{"id":14090,"date":"2022-10-17T18:03:37","date_gmt":"2022-10-17T09:03:37","guid":{"rendered":"https:\/\/neonmetin.info\/buletin\/?p=14090"},"modified":"2022-10-17T18:03:39","modified_gmt":"2022-10-17T09:03:39","slug":"livraria-online-opsaun-hodi-tulun-foin-sae-sira","status":"publish","type":"post","link":"https:\/\/neonmetin.info\/buletin\/2022\/10\/17\/livraria-online-opsaun-hodi-tulun-foin-sae-sira\/","title":{"rendered":"Livraria Online, Opsaun Hodi Tulun Foin-Sa\u2019e Sira"},"content":{"rendered":"\n<p class=\"wp-block-paragraph\"><strong><em>By Gerson J. J. Filipe Ximenes &amp; Nenia A. Soares Alves<\/em><\/strong><\/p>\n\n\n\n<p class=\"wp-block-paragraph\"><em>\u201cLivru mak janela mundu nian\u201d;<\/em> Espresaun ida-ne\u2019e nu\u2019udar prins\u00edpiu ida ba ema hotu ne\u2019eb\u00e9 hadomi leitura, nune\u2019e m\u00f3s ho Gerson Jo\u00e3o de Jesus Filipe Ximenes, ne\u2019eb\u00e9 hala\u2019o neg\u00f3siu livraria online. Foin-sa\u2019e Timor-oan ne\u2019e moris iha Baukau, loron-02 fulan-janeiru tinan 1994. Oan daruak husi maun-alin na\u2019in-neen. Gerson nia aman-inan sira mak Jo\u00e3o de Jesus Ribeiro Ximenes no Angelina Filipe Ximenes.<\/p>\n\n\n\n<p class=\"wp-block-paragraph\">Bainhira sei ki\u2019ik, Gerson iha mehi atu hala\u2019o servisu nu\u2019udar produt\u00f3r aimoruk ka loke ind\u00fastria farmas\u00e9utika iha Baukau Vila, hodi tulun ema sira ne\u2019eb\u00e9 moras. Maibe ohin loron, Gerson tulun maluk Timor-oan sira liuhusi meiu seluk mak neg\u00f3siu livraria online ne\u2019eb\u00e9 nia hanaran \u2018<em>I Learn Bookstore<\/em>\u2019.<\/p>\n\n\n\n<p class=\"wp-block-paragraph\">Gerson hili naran \u2018<em>I Learn Bookstore<\/em>\u2019 tanba nia hakarak atu ho prezensa livraria ida-ne\u2019e nian, bele konvida foin-sa\u2019e sira atu hatene no partilla m\u00f3s ba ema seluk import\u00e1nsia leitura ba ema ida nia moris; tanba Gerson hatene katak bainhira ema ida lee, nia aprende; Nia lee barak karik, nia sei hatene buat barak liu tan.<\/p>\n\n\n\n<p class=\"wp-block-paragraph\">Neg\u00f3siu ne\u2019e eziste tanba iha momentu importante rua. Dahuluk, iha tinan 2019 bainhira Gerson hah\u00fa hakerek ninia monografia, nia hasoru dezafiu ida mak nia labele asesa no sosa livru refer\u00e9nsia filoz\u00f3fiku sira ne\u2019eb\u00e9 nia presiza iha biblioteka no livraria sira iha Dili atu suporta ninia peskiza. Iha tempu ne\u2019eb\u00e1, Gerson hanoin katak maluk estudante seluk m\u00f3s hasoru problema ne\u2019eb\u00e9 hanesan ho nia.<\/p>\n\n\n\n<p class=\"wp-block-paragraph\">Daruak, iha fulan-ju\u00f1u to\u2019o jullu tinan 2020, nia tuir atividade \u2018readIN 100-People Reading Movement\u2019 ne\u2019eb\u00e9 halibur foin-sa\u2019e Timor-oan sira hodi aprende kona-ba m\u00e9todu no halo an\u00e1lize ba leitura hamutuk ho orad\u00f3r no mentor sira, via <em>webinar<\/em>. Esperi\u00e9nsia ne\u2019e muda Gerson nia hanoin kona-ba pre-konseitu \u201cOhin loron Timor-oan la iha interese ba leitura, sa tan foin-sa\u2019e sira\u201d. Liu husi observa interasaun husi partisipante no orad\u00f3r sira iha enkontru virtu\u00e1l dala-lima ne\u2019e, Gerson konklui katak foin-sa\u2019e barak iha interese atu halo leitura ba livru ho kategoria <em>self-improvement<\/em>, ekonomia, biografia no novela, no partisipante barak konfesa katak livru ne\u2019eb\u00e9 sira presiza la fa\u2019an iha livraria sira iha Dili.