{"id":18588,"date":"2024-05-04T00:42:13","date_gmt":"2024-05-03T15:42:13","guid":{"rendered":"https:\/\/neonmetin.info\/buletin\/?p=18588"},"modified":"2024-05-04T00:42:15","modified_gmt":"2024-05-03T15:42:15","slug":"loron-liberdade-imprensa-jornalista-sira-husu-ci-kontinua-sosializa-lei-komunikasaun-sosial","status":"publish","type":"post","link":"https:\/\/neonmetin.info\/buletin\/2024\/05\/04\/loron-liberdade-imprensa-jornalista-sira-husu-ci-kontinua-sosializa-lei-komunikasaun-sosial\/","title":{"rendered":"Loron Liberdade Imprensa, \u00a0Jornalista Sira Husu CI Kontinua Sosializa Lei Komunikasaun Sosi\u00e1l"},"content":{"rendered":"\n

Reportajen Joselina dos Santos<\/em><\/strong><\/p>\n\n\n\n

Relasiona ho loron mundial liberdade imprensa ida ne’e, Jornalista Hatutan.com, Rog\u00e9rio Pereira C\u00e1rceres husu   Conselho Imprensa (CI), atu kontinua sosializa lei komunikasaun sosial ba entidade publiku sira, hodi komprende di’ak liutan servisu jornalizmu nian, oins\u00e1 fasilita informasaun ba jornalista sira, hodi kompleta sira-nian report\u00e1jen jornal\u00edstika. Seluk fali, husu SEKOMS ho CI atu kria lei ida espes\u00edfiku hodi padroniza salarial m\u00ednimu ba jornalista, liu-liu define kategoria jornalista sira ne’ebe servisu ona iha media ho tinan barak, s\u00e1 t\u00e1n sira ne’eb\u00e9 iha ona kartaun Karteira Profesion\u00e1l. Ida nee importante tanba atu bele motiva no intensiva jornalista sira mantein sira nian servisu iha m\u00e9dia, hodi hala’o nafatin atividade jornalistika sira nune’e promove Demokrasia iha pais estadu direitu demokr\u00e1tiku ida ne’e.<\/p>\n\n\n\n

“Tuir ha’u nia haree, Artigu 40 kona-b\u00e1 “Liberdade Impr\u00e9nse”, no Artigu 41 kona-b\u00e1 “Liberdade Espresaun”, iha Lei Konstituisaun RDTL ne’e, lei\u00a0 ne’e vale duni b\u00e1 jornalista no media sira iha TL, tanba liuhosi artigu 40 ne’e mak f\u00f3 dalan ba Governu liuhosi Sekret\u00e1ria Estadu Komunikasaun Sosial (SEKOMS) iha tempu ne’eb\u00e1, kria Lei N\u00fameru 5\/2014, 19 Novembru, kona-b\u00e1 Komunikasaun Sosi\u00e1l nian, ne’eb\u00e9 regula espes\u00edfikamente ho servisu Jornal\u00edsta sira nian iha profisaun Jornal\u00edzmu, inklui Kodigu \u00c9tika Jornal\u00edzmu rasik. Tanba ne’e maka artigu 40 iha konstituisaun RDTL ne’e sai baze ida fundamentalmente b\u00e1 Jornalista sira hodi hala’o profisaun jornal\u00edzmu”, <\/em>dehan Rog\u00e9rio iha CI, Kintal boot, 03\/05.<\/p>\n\n\n\n

Nia esplika, Konsellu Impr\u00e9nsa hanesan \u00d3rgaun regulad\u00f3ra ida ne’eb\u00e9 estabelese hosi Governu, ho baze b\u00e1 Lei Komunikasaun Sosial, N\u00fameru 5\/2014, liuhosi Dekretu-Lei N\u00fameru 25\/2015, hodi bolu atensaun b\u00e1 p\u00fabliku no ukun-nain sira, jornalista, inklui respons\u00e1vel \u00f3rgaun meiu komunikasaun sosial sira nian, atu hamutuk asegura nafatin liberdade impr\u00e9nsa no espresaun iha Timor-Leste ne’eb\u00e9 konsagra ona iha Konstituisaun RDTL, Artigu 40 ho 41.<\/p>\n\n\n\n

“Iha ha’u nia observasaun hanesan Jornal\u00edsta ida, ha’u haree katak, durante ne’e CI halao duni ninia servisu tuir lei sira ne’eb\u00e9 eziste. Tanba, CI sempre halo monitorizasaun ba produtu jornalistiku sira, hodi garante katak, report\u00e1jen media sira ne’e lao tuir nafatin normas no regulamentu sira ne’eb\u00e9 hateten iha lei komunikasaun sosial. Haree kona-b\u00e1 cover both sides, balansu informasaun nian, kode \u00e9tika jornal\u00edsta, fasilita formasaun oioin ba jornalista sira hodi eleva ko\u00f1esementu iha atividade kobertura lorloron”, <\/em>nia informa.<\/p>\n\n\n\n

