{"id":10903,"date":"2021-12-21T23:31:00","date_gmt":"2021-12-21T14:31:00","guid":{"rendered":"https:\/\/neonmetin.info\/buletin\/?p=10903"},"modified":"2021-12-21T23:31:01","modified_gmt":"2021-12-21T14:31:01","slug":"uma-kain-31-la-aseita-ho-lansamentu-sidade-universitariu-tanba-harii-iha-rai-produtivu","status":"publish","type":"post","link":"https:\/\/neonmetin.info\/buletin\/2021\/12\/21\/uma-kain-31-la-aseita-ho-lansamentu-sidade-universitariu-tanba-harii-iha-rai-produtivu\/","title":{"rendered":"Uma Kain 31 La Aseita Ho Lansamentu Sidade Universit\u00e1riu Tanba Harii Iha Rai Produtivu"},"content":{"rendered":"\n

Reportajen Adroaldo ‘Saretukau’<\/em><\/strong><\/p>\n\n\n\n

Minist\u00e9riu Ensinu Superior Si\u00e9nsia no Kultura (MESSK) lansa fatuk dahuluk ba projetu sidade universit\u00e1riu iha loron 21 Dezembru 2021, ne’eb\u00e9 sei harii iha Suku Bandudato no Lau-usi, Postu Administrativu Aileu Vila, Munis\u00edpiu Aileu.<\/p>\n\n\n\n

Ba lansamentu ne\u2019e komunidade uma kain 31 ho total ema 144,  la aseitano la f\u00f3 sira nia rai ba MESSK hodi utiliza ba konstroi sidade universit\u00e1riu, ho razaun rai ne’eb\u00e9 sira hela nu’udar rai eransa no rai produtivu ne’eb\u00e9 sustenta sira no sira nia oan durante tinan naruk nia laran.<\/p>\n\n\n\n

Komunidade sira haktuir katak, bainhira sira sai hosi fatin refere, sira sei ba hela iha ne’eb\u00e9 no fatin ne’eb\u00e9 sira atu muda ba iha kondisaun di’ak hanesan sira hela da-dauk ne’e ka lae?<\/p>\n\n\n\n

Tanba ne’e tuir komunidade afetadu ba sidade universit\u00e1riu ne’e, Fatima Xavier hosi Suku Bandudato hatete katak sira sei la sai hosi sira nia fatin tanba ne’e nu’udar rai eransa no sei rai ba oan nia futuru.<\/p>\n\n\n\n

“Governu hasai sei labele karik, tanba ami moris iha ne’e kleur ona hosi ami mai av\u00f3 tutan ba tutan to’o mai ami, pois agora ami sei rai ba ami nia oan sira, ami sei labele sai hosi fatin ida ne’e tanba fatin ne’e sai hanesan rai produtivu ba ami nia moris nu’udar ema agrikultor, nia mak sai nu’udar inan ida ne’eb\u00e9 fo han ami loron kalan”<\/em> hatete Fatima iha Suku Bandudato, 20\/12.<\/p>\n\n\n\n

Nia hatete fatin ne’eb\u00e9 sira hela ba nu’udar uma fatin inklui to’os sira, aktividade ne’eb\u00e9 sira halo mak atividade agr\u00edkola hanesan kuda modo, batar, talas, ai-fatina no seluk tan ne’eb\u00e9 sustenta sira nia moris no fa’an hodi haruka oan sira ba eskola, “ami han balu, balu fa’an hodi selu fali alin sira ba eskola”, nia hatete.<\/p>\n\n\n\n

Fatima hatete katak sira hetan ona informasaun hosi governu atu sai, maib\u00e9 sira sei la sai no lakoi indemnizasaun, sira hakarak mak sira nia rai rasik, “tanba ida ne’e mak ita nia moris duni, ita sai hosi ne’e ita ba hetan fali fatin ida di’ak hanesan ne’e iha ka lae? Ne’e la iha, ita foho tiha ona atu hakat tan ba foho ida ne’eb\u00e9”, tenik Nia.<\/p>\n\n\n\n

