{"id":12878,"date":"2022-05-04T11:51:15","date_gmt":"2022-05-04T02:51:15","guid":{"rendered":"https:\/\/neonmetin.info\/buletin\/?p=12878"},"modified":"2022-05-04T11:51:17","modified_gmt":"2022-05-04T02:51:17","slug":"apresia-ba-pntl-kaptura-ona-grupu-deskonesidu-ameasa-komunidade","status":"publish","type":"post","link":"https:\/\/neonmetin.info\/buletin\/2022\/05\/04\/apresia-ba-pntl-kaptura-ona-grupu-deskonesidu-ameasa-komunidade\/","title":{"rendered":"Apresia Ba PNTL Kaptura Ona Grupu Desko\u00f1esidu Ameasa Komunidade"},"content":{"rendered":"\n

Hakerek nain Jamila Lasai<\/strong><\/em><\/p>\n\n\n\n

Introdusaun<\/strong><\/p>\n\n\n\n

Nasaun Rep\u00fablika Demokr\u00e1tika Timor-Leste (RDTL) hetan ninia Proklamasaun iha loron 28 fulan Novembru tinan 1975, hafoin Restaura nia Independ\u00e9nsia iha loron 20 fulan Maiu tinan 2002 liub\u00e1. No agora dadaun Timor-Leste ninia Independ\u00e9nsia ba tinan rua nulu ona (XX). Timor-Leste iha nia orgaun soberano haat ne\u2019ebe hakerek ona iha ita nia Kostituisaun RDTL Artigu 67 maka hanesan Prezidente Rep\u00fablika, Parlamentu Nasional, Governu no Tribunal. No mos ita iha nia Seguransa no Defesa rai laran, ne\u2019eb\u00e9 hanesan FALINTIL-Forsa Defesa Timor-Leste (F-FDTL) no Pol\u00edsia Nasional Timor-Leste (PNTL), Unidade Pol\u00edsia Maritima (UPM), Unidade Patrullamentu Fronteira (UPF), Batallaun Ordem P\u00fablica (BOP) no Forsa Seguransa sira seluk tan. Timor-Leste hanesan Nasaun ida ne\u2019ebe foin envolve a\u2019an iha Global Mundial ne\u2019ebe iha dezenvolvimentu bo\u2019ot ba area Teknologia, Ekonomiku mundial no Politiku mundial. Hanesan ita hetene ona katak ita nia Nasaun sei iha frakeza ba buat sira ne\u2019e hotu ne\u2019ebe sei presiza nasaun sira seluk nia tulun ba iha area sira ne\u2019eb\u00e1.  <\/p>\n\n\n\n

Iha kada tinan lima sempre hala\u2019o Eleisaun atu hili Prezidente Foun ba tinan lima tuir mai hodi ukun Nasaun ka hodi dezenvolve Nasaun ne\u2019e ba oin. Antes atu hala\u2019o Eleisaun kada kandidatu ba Prezidente foun sira sei hala\u2019o kampa\u00f1ia iha kada Munisipiu. Objetivu husi kampa\u00f1ia ne\u2019e mak atu hatudu kandidatu sira nia pontesial iha parte politiku rai laran no rai liur, no hatudu sira nia projetu dezenvolvimentu rai laran nian durante tinan lima mai. Iha  loron 19 Marsu 2022 Nasaun Timor-Leste hala\u2019o nia Eleisaun ba dala lima ne\u2019ebe mai ho kandidatu Prezidente foun hamutuk sanulu-resin-neen (16), No mai ho kandidatu na\u2019in rua mak hetan porsentajen a\u2019as maka kandidatu Dr. Jos\u00e9 Ramos Horta ho total votus 206,182 (45.86%) no kandidatu Dr. Francisco Guterres Lu\u2019Olo ho  toal votus 100,497 (22.35%), no ikus mai hamosu Eleisaun ba daruak. Ne\u2019ebe hala\u2019o iha loron 19 Abril 2022, kompete husi Dr. Jos\u00e9 Ramos Horta  no Dr. Francisco Guterres \u2018L\u00fa-Olo\u2019, liu husi Eleisaun daruak ne\u2019e Dr. L\u00fa-Olo ne\u2019eb\u00e9 maka derrota iha eleisaun segunda volta ne\u2019e ho votus total 242.939 (37,9%), no Dr. Jos\u00e9 Ramos Horta  ne\u2019ebe hetan vit\u00f3ria ho total votus 398.028 (62,1%).<\/p>\n\n\n\n

