{"id":15194,"date":"2023-02-22T22:30:37","date_gmt":"2023-02-22T13:30:37","guid":{"rendered":"https:\/\/neonmetin.info\/buletin\/?p=15194"},"modified":"2023-02-22T22:31:26","modified_gmt":"2023-02-22T13:31:26","slug":"eskola-ebf-katolika-uaimatale-quelica-harii-iha-tinan-1969-kondisaun-hahu-aat-menus-fasilidade-no-bee-moos","status":"publish","type":"post","link":"https:\/\/neonmetin.info\/buletin\/2023\/02\/22\/eskola-ebf-katolika-uaimatale-quelica-harii-iha-tinan-1969-kondisaun-hahu-aat-menus-fasilidade-no-bee-moos\/","title":{"rendered":"Eskola EBF Katolika Uaimatale-Quelica Harii Iha Tinan 1969, Kondisaun Hahu Aat, Menus Fasilidade no Bee Moos"},"content":{"rendered":"\n

Reportajen Umbelina dos Reis<\/em><\/strong><\/p>\n\n\n\n

Eskola Ensinu\u00a0 B\u00e1ziku Filial (EBF) Kat\u00f3lika Uaimatale, Postu Administrativu Quelicai harii iha tinan 1969, nu\u2019udar eskola ida ne\u2019ebe harii iha Portug\u00e9s nia tempu, maib\u00e9 komunidade no profesores sira kontinua uza nafatin eskola ne\u2019e to’o ohin loron, ho razaun eskola B\u00e1ziku iha \u00e1rea rural dook hosi Postu no Suku, maib\u00e9 tanba kleur ona eskola refere nia kondisaun hah\u00fa aat ba be-beik ona.<\/p>\n\n\n\n

Diret\u00f3r Eskola EBF Kat\u00f3lika Uaimatale, Mario Soares hateten, eskola refere nia kondisaun da-dauk ne’e aat ona no oras ne\u2019e eskola menus fasilidade hanesan meza, kadeira, haris fatin, b\u00e9 m\u00f3s, biblioteka, no eskola nia kondisaun agora da-dauk kalen no parede aat hotu ona. Maske kondisaun aat maib\u00e9 inan-aman sira nafatin iha ninisiativa kontinua ho estutu nu\u2019udar eskola Kat\u00f3lika.<\/p>\n\n\n\n

“Maib\u00e9 ami nu’udar profess\u00f3r hala’o ami nia knaar profesion\u00e1l kontinua hanorin alunus sira ho di’ak mezmu meza kadeira la to’o alunos balun, no sala de aula m\u00f3s la to’o maib\u00e9 ami esforsu uza maneira oi-oin nune’e estudante tenki tuir aprendijazen hotu.”<\/em> dehan Mario Soares<\/p>\n\n\n\n

Nia informa, sala de aula hamutuk neen (6), maib\u00e9 to’o tempu udan boot, anin boot profesores sira hanorin alunos sira la normal tanba eskola nia kondisaun didin ho arame no anin huu ba mai de’it  no kalen sira m\u00f3s aat hotu ona ne’eb\u00e9 to’o tempu udan, udan been tama de’it eskola laran ho nune’e susar ba alunus sira hakmatek hodi aprende.<\/p>\n\n\n\n

Diretor ne\u2019e akresenta, eskola EBF Kat\u00f3lika ne’e hosi parte Igreija nian mak bele tau matan maib\u00e9 tanba eskola privadu hosi Igreja barak, entaun parte Igreja sedauk tau matan to’o ohin loron.<\/p>\n\n\n\n

“Husu ba parte relevante sira rona no haree ami nia lian no halerik ba eskola nia kondisaun aat hanesan ne’e, karik tau matan netik mai ami hodi hodi ami professores no alunus bele halo aprendizajen iha eskola refere ne’e ho hakmatek no iha ambiente saud\u00e1vel nia laran,”<\/em> dehan Diretor Mario ba Neon Metin.<\/p>\n\n\n\n

