{"id":17682,"date":"2023-12-11T08:57:20","date_gmt":"2023-12-10T23:57:20","guid":{"rendered":"https:\/\/neonmetin.info\/buletin\/?p=17682"},"modified":"2023-12-11T08:57:21","modified_gmt":"2023-12-10T23:57:21","slug":"ana-hetan-violensia-hosi-laen-too-sai-difisiensia-oras-nee-sustenta-mesak-oan-nain-8","status":"publish","type":"post","link":"https:\/\/neonmetin.info\/buletin\/2023\/12\/11\/ana-hetan-violensia-hosi-laen-too-sai-difisiensia-oras-nee-sustenta-mesak-oan-nain-8\/","title":{"rendered":"Ana Hetan Viol\u00e9nsia hosi La’en To’o Sai Difisi\u00e9nsia, Oras Ne’e Sustenta Mesak Oan Na’in 8"},"content":{"rendered":"\n

Reportajen Umbelina dos Reis<\/em><\/strong><\/p>\n\n\n\n

Ana, la’os naran loloos (39) iha oan na’in ualu (8), feto ida, mane hitu, oras ne’e fa’an ai-fuan iha terminal Becora, Dili, hodi sustenta nia oan sira no fam\u00edlia uma-laran tanba nia la’en-kaben halo viol\u00e9nsia ba nia to’o sai difisi\u00e9nsia f\u00edziku iha parte ain, nune’e sira soe malu tinan 10 resin ona. Inan ne’e tenki sustenta mesak nia oan sira, nia laran taridu hanoin nia oan sira nia futuru atu sai oins\u00e1 los.<\/p>\n\n\n\n

Iha terminal Becora, Ana fa’an nia sasan sira hanesan hudi tasak, ai-dila tasak, lakeru, ai-manas, foos, fore-talin. Nia dehan, nu’udar inan, nia tenki esforsu ba nia oan na’in 8 nia nesesidade loro-loron  no futuru aban bairua nian, mezmu esforsu hirak ne’e seidauk to’o rohan maib\u00e9 kontinua pas\u00e9nsia hodi luta hasoru moris difisil ne’e.<\/p>\n\n\n\n

“Nu’udar inan mezmu hetan defisi\u00e9nsia f\u00edziku ain hosi kaben\/laen maib\u00e9 esforsu\u00a0 nafatin ba oan sira loro-loron, tenki tuur iha estrada ibun hodi fa’an ai-fuan hanesan hudi tasak, ai-dila tasak, lakeru, batar da’an no modo seluk, hodi hetan netik osan para sosa foos no oan sira nia presiza loro-loron. Se ha’u la halo bisnis entaun atu tane liman ba s\u00e9? Tanba maun sira mate hotu ba rai ida ne’e, depois hola mane, mane soe tiha ha’u, hola fali feto seluk, entaun hakarak ka lakohi tenki buka rasik hodi sustenta oan sira. Entaun bainhira destinu ha’u mate ona mak oan sira haree malu la di’ak\u00a0 ne’e laiha buat ida, maib\u00e9 ha’u sei moris ne’e tenki esforsu hodi haree sira,\u00a0 mezmu tuur iha dalan ninin mak buka osan rahun.”<\/em> Inan ne’e konfesa ba Neon Metin ho laran triste, iha terminal Becora, kuarta-feira, 22\/11.<\/p>\n\n\n\n

Ho lian neneik, inan ne’e hatutan tan, “Ha’u nia kaben durante ami rua problema so’e malu ne’e nia nunka haree ba labarik sira nia nesesidade loro-loron, mezmu kazu to’o uma Mahon no tribunal deside f\u00f3 formatu katak nia tenki haree labarik sira nia nesesidade maib\u00e9 realidade nia la kumpri regra hosi Tribunal to’o ohin loron.”<\/em><\/p>\n\n\n\n

Faluk oan 8 ne’e hola ai-fuan sira hosi foho mak fa’an iha Dili, la sente kole, la rende nia nafatin hakat hodi hasoru situasaun difisil sira. Inan ne’e konta, dala ruma la’o fa’an hanesan ne’e mak ema la hola entaun osan inan lakon hotu, maib\u00e9 nia esforsu nafatin atu lori osan inan ne’e hodi augenta ba moris, nia haktuir tan, uainhira osan laiha liu tiha entaun nia bin sira f\u00f3 osan oi-tuan hola fali sasan sira.<\/p>\n\n\n\n

“Ha’u la’o sai mai fa’an sasan iha D\u00edli hanesan ne’e, oan sira abandona hela iha foho ne’eba, maib\u00e9 ha’u sempre korajen no mensajen hela ba sira katak mezmu ha’u la’o ba buka osan maib\u00e9 hela tenki ba eskola tanba futuru iha imi nia liman rasik. Foun-foun hela ho familia maib\u00e9 haree malu ladun di’ak, entaun\u00a0 ha’u esforsu halo uma ami na’in 9 hela ketak tiha iha uma ida hafoin ha’u husik labarik sira hodi la’o ba mai buka osan hodi sustenta oan sira nia nesesidade, tanba moris mesak hodi haree oan ne’e la fasil.” <\/em>Nia dehan.<\/p>\n\n\n\n

