{"id":11806,"date":"2022-03-03T00:32:41","date_gmt":"2022-03-02T15:32:41","guid":{"rendered":"https:\/\/neonmetin.info\/buletin\/?p=11806"},"modified":"2022-03-03T00:32:43","modified_gmt":"2022-03-02T15:32:43","slug":"tr-indefere-pedidu-husi-reprezentante-kandidatu-pr-no-6-tr-laiha-kompetensia-interpreta-artigu-38","status":"publish","type":"post","link":"https:\/\/neonmetin.info\/buletin\/2022\/03\/03\/tr-indefere-pedidu-husi-reprezentante-kandidatu-pr-no-6-tr-laiha-kompetensia-interpreta-artigu-38\/","title":{"rendered":"TR Indefere Pedidu Husi Reprezentante Kandidatu PR no.6, TR Laiha Kompet\u00e9nsia Interpreta Artigu 38"},"content":{"rendered":"\n

Reportajen Santina Lucia da Costa<\/em><\/strong><\/p>\n\n\n\n

Tribunal Rekursu indeferimentu ka lasimu pedidu husi Reprezentante kandidatu Prezidente Republika N\u00fa. Sorteiu 6, Dr. Francisco Guterres L\u00fa Olo nian, ne\u2019eb\u00e9 husu atu halo interpretasaun ba kandidatu Prezidente Rep\u00fablika seluk, ne\u2019eb\u00e9 uza fotografia rua iha bulletin votu.<\/p>\n\n\n\n

Iha konferensia imprensa ne\u2019e, Reprezentante Leg\u00e1l kandidatu PR N\u00fa. Sorteiu 6. Fernando Gusm\u00e3o hateten iha loron 28 Fevereiru liu ba, Reprezentante kandidatu N\u00fameru sorteiu 6, Dr. Francisco Guterres L\u00fa Olo nian, hatama pedidu ba Tribunal Rekursu para halo interpretasaun ba artigo 38, Lei N\u00fa. 15\/2021, 14 Jullu, Sesta alterasaun lei N\u00fa. 7\/2006, 28 Dezembru lei eleitor\u00e1l ba Prezidente Rep\u00fablika nian.<\/p>\n\n\n\n

\u201cKandidatu balun aleinde uza sira nia fotografia, uza m\u00f3s fotografia husi ema seluk nian, ne\u2019eb\u00e9 la\u2019os kandidatu, s\u00e9 ema kandidatu ida mak uza fotografia kandidatu nian, ho ema la kandidatu sira bele haree katak, ida mai ne\u2019e kandidatu hotu, ida mak problema ida ne\u2019ebe ami koloka, para ita eduka ita nia povu.\u201d<\/em> Hateten reprezentante Leg\u00e1l kandidatu PR N\u00fa. Sorteiu 6. Fernando Gusm\u00e3o iha Sede kandidatu L\u00fa Olo, Luz Clarita, Formoza, Dili, 2\/3.<\/p>\n\n\n\n

Iha Reuniaun Komisaun Nasional Eleisaun (CNE) ne\u2019eb\u00e9 hala\u2019o, lori aprova bulletin votu reprezentante kandidatu nian, hato\u2019o ona hanoin ba iha CNE katak, prosesu eleisaun ba Prezidente Rep\u00fablika ne\u2019e ita atu hili Xefe Estadu ne\u2019eb\u00e9 lidera \u00f3rgaun prezidensi\u00e1l, ne\u2019e nia mesak de\u2019it, katak orgaun singular ka unipessoal, tanba ida ne\u2019e mak ita kestiona kona-ba kandidatu seluk ne\u2019eb\u00e9 hatama fotografia rua iha buletin votu, ne\u2019eb\u00e9 hamosu konfuzaun iha publiku povu eleitor sira.<\/p>\n\n\n\n

Bazeia ba ida ne\u2019e mak ita hato\u2019o rekursu ba iha Tribunal Rekursu husu Tribunal ninia intrepretasaun kona-ba artigo 38, para iha p\u00fabliku aban bainrua, labele iha tan interpretasaun oioin sobre asuntus ida ne\u2019e.<\/p>\n\n\n\n

Fernando akresenta, Iha loron 1 Marsu 2022 Tribunal Rekursu hasai ona sira nia akordaun, desizaun kona-ba pedidu husi reprezentante kandidatu Nu. Sorteiu 6, Dr. Francisco Guterres L\u00fa Olo nian, ne\u2019eb\u00e9 Tribunal Rekursu la simu pedidu ne\u2019eb\u00e9 mak reprezentante kandidatu hatama.<\/p>\n\n\n\n

