{"id":18486,"date":"2024-04-26T15:14:00","date_gmt":"2024-04-26T06:14:00","guid":{"rendered":"https:\/\/neonmetin.info\/buletin\/?p=18486"},"modified":"2024-04-26T15:14:02","modified_gmt":"2024-04-26T06:14:02","slug":"moris-kiak-inan-faluk-alda-nian-tinan-20-resin-hela-iha-uma-at-iha-rai-estadu","status":"publish","type":"post","link":"https:\/\/neonmetin.info\/buletin\/2024\/04\/26\/moris-kiak-inan-faluk-alda-nian-tinan-20-resin-hela-iha-uma-at-iha-rai-estadu\/","title":{"rendered":"Moris Kiak Inan Faluk Alda Nian, Tinan 20 Resin Hela Iha Uma At, Iha Rai Estadu"},"content":{"rendered":"\n

Reportajen Juvinal<\/em><\/strong><\/p>\n\n\n\n

Inan faluk  Alda Monteiro  idade 78 ho nia beioan nain 2 hela de\u2019it iha uma kondisaun kalen at nia okos durante tinan 20 resin, iha rai estadu nian, tempu udan bee nakonu uma laran. Alda hatutan nia moris liu hosi hili masa akua mamuk lori ba faan.<\/p>\n\n\n\n

\u201cFoin lais udan semana ida ne\u2019e ami la te\u2019in. Mana sira sorin mak lori etu tasak mai ami ho beioan sira\u00a0 han. Ha\u2019u\u00a0 husu ba estadu tau matan netik ba ami, fo rai oituan hodi halo ha\u2019u nia uma ba, tanba ha\u2019u nia destinu ne\u2019e ha\u2019u nia uma metin la iha, ha\u2019u nia beioan sira hela ne\u2019ebe, dehan Alda Monteiro iha nia hela fatin aldeia Ana-Ulo, Suku Bahu, Postu administrativu Baukau, 24\/04\/2024 \u201d<\/em><\/p>\n\n\n\n

Inan faluk ne\u2019e haktuir dadaun ne\u2019e nia hetan apoiu husi komunidade, sira fo kalen tahan sanulu, besi (baza) batang 8. Nia simu osan idozu hola tan ai-rin rua hodi hadi\u2019a fali uma maibe rai ne\u2019ebe nia hela ba ne\u2019e estadu nian.  Inan ne\u2019e mos hetan hahan husi igreja, veteran sira. Eskola balun fo mos ajuda, hanesa foos, mina tein, masin, masako no seluk tan. Nia kontenti ho ajuda ne\u2019ebe hetan ona, maibe nia sente triste liu mak uma ne\u2019ebe nia hela ba kondisaun at ona, kalen kuak, no tempu udan susar atu te\u2019in hahan.<\/p>\n\n\n\n

\u201cHa\u2019u atu ba fali hela iha Postu administrativu Ossu sente ba araska. Tanba ha\u2019u iha ne\u2019e de\u2019it la hetan buat ida, ha\u2019u sei forsa mak ba hili masa akua no botir mamuk, lori mai fase moos lori ba fa\u2019an. Masa akua boot ne\u2019e\u00a0 3 mak 10 centavos, ida kiik ne\u2019e 6 mak ami tau hamutuk fa\u2019an 10 centavos. Se ema sosa ona mak ami hodi hola foos ba han\u201d, Alda haktuir.<\/em><\/p>\n\n\n\n

Alda Monteiro ne\u2019e  konta  nia agora kondisaun moras hela labele kontinua hili akua n tanba lao forsa laiha ona, lao ain moras, kotuk laran moras, matan mos ladun haree ona. Bainhira nia lao beioan sira tenke halai tui-tuir, ho ida ne\u2019e nia labele ona hili masa akua no fa\u2019an modo tahan ruma.<\/p>\n\n\n\n

\u201cUluk ha\u2019u forsa sei iha, hau ba hili mas akua too Kota Lama mak tutur mai Kota Baru. Lao oras ida rua saku boot ne\u2019e nakonu ona maibe agora ladun. Entaun ha\u2019u rona bainhira festa ruma, dada bandeira iha munisipiu mak ba hili, se lae\u00a0 ha\u2019u ba hili iha sampah laran\u201d, Alda esplika oinsa nia hatutan moris.<\/em><\/p>\n\n\n\n