Alende ne’e, CI mos halo advokasia ba komunidade sira, ba entidade sira estadu nian, halo m\u00f3s sosializasaun iha eskola sira, ho objetivu atu publiku bele respeita servisu m\u00e9dia no jornalista sira katak, iha atividade jornal\u00edstika sira labele mosu fali impedimentu ruma hasoru Jornal\u00edsta iha terrenu. Ida ne’e la’o hela maib\u00e9, presiza atu hala’o nafatin advokasia to’o iha munis\u00edpiu sira, atu entidade hotu komprende kona-b\u00e1 m\u00e9dia ninian servisu, nune’e bele fasilita informasaun ne’eb\u00e9 di’ak liut\u00e1n ba jornal\u00edsta sira, tanba ho liberdade impr\u00e9nsa no liberdade espresaun de’it mak, bele hamoris Demokr\u00e1sia iha Timor-Leste.<\/p>\n\n\n\n

“Ha’u haree katak, dezde lei komunikasaun sosial ne’e harii ka estabelese, hosi kedas governasaun sira anterior mai to’o ohin loron, SEKOMS nia programa apoiu maka’as ba media Timor-Leste. Apoiu sira ne’e liuhosi kria pol\u00edtika dezenvolve m\u00e9dia, eleva ko\u00f1esimentu jornalista sira ho formasaun oioin, apoiu orsamentu ka subs\u00eddiu b\u00e1 instituisaun m\u00e9dia sira, hanesan r\u00e1diu, televizaun, jornal no online sira. At\u00e9 SEKOMS rasik m\u00f3s kria ona programa “Promove Inkluzaun Iha Set\u00f3r Komunikasaun Sosial”. Ida ne’e pol\u00edtika ne’eb\u00e9 di’ak tebes, tanba hatudu pasu ida t\u00e1n hodi promove ema ho defisi\u00e9nsia sira iha set\u00f3r komunikasaun sosial”,<\/em><\/p>\n\n\n\n

Maske nune’e, iha m\u00f3s situasaun balu ne’eb\u00e9 f\u00f3 ameasa b\u00e1 liberdade impr\u00e9nsa iha TL, tanba iha mandadu governasaun sira ikus ikus ne’e, mosu intervensaun hosi Poder Pol\u00edtika no Poder Ekonomika, hodi influ\u00e9nsia servisu redasaun m\u00e9dia sira. Iha kestaun ida ne’e, ha’u pesoal ba indika ema ruma, maib\u00e9 ho baze ba situasaun balu ne’eb\u00e9 akontese foin lalais (23\/04\/2024), iha RTTL.EP, SEKOMS Expedito Dias, ho prezidente RTTL.EP rasik, tama b\u00e1 iha sala redasaun RTTL.EP nian, hodi influ\u00e9nsia Konsellu Redasaun RTTL.EP nian, husu atu apaga not\u00edsia no testu balu, ne’eb\u00e9 tuir loloos hein de’it ona atu halo publikasaun. Ida ne’e violasaun ida ne’eb\u00e9 gr\u00e1ve tebes, tanba membru governu ida ne’eb\u00e9 loloos nia mak tau matan b\u00e1 garante liberdade imprensa, infelizmente nia rasik mak viola.<\/p>\n\n\n\n

“Hanesan jornal\u00edsta, reko\u00f1ese mosu duni dezafiu barak iha kna’ar lorloron. Iha ha’u nia esperi\u00e9nsia pessoal, dala-barak liu fonte sira lakohi koalia, maske ita hein kleur ona m\u00f3s, uainhira ita atu entrevista, sira rejeita atu koalia b\u00e1 jornalista. Ida fali m\u00f3s, ema balu bandu atu hasai fotografia, seluk fali maka, taka informasaun b\u00e1 m\u00e9dia. Situasaun sira ne’e mak durante ne’e mosu iha terrenu. Agora, situasaun sira ne’e mosu, tanba dalaruma p\u00fabliku seidauk komprende didi’ak servisu jornal\u00edzmu nian, no ida fali tanba fonte sira mak lakohi duni atu koalia ho m\u00e9dia”,<\/em><\/p>\n\n\n\n

Iha sorin seluk, Jornalista Cristina  Ximenes husi M\u00e9dia independente hateten, komemorasaun loron liberdade imprensa hanesan loron ne’eb\u00e9 impotante atu dignifika servisu jorlista hotu iha mundu, inklui Timor-Leste tanba nee nia husu ba Jornalista sira hodi hatudu nafatin servisu profisionalidade iha mundu jornalismu hodi lalabele monu ba poder pol\u00edtiku sira nia gaiola.<\/p>\n\n\n\n

