{"id":19310,"date":"2024-09-18T21:46:49","date_gmt":"2024-09-18T12:46:49","guid":{"rendered":"https:\/\/neonmetin.info\/buletin\/?p=19310"},"modified":"2024-09-20T16:52:05","modified_gmt":"2024-09-20T07:52:05","slug":"seguransa-nasional-no-kriasaun-konsellu-seguransa-nasional-tuir-programa-ix-governu-konstitusional","status":"publish","type":"post","link":"https:\/\/neonmetin.info\/buletin\/2024\/09\/18\/seguransa-nasional-no-kriasaun-konsellu-seguransa-nasional-tuir-programa-ix-governu-konstitusional\/","title":{"rendered":"Seguransa Nasional no Kriasaun Konsellu Seguransa Nasional Tuir Programa IX Governu Konstitusional"},"content":{"rendered":"\n

Hakerek nain Jo\u00e3o Almeida<\/em><\/strong><\/p>\n\n\n\n

Introdusaun<\/strong><\/p>\n\n\n\n

Seguransa nasional maka komponente ida ne’ebe kr\u00edtiku liu ba estabilidade no dezenvolvimentu nasaun ruma nian. Iha Timor-Leste, nasaun ida ne\u2019ebe hetan konflitu iha d\u00e9kada barak nia laran molok no depois hetan nia independ\u00e9nsia iha tinan 2002. Kriasaun estrutura seguransa ida ne\u2019ebe s\u00f3lidu importante tebes atu garante soberania no protesaun ba nia sidadaun sira. IX Governu Konstitusional Timor-Leste ne\u2019ebe lidera hosi Primeiru-Ministru Xanana Gusm\u00e3o, lori vizaun renovada ba seguransa nasional, ho \u00e9nfaze partikular ba kriasaun Konsellu Seguransa Nasional (CSN).<\/p>\n\n\n\n

Vizaun IX Governu Konstitusional nian ba seguransa nasional nu\u2019udar prioridade estrat\u00e9jiku ba nasaun ne\u2019e. Foku prinsipal ida maka kriasaun mekanizmu sira ne\u2019ebe garante koordenasaun efetivu entre instituisaun seguransa no defeza. Ida-ne\u2019e inklui la\u2019os de\u2019it FALINTIL-For\u00e7a de Defesa de Timor-Leste (F-FDTL) no Pol\u00edcia Nacional Timor-Leste (PNTL), maibe m\u00f3s servisu intelij\u00e9nsia no instituisaun sira seluk ne\u2019ebe envolve iha prezervasaun orden p\u00fablika no soberania.<\/p>\n\n\n\n

Iha dokumentu Programa Governu da-IX, kriasaun CSN aprezenta nu\u2019udar pasu esensial ba konsolidasaun p\u00e1s no seguransa iha Timor-Leste. Governu sei kria CSN, ne\u2019ebe sai nu\u2019udar \u00f3rgaun konsultivu ba governu, hodi bele akonsella no apoia iha tomada de desizoens superiores, no m\u00f3s hodi halo elaborasaun ba pol\u00edtika no lejizlasaun ne\u2019ebe inklui mat\u00e9ria defeza no seguransa nian.<\/p>\n\n\n\n

Artigo ida-ne\u2019e esplora import\u00e1nsia hosi kriasaun CSN, ninia funsaun sira no impaktu ne\u2019ebe hein ba seguransa nasional Timor-Leste, iha kontestu programa IX Governu Konstitusional nian. Sei analiza m\u00f3s dezafiu no oportunidade sira ne\u2019ebe estrutura foun ne\u2019e lori ba nasaun no ninia knaar iha jeopol\u00edtika rejional.<\/p>\n\n\n\n

