mauluta halao hela viajen ba Oe-cusse nunee delega fali nia maski kompetensia nee laos Domingos Gama nian.
Dokumentu neebe husi parte Diresaun Tranzitu no Seguransa Rodaviariu assina ho DNTT mak avizu previa ida neebe konjuntu entre instituisaun rua neebe halo kada tinan iha loron boot hodi regula kondutor no karreta nain transporte publiku hanesan buss, mikrolete, angguna (transporte misto) neebe halo sirkulasaun tula pasajeiru iha viajen teritoriu nasional tuir lei kodigu estrada artigu 54.