Eskola EBF Kat\u00f3lika Uaimatale iha profesor permanente na’in 3, kontratadu na’in 1 no parsi\u00e1l na’in 1. Tot\u00e1l estudante  primeiru anu to’o sextu anu hamutuk 46 (haat nulu resin neen).<\/p>\n\n\n\n

Iha parte sorin, ba eskola nia kondisaun ne\u2019eb\u00e9 aat, Pe. Justiniano de Sousa, hateten, Eskola EBF Kat\u00f3lika Uaimatale ne’e iha baze no area rural, kondisaun eskola m\u00f3s aat ba da-dauk ona, nune’e presijamente ita hotu nia atensaun ba eskola refere.<\/p>\n\n\n\n

\u201cHusu ba parte hotu-hotu presija tau atensaun di’ak (ba eskola refere) hodi nune’e labarik sira bele aprende iha fatin refere ho dignu, tanba labarik no foinsa’e sira mak futuru ba nasaun nian,\u00a0 entaun ita presija hadi’a eskola nia kondisaun sira ho di’ak hodi nune’e edukasaun bele sai kualidade di’ak liu iha ita nia nasaun,\u201d<\/em> hatete Padre Justiniano.<\/p>\n\n\n\n

Nia informa katak, parte relevante sira haree no rona ona sira nia lian ne’e karik bele responde la-lais sira nia preokupasun hirak ne’e, hodi oferese edukasun di’ak ba oan sira nia futuru. Nia dehan, nu’udar Amu P\u00e1roku sira tau matan ba Fundasaun Eskola EBF Kat\u00f3lika hotu, nia sentru mak Postu Quelicai, nia filial sira mak to’o eskola Lelalai, Laisoru-lai, Uaimatale, Bualale, Laumana, Afa\u00e7a, Darnafa, Namanei, Abafala no inklui Culuguia.<\/p>\n\n\n\n

\u201cMaib\u00e9 eskola iha \u00e1rea Uaimatale urjentemente hodi hadi’a la-lais, foin la-lais ami enkontru ona ho Diret\u00f3r da Eskola hodi haree\u00a0 eskola nia kondisaun ida por ida hodi sai\u00a0 prioridade ba oin. Foin lalais ami enkontru ona ho Diret\u00f3r da Eskola no autoridade lok\u00e1l sira, oins\u00e1 mak bele estabele komisaun ki’ik ida para bele hato’o aspirasaun konaba parte eskola no Igreja nian hodi nune’e bele hetan tulun hosi instituisaun balun,\u201d<\/em> nia hato\u2019o.<\/p>\n\n\n\n

Nia dehan, tanba ida-idak nia diresaun, hosi parte igreja antigamente governu f\u00f3 apoiu fundu balun ba Dioseze ida-idak, maib\u00e9 hosi parte Dioseze Baucau nian la’o maib\u00e9 responde ba prioridade nian mak agora Padre Parokia ho Diret\u00f3r da Eskola organiza hela oins\u00e1 mak bele hato’o aspirasaun liu hosi Dioseze, maib\u00e9 Dioseze hatama proposta sira ne’e ba fatin ida-idak no ligadu liu ba \u00e1rea edukasaun nian hodi nune’e edukasaun sai  prioridade ba futuru nasaun nian.<\/p>\n\n\n\n

\"\"
Kondisaun Eskola Ensinu\u00a0 B\u00e1ziku Filial (EBF) Kat\u00f3lika Uaimatale, Postu Administrativu Quelicai. [Foto: Umbelina | 22.02.2023]<\/em><\/figcaption><\/figure>\n\n\n\n

Padre ne\u2019e husu programa hosi fundu governu nian iha bele aloka ba sira, hodi bele hadi’a kualidade edukasaun ba labarik sira nia futuru. Nia informa tan katak, inisiativa hosi komunidade no Parokia nia boot, tan ne\u2019e husu kualker parte relevante sira ne’eb\u00e9 mak rona sira povu ki’ik nia halerik ajuda netik eskola refere, tanba Parokia no komunidade prontu estabelese no responsabiidade ba apoiu hosi parte kompetente sira ne\u2019eb\u00e9 fo ajuda.<\/p>\n\n\n\n