Estrutura no Funsionamentu CSN<\/strong><\/p>\n\n\n\n

Hanesan temi iha Programa Governu Konstitusion\u00e1l da-IX nian kona-ba kriasaun CSN nu\u2019udar \u00f3rgaun konsultivu ba Governu hodi bele akonsella no apoia iha tomada de desizoens superiores, no m\u00f3s hodi halo elaborasaun ba pol\u00edtika no lejizlasaun ne\u2019ebe inklui mat\u00e9ria de defeza no seguransa nian. Maibe to\u2019o agora seidauk halo diskusaun ruma kona-ba kriasaun Konsellu ne\u2019e nian. Tanba ne\u2019e seidauk klaru kona-ba estrutura no funsionamentu CSN nian. Maski nune\u2019e kriasaun CSN la’\u00f3s buat foun iha palku internasional, nu’udar pr\u00e1tika ida ne’ebe adota hosi nasaun barak iha mundu tomak. Nasaun ida-idak ajusta nia konsellu nia estrutura no funsionamentu tuir nia nesesidade espes\u00edfiku no kontestu jeopol\u00edtiku sira.<\/p>\n\n\n\n

Ideia atu estabelese CSN ida iha Timor-Leste hanesan resposta direta ida ba mudansa sira iha ambiente seguransa global, no m\u00f3s reko\u00f1esimentu katak koordenasaun entre aj\u00e9nsia sira esensial ba resposta ida ne’ebe efetivu ba dezafiu nasional sira. Tanba kriasaun CSN konsolida vizaun ol\u00edstiku no unifikadu kona-ba nesesidade seguransa nasaun nian, ne\u2019ebe inklui ameasa tradisional sira, hanesan konflitu armadu no violasaun fronteira sira, no m\u00f3s ameasa foun sira, hanesan krime organizadu, terorizmu, krime sibern\u00e9tiku no dezastre naturais sira. Aleinde ne’e, CSN sei sai hanesan forum asesoria no foti desizaun prinsipal ba asuntu seguransa ho prioridade aas.<\/p>\n\n\n\n

Integrasaun hosi \u00f3rgaun oioin iha CSN nia laran sei promove m\u00f3s koordenasaun hosi pol\u00edtika no estrat\u00e9jia sira, hodi evita duplikasaun hosi esforsu sira no garante katak Timor-Leste nia rekursu sira ne’ebe limitadu uza ho efisi\u00e9nsia. Aspetu importante seluk hosi CSN sei sai ninia abilidade atu f\u00f3 konsellu ba governu iha tempu krize nian, hodi permite resposta sira ne’ebe lalais no koordenadu. Formatu nivel aas ida-ne’e m\u00f3s sei permite atu halo desizaun sira seguransa nian ho lalais no efetivu, hodi garante katak parte hotu-hotu ne’ebe envolve iha asesu ba informasaun kr\u00edtiku ne’ebe hanesan.<\/p>\n\n\n\n

Timor-Leste bele hetan benef\u00edsiu bainhira observa esperi\u00e9nsia susesu sira iha nasaun seluk kona-ba kriasaun CSN. Ezemplu primeiru, hosi Estados Unidos Amerika (EUA) nian, CSN (National Security Council) <\/em>maka forum prinsipal Prezidente nian hodi foti desizaun iha mat\u00e9ria seguransa nasional no pol\u00edtika esterna. CSN prezide hosi Prezidente no nia membru sira kompostu hosi Vise-Prezidente, Sekret\u00e1riu Estadu, sekret\u00e1riu sira ba asuntu tezouru, defeza, enerjia, justisa, seguransa interna, embaixador ba ONU, xefe intelij\u00e9nsia no membru instituisaun sira seluk. EUA nia CSN harii hosi Lei Seguransa Nasional (National Security Act).<\/em><\/p>\n\n\n\n

Lisaun prinsipal ida ne\u2019ebe Timor-Leste bele aprende hosi NSC Amerikanu maka importansia atu iha estrutura ida ne\u2019ebe fleksivel no adaptavel, ne\u2019ebe bele responde lalais ba krize global no lokal sira. Aleinde ne’e, integrasaun informasaun hosi aj\u00e9nsia oioin maka esensial atu foti desizaun sira ne’ebe informadu.<\/p>\n\n\n\n

Ezemplu segundu, hosi Indon\u00e9zia nia CSN, ne\u2019ebe ko\u00f1esidu ho naran Dewan Ketahanan Nasional<\/em>, hala\u2019o papel krusial ida hodi formula pol\u00edtika seguransa nasional no jere krize sira. Nu\u2019udar nasaun vizi\u00f1u no parseiru rejional, Indon\u00e9zia oferese lisaun importante ba Timor-Leste, liuliu bainhira hasoru ameasa internu sira hanesan insurj\u00e9nsia no terorizmu. Esperiensia Indon\u00e9zia nian subli\u00f1a importansia atu inklui komponente seguransa interna ne\u2019ebe forte iha CSN, liuliu iha nasaun ida hanesan Timor-Leste, ne\u2019ebe hasoru dezafiu sira relasiona ho krime transnasional no seguransa fronteira nian.<\/p>\n\n\n\n