Fatima haktuir sira la’os lakoi dezenvolvimentu iha sira nia rai, maib\u00e9 sira fo fatin seluk ne’eb\u00e9 la produtivu ba governu hodi harii sidade universit\u00e1riu ne’e maib\u00e9 governu hakarak fali sira nia rai ne’eb\u00e9 produtivu, tanba ne’e mak sira la simu ho desizaun governu nian.<\/p>\n\n\n\n

Konab\u00e1 li\u00f1a kordenasaun entre komunidade afetadu ho autoridade, v\u00edtima hosi konstrusaun sidade universit\u00e1riu ne’e hatete hosi kedas n\u00edvel munisipal to l\u00edder lokal la iha konfirmasaun ho sira antes atu deside ba projetunida ne’e.<\/p>\n\n\n\n

“Sira nunka halo kordenasaun ho ami ida, primeiru sira hosi Munis\u00edpiu mak tun lansung mai, autoridade lokal atu marka enkontru dala ida ho ami mos nunka, to’o agora sira nunka besik ami”,<\/em> nia hatete.<\/p>\n\n\n\n

Nia haktuir katak enkontru sira, autoridade lokal bolu de’it komunidade sira ne’eb\u00e9 mak a favor ka aseita ba konstrusaun refere, maib\u00e9 ba sira lae. Fatima haforsa katak bainhira governu obriga sira sai mak sira nia desizaun ikus lori ba tribunal hodi buka justisa ne’eb\u00e9 los.<\/p>\n\n\n\n

Iha fatin hanesan inan faluk Maria Ilibere nu’udar komunidade afetadu hatete, “ami nia rai hanesan rai kultura, ne’e ami moris ho ida ne’e, ami sei la fo, hanesan kadernu no lapis hotu mak ida ne’e, ne’e mak governu foti ami han hodi sa\u00edda, ne’eb\u00e9 ami sei la fo”.<\/p>\n\n\n\n

Nia hatete katak l\u00edder komunit\u00e1riu sira la ko’alia ho sira konab\u00e1 atu foti kondisaun sira antes hola desizaun maib\u00e9 ida ne’e hanesan obriga fali atu foti sira nia rai, “ami nia moris mak ida ne’e, nusa mak foti ami nia rai tomak de’it, ne’eb\u00e9 sira hakarak mak foti de’it, sira nia lia-fuan mak ida foti ne’e”, nia dehan.<\/p>\n\n\n\n

Nune’e mos komunidade afetadu Ant\u00f3nio Xavier Perreira hatete rai ne’eb\u00e9 sira hela nu’udar eransa hosi sira av\u00f3, sira nia inan-aman to’o sira ohin loron tanba ne’e sira sei la sai.<\/p>\n\n\n\n

“Governu atu foti ne’e, ami oferese rai seluk. Ami nia rai ida ne’e fila ba rai agrikultura ho rai kultura, tinan-tinan atu iha anu novu mai foti hahan iha ne’e hosi sa’e ba uma knua, ida ne’e ami labele fo. Fatin seluk ne’eb\u00e9 ami oferese hodi loke eskola mak rai ida naran Mausado ni-nia luan ne’e iha 66 hektare, ida ne’e ami oferese gratis de’it, la husu sentavus ida”, <\/em>Ant\u00f3nio hatete ba Neon Metin.<\/p>\n\n\n\n

Nia hatutan katak sira komunidade uma-kain 31 ho total ema 144 la aseita hodi harii sidade universit\u00e1riu iha sira nia rai, “ami uma-kain 44, sira konta ami hela uma-kain 9 mak la hatan, sira hetan uma-kain 35 mak simu indimizasaun”,<\/em> Ant\u00f3nio klarifika ba Neon Metin katak l\u00edder komunit\u00e1riu sira fo informasaun laloos ba iha n\u00edvel Nasional katak sira aseita hotu.<\/p>\n\n\n\n