<\/p>\n\n\n\n<p class=\"wp-block-paragraph\">Husi grupu barak ne\u2019eb\u00e9 atividade ne\u2019e posibilita, Gerson hili grupu \u2018Empreendedorizmu\u2019 no lee livru <em>The Lean Startup<\/em> (Eric Ries). Livru ne\u2019e tulun tebetebes nia, liu-liu atu komprende oins\u00e1 hili produtu, determina pot\u00e9nsia kliente, hato\u2019o mensajen utilidade produtu ida-nian no halo <em>pivot <\/em>(jira) atu neg\u00f3siu ida bele sobrevive (sustent\u00e1vel) nafatin.<\/p>\n\n\n\n<p class=\"wp-block-paragraph\">Dezafiu rua-ne\u2019e sufisiente ona atu motiva Gerson buka solusaun hodi fornese livru ka fasilita maluk Timor-oan sira, liu-liu universit\u00e1riu sira atu hetan livru ne\u2019eb\u00e9 sira presiza. Maib\u00e9 tan la iha ideia natoon kona-ba oins\u00e1 bele hala\u2019o neg\u00f3siu online ne\u2019eb\u00e9 di\u2019ak, Gerson aproveita per\u00edodu konfinamentu (COVID-19) nian hodi aprende liu husi lee artigu sira iha google no haree v\u00eddeo tutorial iha YouTube. Gerson halo peskiza fulan 4 hodi buka hatene kona-ba val\u00f3r ne\u2019eb\u00e9 neg\u00f3siu ne\u2019e sei f\u00f3 ba kliente sira, empreza pot\u00e9nsia fornesed\u00f3r livru nian, transportasaun pakote mai Dili, estrat\u00e9jia fa\u2019an no promosaun nian ne\u2019eb\u00e9 importante tebes bainhira hala\u2019o neg\u00f3siu uza media sosi\u00e1l.<\/p>\n\n\n\n<p class=\"wp-block-paragraph\">Ema dahuluk ne\u2019eb\u00e9 suporta Gerson nia ideia neg\u00f3siu ne\u2019e no halo m\u00f3s investimentu capital (modal) $200.00 mak ninia amante, Matilda M\u00e1rtires. Nune\u2019e, iha fulan-jullu tinan 2020, fornesedor dahuluk ne\u2019eb\u00e9 Gerson kontakta no halo transfer\u00e9nsia osan $316.00 hodi sosa livru mak @bukupreneur. Fornesed\u00f3r ne\u2019e tulun Gerson hodi fahe m\u00f3s informasaun relasiona ho empreza boot sira seluk ne\u2019eb\u00e9 fa\u2019an livru iha Indon\u00e9zia. No to\u2019o ohin loron, <em>I Learn Bookstore<\/em> bele fa\u2019an livru ho kategoria oioin no bele atende kliente sira-nia pesanan tanba iha ona fornesed\u00f3r permanente sira hanesan, Gramedia Pustaka Utama, Periplus, Penerbit BACA no Mizan Media Utama.<\/p>\n\n\n\n<p class=\"wp-block-paragraph\">Hafoin hein durante fulan ida ho balun tanba restrisaun maka\u2019as iha fronteira terestre, pakote dahuluk bele to\u2019o duni iha Dili. No Gerson hah\u00fa fa\u2019an livru sira ne\u2019e iha fulan-setembru tinan 2020. Bainhira hah\u00fa, Gerson nia maluk barak konsidera katak nia foti risku ba servisu ne\u2019eb\u00e9 nia rasik sei labele kontrola tan laiha ko\u00f1esimentu no esperi\u00e9nsia ne\u2019eb\u00e9 relevante. Maib\u00e9 esperi\u00e9nsia husi atividade readIN nian konvense ona Gerson atu kontinua neg\u00f3siu ne\u2019e ho pot\u00e9nsia kliente barak ne\u2019eb\u00e9 sei tulun neg\u00f3siu ne\u2019e bele moris no sai sustent\u00e1vel.<\/p>\n\n\n\n<p class=\"wp-block-paragraph\">Aleinde ne\u2019e, dezafiu seluk mak demanda kliente sira nian boot ka barak liu fali kapasidade finanseira <em>I Learn Bookstore<\/em> nian iha fulan dahuluk servisu nian. Nune\u2019e, iha altura ne\u2019eb\u00e1 Gerson tenke fila fali ba Baukau hodi husu apoiu osan $500.00 ba nia inan-aman no husu tulun m\u00f3s ba nia belun Nedalia Francisca hodi empresta osan $150.00 ba nia. Ho sira nia tulun, ikus mai hakmaan <em>I Learn Bookstore<\/em> nia obrigasaun hodi bele prosesa livru ne\u2019eb\u00e9 kliente sira pesan ona.