Ana konta ba Neon Metin katak, durante ne’e sira nia fam\u00edlia la armonia tanba nia hetan viol\u00e9nsia bei-beik hosi nia la’en to’o nia sai defisi\u00e9nsia f\u00edziku parte ain nian,  ne’e mak sira fahe malu to’o ohin loron.<\/p>\n\n\n\n

“Loro-loron nia baku ha’u, bainhira nia husu osan ha’u la f\u00f3 tanba osan laiha, no ha’u feto labarik ki’ik ne’e atu buka osan iha ne’eb\u00e9 mak f\u00f3 ba nia. Mezmu ami problema hela de’it\u00a0 hanesan ne’e maib\u00e9 autoridade lokal labele rezolve tanba nia mane ne’eb\u00e9 galak, mezmu nia halo sala maib\u00e9 lakohi reko\u00f1ese nia sala.”<\/em><\/p>\n\n\n\n

Nia dehan, uainhira sira problema to’o nia sai difisi\u00e9nsia, problema ne’e lori ba Uma Mahon, no nia hela iha ne’eb\u00e1 durante tinan ida, maib\u00e9 nia la’en nafatin livre. Autoridade lokal no Pol\u00edsia buka nia la’en entaun nia subar, “durante ne’e hosi parte uma mahon no tribunal buka nia maib\u00e9 laiha tanba nia subar aan iha ne’eb\u00e9 ita la hatene. Derepenti hosi uma mahon entrega ha’u ba autoridade lokal entaun nia mosu fali mai ona, entaun ha’u sente ne’e sira nia planu, ikus ha’u foti desizaun tenki hela ketak, tanba nia hola feto seluk ona.<\/p>\n\n\n\n

“Durante ne’e labarik sira koko la’o hakbesik aan ba nia apa, hodi ku’u has iha uma primeiru ami hela ba ne’e, maib\u00e9 nia apa lori katana duni sira atu oho tiha sira, entaun labarik sira ta’uk halai fila hotu mai ha’u. Entaun durante ne’e ha’u sente triste tanba moris iha terus no susar ‘tertekang’ nia laran no fam\u00edlia sira mos haree malu ladun di’ak no maun alin sira mate hotu ba rai ida ne’e entaun laiha ema ida ne’eb\u00e9 ami atu sedere aan ba.”<\/em> Nia dehan.<\/p>\n\n\n\n

Sorin seluk nia lamenta ho Programa Uma Kbiit Laek (UKL), tanba nia hakarak  ba rejistu maib\u00e9 autoridade lokal dehan “ami ne’e la tama iha krit\u00e9ria ne’eba, nune\u2019e ha’u husu tanba s\u00e1 ami latama iha krit\u00e9ria ne’eba, mane sira ne’eb\u00e9 hatene tesi ai, hatene harii rasik uma, estadu reko\u00f1ese no f\u00f3 Uma Kbiit Laek (UKL) ba sira, maib\u00e9 feto moris mesak defisi\u00e9nsia ain hanesan ha’u ne’e, tanba s\u00e1 la tama krit\u00e9ria ne’eba, entaun laiha resposta ruma husi autoridade lokal.”<\/p>\n\n\n\n

Inan ba oan na’in 8 ne’e hakarak husu ba parte relevante sira atu tau matan ba nia ho nia oan sira ne’eb\u00e9 oras hela mesak sein iha apoiu ruma, tantu hosi nia la’en rasik no ema seluk.<\/p>\n\n\n\n

“Karik rona ami nia lian no halerik ba moris ida ne’e karik, tau matan netik mai ami kiak no mukit ne’e ba, tanba ha’u nia oan sira na’in 3 sei ki’ik no sei tuur iha banku SD, karik aban bairua sira boot hakarak asesu ba ensinu superior karik ha’u kontinua osan laiha atu haree sira, entaun nu’udar inan sente triste tebes maib\u00e9 realidade moris mak hanesan ne’e ona.”<\/em> Nia hato’o mensajen hafalun ho triste ba sira nia moris no oan nia futuru.<\/p>\n","protected":false},"excerpt":{"rendered":"

Reportajen Umbelina dos Reis Ana, la’os naran loloos (39) iha oan na’in ualu (8), feto ida, mane hitu, oras ne’e fa’an ai-fuan iha terminal Becora, Dili, hodi sustenta nia oan sira no fam\u00edlia uma-laran tanba nia la’en-kaben halo viol\u00e9nsia ba nia to’o sai difisi\u00e9nsia f\u00edziku iha parte ain, nune’e sira soe malu tinan 10 resin […]<\/p>\n","protected":false},"author":2,"featured_media":17683,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[11],"tags":[],"class_list":["post-17682","post","type-post","status-publish","format-standard","has-post-thumbnail","hentry","category-feature"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t