Ho informasaun ne’eb\u00e9 Neon Metin hetan hosi komunidade sira ne’eb\u00e9 la aseita, Xefe Suku Bandudato Jos\u00e9 M. Mouzinho hatete, hah\u00fa tinan 2019 l\u00edder komunit\u00e1riu sira halo di\u00e1logu ho komunidade sira antes to’o lansamentu primeira pedra ba sidade universit\u00e1riu ne’e.<\/p>\n\n\n\n

“Hotu-hotu aseita, iha balu mak la aseita, la hatene sira nia la asieta ne’e ho razaun sa\u00edda, sira nia hakarak mak sa\u00edda, dezenvolvimentu mak la monu ba sira nia laran karik, ne’e mak ha’u labele hatene, maib\u00e9 maioria mak hakara<\/em>k” Nia hatete iha lansamentu fatuk dahuluk ba sidade universit\u00e1riu iha Suku Bandudato, 21\/12.<\/p>\n\n\n\n

Xefe Aldeia hatete hosi uma-kain 44, uma-kain ualu mak la aseita, nia hatutan durante ne’e nia halo aprosimasaun ba komunidade, liu hosi nia Xefe Aldeia sira maib\u00e9 komunidade balu tuir, balu lae ho razaun sira la aseita.<\/p>\n\n\n\n

L\u00edder komunit\u00e1riu ne’e hatete, espasu ne’eb\u00e9 utiliza ba konstrusaun sidade universit\u00e1riu ne’e ho total 29 hektare, ne’eb\u00e9 pertense ba Suku Bandudato, Lau-usi no Aldeia Sarin, iha ne’eb\u00e9 komunidade uma-kain 44 mak sei hasai ka muda ba fatin seluk bainhira konstrusaun hah\u00fa.<\/p>\n\n\n\n

“Komunidade Suku rua, Aldeia ida sira to’os mak tama hotu iha \u00e1rea ida afetadu ne’e”,<\/em> nia hatete.<\/p>\n\n\n\n

Iha parte sorin, Neon Metin halo konfirmasaun ho Diret\u00f3r Jer\u00e1l Administrasaun no Finansas MESSK, Hernani Vitervo da Costa Soares, konab\u00e1 uma-kain 31 la aseita ba konstrusaun sidade universit\u00e1riu, nia hatete katak iha uma-kain 9 de’it mak la aseita ka la tama lista tuir dadus levantamentu ne’eb\u00e9 sira halo.<\/p>\n\n\n\n

Konab\u00e1 rai konstrusaun nian, Diret\u00f3r ne’e hatete desizaun governu nian ho autoridade Munis\u00edpiu mak deside tuir aprezentasaun hosi autoridade nian ne’eb\u00e9 propoin fatin tolu hanesan Hundolte, Seloi Kraik no Bandudato, “ne’e desizaun governu nian tanba fo fatin tolu ami atu hili, minist\u00e9riu hili ida ne’e”. <\/em>Hernani hatete.<\/p>\n","protected":false},"excerpt":{"rendered":"

Reportajen Adroaldo ‘Saretukau’ Minist\u00e9riu Ensinu Superior Si\u00e9nsia no Kultura (MESSK) lansa fatuk dahuluk ba projetu sidade universit\u00e1riu iha loron 21 Dezembru 2021, ne’eb\u00e9 sei harii iha Suku Bandudato no Lau-usi, Postu Administrativu Aileu Vila, Munis\u00edpiu Aileu. Ba lansamentu ne\u2019e komunidade uma kain 31 ho total ema 144,  la aseitano la f\u00f3 sira nia rai ba […]<\/p>\n","protected":false},"author":2,"featured_media":10904,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-10903","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t