{"id":14150,"date":"2022-10-21T19:31:39","date_gmt":"2022-10-21T10:31:39","guid":{"rendered":"https:\/\/neonmetin.info\/buletin\/?p=14150"},"modified":"2022-10-21T19:31:41","modified_gmt":"2022-10-21T10:31:41","slug":"sosa-karreta-ho-laptop-ba-membru-pn-amn-hakonu-deit-klase-elite-balun-nia-interese","status":"publish","type":"post","link":"https:\/\/neonmetin.info\/buletin\/2022\/10\/21\/sosa-karreta-ho-laptop-ba-membru-pn-amn-hakonu-deit-klase-elite-balun-nia-interese\/","title":{"rendered":"Sosa Karreta Ho Laptop Ba Membru PN, AMN: Hakonu De’it klase Elite Balun nia Interese"},"content":{"rendered":"\n

Reportajen Joanina Casamiro<\/em><\/strong><\/p>\n\n\n\n

Liuhusi konfer\u00e9nsia imprensa AMN deklara katak maske Konstituisaun RDTL rasik konsagra iha ninia artigu 6 \u00b0 katak, Estadu tenke halo distribuisaun justa ba soin Tim\u00f3r nian , atu nune’e , povu hotu- hotu bele senti moris ho dignidade no saud\u00e1vel .<\/p>\n\n\n\n

” Ida ne’e , tuir ami\u00a0 nia haree la akontese iha modelu foti desizaun ne’eb\u00e9 impoin hosi leten ba kra’ik hodi ema hotu subordina . La iha demokrasia partisipativu , maib\u0117 iha mak demokrasia ba elite minoria , ali\u00e1s ditadura das elites . Tinan ruanulu resin ona Timor – Leste independente , maib\u00e9 povu maioria mak sei moris iha li\u00f1a pobreza ne’eb\u00e9 estremu, malnutrisaun, dezempregu, sistema saude ne’eb\u00e9 la adekuadu no setor edukasaun ne’eb\u00e9 la iha kualidade , Ida\u00a0 ne’e rezultadu hosi dezenvolvimentu ekonomia – politika ne’eb\u00e9 la’o hela iha Timor – Leste\u00a0 iha ne’eb\u00e9 despeza p\u00fablika la f\u00f3 benefisio ba povu maubere nia interese maib\u00e9 ba hakonu de’it klase elite balun nia k\u00e1n no nia interese .<\/em>Dehan Portavos Gaspar ba Jornalista sira iha Kampus Sentr\u00e1l, 21\/10.<\/p>\n\n\n\n

Nia dehan daudaun ne’e , iha loron 3 Outburu 2022 , Parlamentu Nasion\u00e1l foti desizaun politika hodi integra planu sosa karreta pajero no laptop iha sira – nia orsamentu privativu tinan rihun rua , ruanulu resin tolu ( 2023 ) . Desizaun ida ne’e , tuir ami – nia haree , la reflete interese povo hotu – hotu nian . La’os foin mak akontese , maib\u00e9 politika sosa no sa’e karreta luxu sai ona toman ida ukun ohin – loron nian .<\/p>\n\n\n\n

“Desizaun ida ne’e hatudu situasaun ida ne’eb\u00e9 ita – hotu tenke nota iha sorin\u00a0 ida, eziste elite ne’eb\u00e9 kaer poder hodi hakonu sira interese , no sorin\u00a0 seluk, eziste povu ( traballador, ambulante, agrikult\u00f3r, ki’ak\u00a0 sidade , nsst ne’eb\u00e9 moris terus, susar, subordinadu no marjin\u00e1l iha sosiedade Timor – Leste . Ne’e hatudu katak elite ho povu maubere nia interese kontradit\u00f3riu, Elite hanehan povu maubere, desde uluk at\u00e9 agora. Liuhusi Estadu, elite sira akumula soin, enkuantu povu maubere asesu [ hadau ] de’it nia restu.<\/p>\n\n\n\n

Portavos hatuir\u00a0 ida – ne’e “ami nu’udar Aliansa Maubere Nasional – AMN , ne’eb\u00e9 kompostu hosi organizasaun sosial no setor masa sira – seluk hanesan ambulante , ki’ak – sidade , agrikult\u00f3r , traballad\u00f3r , Ami nu’udar povu maubere hakarak afirma no ezije<\/em>”\u00a0<\/p>\n\n\n\n

“Ami, povu agrikult\u00f3r , ambulante , kampon\u00e9s , ki’ak – sidade , traballad\u00f3r , estudante no joven reprezenta lian- laek sira seluk , rejeita tot\u00e1l desizaun Parlamentu Nasion\u00e1l nian kona – ba sosa karreta pajero no laptop ba deputadu \/ a sira, Ami ejize atu Parlamentu Nasion\u00e1l , liuhusi diskusaun plen\u00e1ria ba Orsamentu Jer\u00e1l Estadu [ OJE ] , atu elimina planu sosa karreta – foun no laptop, husu ba Prezidente Rep\u00fablika atu tetu didi’ak OJE molok promulga , ami hanoin katak di’ak liu veta”,<\/em> dehan Gaspar<\/p>\n\n\n\n

Kuandu Parlamentu Nasion\u00e1l la altera dotasaun orsament\u00e1l kona ba sosa karreta – foun no laptop,  Ami husu atu despeza Estadu nian tenke aloka barak ba set\u00f3r estrat\u00e9jiku sira ne’eb\u00e9 fo benefisio ba interese povu maubere nian ; ami husu atu sosiedade , estudante sira no povu maubere hotu atu konsiente katak ita moris iha dominasaun foun [ neo – kolinializmu no neo – liberalizmu ] , iha ne’eb\u00e9 elite sira supa no hariku – an liuhusi dalan leg\u00e1l ;ba movimentu hotu – hotu , set\u00f3r sira hotu ne’eb\u00e9 luta ba justisa , atu hamriik no hamosu asaun – masa ida hasoru ukun ditadura – osan nian , ali\u00e1s ditadura elite nian .<\/p>\n\n\n\n

Portavos Dehan\u00a0 katak durante ne’e despeza p\u00fablika s\u00f3 hakonu de’it elite sira nia a’\u00e1n no interese , hanesan politika regul\u00e1r sosa – karreta , direitu regalia no privil\u00e9jiu sira. Ba sosiedade tomak , ita presiza hanoin, tetu , kr\u00edtiku , no neses\u00e1riu hamosu asaun – masa hodi kontra injustisa iha ita – nia rai ida ne’e . Nune’e , Aliansa Maubere Nasion\u00e1l sei eziste no reziste ohin , aban no ba futuru Viva povu maubere hatun ditadura\u00a0 minoria\u00a0 Harahun neo-kolonializmu.<\/p>\n","protected":false},"excerpt":{"rendered":"

Reportajen Joanina Casamiro Liuhusi konfer\u00e9nsia imprensa AMN deklara katak maske Konstituisaun RDTL rasik konsagra iha ninia artigu 6 \u00b0 katak, Estadu tenke halo distribuisaun justa ba soin Tim\u00f3r nian , atu nune’e , povu hotu- hotu bele senti moris ho dignidade no saud\u00e1vel . ” Ida ne’e , tuir ami\u00a0 nia haree la akontese iha […]<\/p>\n","protected":false},"author":2,"featured_media":14151,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-14150","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t