Companheiro Rogerio Pires de Piedade \u201cMacMahon\u201d moris iha Ermera Vila, Municipio Ermera, iha loron 26 Fevereiru tinan 1966, husi inan Maria dos Anjos Pires no aman Angelino de Piedade. Companheiro Rogerio Pires de Piedade, ka baibain bolu ho naran uma nian \u201cAceli\u201d, maka oan mane boot husi maun-alin nain ne\u2019en (feto rua, mane hat). Husi maun-alin nain ne\u2019en ne\u2019e, feto ida no mane nain rua, inklui Companheiro Aceli MacMahon maka husik ona ita. Companheiro Rogerio Pires de Piedade hakotu i\u2019is iha Hospital Nacional Guido Valadares, Dili, iha tuku 2 dader, loron 6 Julho 2022, tamb\u00e1 komplikasaun moras fuan no pulmaun, no husik hela alin feto ida no alin mane nain rua.<\/p>\n\n\n\n
Wainhira sei ki\u2019ik, Companheiro Aceli MacMahon hela husi munic\u00edpio ida ba munic\u00edpio seluk iha Timor-Leste laran, inklui Ermera, Dili no Viqueque, tamb\u00e1 tuir ninia aman ne\u2019ebe hanorin hanesan professor iskola primaria nian.<\/p>\n\n\n\n
Companheiro Aceli MacMahon halo hotu nia Edukasaun primaria husi SD 8, Dili, iha tinan 1983. Iha tinan ne\u2019e nia kontinua nia istudu pre-sekundaria iha SMPN I Dili, no remata iha tinan 1986. Hafoin halo hotu nia istudu pre-sekundaria, Companheiro Aceli MacMahon kontinua nia istudu sekundaria iha SMA N I, Becora, Dili, no remata iha tinan 1989.<\/p>\n\n\n\n
Hotu tiha ninia istudu sekundaria, Companheiro Aceli MacMahon ba istuda iha Yogyakarta, Indonesia. Hamutuk ho Timor-oan nain tolu seluk, Companheiro Aceli MacMahon ba istuda jestaun turismo iha Akademi Pariwisata Yogyakarta, iha sidade Yograkarta. Nudar joven ida ne\u2019ebe kritiku, Companheiro Aceli MacMahon hahu\u2019u ona hamosu diskontentimentu iha ninia n\u00e9on kona-ba povo nia moris iha hanehan nia okos, molok nia sai ba istuda iha Indonesia. Ninia istudu iha Yogyakarta loke oportunidade ba Companheiro Aceli MacMahon atu kunhese estudante nasionalista Timor-oan sira seluk, inklui estudante sira husi Denpasar, Bali, ne\u2019ebe involve uluk ona iha movimentu estudantil ne\u2019ebe hanaran Resist\u00eancia Nacional dos Estudantes de Timor-Leste (RENETIL). Husi ninia kontaktu ho estudante nasionalista sira ne\u2019e maka Companheiro Aceli mos tama RENETIL iha tinan 1989, no adopta naran funu nian \u201cMacMahon\u201d. Companheiro MacMahon hanesan ema ida husi ema nain ne\u2019en primeiru husi sidade Yogyakarta ne\u2019ebe sai membro RENETIL, no iha sidade ne\u2019e sira hari\u2019i Regi\u00e3o Kalohan, katak Kalan Loron Hanoin. Regi\u00e3o Kalohan ne\u2019e ikus mai nakfilak ba Unidade Estrat\u00e9gica da Resist\u00eancia (UNER) Kalohan.<\/p>\n\n\n\n
Iha Regi\u00e3o\/UNER Kalohan ne\u2019e, Companheiro MacMahon simu responsabilidade nudar Chefe Departamento Informa\u00e7\u00e3o e Seguran\u00e7a (INFORSEG). Ho ninia profisiensia iha Ingles, Companheiro MacMahon mos simu kn\u2019ar atu tradus dokumentus, notisia no recortes husi Ingles. Iha 19 Novembro tinan 1991, nudar parte husi operasaun \u201cAurora\u201d, no atu protesta Massacre Santa Cruz 12 Novembro 1991, Companheiro MacMahon hamutuk ho estudantes nacionalistas no militante RENETIL sira seluk ba halao demonstrasaun iha Jakarta, Indonesia. Husi partisipasaun iha aksaun ida ne\u2019e, Companheiro MacMahon hetan kaptura no kastigu semana rua. Maiske sai ona husi kadeia, Companheiro MacMahon, hanesan mos Companheiro sira seluk ne\u2019ebe partisipa iha aksaun Aurora ne\u2019e, kontinua moris iha perseguisaun nia laran.<\/p>\n\n\n\n