“Komemorasaun loron liberdade imprensa ida ne’e hau hakarak hato’o hau nia votus parabens ba maluk Jornalista sira hotu iha Timor-Leste, nafatin hatudu ita nian profisionalidadeiha mundu Jornalismu, tenke\u00a0 servisu pasial, Neoutru no labele monu lalais ba p\u00f3der pol\u00edtika no m\u00f3s p\u00f3der ekon\u00f3mia nia gaiola”, <\/em>Dehan Cristana ba Neometin iha Edifisiu independente hudi Laran, sesta, 03\/05<\/p>\n\n\n\n

Nia haktuir, Servisu jornalizmu nian ne’eb\u00e9 durante Nia  hala’o mak rekolla informasaun husi sosiadade ba povu, no povu ba sosiadade, tanba ida ne’e pap\u00e9l jornalista nian no Pap\u00e9l jornalista m\u00f3s kontrolu sosi\u00e1l, sai hanesan matan, tilun no ibun ba sosiadade nia halerik nune’e tranzmite fila fali ga governante sira ne’eb\u00e9 toma desizaun.<\/p>\n\n\n\n

“Difikuldade ne’ebe durante ha’u hasoru mak nu’udar jornalista la fasil ida, bainhira ita tun ba terenu rekolla informasaun husi sosiadade no m\u00f3s parte\u00a0 governu nian. Ha’u sente informasaun ne’eb\u00e9 ita rekolla husi sosiadade laiha problema ka laiha intimidasaun ruma, maib\u00e9 parte governante sira mak difisil loos tanba sira uza sira nia p\u00f3der pol\u00edtiku hodi hatauk ha’u nu’udar jornalista ida. Tanba saida mak ha’u ko’alia nune’e tanba ha’u nu’udar jornalista ha’u sempre hasoru bei-beik iha ha’u nia vida jornalizmu nian, bainhira ha’u husu pergunta ema sempre habaikan, no ema sempre f\u00f3 tegor ba ha’u, maib\u00e9 ha’u la para tanba sosiadade presiza hatene kona-ba ukun governante sira nian mandatu durante tinan lima nia laran”,<\/em><\/p>\n\n\n\n

Jornalista m\u00e9dia Independente Domingos Gomes haforsa, Durante nia servisu hanesan jornalista iha jornal independente nia kobertura iha area defeza no seguransa, bainhira hakerek notisia simu notifikasaun hosi autoridade investigador hanesan PSIK  konaba produtu jornalista ba ida ne’e hanesan presaun ida ba nia,  tanba autoridade sira ne’eb\u00e9 kada loron kaer lei rasik sei muikit ba dekretu lei sira ne’eb\u00e9 vigora iha TL, tuir lolos notifikasaun sira kona-ba direitu resposta no retifikaasaun tuir  dekretu lei komunikasaun sosial numeru 05\/2014  jornalista ida hakerek sasan bele husu retifikasaun, bainhira media na’in la fo resposta haruka keixa ba  CI mak bele halo mediasaun atu rezolve.<\/p>\n\n\n\n

“Tanba ne’e lei hirak ne’eb\u00e9 ukun nain sira produz sira rasik viola hodi\u00a0 limita servisu jornalista hodi hamate liberdade imprenssa iha Timor-Leste, tanba lei iha ukun na’in sira la aplika maib\u00e9 sira aplika fali lei seluk hodi kondena jornalista nia produtu hanesan krime ida ne’e lolos ne’e labele akontese,\u00a0 Konsellu Imprensa SEKOMS durante ne’e ko’alia konaba sosializaun lei\u00a0 komunikasaun sosial ne’e\u00a0 iha de’it media la tun ba hasoru instituisaun sira ezekulta lei ne’e”,<\/em>\u00a0 Dehan Domingos Gomes.<\/p>\n","protected":false},"excerpt":{"rendered":"

Reportajen Joselina dos Santos Relasiona ho loron mundial liberdade imprensa ida ne’e, Jornalista Hatutan.com, Rog\u00e9rio Pereira C\u00e1rceres husu   Conselho Imprensa (CI), atu kontinua sosializa lei komunikasaun sosial ba entidade publiku sira, hodi komprende di’ak liutan servisu jornalizmu nian, oins\u00e1 fasilita informasaun ba jornalista sira, hodi kompleta sira-nian report\u00e1jen jornal\u00edstika. Seluk fali, husu SEKOMS ho CI […]<\/p>\n","protected":false},"author":2,"featured_media":18589,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-18588","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t