{"id":11497,"date":"2022-02-16T16:14:57","date_gmt":"2022-02-16T07:14:57","guid":{"rendered":"https:\/\/neonmetin.info\/buletin\/?p=11497"},"modified":"2022-02-16T16:14:59","modified_gmt":"2022-02-16T07:14:59","slug":"maubere-iha-funu-kontra-korrupsaun","status":"publish","type":"post","link":"https:\/\/neonmetin.info\/buletin\/2022\/02\/16\/maubere-iha-funu-kontra-korrupsaun\/","title":{"rendered":"Maubere Iha Funu Kontra Korrupsaun"},"content":{"rendered":"\n

Hakerek nain Higino Guterres<\/em><\/strong><\/p>\n\n\n\n

Luta hasoru korrupsaun nu\u2019udar luta fenomena sosi\u00e1l ida, la\u2019os foun iha sosiedade mundi\u00e1l no la\u2019os foun liu m\u00f3s iha ist\u00f3ria luta Maubere oan sira nian. Luta ida ne\u2019e nanis no luta permanente ida, iha ne\u2019eb\u00e9 luta ida ne\u2019e nu\u2019udar luta objetivu komum ida hodi lori vitoria ba libertasaun povu. Luta ida ne\u2019e husu Maubere oan sira nia espiritu patriotizmu ida boot liu, tanba \u00faniku luta ne\u2019e de\u2019it mak bele kore povu Maubere husi mizeria, obskurantizmu no sai eroi loloos iha ukun r\u00e1sik-an. Hanesan proverbiu ida dehan \u2018patriotizmu aas liu iha luta libertasaun tot\u00e1l mak funu hasoru korrupsaun\u2019.<\/p>\n\n\n\n

Luta hasoru korrupsaun nu\u2019udar luta kontinuidade ida ne\u2019eb\u00e9 presiza liu junta forsa koletiva ida. Presiza movimentu sosi\u00e1l ida ne\u2019eb\u00e9 involve Maubere oan hotu iha batalla, tantu otas foun (feto no mane), estudante, traballador materi\u00e1l no immateri\u00e1l, intelektu\u00e1l organika sira inklui povu aileba no ema eskluidu sira. Tanba Luta ida ne\u2019e nu\u2019udar luta kombate \u2018eksplorasaun, akumulasaun no dominasaun<\/em>\u2019 hasoru grupu oligarkia oituan ne\u2019eb\u00e9 uza sala sistema iha estadu hodi jere poder no projetu ba malu, iha ne\u2019eb\u00e9 hakoi mat-matak povu Maubere nia destinu moris ba rai ku’ak.<\/p>\n\n\n\n

Luta hasoru korrupsaun nu\u2019udar m\u00f3s luta movimentu repetisaun ida, iha ne\u2019eb\u00e9 luta hasoru sistema injustisa sosi\u00e1l ne\u2019eb\u00e9 eziste desde uluk ona. Sistema injustisa ida ne\u2019eb\u00e9 kontinua buras beibeik, no nia belit hamutuk ho Timoroan balun nia isin lolon no klamar tomak to\u2019o ohin loron. Sistema ne’e hahoris husi kolonialista no okupasionista sira mai, ne\u2019eb\u00e9 uluk \u00e9roi Mauberizmu sira luta hasoru no ohin loron sei eziste nafatin.<\/p>\n\n\n\n

Uluk Maubere oan sira luta hasoru kolonialista no okupasionista nia idea no asaun sira ne\u2019eb\u00e9 explora Povu Maubere nia rikusoin, no eksplora m\u00f3s Maubere oan sira nia forsa traballu nu\u2019udar instrumentu produsaun ba hanakonu sira nia interese ekonomia. Asaun eksplorasaun iha kolonialista no okupasionista sira ne\u2019e hotu lori Maubere oan sira organiza-an hodi hah\u00fa funu hasoru, hanesan revoltasaun Manufahi to\u2019o mai revolusaun Maubere tinan 1975.<\/p>\n\n\n\n

Luta ida ne\u2019e presiza vizita hikas pasadu no re-inventa idea tuan ba otas foun sira. Pensamentu otas foun sira agora tenke refleta ba pasajem luta ne\u2019eb\u00e9 hakaat liu ona, no dudu luta ida definitivu, sistematiku no estrateziku. Presiza liu tan ko\u00f1ese prinsipiu no m\u00e9todu luta idea tuan sira, liu-liu komunga prinsipiu lulik sira hanesan \u2018rezistir, aprender e produzir\u2019<\/em> ne\u2019eb\u00e9 saudozu Sahe (Vicente Reis) introduz ba ita, inklui ho sira seluk ne\u2019eb\u00e9 firme no tuba rai metin hamutuk hodi luta hasoru eksplorasaun, hanesan; Borja da Costa, Nicolao Lobato to\u2019o ba Roza Muqui Bonaparte ho sira seluk ne\u2019eb\u00e9 f\u00f3 duni an ba mate.<\/p>\n\n\n\n