Hafoin remata ninia estudu no fila hikas mai Timor-Leste iha tinan 1996, Compaheiro MacMahon kontinua aktivu iha luta libertasaun nia hamutuk ho membro RENETIL sira seluk iha Dire\u00e7\u00e3o Geral da RENETIL em Timor-Leste (DIGERTIL). Durante kampanye ba Konsulta Popular ka Referendum 1999, Companheiro MacMahon halo involve iha kampanye real ka kampanye door-to-door iha Municipio Ainaro. Tamba ninia partisipasaun iha kampanye ne\u2019e, Milisia sira buka atu halo a\u2019at nia, to\u2019o ikus nia ba salva a\u2019an iha Igreja Ainaro.<\/p>\n\n\n\n
Maiske nia mos iha partisipasaun markante iha prosesu liberta\u00e7\u00e3o da p\u00e1tria, Companheiro MacMahon la iha ambisaun atu ba okupa pozisaun governamental ruma hafoin Timor-Leste ukun rasik a\u2019an. Durante tempu balun, Companheiro MacMahon halao servisu hanesan staf husi ONG Japones ida. Liu tiha ida ne\u2019e, Companheiro MacMahon kontinua sustenta nia moris ho buat ida ne\u2019ebe nia gosta duni atu halo, maka fahe ninia matenek ho maluk sira seluk. Companheiro MacMahon fo kursu Ingl\u00eas privadu ba maluk sira ne\u2019ebe hakarak apreende Ingl\u00eas.<\/p>\n\n\n\n
Ema ne\u2019ebe la kunhese ka foin hasoru Companheiro MacMahon bele hanoin katak nia ne\u2019e ema siak ten ida, tamb\u00e1 nia la dun koalia barak no hare\u2019e ba hanesan oin buis hela deit. Ninia oin ne\u2019ebe hare\u2019e hanesan buis hela deit ne\u2019e to\u2019o halo soldadu Indonesia balun mos tauk nia. Durante interrogasaun wainhira Polisia Indonesia kaptura sira iha Novembru 1991, soldado ida komenta nune\u2019e: \u201cHau mak hasoru nia mesak deit iha dalan klot ruma hau sei halai deit!\u201d. Maibe ba ninia maluk, amigos no companheiro sira, Aceli ne\u2019e hanesan ema ne\u2019ebe gosta halo komik. Liafuan s\u00e1 deit maka nia hasai sei halo ema hamnasa.<\/p>\n\n\n\n
Companheiro MacMahon nia mate ne\u2019e husik hela fatin mamuk ida iha fam\u00edlia no amigu sira nia fuan, no hanesan lakon boot ida mai RENETIL. Ninia sakrifisiu no dedikasaun ba rai Timor-Leste sei sai ezemplu ida ba ninia Companheiro sira iha RENETIL atu halo tuir no hatutan. Ninia hahalok midar sei rai metin iha memoria husi ninia fam\u00edlia, amigo sira no nia maun-alin sira iha RENETIL.<\/p>\n\n\n\n
Adeus Companheiro MACMAHON! <\/strong><\/strong><\/p>\n","protected":false},"excerpt":{"rendered":" Companheiro Rogerio Pires de Piedade \u201cMacMahon\u201d moris iha Ermera Vila, Municipio Ermera, iha loron 26 Fevereiru tinan 1966, husi inan Maria dos Anjos Pires no aman Angelino de Piedade. Companheiro Rogerio Pires de Piedade, ka baibain bolu ho naran uma nian \u201cAceli\u201d, maka oan mane boot husi maun-alin nain ne\u2019en (feto rua, mane hat). Husi […]<\/p>\n","protected":false},"author":3,"featured_media":13657,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[30],"tags":[],"class_list":["post-13656","post","type-post","status-publish","format-standard","has-post-thumbnail","hentry","category-memoria"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/13656","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/3"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=13656"}],"version-history":[{"count":1,"href":"https:\/\/neonmetin.info\/buletin\/wp-json\/wp\/v2\/posts\/13656\/revisions"}],"predecessor-version":[{"id":13658,"href":"https:\/\/neonmetin.info\/buletin\/wp-json\/wp\/v2\/posts\/13656\/revisions\/13658"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/13657"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=13656"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=13656"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=13656"}],"curies":[{"name":"wp","href":"https:\/\/api.w.org\/{rel}","templated":true}]}}