Hanesan \u00f3rgaun konsultivu governu nian no prezide hosi Primeiru-Ministru, CSN iha responsabilidade atu f\u00f3 konsellu ba governu kona-ba asuntu krusial seguransa no defeza nian. Entre funsaun prinsipal sira hosi CSN maka:<\/p>\n\n\n\n

    \n
  1. CSN sei hala\u2019o papel konsultivu, f\u00f3 orientasaun estrat\u00e9jiku ba governu kona-ba asuntu seguransa nasional nian. Ida-ne’e sei ajuda atu foti desizaun sira ne’ebe lalais no informadu durante situasaun krize sira.<\/li>\n\n\n\n
  2. Planeamentu Estrat\u00e9jiku: CSN sei iha responsabilidade ba planeamentu ba tempu naruk, identifika ameasa potensial sira no prepara atu hasoru sira. Ameasa sira-ne’e inklui seguransa sibern\u00e9tika, mudansa klim\u00e1tika no instabilidade rejional<\/li>\n\n\n\n
  3. Koordenasaun Estrat\u00e9jiku: dezafiu bo\u2019ot ida ne\u2019ebe Timor-Leste hasoru kona-ba seguransa durante ne\u2019e laiha koordenasaun ne\u2019ebe efetivu entre forsa seguransa ne\u2019ebe diferente. CSN sei sai m\u00f3s hanesan pontu artikulasaun sentral, no m\u00f3s promove kooperasaun entre forsa militar, pol\u00edsia no intelij\u00e9nsia nian.<\/li>\n\n\n\n
  4. Konsultoria Pol\u00edtika Externa: CSN m\u00f3s sei sai nu\u2019udar konsultor ba asuntu pol\u00edtika externa ne\u2019ebe relasiona ho seguransa nasional, hodi garante katak Timor-Leste nia relasaun internasional hetan orientasaun hosi prins\u00edpiu sira ne\u2019ebe favorese seguransa rejional no global.<\/li>\n<\/ol>\n\n\n\n

    Nu\u2019udar lisaun hosi rai sira seluk, CSN sei hetan apoiu hosi komite t\u00e9kniku espesializadu sira ne’ebe sei fornese an\u00e1lize no relat\u00f3riu sira ho detalle kona-ba asuntu espes\u00edfiku sira hanesan terorizmu, seguransa sibern\u00e9tika no kontrolu fronteira nian. Adisionalmente, CSN sei hetan knaar atu monitoriza no haree fila-fali ezekusaun pol\u00edtika seguransa nian, hodi ajusta tuir nesesidade atu rezolve ameasa sira ne’ebe mosu.<\/p>\n\n\n\n

    Dezafiu Seguransa Nasional no Kriasaun CSN<\/strong><\/p>\n\n\n\n

      \n
    1. Dezafiu Seguransa Nasional<\/li>\n<\/ol>\n\n\n\n

      Kriasaun CSN ne\u2019e mosu iha tempu ne\u2019ebe Timor-Leste hasoru hela dezafiu oioin relasiona ho ninia seguransa internu no esternu. Maski nasaun ne\u2019e halo ona progresu signifikativu dezde independ\u00e9nsia, sei iha nafatin vulnerabilidade sira ne\u2019ebe presiza atu rezolve. Tuir dokumentu Conceito Estrat\u00e9gico de Defesa e Seguran\u00e7a Nacional Timor-Leste<\/em> nian destaka dezafiu sira seguransa nasional Timor-Leste hasoru inklui:<\/p>\n\n\n\n

