{"id":15220,"date":"2023-02-28T10:38:21","date_gmt":"2023-02-28T01:38:21","guid":{"rendered":"https:\/\/neonmetin.info\/buletin\/?p=15220"},"modified":"2023-02-28T10:38:23","modified_gmt":"2023-02-28T01:38:23","slug":"workshop-yseali-iha-tl-joven-husi-asean-no-tl-aprende-no-promove-merkadu-agronegosiu-no-dijital","status":"publish","type":"post","link":"https:\/\/neonmetin.info\/buletin\/2023\/02\/28\/workshop-yseali-iha-tl-joven-husi-asean-no-tl-aprende-no-promove-merkadu-agronegosiu-no-dijital\/","title":{"rendered":"Workshop YSEALI Iha TL: Joven Husi ASEAN no TL Aprende no Promove Merkadu Agronegosiu no Dijit\u00e1l"},"content":{"rendered":"\n

Reportajen Adroaldo “Saretukau”<\/em><\/strong><\/p>\n\n\n\n

Estadus Unidus Am\u00e9rika (EUA) lansa workshop rejion\u00e1l Inisiativa Lideransa Foinsa\u2019e Sudeste Azi\u00e1tiku ka Young Southeast Asia Leaders Initiative (YSEALI) direta ba dahuluk iha Timor-Leste ho tema “Advancing Agribusiness Digital Marketing Regional Workshop.”<\/p>\n\n\n\n

Iha serim\u00f3nia abertura, EUA nia Enkaregadu Neg\u00f3siu, Tom Daley, iha nia diskursu hato’o ni-nia onra boot tebes hodi simu partisipante YSEALI 50 iha workshop rejion\u00e1l ba dahuluk ne’eb\u00e9 hala’o iha Timor-Leste ho inisiativa ba lideransa juventude Sudeste Azi\u00e1tiku.<\/p>\n\n\n\n

“YSEALI reprezenta lideransa foinsa’e sira balun ne’eb\u00e9 di’ak liu no matenek liu hosi Sudeste Azi\u00e1tiku no Estadus Unidus komprometidu atu apoia sira, enkuantu sira kontinua halo diferensa hodi rezolve dezafiu kr\u00edtiku sira ne’eb\u00e9 sei forma ita nia futuru,”<\/em> hatete Enkaregadu Neg\u00f3siu EUA, iha nia diskursu ne’eb\u00e9 hala’o iha Otel Timor, Segunda-feira, 27\/02.<\/p>\n\n\n\n

Enkaregadu Neg\u00f3siu Tom Daley mos hatete katak, hah\u00fa husi 2018, lideransa foinsa’e Timoroan liu 60 mak partisipa ona iha semin\u00e1riu rejion\u00e1l sira hanesan ne’e iha ASEAN laran tomak, no sira seluk m\u00f3s partisipa ona iha programa interk\u00e1mbiu iha Estadus Unidus.<\/p>\n\n\n\n

“Sira dezenvolve ko\u00f1esimentu, abilidade no rede ho sira nia kolega sira iha ASEAN no Estadus Unidus hodi halo diferensa ne\u2019eb\u00e9 pozitivu. Koneksaun peso\u00e1l no esperi\u00e9nsia sira ne’eb\u00e9 sira hetan durante sira nia moris tomak iha Sudeste Azi\u00e1tiku ne’e importante tebes, liu-liu tanba Timor-Leste hakle’an liu t\u00e1n ni-nia integrasaun iha rejiaun, inklui liu husi ASEAN,”<\/em> dehan Tom Daley.<\/p>\n\n\n\n

Iha fatin hanesan, Vise Diretor Gabinete Mar\u00edtima Sudeste Azi\u00e1tiku nian iha Departamentu Asuntus \u00c1zia Leste no Pas\u00edfiku iha Minist\u00e9riu Neg\u00f3siu Estranjeiru, EUA, Margo Pogorzelski, iha ni-nia diskursu abertura dehan,<\/p>\n\n\n\n

“YSEALI reko\u00f1ese Timor-Leste nu’udar parseiru ida importante tebes iha Sudeste Azi\u00e1tiku no reflete Estadus Unidus Am\u00e9rika nia apoiu ba Timor-Leste nia kontinuasaun integrasaun iha rejiaun ida ne’e, inklui liu husi ASEAN,”<\/em> dehan Margo Pogorzelski.<\/p>\n\n\n\n

“YSEALI nia delegadu sira entende katak dezafiu hirak ne’eb\u00e9 hakat liu fronteira nasional, sira presiza koperasaun rejion\u00e1l no solusaun koletiva. Semini\u00e1riu ne’e hanesan ezemplu ida husi kompromisu Estadus Unidus nian atu apoia esforsu sira hodi identifika merkadu foun, diversifikadu sira no harii sistema ai-han ne’eb\u00e9 inkluzivu, reziliente, produtivu no sustent\u00e1vel,” nia hatutan.<\/p>\n\n\n\n