<\/p>\n\n\n\n<p class=\"wp-block-paragraph\">Atu ema barak bele hatene liu tan ezist\u00e9nsia <em>I Learn Bookstore<\/em> nian, Gerson hola inisiativa hodi kria whatapp group ida ne\u2019eb\u00e9 halibur famili\u00e1r no maluk sira-ne\u2019eb\u00e9 hakarak kontribui hodi <em>posting<\/em> foto livru nian no servisu <em>I Learn Bookstore<\/em> nian iha sira-nia konta media sosi\u00e1l (Facebook, Instagram no WhatsApp).<\/p>\n\n\n\n<p class=\"wp-block-paragraph\">Aprende husi konsellu Jeff Bezos nian, Gerson hateten \u201cami koko nafatin hodi kria impresaun ne\u2019eb\u00e9 di\u2019ak ba ami-nia kliente foun sira. Tanba konxiente ona katak elementu esensi\u00e1l husi susesu neg\u00f3siu nian mak kliente. Bele dehan, ida-ne\u2019e mak xave tanba sa <em>I Learn Bookstore<\/em> bele sobrevive to\u2019o ohin loron.\u201d<\/p>\n\n\n\n<p class=\"wp-block-paragraph\">Iha fulan-Novembru tinan 2020, I Learn Bookstore hetan oportunidade atu partisipa iha \u201cWomen and Youth Business Incubator Program\u201d ne\u2019eb\u00e9 The Asia Foundation Timor-Leste organiza. Hafoin halo aprezentasaun planu neg\u00f3siu no sai manan-na\u2019in hamutuk ho grupu haat seluk, <em>I Learn Bookstore<\/em> hetan suporte investimentu capital $2,000.00 no benef\u00edsiu seluk hanesan treinamentu neg\u00f3siu, mentoring no networking event sira ne\u2019eb\u00e9 programa ne\u2019e oferese. Esperi\u00e9nsia ne\u2019e motiva atu, ikus mai, Gerson deside hodi hah\u00fa aprende kontabilidade iha Institute of Business (IOB) iha tinan 2021.<\/p>\n\n\n\n<p class=\"wp-block-paragraph\">Durante tinan 2021, Gerson hala\u2019o servisu <em>I Learn Bookstore<\/em> nian hamutuk ho nia maluk, Ser\u00edlio Verdial no Eduardo da Silva ne\u2019eb\u00e9 regularmente tulun hodi halo delivery no partilla ideia relasiona ho kliente sira-nia sujestaun. Maibe tan iha in\u00edsiu tinan 2022 nia maluk na\u2019in rua ne\u2019e hah\u00fa foku ba profisaun profes\u00f3r no kursu jornalizmu nian, nune\u2019e, Gerson kontinua fali servisu ho nia maluk Nenia Alves no nia alin Renio Ximenes. Husi servisu hamutuk ho ekipa ki\u2019ik ne\u2019eb\u00e9 la hatene kolen ne\u2019e, to\u2019o ohin loron <em>I Learn Bookstore<\/em> atende ona kliente liu ema na\u2019in-500, maioria estudante universit\u00e1riu no sekund\u00e1riu sira; halo m\u00f3s sistema <em>jual titip<\/em> ho livraria Xanana Gusm\u00e3o Reading Room no Leader Hypermarket, hodi fasilita kliente sira bele komprova katak <em>I Learn Bookstore<\/em> fa\u2019an duni livru orijin\u00e1l.<\/p>\n\n\n\n<p class=\"wp-block-paragraph\">Gerson haktuir katak kliente barak dezeja susesu no agradese ba ekipa <em>I Learn Bookstore<\/em> nian tanba bele fasilita no garante atu sira bele hetan livru ne\u2019eb\u00e9 bele fo impaktu pozitivu ba sira-nia moris, liu husi mellora sira-nia abilidade, muda sira-nia \u00e1bitu, perspetiva, no liu-liu tulun sira-nia estudu.<\/p>\n\n\n\n<p class=\"wp-block-paragraph\">\u201cHa\u2019u enkomenda livru lubuk ne\u2019eb\u00e9 toka kona-ba ist\u00f3ria univers\u00e1l no <em>self-improvement <\/em>balu. Hanesan livru husi aut\u00f3r Tan Malaka, tulun tebes ha\u2019u atu komprende di\u2019ak liu tan ekonomia nia lalaok antes no p\u00f3s-funu boot sira-ne\u2019eb\u00e9 ita liu to\u2019o mai ohin loron\u201d, <em>I Learn Bookstore <\/em>nia kliente Nobelinha hato\u2019o.