Ba Maubere oan sira agora la\u2019os katak luta hotu ona, maib\u00e9 tenke aprende ,reziste no produs hikas idea emasipat\u00f3riu ba luta foun, tanba luta iha kontekstu atu\u00e1l mak luta hasoru neo-kolonialista no imperalizmu foun ne\u2019eb\u00e9 nafatin oprime povu Maubere oan sira nia ezist\u00e9nsia. Neo-kolonialista fila eziste hikas hafoin malae sira husik Timor, tanba idea no sistema kolonialista sira sei hela ho Timoroan sira balun hodi eksplora rikusoin povu Maubere nian. Ne\u2019e katak uluk kolonializad\u00f3r eksplora (na\u2019ok) Maubere nia rikusoin, no agora liman ain imperalista no kolonialista mak kontinua fali halo eksplorasaun hasoru Maubere oan sira.<\/p>\n\n\n\n

Nune\u2019e, luta ida ne\u2019e, luta hasoru idea no hasoru sistema ne\u2019eb\u00e9 kolonialista no okupasionista sira husik hela, iha ne\u2019eb\u00e9 luta ne\u2019e sem fim no la\u2019os luta eventu\u00e1l nian. Luta ida ne\u2019e ezize ita nia virtude iha asaun, korajen, domin, pasensia no nakonu ho esperansa dook. Luta ida ne\u2019eb\u00e9 presiza determinasaun forte no totalmente ida hodi kore povu Maubere husi ki\u2019ak no mukit tomak. Luta ida ne\u2019e presiza liu tan pozisaun oklu ideolojia ida klaru ho nia m\u00e9todu no vizaun ida kle\u2019an, loos, no forsa hodi lori ba libertasaun tot\u00e1l.<\/p>\n\n\n\n

Atu lori luta ba oin hodi determina vitoria objetivu ida permanente, presiza idea no vizaun ida emansipatoriu no radik\u00e1l. Atu dudu luta ne\u2019e to\u2019o fim loloos ba atinje esperansa foun, presiza sosiedade tenke atinje iha vitoria subjetiva ida ho nia idea, m\u00e9todu no estratejia ida kle\u2019an liu. Luta ida ne\u2019e presiza sujeitu ida klaru no kualidade, tanba kualidade subjetiva ne\u2019eb\u00e9 loos sei determina vitoria objetiva ida re\u00e1l. E luta ida ne\u2019e la\u2019os hakfodak husi mehi loromean nian no la\u2019os m\u00f3s atu lori de\u2019it instrumentu lei no mor\u00e1l buatan sira hodi hamriik kombate.<\/p>\n\n\n\n

Ita haree dadaun, barak agora sai disorientadu no dezorganizadu. Sistema no idea dominante domina no ida idak luta iha fatin ba buka servisu hodi sustenta-an de\u2019it ona, hodi lori to\u2019o ba saida mak ita bolu \u2018sobrevivensializmu\u2019 Han hemu no enjoy ho ordem saida de\u2019it mak iha. Barak m\u00f3s sai hedonistiku, pragmatizmu, konsumerista permanente, hodi lori to\u2019o ba saida mak ita nia psikologu Lacan dehan \u2018Surplus enjoyment\u2019.<\/em><\/p>\n\n\n\n

Ita haree katak, \u00e9poka no demokrasia kapit\u00e1l atu\u00e1l lori ita la hatene atu ba ne\u2019eb\u00e9 no to\u2019o iha ne\u2019eb\u00e9? iha nakukun laran, inkonkluzaun, inserteza no dezesperadu hotu. Ita haree so eziste de\u2019it mak impase no krize politika, sosi\u00e1l, ekonomia to\u2019o ba krize org\u00e1nika. Sosiedade tuan sira fahe malu, simu de\u2019it subjetividade ba politika restaura egoizmu buka poder, no teknokrata tabeledor\/a sira aproveita na’ok rikusoin hodi lori m\u00f3s ba \u2018surplus enjoyment\u2019<\/em>. Barak uluk luta no defende idea maubere, no balun agora sai mangame, reaksionariu, revisionariu no kolaborador ba sistema. Ne’e katak, uluk sai Mauberizmu loloos ohin loron fila kotuk no rebelde tot\u00e1l hasoru sistema explorasaun no akumulasaun ne\u2019e.<\/p>\n\n\n\n

