{"id":15260,"date":"2023-03-04T18:02:32","date_gmt":"2023-03-04T09:02:32","guid":{"rendered":"https:\/\/neonmetin.info\/buletin\/?p=15260"},"modified":"2023-03-04T18:02:35","modified_gmt":"2023-03-04T09:02:35","slug":"lian-veteranu-a-joven-sira-tenke-buka-imi-nia-matenek-prepara-an-tuir-espiritu-luta-rezistensia-nian","status":"publish","type":"post","link":"https:\/\/neonmetin.info\/buletin\/2023\/03\/04\/lian-veteranu-a-joven-sira-tenke-buka-imi-nia-matenek-prepara-an-tuir-espiritu-luta-rezistensia-nian\/","title":{"rendered":"Lian Veteranu\/a: Joven Sira Tenke Buka Imi nia Matenek Prepara An Tuir Espiritu Luta Rezist\u00e9nsia nian"},"content":{"rendered":"\n

Reportajen Adroaldo “Saretukau”<\/em><\/strong><\/p>\n\n\n\n

Iha \u00e1mbitu komemorasaun loron Nasional Veteranu ba da-6, veteranu sira hato’o sira nia lian ba juventude sira, atu banati tuir sira nia ain-fatin luta ba ukun-rasik-an, sai ezemplu hodi serv\u00ed no luta ba dezenvolvimentu Timor Leste.<\/p>\n\n\n\n

Komemorasaun loron nasion\u00e1l veteranu, ne’eb\u00e9 hala’o iha Centro Conven\u00e7\u00e3o de D\u00edli (CCD), (03\/03), Veterana Ernestina da Silva Martins (60) ho k\u00f3digu “Daha” hosi Munis\u00edpiu Ainaro, agora da-dauk hela iha D\u00edli, hatete, joven ohin loron presiza banati tuir esp\u00edritu luta ba ukun-rasik aan, hodi luta ba dezenvolvimentu nasional.<\/p>\n\n\n\n

“Husi ha’u nia hanoin ho ha’u nia lia-menon importante liu-liu ba imi joven sira, hanesan ita nia Na’i-ulun sira ko’alia dehan katak moris foun, ne’eb\u00e9 buat hotu-hotu imi tenki hatene, matan mos haree buat sa\u00edda mak veteranu sira hatudu, maib\u00e9 ba ami sira ne’e, hanesan buat ida karik hanesan de’it, maib\u00e9 mai oin, ba oin ne’e so joven sira ne’e mak bele atu prepara, hadi’a imi nia aan, para ami sira ne’eb\u00e9 bele la iha mos, joven sira bele banati, la’o tuir fali hanesan buat ne’eb\u00e9 ke aman, av\u00f3, tiu sira hatudu hela ba ita nia nasaun ida ne’eb\u00e9 foin atu hetan liberdade, demokrasia,” dehan Veterana Ernestina ba Neon Metin, iha CCD, Kaikoli, Sesta 03\/03.<\/p>\n\n\n\n

“Ha’u presiza husu liu-liu ba joven sira, imi tenke hanoin iha imi nia aan, atu nusa mak imi bele hatene katak ist\u00f3ria ida ba rezist\u00e9nsia nian ne’e, ne’eb\u00e9 presiza prepara imi nia aan, tenki buka imi nia matenek ne’e ba oin para aban bairua ami sira ne’e bele la iha ba mos, ist\u00f3ria ida veteranu ni-nian ne’e kontinua konta nafatin,”<\/em> nia hatutan.<\/p>\n\n\n\n

Iha fatin hanesan Veteranu Alarico Sarmento “Oan Kiak” (58) hosi Munis\u00edpiu Ainaro, Postu Administrativu Hatu-Builico, hatete kabe ba kontribuisaun juventude nian, nia hato’o, atu lori rai ne’e ba oin Na’i-ulun sira tenki kria unidade, s\u00e9 lae mak sei fo impaktu ba juventude sira.<\/p>\n\n\n\n

“Hanesan juventude sira agora ne’e, hanesan buat ida karik, ladun hakmatek, tanba sa\u00edda? Boot sira fahe malu tiha hanesan ne’e oins\u00e1? Uluk kria buat ida unidade, asaun i progresu, mais agora iha ne’eb\u00e9? Ulun sira fahe malu,”<\/em> Veteranu ne’e preokupa ho unidade entre l\u00edder sira oras ne’e.<\/p>\n\n\n\n

Hakarak Na’i-ulun sira tenki kria unidade hodi foku kria ba joven sira kampu traballu, eskola ne’eb\u00e9 kualidade hodi bele kontribui ba dezenvolvimentu nasaun Timor-Leste nian iha futuru, nia husu.<\/p>\n\n\n\n

“Ami hakarak joven sira, loron ami nian, ist\u00f3ria sira ne’eb\u00e9 dala ruma ita boot sira akompa\u00f1a tuir tenki banati, para tau iha futuru aban bairua, s\u00e9 ami la iha ita boot sira bele konta ist\u00f3ria.”<\/p>\n\n\n\n

Nia husu atu joven sira ne’eb\u00e9 halo estudu iha rai li’ur tenki lori matenek no esperi\u00e9nsia hosi ema nia rai, mai dezenvolve ita nia rai.<\/p>\n\n\n\n

Nune’e mos Veterana Madalena Bidau Soares ho naran k\u00f3digu “Kasian” (67), hosi Munis\u00edpiu Liqui\u00e7a, hatete, 3 de Marsu hanesan loron importante ida ba juramentu nian iha Maubai ne’eb\u00e9 agora da-dauk komemora iha D\u00edli hanesan mos komemora iha Maubai iha tempu rezist\u00e9nsia nian liu ba. Relasiona ho ne’e, veterana ne’e hato’o ba joven sira, atu hanoin inan-aman sira ne’eb\u00e9 halo funu atu hakerek iha sira fuan no banati tuir hodi bele lori nasaun ne’e ba oin.<\/p>\n\n\n\n