<\/p>\n\n\n\n<p class=\"wp-block-paragraph\">Kliente ida seluk, Alicia, haktuir katak, \u201cLivru sira husi <em>I Learn Bookstore<\/em> tulun ona ha\u2019u iha prosesu formasaun kar\u00e1kter, hadame malu ho realidade moris nian ne\u2019eb\u00e9 dalaruma la tuir ha\u2019u-nia espetativa, hatene defini razaun ruma atu nafatin iha korajen no la lakon esperansa iha situasaun dif\u00edsil nia laran\u201d.<\/p>\n\n\n\n<p class=\"wp-block-paragraph\">Iha sorin seluk, Trilonia dehan, \u201cha\u2019u sosa livru barak husi <em>I Learn Bookstore<\/em> atu suporta ha\u2019u-nia estudu nu\u2019udar refer\u00e9nsia no kompleta asuntu seluk ne\u2019eb\u00e9 ami-nia dosente husu atu ami tenke halo peskiza mesak\u201d.<\/p>\n\n\n\n<p class=\"wp-block-paragraph\">Bainhira hatene katak Gerson m\u00f3s partisipante ida husi atividade \u2018readIN 100-People Reading Movement\u2019 nian, organizadora atividade readIN, Nelania Doutel Sarmento, espresa ninia orgullu no laran ksolok. Nelania, ne\u2019eb\u00e9 m\u00f3s kliente dahuluk <em>I Learn Bookstore<\/em> nian, hateten \u201cha\u2019u sente orgullu tebes bainhira haree partisipante husi atividade readIN nian rasik hetan inspirasaun hodi estabelese ninia neg\u00f3siu.\u201d<\/p>\n\n\n\n<p class=\"wp-block-paragraph\">Nelania esplika liu tan, nia \u201cfiar katak ho ezistensia <em>I Learn Bookstore<\/em> nian bele kontribui atu habelar nafatin vizaun ne\u2019eb\u00e9 ekipa hakarak atinje liu husi fasilita kria kondisaun atu foin-sa\u2019e sira bele asesa ba livru ne\u2019eb\u00e9 sira presiza, kapasita sira-nia an no haluan sira nia persepsaun ho leitura ne\u2019eb\u00e9 sira halo.\u201d<\/p>\n\n\n\n<p class=\"wp-block-paragraph\">Ho esperi\u00e9nsia <em>I Learn Bookstore<\/em> nian, Gerson no nia ekipa hein katak neg\u00f3siu ki\u2019ik ne\u2019e bele serve ema barak liu tan no inspira atu maluk foin-sae Timor-oan barak bele hola inisiativa hodi kontribui rezolve problema sosi\u00e1l liu husi sira-nia kreatividade, nune\u2019e bele konkretiza servisu iha kolaborasaun ba dezenvolvimentu rai doben Timor-Leste nian.<\/p>\n","protected":false},"excerpt":{"rendered":"<p>By Gerson J. J. Filipe Ximenes &amp; Nenia A. Soares Alves \u201cLivru mak janela mundu nian\u201d; Espresaun ida-ne\u2019e nu\u2019udar prins\u00edpiu ida ba ema hotu ne\u2019eb\u00e9 hadomi leitura, nune\u2019e m\u00f3s ho Gerson Jo\u00e3o de Jesus Filipe Ximenes, ne\u2019eb\u00e9 hala\u2019o neg\u00f3siu livraria online. Foin-sa\u2019e Timor-oan ne\u2019e moris iha Baukau, loron-02 fulan-janeiru tinan 1994. Oan daruak husi maun-alin [&hellip;]<\/p>\n","protected":false},"author":3,"featured_media":14091,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[11],"tags":[],"class_list":["post-14090","post","type-post","status-publish","format-standard","has-post-thumbnail","hentry","category-feature"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/14090","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/3"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=14090"}],"version-history":[{"count":1,"href":"https:\/\/neonmetin.info\/buletin\/wp-json\/wp\/v2\/posts\/14090\/revisions"}],"predecessor-version":[{"id":14092,"href":"https:\/\/neonmetin.info\/buletin\/wp-json\/wp\/v2\/posts\/14090\/revisions\/14092"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/14091"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=14090"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=14090"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=14090"}],"curies":[{"name":"wp","href":"https:\/\/api.w.org\/{rel}","templated":true}]}}