        \n
      • Frajilidade Institusional: Timor-Leste hanesan nasaun joven ida, no ninia instituisaun sira sei iha hela prosesu konsolidasaun nia laran. Ida-ne’e inklui forsa seguransa sira, ne’ebe, maski hala’o papel importante ida hodi mantein orden, hasoru limitasaun sira iha termu rekursu sira, formasaun no koordenasaun entre aj\u00e9nsia sira. Kriasaun CSN nian oferese oportunidade ida atu ultrapasa frakeza sira-ne’e, hodi promove abordajen ida ne’ebe integradu liu.<\/li>\n\n\n\n
      • Ameasa Transnasional sira: aumentu iha ameasa transnasional sira, hanesan krime organizadu, tr\u00e1fiku droga no umanu, no terorizmu, reprezenta dezafiu ida ne’ebe buras ba Timor-Leste. Maski nasaun ne’e la’os alvu diretu hosi grupu terorista global sira, nia lokalizasaun estrat\u00e9jiku iha Sudeste Azi\u00e1tiku tau nia iha dalan hosi rede kriminozu oioin (Global Terrorism Index 2024). CSN bele ajuda hametin kooperasaun internasional no rejional hodi kombate ameasa sira-ne\u2019e.<\/li>\n\n\n\n
      • Seguransa Sibern\u00e9tika: mundu sai dijital liutan, ameasa sibern\u00e9tika sira aumenta daudaun. Timor-Leste, hanesan nasaun barak seluk, sei dezenvolve hela nia kapasidade seguransa sibern\u00e9tika. Kriasaun CSN nian sei permite m\u00f3s koordenasaun di’ak liu hosi pol\u00edtika sira defeza sibern\u00e9tiku nian, hodi prevene atake sira ne’ebe bele kompromete infraestrutura kr\u00edtiku sira.<\/li>\n\n\n\n
      • Jeopol\u00edtika Rejional: Timor-Leste nia lokalizasaun, entre pot\u00e9nsia rejional sira iha \u00c1zia no Ose\u00e1nia, hanesan Austr\u00e1lia, Indon\u00e9zia no Xina, halo ninia seguransa nasional sai kestaun interese jeopol\u00edtiku. CSN sei dezempe\u00f1a knaar krusial hodi garante katak Timor-Leste mantein pozisaun neutralidade no kooperasaun pas\u00edfika, hodi evita atrai ba disputa rejional sira.<\/li>\n<\/ul>\n\n\n\n
          \n
        • Dezafiu Legal<\/li>\n<\/ul>\n\n\n\n

          Kriasaun CSN iha Timor-Leste, hanesan propoin ona iha Programa IX Governu Konstitusional, nu\u2019udar \u00f3rgaun konsultivu governu nian. Maibe, implementasaun CSN hasoru dezafiu legal signifikativu, liuliu relasiona ho Lei No<\/sup>. 2\/2010 Lei Seguransa Nasional, ne\u2019ebe la prevee kona-ba ezist\u00e9nsia \u00f3rgaun konsultivu hanesan CSN.<\/p>\n\n\n\n

          Dezafiu legal sira iha implementasaun CSN maka:<\/p>\n\n\n\n

            \n
          • Inkompatibilidade ho lei atual: Lei No<\/sup>. 2\/2010 define sistema seguransa nasional, maibe la prevee kriasaun CSN, ne\u2019ebe kria lakuna legal.<\/li>\n\n\n\n
          • Mandatu CSN: definisaun klaru kona-ba CSN nia funsaun no responsabilidade presiza inklui iha sistema legal hodi evita konflitu kompet\u00e9nsia ho instituisaun defeza no seguransa sira seluk. Liu-liu entre Governu ho Prezidensia da Rep\u00fablika, iha ne\u2019ebe Primeiru-Ministru prezide CSN no Prezidente da Rep\u00fablika prezide Konsellu Superior Defeza no Seguransa.<\/li>\n\n\n\n
          • Autoridade Foti Desizaun: CSN tenke iha autoridade klaru atu foti desizaun iha tempu krize, buat ne\u2019ebe lejislasaun atual la prevee.<\/li>\n\n\n\n
          • Transpar\u00e9nsia no Fiskalizasaun Parlamentar: Falta provizaun sira kona-ba fiskalizasaun ba CSN bele rezulta iha falta transpar\u00e9nsia. Mekanizmu fiskalizasaun parlamentar ida maka neses\u00e1riu atu asegura sira nia responsabilizasaun p\u00fablika.<\/li>\n<\/ul>\n\n\n\n