Iha sorin seluk, reprezentante komunidade inan-aman, Maria Joaquina Soares, nia observasaun ba eskola refere katak material ba alunus ne’e sufisiente tebe-tebes hanesan meza, kadeira, haris fatin no sintina maib\u00e9 susar liu mak saneamentu tanba difisil tebes ba komunidade no eskola oan sira atu asesu ba \u00e1gua pot\u00e1vel (bee mos).<\/p>\n\n\n\n

Alein de ne’e m\u00f3s eskola refere nia kondisaun kalen parede aat ba da-dauk ona no eskola nia areadores konaba ijiene ladun di’ak ho razaun haris fatin laiha nom\u00f3s iha  tempu udan boot, anin boot ne’e f\u00f3 ameasa tebes professores no alunus sira, nia informa.<\/p>\n\n\n\n

Nia rekomenda ba l\u00edder sira katak, labarik no foinsa’e sira mak futuru ba nasaun nian karik, bele tau matan m\u00f3s ba eskola sira iha \u00e1rea rural hodi nune’e hadi’a di’ak liu tan edukasaun iha baze.<\/p>\n\n\n\n

“Nu’udar inan-aman iha baze hato’o rekomendasaun ba lider sira katak, tulun netik ami povu ki’ik konaba saneamentu b\u00e9 m\u00f3s nian iha area eskola refere. Tanba \u00e1rea eskola refere dook hosi b\u00e9 matan, bainhira areadores ijiene eskola nian la’o di’ak entaun labarik sira m\u00f3s aprende ho di’ak,” <\/em>nia husu.<\/p>\n\n\n\n

Representante inan-aman husu ba governante sira tau matan ba eskola refere, tanba eskola refere kondisaun aat ona, no eskola ne’e privadu misaun nian, entaun komunidade no inan-aman mak suporta liu eskola refere ne’e.<\/p>\n\n\n\n

Nia informa katak, konaba merenda eskolar nian iha eskola refere agora paradu ona, tuir nia observasaun katak merenda eskolar nian ne’e iha duni maib\u00e9 menu prepara ba  merenda eskolar ne’e mak la tuir menu ne’eb\u00e9 mak ema f\u00f3 sai nom\u00f3s iha eskola refere b\u00e9 m\u00f3s laiha entaun bainhira kuzi\u00f1eiru sira atu prepara hahan ba alunus sira, kada ema ida tenki kuru b\u00e9 m\u00f3s masa ida no lalin ai-sunu maran hosi uma lori ba eskola hafoin kuzi\u00f1eiru sira tein hahan ba alunos sira kada loron.<\/p>\n\n\n\n

Nia rekomenda ba parte relevante sira, karik merenda eskolar sei iha edukasaun fahe ba eskola refere  karik tenki f\u00f3 hotu material kompletu nune’e dadersan labele interompe alunus sira bainhira prepara aan ba eskola. <\/p>\n\n\n\n

“Tanba dala-barak dadersan labarik sira la’os prepara aan ba sasan eskola nian, maib\u00e9 preokupa fali ba b\u00e9 m\u00f3s no ai-sunu hodi lori ba eskola,”<\/em> nia preokupa tebes.<\/p>\n","protected":false},"excerpt":{"rendered":"

Reportajen Umbelina dos Reis Eskola Ensinu\u00a0 B\u00e1ziku Filial (EBF) Kat\u00f3lika Uaimatale, Postu Administrativu Quelicai harii iha tinan 1969, nu\u2019udar eskola ida ne\u2019ebe harii iha Portug\u00e9s nia tempu, maib\u00e9 komunidade no profesores sira kontinua uza nafatin eskola ne\u2019e to’o ohin loron, ho razaun eskola B\u00e1ziku iha \u00e1rea rural dook hosi Postu no Suku, maib\u00e9 tanba kleur […]<\/p>\n","protected":false},"author":2,"featured_media":15195,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[61],"tags":[],"class_list":["post-15194","post","type-post","status-publish","format-standard","has-post-thumbnail","hentry","category-edutek"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t