Iha sorin seluk, liu husi rezultadu segunda volta ne\u2019e f\u00f3 impaktu ba parte balun husi militante partidu Fretilin ne\u2019eb\u00e9 la satisfaz ho rezultadu segunda volta ida ne\u2019e, tanba partidu Fretilin derrota iha Munisipiu Lospalos no Manatuto ikus mai hamosu asaun krime husi oknum militante partidu Fretilin balun ne\u2019eb\u00e9 la simu ho rezultadu ne\u2019e. Asaun ne\u2019eb\u00e9 grupo desko\u00f1esidu husi militante partidu Fretilin halo maka hanesan: ba asalta Bus Manatuto no Bus Lospalos iha dalan area diresaun Hera nian tesik ba Munisipiu Manatuto ho arma branka ne\u2019eb\u00e9 sira uza hodi suporta ba  iha sira nia  asaun ne\u2019eb\u00e9 sira halo. Asaun krime ne\u2019eb\u00e9 grupo desko\u00f1esidu husi militante partidu Fretilin halo, hafo\u2019er ona naran partidu Fretilin nian, kontra ona Direitus Humanus tanba ema hotu-hotu iha direitu ba  movimentasaun no sirkunt\u00e1sia ba mai, no iha ita nia Konstituisaun RDTL hakerek ona iha Artigo 42. No. 2 (Liberdade Reuniaun no Manifestasaun nian) katak reko\u00f1ese ema  hotu-hotu nia direitu ba manifestasaun tuir lei haruka. No Artigo 46. No.1 (Direitu ba Partisipasaun iha Pol\u00edtiku) katak sidadaun hotu-hotu  iha direitu atu partisipa, hosi nia rasik eh liu hosi reprezentante ne\u2019ebe hili tiha ona tuir Demokrasia, ba vida pol\u00edtika no ba asuntu p\u00fabliku nian iha rai laran. Katak la iha ema ida ka s\u00e9 de\u2019it mak atu viola ema seluk nia direitu ba partisipa iha pol\u00edtika tanba ema  hotu-hotu iha direitu no liberdade hanesan. No asaun  ne\u2019eb\u00e9 sira halo la\u2019os de\u2019it kontra  ita nia konstituisaun RDTL maibe kontra m\u00f3s  ita nia Lei oan sira hanesan iha Lei K\u00f3digu Pen\u00e1l Timor-Leste ne\u2019ebe preve ona iha Artigu 157 kona-b\u00e1 Ameasa, No.1 Se maka ho meiu naran ida, ameasa ema seluk ho krime ida to\u2019o halo nia tauk ka la hakmatek ka prejudika nia liberdade atu determina an sei hetan pena prizaun tinan 2 ka multa. No. 2. Atu hala\u2019o prosedimentu kriminal tenke iha keixa.<\/em><\/p>\n\n\n\n

Iha parte seluk, iha ne\u2019e Hakerek Nain hakarak agradese no apresia ba Seguransa no Defesa Nasional sira liu-liu ba parte Pol\u00edsia Nasional Timor-Leste (PNTL) ne\u2019ebe foti desizaun lais hodi kaptura tiha ona suspeitu sira ne\u2019ebe komete aktu preparatoriu ba krime ne\u2019e. Liu husi asaun ne\u2019eb\u00e9 Pol\u00edsia Nasional Timor-Leste halo, bele ajuda ona sidadaun sira liu-liu ba  sira ne\u2019ebe iha parte Manatuto no Lospalos tanba asegura ona  sira nia vida no seguransa ba  a\u2019an rasik. Apresia  ba Seguransa no Defesa Nasaional sira espesialmente ba Polisia Nasional Timor-Leste ne\u2019ebe servisu maka\u2019as hodi kaptura ona suspeitu sira no salva komunidade sira nia moris liu-liu komunidade Manatuto no Lospalos em jeral iha Timor-Leste.<\/p>\n\n\n\n

