{"id":13976,"date":"2022-10-10T20:54:48","date_gmt":"2022-10-10T11:54:48","guid":{"rendered":"https:\/\/neonmetin.info\/buletin\/?p=13976"},"modified":"2022-10-10T20:54:50","modified_gmt":"2022-10-10T11:54:50","slug":"vitima-ida-hetan-ona-diskulpa-la-iha-ona-proseu-tribunal-santa-se-iha-ona-desizaun-ba-bispo-belo","status":"publish","type":"post","link":"https:\/\/neonmetin.info\/buletin\/2022\/10\/10\/vitima-ida-hetan-ona-diskulpa-la-iha-ona-proseu-tribunal-santa-se-iha-ona-desizaun-ba-bispo-belo\/","title":{"rendered":"Vitima Ida Hetan ona Diskulpa, La iha Ona Proseu Tribunal, Santa Se Iha Ona Desizaun ba Bispo Belo"},"content":{"rendered":"\n

Reprezentate Vatikan nian iha Dili, Monseigneur Marco Sprizzi hato\u2019o ba publik liu hosi kanal televizaun RTTL horiseik (4\/10) kona ba kazu Amo Belo nian husu atu publik Timorense simu desizaun mak Santa Se hasai. Neon Metin konsege koalia ho vitima ida no nia dehan katak hetan tiha ona diskulpa hosi Amo Belo tinan hirak liuba.<\/p>\n\n\n\n

Bainhira hetan publikasaun hosi media Olanda nian, De Groene<\/em>, Ekipa Neon Metin halo esforsu atu husu tuir ema sira mak diskonfia nudar vitima ba hahalok Amo Belo nian. Neon Metin konsege hetan duni fontes nain ida, nia konsidera nia an nudar vitima ida. Hafoin halo aproximasaun klean, vitimia hakarak koalia maibe lakohi koalia buat hotu-hotu mak akontese ona ba ninia-an no dehan deit hau hetan ona diskulpa hosi amo Belo.<\/p>\n\n\n\n

\u201cHau lakohi koalia tan ona kona ba buat ne\u2019e. Amo Belo hasoru ona hau tinan hirak liuba no nia husu ona diskulpa. Momentu akontese ne\u2019e hau la iha kbi\u2019it atu rejeita tau hau sei ki\u2019ik. Liu hosi email hau hatete nune\u2019e ba Amo Belo. Hau entrega ona saida mak akontese mai hau ba Nai Maromak,\u201d Fontes mak lakohi Neon Metin publika nia identidade ne\u2019e hato\u2019o (5\/10).<\/em><\/p>\n\n\n\n

Diskusaun publik  nian kontinua mosu hafoin publikasaun media De Groene<\/em> Olanda nian ida. Iha publik mos kontinua mosu diskusaun ne\u2019ebe kahur ho sentimentu la fiar ba kazu ne\u2019e no mos defende Amo Belo nia hahalok diak sira. Notisia De Groene<\/em> nian ne\u2019e mak lori Santa Se nia Departementu Imprensa anunsia katak Santa Se hatun tiha ona sansaun disiplinaria ba Bispo Belo tinan rua liuba.<\/p>\n\n\n\n

Marco Sprizzi, Reprezentante Vatikanu nian iha Dili esplika ba publik katak Kongregasaun ba Dutrina Fiar nian simu alegasaun sira kona ba amo Belo nia hahalok tinan 2019 no iha tinan ida nia laran Santa Se hatun kedas sansaun hafoin halo tiha investigasaun durante tinan ida nia laran.<\/p>\n\n\n\n

\u201cIta laos iha nivel akuzasaun, ita iha ona nivel desizaun, no Bispo Belo aseita ona\u201d, Sprizzi hatete.<\/em><\/p>\n\n\n\n

\u201cAmi la halo tan prosesu ba tribunal. Laos mos hosi Estadu, tan krimi ida ne\u2019e  halo liu tiha ona (expired), akontese tiha ona tinan 20 liuba, hosi parte Santa Se nian julgamentu halo tiha ona no desidi tiha ona. Desizaun sira ne\u2019e aseita tiha ona hosi Bispo Belo, no ba ida ne\u2019e ita tenke respeitu Bispo no respeitu desizaun Vatikanu nian\u201d, Sprizzi hatutan.<\/em><\/p>\n\n\n\n

\u201cRestrisaun sira ne\u2019e todan uituan, tanba kazu ida ne\u2019e delikadu, no krimi ne\u2019e seriu. Amo Belo simu medida restrisaun formalmente, explisitamente, no ofisialmente.\u201d<\/em> Sprizzi mos hatutan tan.<\/p>\n\n\n\n

Nia husu ba sarani Katolik Timorense nian ne\u2019ebe fiar tebes ba Amo Papa, ba Vatikanu, atu halo tuir matadalan Vatinanu nian, hanesan Amo Belo halo tuir ona matadalan Vatikanu nian. \u201cLa los se Amo Belo aseita ona no nia maluk fiar nain sira lae. Ita tenke aseita malu tan ita hotu membru igreja nian, fiar metin ba Aman Maromak\u201d, Sprizzi halo klaru liutan.<\/em> <\/p>\n\n\n\n

Iha Vatican News  (30\/09) Vatikanu nia Diretur Imprensa Nian, Matteo Bruni, hatete katak Kongregasaun ba Dutrina Fiar nian involve tiha ona iha investigasaun ba kazu ida ne\u2019e hosi kedas 2019. Sira hetan informasaun sira relasiona ho Amo Belo nia hahalok. Hosi tempu ne\u2019eba kedas Kongregasaun impoin restrisaun ba movimentu Amo Belo nian. Restrisaun ne\u2019e inklui limiti Amo Belo atu halao atividade pastoral, labele kontaktu ho labarik no labele iha kontaktu ho Timor-leste. Bruni hatete katak Amo Belo aseita ho restrisaun ne\u2019ebe Vatikanu aplika ba nia.<\/p>\n","protected":false},"excerpt":{"rendered":"

Reprezentate Vatikan nian iha Dili, Monseigneur Marco Sprizzi hato\u2019o ba publik liu hosi kanal televizaun RTTL horiseik (4\/10) kona ba kazu Amo Belo nian husu atu publik Timorense simu desizaun mak Santa Se hasai. Neon Metin konsege koalia ho vitima ida no nia dehan katak hetan tiha ona diskulpa hosi Amo Belo tinan hirak liuba. […]<\/p>\n","protected":false},"author":3,"featured_media":13977,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[28,63],"tags":[],"class_list":["post-13976","post","type-post","status-publish","format-standard","has-post-thumbnail","hentry","category-justisa","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t