“Katuas ferik luta na’in sira mate karik, kuda hela ba juventude sira nia ulun-fatuk, para aban bairua juventude sira atu bele hah\u00ed nafatin, atu bele konta ist\u00f3ria nafatin, atu serbi nasaun ne’e. Hamriik iha inan-aman ni-nia ain-fatin tenki tuba rai metin, kuidadu ita nia nasaun nia distinu ba aban bairua, hanesan lutu karik, lutu rin naksobu fali iha loron ikus.”<\/em> dehan Madalena Kasihan<\/p>\n\n\n\n

Veterana ne’e husu joven tenki organiza aan ho di’ak atu ba futuru nasaun nian, tanba ita nia rai ukun-rasik aan, buat hotu iha ita nia nasaun la dezenvolve rasik, presiza ita mak dezenvolve, nia dehan tanba ita hakarak ema seluk mak halo mak ita lori tane-liman de’it ba ema seluk, ne’e ita sente la di’ak, ita ukun aan la koresponde buat ida.<\/p>\n\n\n\n

Nia hatutan tan katak, atu hatudu ukun-rasik aan, tenki hatudu katak ita bele kaer no halo rasik. Entaun tenki hatudu ita nia unidade, solidariedade no kolaborasaun hodi tau liman hamutuk “hodi reforsa malu dezenvolve di’ak liu iha ita nia nasaun laran konab\u00e1 ita nia moris tomak atu haree ba ita nia fam\u00edlia uma laran to’o mos servisu estadu ni-nian, tenki serv\u00ed ho disipplina ho unidade, respeita malu hanesan bai-bain.”<\/p>\n\n\n\n

“Ne’eb\u00e9 buat hirak ne’eb\u00e9 ami halo iha ai-laran, ami demostra iha vila, foinsa’e sira mos tenki banati tuir, halo tuir buat ne’eb\u00e9 inan-aman halo iha ai-laran.” Dehan Kasian.<\/p>\n\n\n\n

Joven sira bolu malu hamutuk, fo hanoin ba malu hodi hakerek ist\u00f3ria luta ona kakutak no surat hodi hanoin tuir atu bele hamriik hanesan kombatente sira uluk, tanba uluk aan ne’e luta ho ita nia isin-lolon rasik, ho rui no ran ne’eb\u00e9 naklekar ba rai ida ne’e, nia fo korajen liutan.<\/p>\n\n\n\n

“Husu ba malu hamutuk, evita problema ne’eb\u00e9 hirus malu, evita baku malu, evita tuku malu, evita hemu lanu para provoka uluk ema, buat hirak ne’e hotu evita, pois intensaun liu mak estuda, estuda ne’eb\u00e9 mak eskola, estuda to’o dukur iha livru nia leten, ida ne’e mak los, sasan sira ne’eb\u00e9 ita nia maluk sira ko’alia, ita kapta, balu ne’eb\u00e9 di’ak hakerek iha surat, hakerek iha kakutak to’o iha uma tau iha surat atu bele estuda,” <\/em>enkoraja liutan Veterana ne’e.<\/p>\n\n\n\n

Alberto “Maun Siak” (73), mos hato’o katak, komemora loron veteranu ni-nian, nia aproveita ne’e duni ha’u fo hatene ba juventude labele halo de’it de’it problema, oho malu, baku malu maib\u00e9 oins\u00e1 tuir sira nia ain-fatin, aban bairua joven mak futuru nasaun Timor-Leste ni-nian.<\/p>\n\n\n\n

“Ha’u aviza ba ha’u nia alin, oan sira, veteranu hosi Tutuala to’o iha Oekusi, iha Suai, imi tenki hadomi malu i unidade, para aban bairua ne’e kaer nasaun ne’e. Nasaun ne’e nia futuru iha imi agora joven ne’e nia liman, ami ne’e hanesan katuas, ami halo funu ba imi, estuda di-di’ak para imi sai ukun imi nia rai, ema ida labele mai tan hadau ita nia rai,”<\/em> veteranu ne’e enkoraja juventude sira.<\/p>\n","protected":false},"excerpt":{"rendered":"

Reportajen Adroaldo “Saretukau” Iha \u00e1mbitu komemorasaun loron Nasional Veteranu ba da-6, veteranu sira hato’o sira nia lian ba juventude sira, atu banati tuir sira nia ain-fatin luta ba ukun-rasik-an, sai ezemplu hodi serv\u00ed no luta ba dezenvolvimentu Timor Leste. Komemorasaun loron nasion\u00e1l veteranu, ne’eb\u00e9 hala’o iha Centro Conven\u00e7\u00e3o de D\u00edli (CCD), (03\/03), Veterana Ernestina da […]<\/p>\n","protected":false},"author":2,"featured_media":15261,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-15260","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/15260","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/2"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=15260"}],"version-history":[{"count":1,"href":"https:\/\/neonmetin.info\/buletin\/wp-json\/wp\/v2\/posts\/15260\/revisions"}],"predecessor-version":[{"id":15262,"href":"https:\/\/neonmetin.info\/buletin\/wp-json\/wp\/v2\/posts\/15260\/revisions\/15262"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/15261"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=15260"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=15260"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=15260"}],"curies":[{"name":"wp","href":"https:\/\/api.w.org\/{rel}","templated":true}]}}