Konklusaun<\/strong><\/p>\n\n\n\n

Informasaun sira ne\u2019ebe ita hetan ka rona husi Sosial M\u00e9dia Facebook, WA, kona-b\u00e1 grupo desko\u00f1esidu halo aktu preparatoriu ba krime sai hanesan evid\u00e9nsia ida mai ita hotu. Atu ita bele asegura ita nia a\u2019an husi ameasa sira ne\u2019eb\u00e9 f\u00f3 impaktu ba ita nia vida. No sai hanesan sasukat ida mai ita hodi bele kuidadu liu tan wainhira atu foti desizaun ida tenke hanoin no tetu didi\u2019ak ba ita nia moris, tanba desizaun ne\u2019eb\u00e9 ita foti bele m\u00f3s  f\u00f3  perigu ba ita nia a\u2019an rasik no ba ema seluk. Tanba asaun ka desizaun sira ne\u2019eb\u00e9 ita halo bele f\u00f3 perigu ba ema seluk liu-liu ba estudante sira, Inan feto-Aman sira no mos ba labarik ki\u2019ik sira.<\/p>\n\n\n\n

Rekomendasaun<\/strong><\/p>\n\n\n\n

  1. Ba Komandante Jeral PNTL atu konsidera informasaun sira ne\u2019ebe iha sosial media sai  hanesan pontus importante ida ba komunidade sira hodi hatene rai laran nia problema.<\/li>
  2. Husu ba Seguransa no Defesa Nasional sira nafatin kontralasaun ba problema sira ne\u2019eb\u00e9 akontese iha rai laran, labele kontrola de\u2019it wainhira iha problema maibe kontrola  atu nune\u2019e bele hamenus  problema  iha rai laran.<\/li>
  3. Husu ba  Joventude sira  labele kria problema ba ita nia nasaun, maib\u00e9 tenke sai seguransa ba ita nia a\u2019an no ita nia nasaun. No m\u00f3s ba Joventude sira labele ezize de\u2019it direitu ba ita nia nasaun maibe ita mos tenke hetene ita nia dever nu\u2019udar Joventude rai laran, saida maka ita atu halo ba  ita nia nasaun.<\/li>
  4. Ba Joventude sira ne\u2019ebe envolve a\u2019an iha Grupu Arte-Marsiais, labele kria problema maib\u00e9 tenke kria Unidade Nasional ba ita  nia nasaun, maske diferentes grupos maib\u00e9 ita ida de\u2019it.<\/li>
  5. Ba Komunidade tenke hatene lolo\u2019os informasaun antes atu passa fali ba ema seluk, tanba informasaun ne\u2019eb\u00e9 la lo\u2019os bele hamosu impaktu ba ema seluk.<\/li><\/ol>\n\n\n\n

    Referensia<\/strong><\/p>\n\n\n\n

    1. Foti informasaun husi sosial media<\/li>
    2. Foti m\u00f3s artigu balun husi Kostituisaun RDTL no K\u00f3digu P\u00e9nal Timor-Leste<\/li>
    3. Foti m\u00f3s husi hanoin rasik \u00a0<\/li>
    4. Akumula hanoin balu husi Kolega sira.<\/li><\/ol>\n\n\n\n

      *(Hakerek Na\u2019in: <\/strong>EstudanteUniversidade da Paz-(UNPAZ), Faculdade de Direito, hala\u2019o Estaziu iha Organizasaun Naun Govermental (ONG) Fundasaun Mahein (FM) ou e-mail: lasaijamila@gmail.com<\/a>)<\/em><\/p>\n","protected":false},"excerpt":{"rendered":"

      Hakerek nain Jamila Lasai Introdusaun Nasaun Rep\u00fablika Demokr\u00e1tika Timor-Leste (RDTL) hetan ninia Proklamasaun iha loron 28 fulan Novembru tinan 1975, hafoin Restaura nia Independ\u00e9nsia iha loron 20 fulan Maiu tinan 2002 liub\u00e1. No agora dadaun Timor-Leste ninia Independ\u00e9nsia ba tinan rua nulu ona (XX). Timor-Leste iha nia orgaun soberano haat ne\u2019ebe hakerek ona iha ita […]<\/p>\n","protected":false},"author":2,"featured_media":12879,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-12878","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t