{"id":12047,"date":"2022-03-13T13:11:25","date_gmt":"2022-03-13T04:11:25","guid":{"rendered":"https:\/\/neonmetin.info\/buletin\/?p=12047"},"modified":"2022-03-13T13:11:27","modified_gmt":"2022-03-13T04:11:27","slug":"ecc-organiza-kompetisaun-nasional-spelling-bee-daruak-ba-eskola-sekundaria-14","status":"publish","type":"post","link":"https:\/\/neonmetin.info\/buletin\/2022\/03\/13\/ecc-organiza-kompetisaun-nasional-spelling-bee-daruak-ba-eskola-sekundaria-14\/","title":{"rendered":"ECC Organiza Kompetisaun Nasional Spelling Bee Daruak Ba Eskola Sekund\u00e1ria 14"},"content":{"rendered":"\n

Reportajen Adroaldo ‘Saretukau’<\/em><\/strong><\/p>\n\n\n\n

Grupu English Conversation Course (ECC) organiza kompetisaun nasional Spelling Bee daruak (Kompetisaun Soe Letra) entre estudante sekund\u00e1riu 60 hosi ensinu sekund\u00e1riu p\u00fabliku no privada 14, kompostu hosi eskola 10 iha D\u00edli no haat seluk hosi Baucau, Liqui\u00e7a, Ermera no Aileu, hodi hasa’e estudante sira nia ko\u00f1esimentu ba vokabul\u00e1riu lian Ingl\u00e9s, treian sira nia mentalidade no halo estudante sira ko\u00f1ese malu di’ak liu tan.<\/p>\n\n\n\n

Iha grand final ba kompetisaun Spelling Bee ne’eb\u00e9 hala’o iha Auditorium universidade UNITAL, 12 Marsu ne’e, Prezidente Komisaun Organizadora ba kompetisaun, Jachson Sandro Binsasi hatete, objetivu fundamental hosi kompetisaun ne’e atu treinu estudante sira nia aan no mentalidade atu hamriik iha ema barak nia oin hodi espresa sira nia hanoin, ko\u00f1esimentu no matenek ne’eb\u00e9 durante ne’e sira aprende hodi kompete ho estudante sira seluk.<\/p>\n\n\n\n

Iha parte seluk atu harii estudante sira nia relasaun amizade entre eskola ida ho eskola sira seluk, liu-liu eskola iha D\u00edli no munis\u00edpiu sira, oins\u00e1 sira kria ambiente ida hodi suporta no ajuda malu iha prosesu aprendizajen, la’os de’it iha lian Ingl\u00e9s maib\u00e9 iha esperi\u00e9nsia seluk ne’eb\u00e9 sira bele fahe ba malu entre sira.<\/p>\n\n\n\n

“Spelling Bee ita haree kompetisaun ida ne’eb\u00e9 mak inspira estudante sira atu aprende lia-fuan ka vokabul\u00e1riu iha Ingl\u00e9s, tanba iha spelling bee sira sei hasoru lia-fuan iha Ingl\u00e9s barak ne’eb\u00e9 mak sira nunka rona, lee hetan no nunka hasoru iha sira nia komunikasaun di\u00e1ria, tantu aprende Ingl\u00e9s iha eskola ou aprende Ingl\u00e9s iha fatin seluk. Entaun ida ne’e fo oportunidade ba estudante sira atu hakle’an sira nia ko\u00f1esimentu liu-liu ba iha vokabul\u00e1riu sira iha Ingl\u00e9s. No la’os de’it aprende vokabul\u00e1riu maib\u00e9 tulun mos estudante sira atu oins\u00e1 pron\u00fansia ka lee lia-fuan ne’e ho loloos, standard Ingl\u00e9s nian duni. No oins\u00e1 mak sira mos bele treinu sira nia aan atu spell ka soe letra ba lia-fuan sira ne’eb\u00e9 mak foun,” <\/em>dehan Jachson iha enseramentu grand final kompetisaun Spelling Bee, 12\/03.<\/p>\n\n\n\n

Jachson akresenta, liu hosi kompetisaun ida ne’e mak atu prepara liu tan estudante sekund\u00e1riu sira nia abilidade ne’eb\u00e9 di’ak liu. Ajuda mos estudante sira hakat sai hosi sira nia bareira ne’eb\u00e9 satan sira, “balu dala ruma susar atu ko’alia, moe no difisil espresa sira nia hanoin, sira nia matenek, maib\u00e9 liu hosi ida ne’e hanesan faze preparasaun ida atu treinu sira, atu bele prepara sira nia aan di’ak iha n\u00edvel universit\u00e1riu no bele estuda maka’as liu tan hodi prepara ba sira nia susesu iha futuru iha vida pesoal, vida akademia nomos vida profisional,”<\/em> tenik Jachson.<\/p>\n\n\n\n