            Presiza halo revizaun ka kria lejislasaun foun:<\/p>\n\n\n\n

              \n
            • Revizaun ba Lei No<\/sup>. 2\/2010: opsaun ida maka atu halo revizaun ba Lei Seguransa Nasional hodi inklui provizaun sira relasiona ho CSN, hodi define ninia knaar, kompozisaun no autoridade. Aprosimasaun ida-ne’e sei iha vantajen atu konsolida padraun seguransa hotu-hotu iha dokumentu lejislativu ida de’it.<\/li>\n\n\n\n
            • Kriasaun Lejislasaun Foun: alternativamente, governu bele hili atu kria lei foun ne\u2019ebe dedika eskluzivamente ba CSN. Ida-ne’e bele rasionaliza prosesu regulat\u00f3riu no fornese enkuadramentu legal ida ne’ebe fleksivel liu ba ajustamentu sira iha futuru.<\/li>\n<\/ul>\n\n\n\n

              Nune\u2019e implementasaun CSN ne\u2019ebe susesu iha Timor-Leste sei depende ba kriasaun baze legal ne\u2019ebe metin esklarese knaar no responsabilidade \u00f3rgaun foun nian, estabelese governasaun seguransa ne\u2019ebe efetivu liu. Hili entre halo revizaun ba lejislasaun ne\u2019ebe iha ona ka kria lejislasaun foun sei depende ba fator sira hanesan tempu ne\u2019ebe presiza atu hetan konsensu no nesesidade ba fleksibilidade legal iha futuru.<\/p>\n\n\n\n

              Oportunidade ba Timor-Leste<\/strong><\/p>\n\n\n\n

              Kriasaun CSN loke m\u00f3s oportunidade oioin ba Timor-Leste kona-ba seguransa nasional:<\/p>\n\n\n\n

                \n
              1. Fortalesimentu Institusional: CSN bele sai nu\u2019udar katalizador hodi hametin instituisaun seguransa no defeza Timor-Leste nian, hodi hadi\u2019a abilidade nasaun nian atu hasoru ameasa sira iha maneira ida ne\u2019ebe efisiente no koordenadu.<\/li>\n\n\n\n
              2. Kooperasaun Internasional: liu hosi CSN, Timor-Leste sei bele aumenta nia kooperasaun ho parseiru internasional no rejional sira. Ida-ne’e importante liuliu atu rezolve ameasa transnasional sira, hanesan krime organizadu no terorizmu, ne’ebe presiza resposta global no koordenada.<\/li>\n\n\n\n
              3. Dezenvolvimentu ba Kapasidade Interna: CSN sei permite Timor-Leste atu dezenvolve nia kapasidade seguransa rasik, hodi hamenus dependensia ba apoiu esternu. Ida-ne’e inklui kria pol\u00edtika nasional sira kona-ba defeza sibern\u00e9tika, seguransa fronteira no jestaun krize nian.<\/li>\n\n\n\n
              4. Kontribuisaun ba P\u00e1s Rejional: Ho estrutura seguransa nasional ne\u2019ebe s\u00f3lidu, Timor-Leste sei bele koloka-an nu\u2019udar at\u00f3r ba p\u00e1s no estabilidade iha rejiaun Sudeste Azi\u00e1tiku no Ose\u00e1nia. CSN sei permite nasaun atu hala’o papel ida ne’ebe ativu liu iha f\u00f3rum seguransa internasional sira, hodi kontribui ba konstrusaun ambiente rejional ida ne’ebe seguru liu.<\/li>\n<\/ol>\n\n\n\n

                Konkluzaun<\/strong><\/p>\n\n\n\n

                Kriasaun CSN iha Timor-Leste, hanesan propoin hosi IX Governu Konstitusional, reprezenta inisiativa importante ida hodi hametin seguransa nasional no koordenasaun pol\u00edtika defeza esterna nian. \u00d3rgaun konsultivu ida-ne\u2019e iha pot\u00e9nsia atu konsolida vizaun unifikadu kona-ba nesesidade seguransa nasaun nian, hodi rezolve ameasa tradisional no emerjente sira ho forma integradu no efisiente.<\/p>\n\n\n\n