Tan ne\u2019e, luta hasoru korrupsaun nu’udar luta otas foun nian ne’eb\u00e9 presiza hatuur sujeitu ida loloos, kualidade idealistiku determinadu, no ne\u2019e katak, hatuur-an nu\u2019udar sujeitu Maubere. Tan ne\u2019e, ba Maubere oan sira labele dukur nafatin, hamriik ba, aprende no organiza-an iha knuuk ida hodi luta hasoru korrupsaun ka eksplorasaun, tanba luta ida ne\u2019e prioridade ba problema komum povu Maubere nian, desde uluk ate agora, iha ne\u2019eb\u00e9 nia rohan seidauk hetan.<\/p>\n\n\n\n

Ba Maubere oan sira iha dever s\u00edviku no sosi\u00e1l ida aas liu atu hariku-an ho liter\u00e1sia no konsientizasaun ida kr\u00edtiku hodi hasoru Sistema injustisa sosi\u00e1l ida ne\u2019e, nune\u2019e de\u2019it mak bele hakuur liu ba neo-obskurantizmu sira no f\u00f3 solusaun ba impase, krize, no miz\u00e9ria.<\/p>\n\n\n\n

Ba otas foun Maubere oan sira nafatin ita dehan, korrupsaun ne\u2019e konsidera hanesan \u2018aktus eksplorasaun, akumulasaum no dominasaun esesivu\u2019<\/em> ne\u2019eb\u00e9 permite husi sistema. Tan ne\u2019e, luta hasoru korrupsaun mak luta ba harahun sistema ne\u2019eb\u00e9 falun tomak Maubere oan sira nia dalan. So harahun, oho no hakoi sistema ne\u2019eb\u00e9 iha hodi troka ho sistema foun mak sei lori esperansa foun ba sosiedade ida sem krize, dezigualidade, dezempregu ki\u2019ak no mukit tomak. So harahun sistema mak sei halakon m\u00f3s hahalok ne\u2019eb\u00e9 konsidera la iha \u00e9tika no mor\u00e1l nian. Hanesan ita nia filozofu boot Zizek dehan \u201cdon\u2019t blame people and their attitudes: the problem is not corruption or greed; the problem is the system that pushes you to be corrupt. The solution is not, \u2018Main Street, not Wall Street\u2019, but to change the system where Main Street cannot function without Wall Street\u201d.<\/em><\/p>\n\n\n\n

Tanba ne\u2019e, sistema mak sai kauza hun loloos husi problema korrupsaun. Sistema mak hahoris kompleksidade oioin ba ema eksplora, akumula no domina rikusoin povu maubere nian iha estadu. Atu troka sistema ne’eba, otas foun tenke organiza-an no luta hasoru. S\u00f3 hamutuk iha forsa ida mak ita bele alkansa vitoria, hanesan palavra de onra tuan ida dehan nune\u2019e \u201cA uni\u00e3o faz a forsa para conquistar<\/em>\u201d.<\/p>\n\n\n\n

Ikus liu, nu\u2019udar testu ba diskusaun nian ita sei diskute kle\u2019an liu tan iha loron seluk ho asuntu ne\u2019eb\u00e9 hanesan. Saudasoes Mauberizmu!<\/p>\n\n\n\n

***(ne’e nudar artigu opiniaun husi hakerek nain, no la tama iha responsabilidade redasaun Neon Metin<\/em><\/strong>)<\/p>\n","protected":false},"excerpt":{"rendered":"

Hakerek nain Higino Guterres Luta hasoru korrupsaun nu\u2019udar luta fenomena sosi\u00e1l ida, la\u2019os foun iha sosiedade mundi\u00e1l no la\u2019os foun liu m\u00f3s iha ist\u00f3ria luta Maubere oan sira nian. Luta ida ne\u2019e nanis no luta permanente ida, iha ne\u2019eb\u00e9 luta ida ne\u2019e nu\u2019udar luta objetivu komum ida hodi lori vitoria ba libertasaun povu. Luta ida […]<\/p>\n","protected":false},"author":2,"featured_media":11498,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[60],"tags":[],"class_list":["post-11497","post","type-post","status-publish","format-standard","has-post-thumbnail","hentry","category-analisa"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t