{"id":16538,"date":"2023-06-29T21:20:25","date_gmt":"2023-06-29T12:20:25","guid":{"rendered":"https:\/\/neonmetin.info\/buletin\/?p=16538"},"modified":"2023-06-29T21:20:28","modified_gmt":"2023-06-29T12:20:28","slug":"partidu-cnrt-pd-komprimetidu-halao-servisu-ba-nasaun-hatutan-buat-neebe-halao-ona","status":"publish","type":"post","link":"https:\/\/neonmetin.info\/buletin\/2023\/06\/29\/partidu-cnrt-pd-komprimetidu-halao-servisu-ba-nasaun-hatutan-buat-neebe-halao-ona\/","title":{"rendered":"Partidu CNRT-PD Komprimetidu Hala’o Servisu Ba Nasaun, Hatutan Buat Ne’eb\u00e9 Hala’o Ona"},"content":{"rendered":"\n

Reportajen David da Costa <\/em><\/strong><\/p>\n\n\n\n

Partidu Kongresu Nasional Rekonstrusaun Timorense (CNRT) ho partidu Demokratiku (PD) iha<\/p>\n\n\n\n

komprimetidu atu hala’o servisu ba Tmor-Leste, no sei buka esforsu hotu-hotu, la’\u00f3s de’it atu kurije buat ne’eb\u00e9 la’o la di’ak , maib\u00e9 atu hatutan buat ne’eb\u00e9 hala’o tiha ona.<\/p>\n\n\n\n

Prezidente Partidu Kongresu Nasional Rekonstrusaun Timorense (CNRT) Kay Rala Xanana Gusm\u00e3o, hateten, Prezidente Rep\u00fablika bolu Primeiru Ministru indijitadu, maib\u00e9 loron ida CNRT sai, PD tama ne’e katak iha kooperasaun di’ak, intedimentu di’ak ho PD hodi halo aliansa ida ka koligasaun ida ba nonu Governu, tanba Primeiravez mak partidu rua kedas ne’eb\u00e9 sei hamutuk iha nonu Governu mai hodi hato’o hanoin ba atu halo saida.<\/p>\n\n\n\n

Ho ida ne\u2019e Prezidente Rep\u00fablika m\u00f3s f\u00f3 ninia hanoin kona-ba labele haluha ida ne’e, no labele haluha ida ne’eb\u00e1, ne’e hanesan troka ideia ba malu tanba ikus mai depois sai tiha Governu foun simua tiha tomada de posse semana-semana sempre iha enkontru ne’eb\u00e9 sei troka ideia nafatin.<\/p>\n\n\n\n

\u201cAmi ohin mai hasoru malu ho Prezidente Rep\u00fablika hodi dehan ba Xefe Estadu, sim partidu rua ne’e komprimetidu atu hala’o servisu ba nasaun ida ne’e, no sei buka esforsu hotu-hotu, la’\u00f3s de’it atu kurije buat ne’eb\u00e9 keta la’o la di’ak karik, maib\u00e9 atu hatutan buat ne’eb\u00e9 hala’o tiha ona,\u201d<\/em> dehan Prezidente Partidu CNRT, Kay Rala Xanana Gusm\u00e3o, hafoin remata hasoru malu ho Prezidente Republika Jos\u00e9 Ramos Horta Iha Plasiu Governu Bairo-Pite, Kinta 29\/06.<\/p>\n\n\n\n

Nia haktuir, iha buat barak ne’eb\u00e9 tenke halo, atu ukun an ne’e bele hetan iha sentidu loloos, sentidu kona-ba dezenvolvimentu sustentavel no dezenvolvimentu ne’e mak bele kria kondisaun ba povu bele moris di’ak, tanba durante ne’e ukun laiha sentidu loos. Tanba ne\u2019e atu foti membru Governu ida tenke haree ba iha nes\u00e9sidade atu halo saida, esper\u00e9nsia ruma, ema ne’eb\u00e9 bele fiar no komprimisiu atu serv\u00ed.<\/p>\n\n\n\n

