{"id":12712,"date":"2022-04-19T16:49:34","date_gmt":"2022-04-19T07:49:34","guid":{"rendered":"https:\/\/neonmetin.info\/buletin\/?p=12712"},"modified":"2022-04-19T16:49:36","modified_gmt":"2022-04-19T07:49:36","slug":"eleitor-nia-lian-ba-kandidatu-pr-tenke-serbisu-ho-governu-hodi-kria-kampu-traballu","status":"publish","type":"post","link":"https:\/\/neonmetin.info\/buletin\/2022\/04\/19\/eleitor-nia-lian-ba-kandidatu-pr-tenke-serbisu-ho-governu-hodi-kria-kampu-traballu\/","title":{"rendered":"Eleit\u00f3r nia Lian Ba Kandidatu PR, Tenke Serbisu Ho Governu Hodi Kria Kampu Traballu"},"content":{"rendered":"\n

Reportajen David da Costa Gusmao<\/em><\/strong><\/p>\n\n\n\n

Eleit\u00f3r sira nia lian bai ha kandidatu Prezidente Rep\u00fablika nain rua, se karik ida maka sai eleitu, no serbisu hamutuk ho estadu no governu, hodi kria kampu traballu ba joven sira tanba iha Timor-Leste joven barak sei dezempregu.<\/p>\n\n\n\n

Eujedio dos Santos Filipe, (34), nu\u2019udar eleitor ida espresa nia hanoin, Timor-Lleste hasoru problema  barak, liuliu iha dezempregu ho ida ne\u2019e lideransa sira presiza tur hamutuk, hodi tau hanoin ida para bele hadia nasaun ne\u2019e ba iha futuru<\/p>\n\n\n\n

\u201cTanba ita nia nasaun emfrenta probelma barak liu iha dezempregu iha seitor edukasaun, saude, infraestrutura, mos sai problema boot iha ita nia nasaun. Entaun ho Prezidente foun sei\u00a0 koopera no serbisu hamutuk ho governu, atu hadia problema sira ne\u2019e liuliu iha edukasaun, saude, infraestrutura no kria kampu traballu, tanba kada tinan joven sempre aumenta\u00a0 entaun dezempregu m\u00f3s sempre aumenta ba beibeik\u201d,<\/em> dehan Eujedio hafoin ezerse nia diretu votus iha sentru votasaun eskola SD fomentu II, Tersa 19\/04.<\/p>\n\n\n\n

Iha fatin hanesan elitor Delta dos Reis (27), Timor-Leste ne\u2019e emfrenta hela problema sira hanesan dezempregu, edukasaun, saude, infraestrutura, no povu barak maka sei sura maske ukun an ona iha tinasn 20 ona.<\/p>\n\n\n\n

\u201cHau haree Timor emprenta hela problema barak, hanesan dezempregu, laiha kampu de traballho, edukasaun, saude no iha area rural\u00a0 mos sei preokupa ba estrada, bee moos, ema barak maka uma laiha no hahan menus, maibe hau espera ita nia Prezidente foun bele serbisu makaas ho governu sira, atu bele hadia povu nia preokupasaun sira ne\u2019e,\u201d<\/em> nia dehan.<\/p>\n\n\n\n

Alende ne\u2019e m\u00f3s eleitor Deonizio Arjenio Abel Veigas (25) dehan problema sira ne\u2019eb\u00e9 maka Timor hasoru mak lideransa sira la hamutuk,  la hanoin ba povu nia moris no lideransa sira gosta maka hat\u00fan malu, bainhira iha sira nia kampa\u00f1a sira promote dehan kria kampu traballu maibe sai tiha Prezidente la kumpre sira nia promesa.<\/p>\n\n\n\n

\u201cIha Timor ita haree joven barak maka sai dezemprigu tanba laiha kampu de traballu, ho ida ne\u2019e hau nia hakarak governu tenke presiza kria kampu de traballu ba jovens sira atu bele buka sira nia moris. Nune\u2019e mos prezidente m\u00f3s presiza konvense governu hodi bele investe iha edusaun atu nune\u2019e estudante sira m\u00f3s iha kulaidade ne\u2019eb\u00e9 diak, saude, imfraestrutura sira,\u201d<\/em> nia dehan.<\/p>\n\n\n\n

Eleitor Deolinda Marsal Belo (24) espresa nia opiniaun katak,  Timor ne\u2019e konsidera hanesan nasaun foun ho ida ne\u2019e buat barka mak nasaun ne\u2019e presiza hadia, maka kualidade edukasaun, kualidade saude, asesu ba iha estrade, bee moos , eletrisidade tanba haree povu barak maka sei hasoru problema hirak ne\u2019e.<\/p>\n\n\n\n

Hau hanoin,  ita nasaun foun ema hot-hotu ninia interese ema no lider balun no politiku balun  interse  ba koletivu ne\u2019e menus tebe-tebes maibe  sira nia interese peso\u00e1l no familiarizmu ne\u2019e makaas, ne\u2019eb\u00e9 hau hanoin buat hirak ne\u2019e ita presiza hadia, espera katak kandidatu prezidente foun tian ida ne\u2019e nia, presiza haree buat sira ne\u2019e, maske ne\u2019e laos Prezidente nia serbisu maibe hau espera katak ita nia Prezidente ne\u2019ebe eleitu, uza nia kompet\u00e9nsia atu bele  serbisu ho estadu no governu atu bele hadia  problema iha rai laran,\u201d nia esplika.<\/p>\n\n\n\n

Nune\u2019e Deolinda dehan iha Timor-Leste ne\u2019e n\u00fameru dezempregu ne\u2019e barak tebe-tebes, no fo impaktu ba jovens sira no joven sira ba hotu rai liur. Iha kampa\u00f1a kandidatu sira promesa katak sei halo kopera ho rai liur hodi haruka joven ba serbisu iha ne\u2019eb\u00e1, \u201ctuir hau nia hanoin lolos ne\u2019e sira buka razaun tanba sa maka ema ba rai liur barak loos? Ita fila fali bao in tanba dezempregu barak,, se dezempregu barak entaun sira kria kampu de traballu ba ita nia ema sira ne\u2019e,\u201d.<\/p>\n\n\n\n

\u201cHau espera katak kandidatu nain rua ida ne\u2019eb\u00e9 maka eleitu ba Prezidente iha per\u00edodu 2022-2027, sira bele sai aman ne\u2019eb\u00e9 maka diak ba nasaun\u00a0 no responsabilidade ba povu nia moris no hametin estabilidade no paz\u00a0 iha ita nia nasaun ida\u201d,<\/em> nia hato\u2019o nia esperansa<\/p>\n","protected":false},"excerpt":{"rendered":"

Reportajen David da Costa Gusmao Eleit\u00f3r sira nia lian bai ha kandidatu Prezidente Rep\u00fablika nain rua, se karik ida maka sai eleitu, no serbisu hamutuk ho estadu no governu, hodi kria kampu traballu ba joven sira tanba iha Timor-Leste joven barak sei dezempregu. Eujedio dos Santos Filipe, (34), nu\u2019udar eleitor ida espresa nia hanoin, Timor-Lleste […]<\/p>\n","protected":false},"author":2,"featured_media":12713,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-12712","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t