Nune’e mos Prezidente Rep\u00fablika, Ramos Horta, iha nia diskursu abertura hato’o ben-vindu mos ba partisipante sira hotu ba workshop ida ne’e. Prezidente Horta husu joven sira aproveita aktividade hirak ne’e tanba bele hasa’e nia ko\u00f1esimentu no abilidade lideransa.<\/p>\n\n\n\n

“Liu-liu joven sira (Timor-Leste) aprende hosi ASEAN, sira mos aprende hosi ita nia joven sira. Joven Timoroan sira iha kualidade, aprende r\u00e1pidu i mos iha komitmentu para partisipa iha programa ida ne’e, nune’e mos forma lideransa.”<\/em><\/p>\n\n\n\n

Prezidente Horta, husu ba joven Timoroan atu iha workshop ida ne’e, aproveita hodi halo ligasaun mos ho nasaun sira seluk hodi aprende ba malu.<\/p>\n\n\n\n

“Buka aproveita inisiativa sira nune’e, primeiru halo amizade, ko\u00f1ese rai selu-seluk nia esperi\u00e9nsia, ho amizade ho network mak ita bele aprende i sai hanesan embaixador boa vontade Timor nian. I aprende teknolojia foun konab\u00e1 agrikultura, konab\u00e1 marketing,” <\/em>Prezidente Horta enkoraja partisipante joven Timoroan iha workshop YSEALI ne’e.<\/p>\n\n\n\n

Semin\u00e1riu ne\u2019e halibur l\u00edder foinsa’e hamutuk 50 husi Timor-Leste no membru estadu ASEAN 10 ba semin\u00e1riu loron haat hodi harii ko\u00f1esimentu, abilidade, no rede serbisu hodi promove merkadu agroneg\u00f3siu no merkadoria dijit\u00e1l, hatan ba kestaun seguransa ai-han nian, promove emprendoderizmu, no haforsa integrasaun rejion\u00e1l iha Sudeste Azi\u00e1tiku.<\/p>\n\n\n\n

Durante semin\u00e1riu loron haat (4) ne’e, delegadu sira sei aprende liut\u00e1n konaba sistema ai-han ka aliment\u00e1r iha rejiaun ne’e, analiza oportunidade neg\u00f3siu emerjente sira, aproveita instrumentu dijital foun sira ba agroneg\u00f3siu, kria estrat\u00e9jia no planu neg\u00f3siu ida atu hasa’e agroneg\u00f3siu nia produtu esportasaun sira, no buka fundu ba fini hodi avansa sira nia planu neg\u00f3siu. Sira m\u00f3s sei hala’o vizita ba Cooperativa Caf\u00e9 Timor (CCT), koperativa boot liu iha Timor-Leste, iha ne’eba sira sei aprende liut\u00e1n konaba kadeia valor no envolve ho agrikult\u00f3r no empres\u00e1riu lok\u00e1l sira.<\/p>\n\n\n\n

Seminariu rejional ne’e hetan finansiamentu husi Estadus Unidus Am\u00e9rika no implementa husi Fundasaun AGREA. Workshop rejional hah\u00fa iha loron 27 Fevereiru to’o loron 3 Marsu, 2023.<\/p>\n\n\n\n

Iha abertura workshop rejional ne’e partisipa direita hosi EUA nia Enkaregadu Neg\u00f3siu, Tom Daley hamutuk Prezidente Jos\u00e9 Ramos-Horta, Embaixad\u00f3r Tail\u00e1ndia, Ekapol Poolpilat, no Margo Pogozelski, Adjuntu Diret\u00f3r ba Gabinete Mar\u00edtima Sudeste Azi\u00e1tiku iha Biro ba Asuntu \u00c1zia no Pas\u00edfiku iha Departament of State EUA.<\/p>\n","protected":false},"excerpt":{"rendered":"

Reportajen Adroaldo “Saretukau” Estadus Unidus Am\u00e9rika (EUA) lansa workshop rejion\u00e1l Inisiativa Lideransa Foinsa\u2019e Sudeste Azi\u00e1tiku ka Young Southeast Asia Leaders Initiative (YSEALI) direta ba dahuluk iha Timor-Leste ho tema “Advancing Agribusiness Digital Marketing Regional Workshop.” Iha serim\u00f3nia abertura, EUA nia Enkaregadu Neg\u00f3siu, Tom Daley, iha nia diskursu hato’o ni-nia onra boot tebes hodi simu partisipante […]<\/p>\n","protected":false},"author":2,"featured_media":15221,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-15220","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t