Nia hato’o mos mensajen ba estudante sira ne’eb\u00e9 tuir ona kompetisaun no sira ne’eb\u00e9 seidauk partisipa atu labele ta’uk sai hosi sira nia zona konfort\u00e1vel. “Bainhira imi deside dezafia imi nia aan tuir kompetisaun sira ne’e, sei tulun imi atu dezenvolve imi nia aan liu-liu aprende l\u00edngua Ingl\u00e9s ne’eb\u00e9 mak importante mai ita atu susesu iha futuru aban bairua nomos bele hetan oportunidade seluk hanesan bolseiru nomos servisu,” <\/em>Jachson enkoraja.<\/p>\n\n\n\n

Iha parte sorin kontestante hosi Kol\u00e9jiu Paulo VI, Marcelina Ver\u00f3nica Repi ne’eb\u00e9 hetan primeiru lugar ba kompetisaun Spelling Bee ne’e, espresa nia sentimentu haksolok maib\u00e9 nia hato’o katak nia sente ta’uk oi-tuan wainhira tuir kompetisaun ne’e tanba iha lia-fuan 1000 ne’eb\u00e9 sira sei spell (soe letra) aumenta tan preokupasaun eskola halo nia la fiar aan, maib\u00e9 nia haksolok tanba nia konsege to’o duni final.<\/p>\n\n\n\n

“Hosi kompetisaun ne’e ha’u aprende tenki pas\u00e9nsia, lee barak no tenki fiar aan. Buat ida fiar aan ne’e importante tanba la’os fiar ida aat maib\u00e9 fiar dehan ha’u bele, durante iha prosesu ne’e tenki akompa\u00f1a mos ho reza,”<\/em> Marcelina expresa nia sentimentu ba klasifikasaun Primeiru ne’eb\u00e9 nia hetan.<\/p>\n\n\n\n

Nia mos enkoraja nia belun sira seluk katak tuir kompetisaun ne’e labele rende iha dalan klaran, no iha fiar aan katak ha’u bele, tanba buat hotu-hotu pos\u00edvel.<\/p>\n\n\n\n

Nune’e mos estudante Regina Cunha hosi eskola S\u00e3o Jos\u00e9 Oper\u00e1rio espresa nia sentimentu kontente no orgullu tanba bele tuir kompetisaun ne’e maske nia elimina iha primeira ronda, maib\u00e9 liu hosi kompetisaun ne’e nia bele aprende oins\u00e1 ko’alia iha ema barak nia oin ho mentalidade ne’eb\u00e9 di’ak. Nia mos enkoraja ba estudante sira ne’eb\u00e9 atu tuir spelling bee tuir mai tenki estuda, lee barak no prepara mentalidade di’ak.<\/p>\n\n\n\n

Iha sorin seluk juri ba kompetisaun Spelling Bee ne’e, hanesan mos tutor ba grupu ECC, Geordie Fung hosi Embaixada Amerika sente orgullu hodi sai juri ba kompetisaun nasional Spelling Bee ba estudante sekund\u00e1riu ne’eb\u00e9 organiza hosi grupu ECC.<\/p>\n\n\n\n

“Ha’u hanoin katak estudante sira tinan ne’e kapas los, matenek barak no ha’u sente katak sira uza lia-fuan Ingl\u00e9s no komprende spelling ka soe letra di’ak liu ha’u, wainhira ha’u moris iha Austr\u00e1lia no hah\u00fa aprende lian Ingl\u00e9s,”<\/em> Geordie hatete.<\/p>\n\n\n\n

Kompetisaun Nasional daruak ba Spelling Bee ne’e organiza hosi ECC ne’eb\u00e9 hetan suporta hosi Uma Am\u00e9rika at UNTL. Antes ne’e ECC organiza uluk ona kompetisaun Nasional dahuluk ba Spelling Bee iha tinan kotuk.<\/p>\n","protected":false},"excerpt":{"rendered":"

Reportajen Adroaldo ‘Saretukau’ Grupu English Conversation Course (ECC) organiza kompetisaun nasional Spelling Bee daruak (Kompetisaun Soe Letra) entre estudante sekund\u00e1riu 60 hosi ensinu sekund\u00e1riu p\u00fabliku no privada 14, kompostu hosi eskola 10 iha D\u00edli no haat seluk hosi Baucau, Liqui\u00e7a, Ermera no Aileu, hodi hasa’e estudante sira nia ko\u00f1esimentu ba vokabul\u00e1riu lian Ingl\u00e9s, treian sira […]<\/p>\n","protected":false},"author":2,"featured_media":12048,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[61],"tags":[],"class_list":["post-12047","post","type-post","status-publish","format-standard","has-post-thumbnail","hentry","category-edutek"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/12047","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/2"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=12047"}],"version-history":[{"count":1,"href":"https:\/\/neonmetin.info\/buletin\/wp-json\/wp\/v2\/posts\/12047\/revisions"}],"predecessor-version":[{"id":12049,"href":"https:\/\/neonmetin.info\/buletin\/wp-json\/wp\/v2\/posts\/12047\/revisions\/12049"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/12048"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=12047"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=12047"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=12047"}],"curies":[{"name":"wp","href":"https:\/\/api.w.org\/{rel}","templated":true}]}}