Faluk ne\u2019e konta tinan 20 ona nia hili akua maibe agora moras labele lao ona nune\u2019e nia beioan mak ba hili nia fase de\u2019it mak lori ba fa\u2019an. Alda lakoi ba konsulta iha ospital tan tauk baixa. Nia preokupa se hetan baixa se mak haree nia. Maibe se nia bei-oan sira mak moras ne\u2019e nia mak ba hein iha ospital.<\/p>\n\n\n\n

Iha sorin seluk Deolinda Correia Guterres hanesan vizinho hatutan katak faluk ne\u2019e nia uma at ona. Dalaruma tempu udan been turuk ba dapur laran sira sunu ahi ladiak. Entaun nia tein halo modo hotu bolu labarik sira ba foti lae nia rasik lori hela ba inan faluk ho beioan sira han.<\/p>\n\n\n\n

\u201cDalaruma nia moras ha\u2019u halo tiha sasoro, bee manas ba obriga nia hader han. Kuandu ai-moruk iha ha\u2019u fo hela ba. Tanba ferik ne\u2019e besik hau ne\u2019e mak familia haree ho tau matan hela ba\u201d, dehan Deolinda iha aldeira Ana-Ulo, Baukau.<\/em><\/p>\n\n\n\n

\n
\"\"
Deolinda, Vizinho Alda Nian (Foto: Juvi)<\/figcaption><\/figure>\n<\/figure>\n\n\n\n

Vizinho ne\u2019e haktuir nia beioan sira ne\u2019e la eskola hotu tanba haree ba situasaun labarik sira eskola too de\u2019it SD klase 3 para ona hodi ba hili masa akua mamuk.<\/p>\n\n\n\n

Deolinda mos haktuir katak maluk sira ajuda duni fo kalen atu halo Alda nia uma maibe agora ne\u2019e sira rona dehan estadu atu hasai ema hosi rai estadu nian. Entaun seidauk halo buat ida ho ida ne\u2019e. Karik bele lori apoio sira ne\u2019e ba foho maibe Alda fo hatene katak iha foho nia la iha familia. Deolinda mos dehan katak inan faluk ne\u2019e uluk hela iha Kailara mai hela iha ne\u2019e husi 2003 nia moris mak hili lata ne\u2019e no akua mamuk hodi hola hahan ba loro-loron.<\/p>\n\n\n\n

Duarte, vizinho ida tan husi Alda mos haktuir katak Alda mai husi Ossu no hetan apoio husi vizinho sira hodi hetan iha fatin agora nia hela ba ne\u2019e. Inan ne\u2019e nia moris susar duni tan la iha familia mak fo apoio.<\/p>\n\n\n\n

\u201cIta nia inan, ita nia avo feto ne\u2019e mai husi Ossu hela iha ne\u2019e \u2018memang\u2019 sira nia moris mak hanesan ne\u2019e duni. Ita nia inan ne\u2019e mos faluk ida ami hanesan vizinho fo netik kalen tahan Ida, besi ida hodi hamahon ba Sira hela netik iha okos\u201d, Duarte haktuir.<\/em><\/p>\n\n\n\n

\n
\"\"
Duarte, Vizinho Alda nian (Foto: Juvi)<\/figcaption><\/figure>\n<\/figure>\n\n\n\n

Duarte mos hateten faluk ne\u2019e iha oan feto ida maibe hola mane ona la hamutuk ona ho Alda. Inan ne\u2019e hetan ona osan idozu nune\u2019e nia bele auguenta ba han loron balun nian. Ho situasaun moris Alda nian ne\u2019e Duarte hakarak husu nai ulun sira fo netik kalen tahan balun ajuda inan faluk Alda Monteiro hodi hadi\u2019a nia uma ne\u2019eb\u00e9 at ona. No husu estadu atu fo netik rai pedasuk ida para halo inan faluk nia uma metin, hodi nia hela ba tanba rai agora inan hela ba ne\u2019e estadu nia.<\/p>\n","protected":false},"excerpt":{"rendered":"

Reportajen Juvinal Inan faluk  Alda Monteiro  idade 78 ho nia beioan nain 2 hela de\u2019it iha uma kondisaun kalen at nia okos durante tinan 20 resin, iha rai estadu nian, tempu udan bee nakonu uma laran. Alda hatutan nia moris liu hosi hili masa akua mamuk lori ba faan. \u201cFoin lais udan semana ida ne\u2019e […]<\/p>\n","protected":false},"author":3,"featured_media":18489,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-18486","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t