{"id":17719,"date":"2023-12-16T15:12:40","date_gmt":"2023-12-16T06:12:40","guid":{"rendered":"https:\/\/neonmetin.info\/buletin\/?p=17719"},"modified":"2023-12-16T15:12:41","modified_gmt":"2023-12-16T06:12:41","slug":"fongtil-lamentavel-prezidente-horta-tanba-fo-indultu-ba-emilia-no-madalena-valentim-la-merese-tanba-koruptor","status":"publish","type":"post","link":"https:\/\/neonmetin.info\/buletin\/2023\/12\/16\/fongtil-lamentavel-prezidente-horta-tanba-fo-indultu-ba-emilia-no-madalena-valentim-la-merese-tanba-koruptor\/","title":{"rendered":"FONGTIL Lamentavel \u00a0Prezidente Horta Tanba Fo Indultu Ba Emilia no Madalena, Valentim: La Merese Tanba Koruptor"},"content":{"rendered":"\n

Reportajen Filomena da Concei\u00e7\u00e3o<\/em><\/strong><\/p>\n\n\n\n

Relasiona ho desizaun Presidente da Rep\u00fablika (PR) Jos\u00e9 Ramos-Horta ne’eb\u00e9 maka f\u00f3 indultu ba Eis Ministra Finansas Em\u00edlia Pires no Eis Ministra Sa\u00fade Madalena Hanjam, Bazeia ba dekretu Presidente da Rep\u00fablika n\u00fameru 125\/2023, loron 14 fulan Dezembru. Ho ida ne\u2019e, Sosiedade S\u00edvil konsidera arguida nain rua la Merese atu hetan Indultu tanba kondenadu hanesan Korupt\u00f3r .<\/p>\n\n\n\n

“Sosiedade sivil hanoin katak Presidente iha autoridade tomak tanba nia iha direitu\u00a0 pragolativa hodi halo maib\u00e9 ami hanoin ne’e buat ida ne’e maka ita sente lamentavel tebes bele halo ka f\u00f3 hela indultu balun ba ema ne’eb\u00e9 konsidera hanesan halakon osan estudu ka nia kondenadu hanesan koruptor, ne’e ita lamentavel tebes tanba la f\u00f3 imagen di’ak ba ita nia funsionamentu estadu”, <\/em>Diret\u00f3r Ezekutivu FONGTIL, Valentim da Costa Pinto, hateten ba Jornalista sira iha salaun FONGTIL Kaikoli, sesta 15\/12.<\/p>\n\n\n\n

Nia haktuir, indultu ida ne’e m\u00f3s haree katak  iha buat balun ne’eb\u00e9 FONGTIL konsidera atu la permite hodi f\u00f3 indultu, ba koruptor no aut\u00f3r ba krime grave sira  ne’eb\u00e9  konsidera hanesan grave no la permite hodi f\u00f3 indultu.<\/p>\n\n\n\n

Tanba ne’e FONGTIL lamentavel tebes ba kondenadu nain rua, ne’eb\u00e9 Durante ne’e  hetan pena maib\u00e9 la tama iha prizaun no Emilia Pires  hanesan fuzitiva (buronan) ba tribunal, tanba problema ida ne’e ba tiha rai li’ur, tanba ne’e Em\u00edlia Pires no Madalena Hanjam la merese atu hetan indututu.<\/p>\n\n\n\n

“Ami lamentavel ba\u00a0 Presidente\u00a0 ninia desizaun tanba ba futuru lei indultu ida ne’e bele f\u00f3 tan motivasaun ba ema ne’eb\u00e9 iha autoridade bele repete ba saida mak ida ne’e tanba\u00a0 nia iha esperansa tanba ne’e mak ami lamentavel tebes,”<\/em> nia dehan.<\/p>\n\n\n\n

Nune’e nia husu ba deputadu sira iha Parlamentu hodi bele haree kestaun ida ne’e, tanba la f\u00f3 imagen diak ba sistema judisiariu iha Timor,  tanba Presidente iha tendensia bele halo fali kompetensia hodi intervem kompetensia seluk, tanba ne’e sente triste tanba ema ne’eb\u00e9 mak la’\u00f3s tama prizaun no la’o livre hela maib\u00e9 nia hetan fali estatutu atribuisaun ba indultu.<\/p>\n\n\n\n

“Ha’u hanoin\u00a0 dekretu Presidente da Rep\u00fablika la priense rekuezitus konstitusaun da Rep\u00fablika tanba ne’e husu ba makaer no ukun na’in sira hodi bele hare’e ida ne’e\u00a0 no\u00a0 ba ekipa konsellu\u00a0 ne’eb\u00e9 tuur iha Presidente bele hare’e hodi halo knaar ho di’ak ho bele f\u00f3 hanoin ba Presidente hodi bele deside ba futuru ne’eb\u00e9 la presiza repete tan”, <\/em>Nia Esplika<\/p>\n\n\n\n

Nia hatutan, desizaun Ne’eb\u00e9 Presidente da Rep\u00fablika foti presiza hare’e didiak hodi bele f\u00f3 edukasaun di’ak  iha futuru no funsionamentu diak ba estadu Timor-Leste.<\/p>\n","protected":false},"excerpt":{"rendered":"

Reportajen Filomena da Concei\u00e7\u00e3o Relasiona ho desizaun Presidente da Rep\u00fablika (PR) Jos\u00e9 Ramos-Horta ne’eb\u00e9 maka f\u00f3 indultu ba Eis Ministra Finansas Em\u00edlia Pires no Eis Ministra Sa\u00fade Madalena Hanjam, Bazeia ba dekretu Presidente da Rep\u00fablika n\u00fameru 125\/2023, loron 14 fulan Dezembru. Ho ida ne\u2019e, Sosiedade S\u00edvil konsidera arguida nain rua la Merese atu hetan Indultu […]<\/p>\n","protected":false},"author":2,"featured_media":17720,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[28],"tags":[],"class_list":["post-17719","post","type-post","status-publish","format-standard","has-post-thumbnail","hentry","category-justisa"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t