                CSN iha objetivu atu promove koordenasaun ne\u2019ebe efetivu entre instituisaun seguransa oioin, hanesan Forsa Armada no Pol\u00edsia, no m\u00f3s aj\u00e9nsia intelij\u00e9nsia no \u00f3rgaun sira seluk ne\u2019ebe envolve iha manutensaun orden no soberania. Hodi integra entidade sira-ne’e, CSN bele hadi’a resposta ba krize sira no dezafiu sira seguransa nian, hodi garante katak rekursu sira uza ho efisiente no katak parte hotu-hotu ne’ebe envolve iha asesu ba informasaun kr\u00edtiku sira.<\/p>\n\n\n\n

                Enkuantu kriasaun CSN nian oferese oportunidade barak, ida-ne’e m\u00f3s aprezenta dezafiu signifikativu sira, liuliu kona-ba kompatibilidade ho lejislasaun ne’ebe eziste no define ho klaru ninia mandatu no responsabilidade sira. Lei No<\/sup>. 2\/2010, ne\u2019ebe agora daudaun regula sistema seguransa nasional, la prevee ezist\u00e9nsia \u00f3rgaun konsulta hanesan CSN, ne\u2019ebe bele hamosu lakuna legal ne\u2019ebe presiza atu rezolve. Revizaun ba lei ida-ne\u2019e ka kriasaun lejizlasaun foun bele sai neses\u00e1riu atu define ho klaru estrutura no autoridade CSN nian, hodi garante ninia efik\u00e1sia no transpar\u00e9nsia.<\/p>\n\n\n\n

                Implementasaun CSN ne\u2019ebe susesu bele lori benef\u00edsiu oioin ba Timor-Leste, inklui reforsu institusional ba kapasidade seguransa nian, hadi\u2019a kooperasaun internasional hodi hasoru ameasa transnasional sira, dezenvolvimentu kapasidade seguransa interna no kontribuisaun ba p\u00e1s rejional. Ho estrutura s\u00f3lidu no aprosimasaun koordenada, CSN bele dezempe\u00f1a papel krusial hodi proteje Timor-Leste nia soberania no promove estabilidade no seguransa iha rejiaun Sudeste Azi\u00e1tiku no Ose\u00e1nia.<\/p>\n\n\n\n

                Ikus liu, kriasaun CSN hanesan pasu desizivu ida ba konsolidasaun seguransa nasional iha Timor-Leste, hodi oferese dalan ida atu hasoru dezafiu atual no futuru ho efik\u00e1sia no koordenasaun ne\u2019ebe bo\u2019ot liu. Maibe, importante tebes katak lejislasaun no estrutura CSN nian dezenvolve ho kuidadu atu asegura ninia susesu no impaktu pozitivu.<\/p>\n\n\n\n

                Jo\u00e3o Almeida<\/strong><\/p>\n\n\n\n

                *<\/sup><\/strong>Remata Estudo P\u00f3s-Gradua\u00e7\u00e3o iha Instituto Defesa Nacional Timor-Leste<\/p>\n","protected":false},"excerpt":{"rendered":"

                Hakerek nain Jo\u00e3o Almeida Introdusaun Seguransa nasional maka komponente ida ne’ebe kr\u00edtiku liu ba estabilidade no dezenvolvimentu nasaun ruma nian. Iha Timor-Leste, nasaun ida ne\u2019ebe hetan konflitu iha d\u00e9kada barak nia laran molok no depois hetan nia independ\u00e9nsia iha tinan 2002. Kriasaun estrutura seguransa ida ne\u2019ebe s\u00f3lidu importante tebes atu garante soberania no protesaun ba […]<\/p>\n","protected":false},"author":2,"featured_media":19311,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[60],"tags":[],"class_list":["post-19310","post","type-post","status-publish","format-standard","has-post-thumbnail","hentry","category-analisa"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/19310","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/2"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=19310"}],"version-history":[{"count":1,"href":"https:\/\/neonmetin.info\/buletin\/wp-json\/wp\/v2\/posts\/19310\/revisions"}],"predecessor-version":[{"id":19312,"href":"https:\/\/neonmetin.info\/buletin\/wp-json\/wp\/v2\/posts\/19310\/revisions\/19312"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/19311"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=19310"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=19310"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=19310"}],"curies":[{"name":"wp","href":"https:\/\/api.w.org\/{rel}","templated":true}]}}