{"id":14113,"date":"2022-10-18T21:40:42","date_gmt":"2022-10-18T12:40:42","guid":{"rendered":"https:\/\/neonmetin.info\/buletin\/?p=14113"},"modified":"2022-10-18T21:40:42","modified_gmt":"2022-10-18T12:40:42","slug":"francisco-mak-tula-jornalista-nain-5-ba-balibo-sira-nia-dedikasaun-luta-ba-liberdade-imprensa-no-lia-los","status":"publish","type":"post","link":"https:\/\/neonmetin.info\/buletin\/2022\/10\/18\/francisco-mak-tula-jornalista-nain-5-ba-balibo-sira-nia-dedikasaun-luta-ba-liberdade-imprensa-no-lia-los\/","title":{"rendered":"Francisco Mak Tula Jornalista nain 5 Ba Balibo: Sira nia Dedikasaun Luta Ba Liberdade Imprensa no Lia Los"},"content":{"rendered":"\n

Reportajen Umbelina dos Reis<\/em><\/strong><\/p>\n\n\n\n

Komemora loron \u00a0traj\u00e9dia Balib\u00f3 Five ba dala-47, sasin ne\u2019ebe konsege tula jornalista nain lima husi Dili Balib\u00f3, no ikus hetan oho husi milit\u00e1r Indonesia iha loron 16 Outubro 1975, enkoraja jornalista timoroan sira, atu banati tuir jornalista nain lima nia lalaok ne\u2019ebe luta ba lia los, liberdade imprensa no espresaun<\/p>\n\n\n\n

Iha loron importante ne\u2019e sasin ba jornalista nain lima ne\u2019e haktuir ba jornalista sira katak iha tempu ne\u2019eba nia hanesan kondut\u00f3r ba jornalista estranjeiru nain lima,  ne’ebe maka mate iha Balib\u00f3,  iha momentu ne’eb\u00e1 hetan orientasaun husi Komit\u00e9 Central FRETILIN (CCF), hodi tula jornalista estranjeiru na\u2019in lima mai iha Balib\u00f3 atu halo kobertura, tanba inimigu  milit\u00e1r Indonesia tama ona iha Batugade. Bainhira tuir dalan laiha problema ida no konsege tula Jornalista nain 5 mai Balibo.<\/p>\n\n\n\n

“Ami ekipa rua mak la’o hamutuk, ekipa ida mak ha’u ho Dr.Jose Ramos Horta, ekipa rua mak Mauk Moruk ho kolega ida naran Matias de Jesus, Iha loron 13 Outubru ami rua Dr. Jose Ramos Horta tula jornalista na’in 5 iha \u00d3tel Turizmu D\u00edli dader tuku 9:00 otl, to’o mai Balib\u00f3 lorokraik, kalan toba iha uma sorin ne’e, fatin sunu lilin ne’e,\u00a0 depois dadersan iha loron 14 mak ami ba kobertura iha kraik. Iha momentu ne’eba Indonesia okupa tiha ona Batugade, Iha momentu ne\u2019eba ha’u hanesan kondut\u00f3r no mos FALINTIL, Ramos Horta hanesan membru membru CCF,\u00a0 ami tuir dalan laiha problema maske iha\u00a0 Batugade ne’e tropas Indonesia Okupa,” <\/em>nia konta tuir.<\/p>\n\n\n\n

Francisco dehan la sentie tauk bainhira ajuda jornalista nain 5 ne’e hodi lori mai iha Balib\u00f3. Iha Balib\u00f3 toba tiha kalan ida, depois iha dader sira nain lima hela hodi halo kobertura, no meudia ha’u ho Ramos Horta  fila kedas ba Dili. Banhira jornalista nain 5 mate, liu tiha fulan ida maka foin rona sira katak nain 5 nian mate.<\/p>\n\n\n\n

“Iha momentu ne’eba ha’u tula sira, hau la sente tauk tanba hau mai ho kilat, depois jornalista na’in 5 ne’e hela iha Balib\u00f3 ho kareta ida, Jornalista na’in 5 mate nee ha’u iha Atabae, iha madrugada tropas Indonesia mai asalta Balibo, depois liu tiha fulan ida resin mak ami foin rona informasaun dehan Jornalista na’in 5 nee ema oho tiha ona,”<\/em> nia esplika.<\/p>\n\n\n\n

Francisco iha tempu ne\u2019eba ho idade 31, no nu\u2019udar primeiru li\u00f1a milit\u00e1r Portug\u00e9s nian. Nia iha esperansa iha momentu tula jornalista na’in 5 mai Balib\u00f3, hanesan tula sira mai hodi sira hala’o sira nia kna’ar, buka informasaun hasai filmajen hodi pasa informasaun ba iha mundu internasion\u00e1l katak tropa Indonesia sira mai invade ona Timor hodi oho Timoroan sira.<\/p>\n\n\n\n

“Ha’u hanesan sasin ba jornalista estranjeiru na’in 5, ha’u enkoraja ba jornalista Timoroan no \u00a0foinsa’e sira estuda maka’as ho professional, hodi banati tuir jornalista na’in 5 nia ain fatin\u00a0 ne’eb\u00e9 fo-an ba mate, hodi defende lia loos no ra\u00ed doben Timor-Leste, no luta ba Liberdade imprensa no espresaun,”<\/em> dehan Fransisco ba jornalista sira bainhira partisipa iha\u00a0 Lansamentu loron Nasional\u00a0 Liberdade Imprensa iha Balibo, Domingo, 16\/10.<\/p>\n\n\n\n

Nia hato\u2019o lia menon katk maske jornalista nain 5 laiha ona, maib\u00e9 nafatin kontinua luta ba liberdade Imprensa liberdade no espresaun, tanba jornalista na’in 5 nia dedikasaun no profisaun mak ohin loron ema hotu halibur malu iha Balib\u00f3.<\/p>\n\n\n\n

\u00a0“Mesmu sira laiha ona maib\u00e9 ita kontinua luta ba Liberdade Imprensa liberdade expresaun, tanba Jornalista na’in 5 nia dedikasaun no\u00a0 profisaun, mak ohin loron ita halibur malu iha Balib\u00f3 nune luta ba liberdade imprensa\u00a0 no lia los sei la mate”,\u00a0 <\/em>tenik nia.<\/p>\n","protected":false},"excerpt":{"rendered":"

Reportajen Umbelina dos Reis Komemora loron \u00a0traj\u00e9dia Balib\u00f3 Five ba dala-47, sasin ne\u2019ebe konsege tula jornalista nain lima husi Dili Balib\u00f3, no ikus hetan oho husi milit\u00e1r Indonesia iha loron 16 Outubro 1975, enkoraja jornalista timoroan sira, atu banati tuir jornalista nain lima nia lalaok ne\u2019ebe luta ba lia los, liberdade imprensa no espresaun Iha […]<\/p>\n","protected":false},"author":2,"featured_media":14114,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[30,63],"tags":[],"class_list":["post-14113","post","type-post","status-publish","format-standard","has-post-thumbnail","hentry","category-memoria","category-notisia"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/14113","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/2"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=14113"}],"version-history":[{"count":1,"href":"https:\/\/neonmetin.info\/buletin\/wp-json\/wp\/v2\/posts\/14113\/revisions"}],"predecessor-version":[{"id":14115,"href":"https:\/\/neonmetin.info\/buletin\/wp-json\/wp\/v2\/posts\/14113\/revisions\/14115"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/14114"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=14113"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=14113"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=14113"}],"curies":[{"name":"wp","href":"https:\/\/api.w.org\/{rel}","templated":true}]}}