\u201cMaib\u00e9 ami hakarak esplika katak, la simu la\u2019os tanba razaun ne\u2019eb\u00e9 reprezentante kandidatu aprezenta la iha fundamentu, la\u2019os tanba ida ne\u2019e, maib\u00e9 tanba Tribunal Rekursu laiha kompet\u00e9nsia atu interpreta artigu 38.\u201d <\/em>Hatutan, Fernando Gusm\u00e3o.<\/p>\n\n\n\n

Nia haktuir Redasaun Tribunal Rekursu nian hateten, \u201cN\u00e3o estando atribuida ao Tribunal Recurso, no exercicio das fun\u00e7\u00f5es que lhe est\u00e3o Constituicional e legalmente cometidos no dominio especificos das elei\u00e7\u00f5es, a compet\u00eancia para proceder \u00e0 requerida  \u201c interpreta\u00e7\u00e3o verdadeira \u201d a respetivo da comformidade do boletim de voto aprovado pela CNE, sob proposta de STAE\u201d. Katak, tuir lei eleisaun Prezidente Republika ninian CNE mak iha kompet\u00e9nsia atu aprova Buletin votu no lei eleitoral ne\u2019e la f\u00f3 kompetensia ba Prezidente Republika atu halo intrepretasaun ba iha artigo 38.<\/p>\n\n\n\n

Tribunal Rekursu m\u00f3s deklara katak, iha Konstituisaun Republika N\u00fa.2 artigo 126 f\u00f3 de\u2019it kompetensia ba supremu Tribunal Justisa iha eleisaun iha de\u2019it buat 3. Primeiru, Verifika rekezitus legais sira ba kandidatura Prezidente Republika nian. Segundu, Julga iha ultima instansia kona-ba regularidade no validade aktus prosesu eleitoral nian, tuir lei eleitoral nian. Terseiru, valida no programa rezultadu prosesu eleitoral.<\/p>\n\n\n\n

Nia realsa, Haktuir ba pontu rua ne\u2019eb\u00e9 Tribunal Rekursu temi iha leten, laiha atribuisaun atu halo intrepretasaun kona-ba buletin votu nian, no Tribunal hateten, apenas simu prosesu kandidatura haree rekezitus formais husi kandidatu sira nian ne\u2019e, halo sorteiu depois to\u2019o ikus simu reklamasaun relasiona ho prosesu votasaun.<\/p>\n\n\n\n

Ho nune\u2019e Tribunal Rekursu laiha kompetensia atu julga kona-ba buletin votu no kompetensia ne\u2019e ba Komisaun Nasional Eleisaun (CNE) tuir artigo 38 alineia 2 lei eleitoral ba prezidente Republika.<\/p>\n\n\n\n

\u201cTanba ida ne\u2019e maka reprezentante Kandidatu N\u00fa. Sorteiu 6, husu katak ba futuru ita nia orgaun lejislativu Parlamentu Nasional presiza haree artigo 38 ne\u2019e bele halo alterasaun, f\u00f3 m\u00f3s kompet\u00e9nsia ba iha Tribunal Rekursu para s\u00e9 kandidatu balun liuhusi nia reprezentante la konkorda ho buletin votu ne\u2019e, bele halo rekursu ba iha supremu Tribunal Justisa. Ne\u2019e para akaba ho polemika ne\u2019eb\u00e9 agora la\u2019o dadauk iha ita nia povu.\u201d <\/em>Fernando Gusm\u00e3o rekomenda<\/p>\n","protected":false},"excerpt":{"rendered":"

Reportajen Santina Lucia da Costa Tribunal Rekursu indeferimentu ka lasimu pedidu husi Reprezentante kandidatu Prezidente Republika N\u00fa. Sorteiu 6, Dr. Francisco Guterres L\u00fa Olo nian, ne\u2019eb\u00e9 husu atu halo interpretasaun ba kandidatu Prezidente Rep\u00fablika seluk, ne\u2019eb\u00e9 uza fotografia rua iha bulletin votu. Iha konferensia imprensa ne\u2019e, Reprezentante Leg\u00e1l kandidatu PR N\u00fa. Sorteiu 6. Fernando Gusm\u00e3o […]<\/p>\n","protected":false},"author":2,"featured_media":11807,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-11806","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t