\u201cKona-ba krit\u00e9ria saida mak ita uza hodi hili ita nia ekipa ka membru Governu, Governu ida ne’e sei kiik ka bo’ot. Krit\u00e9riu saida guia ita hodi hili membru sira. Krit\u00e9riu ne’eb\u00e9 ami lori atu hili primeiru nes\u00e9sidade atu halo saida, segundu esper\u00e9nsia ruma, terseiru ema ne’eb\u00e9 ita bele fiar katak ita f\u00f3 tiha servisu halo, tanba loron ida iha Salaun Oka hanesan ha’u dehan ami iha komprimisiu atu serv\u00ed, la’\u00f3s atu ba sai Ministru, sai ida ne’e no sai ida ne’eba, la hatene servisu ema seluk bele tama,\u201d nia esplika.<\/p>\n\n\n\n

Prezidente Partidu CNRT, nia laiha persesaun ruma husi movimentu no ema indepedente sira ne’eb\u00e9 durante apoiu partidu CNRT, tanba sira mai ho hakarak atu iha mudansa, no haree katak ida ne’e situasaun norm\u00e1l ne’eb\u00e9 halo Partidu ne\u2019e forte liu tan.<\/p>\n\n\n\n

\u201cOhin ita ko’alia kona-ba movimentu no apoiu ne’eb\u00e9 iha, ha’u kontente no sei la haluha sira no apresia tebes ba sira nia servisu tanba hamutuk apoiu ba mudansa, la’\u00f3s mai atu hetan pozisaun ruma no agora hotu-hotu komprende katak hamutuk atu kontribui ba dezenvolvimentu nasion\u00e1l. Ha’u presija tebes ekipa ida forte, iha tinan lima mai ne’e hotu-hotu hatene no sei akompa\u00f1a saida mak ami sei halo,\u201d <\/em>tenik nia.<\/p>\n\n\n\n

 Alende ne\u2019e nia m\u00f3s ka\u2019alia, Kona-ba programa pri\u00f3ridade sira ba iha Governu dasia nian, sei diskute namanas no organika governasaun nian m\u00f3s hah\u00fa iha diskusaun di’ak no hafoin tomada de posse, membru Governu hotu sei iha tempu natoon atu diskute no lori ba PN atu debate, aprova no promulga husi Prezidente Rep\u00fablika hodi hakat ba ezekusaun. Tanba programa pri\u00f3ridade sira hotu ne’eb\u00e9 nonu Governu iha sei lori ba halo diskusaun iha PN hodi defende programa sira ne’eb\u00e9 a favor ba povu nia moris.<\/p>\n\n\n\n

Nia dehan, Prezidente Rep\u00fablika Jos\u00e9 Ramos nian mensajen ba iha nonu Governu, tenke servisu ho di’ak, servisu ho responsabilidade, kopera didi’ak ho Prezidente, kopera ho parlamentu, sociadade siv\u00edl ho ema hotu, p\u00fabliku tenke akompa\u00f1a, sa\u00edda mak halo ona, sa\u00edda mak la halo, tanbas\u00e1  mak lahalo, tanbas\u00e1 mak halo sala, halo sala dala rua, dala tolu ba uma.<\/p>\n","protected":false},"excerpt":{"rendered":"

Reportajen David da Costa Partidu Kongresu Nasional Rekonstrusaun Timorense (CNRT) ho partidu Demokratiku (PD) iha komprimetidu atu hala’o servisu ba Tmor-Leste, no sei buka esforsu hotu-hotu, la’\u00f3s de’it atu kurije buat ne’eb\u00e9 la’o la di’ak , maib\u00e9 atu hatutan buat ne’eb\u00e9 hala’o tiha ona. Prezidente Partidu Kongresu Nasional Rekonstrusaun Timorense (CNRT) Kay Rala Xanana Gusm\u00e3o, […]<\/p>\n","protected":false},"author":2,"featured_media":16539,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-16538","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t