{"id":19810,"date":"2024-12-08T12:26:13","date_gmt":"2024-12-08T03:26:13","guid":{"rendered":"https:\/\/neonmetin.info\/buletin\/?p=19810"},"modified":"2025-04-24T08:04:16","modified_gmt":"2025-04-23T23:04:16","slug":"unpaid-care-work-ka-serbisu-la-hetan-selu-hamosu-injustisa-ba-feto-no-serbisu-dupla-tl-seidauk-iha-lei-serbisu-domestika-nian","status":"publish","type":"post","link":"https:\/\/neonmetin.info\/buletin\/2024\/12\/08\/unpaid-care-work-ka-serbisu-la-hetan-selu-hamosu-injustisa-ba-feto-no-serbisu-dupla-tl-seidauk-iha-lei-serbisu-domestika-nian\/","title":{"rendered":"Unpaid Care Work ka Serbisu La Hetan Selu Hamosu Injustisa Ba Feto no Serbisu Dupla, TL Seidauk Iha Lei Serbisu Dom\u00e9stika nian"},"content":{"rendered":"\n

Reportajen Zevonia Vieira <\/em><\/strong><\/p>\n\n\n\n

“Hau ba natar hahu husi tuku 07:00 dader too tuku 18:00 kalan, hau lao kuaze oras 2 hodi to\u2019o iha nee tanba hakur mota. Maibe hau hader antes tuku 7 dader, tanba tenke tein ba oan sira hodi han ba eskola. Kalan hau fila, hau labele deskansa, tenke tein fali ba laen no oan sira”<\/em><\/strong> Terezinha<\/p>\n\n\n\n

Sistema patriakal ne\u2019ebe sei forte iha Timor-Leste, hamosu bareira ka hahalok negativu ne\u2019ebe fo impaktu ba feto no labarik feto nia moris, liu-liu foti desizaun iha ekonomia, buka serbisu no halo serbisu domestika la hetan selu.<\/p>\n\n\n\n

Serbisu la hetan selu numeru boot liu ba feto no jovem feto ne\u2019ebe mak la asesu edukasaun ho nivel aas, hela iha area remotas, no susar atu kria ekonomia iha uma laran, no tenke esforsu an hodi halo serbisu uma laran ne\u2019ebe la hetan selu, hodi tau matan ba familia uma laran.<\/p>\n\n\n\n

Entrevista ho Joanina da Silva, mai husi Munisipiu Ermera, nia halo serbisu domestika hanesan tein, fase ropa, hamoos, hare labarik no seluk tan. Nia hal serbisu ba ema la hare oras, dalaruma nia tenke halo serbisu to\u2019o kalan boot, bainhira labarik sira sedauk toba, no bainhira nia fila ba nia uma, kalan boot ona.<\/p>\n\n\n\n

Iha tempu COVID-19, nia labele hetan selu husi uma nain, tanba razaun uma nain nia neg\u00f3siu la lao, no laiha rendimentu. Ba Joanina nia sente hasoru problema, tanba la hetan selu husi nia patraun.<\/p>\n\n\n\n

\u201cDurante iha COVID-19, estadu de s\u00edtiu mosu, fo susar mai hau tanba hau labele hetan selu husi patraun. Nia dehan lakon rendimentu entaun bisnis lao, nune nia labele selu hau kuaze fulan 5 liu nia laran. Hau aluga uma, kada fulan hau tenke selu $50.00 maibe osan laiha, sedauk tan hau nia mama ho papa iha Ermera husu hau manda osan, maibe osan laiha\u00bb, tenik Joanina ba Neon Metin.<\/p>\n\n\n\n

Joanina laiha kontratu ho uma nain, konaba serbisu nia halo no hahu husi oras tuku hira no remata tuku hira? Ida ne\u2019e mak sai obstaklu boot feto maluk vulneravel sira to menus edukasaun, la hatene oins\u00e1 atu defende an, maibe situasaun ekonomia, sira tenke sobrevive no simu injustisa ne\u2019ebe mosu.<\/p>\n\n\n\n

Iha maluk feto seluk ne\u2019ebe halo serbisu uma laran nian, halo serbisu iha to\u2019os no fila mai uma tenke tau matan ba serbisu uma laran. Terezinha hela iha Naktuka hanesan to\u2019os nain, husi dader tuku 07:00 \u2013 18:00 kalan nia tenke halo serbisu iha natar, maibe bainhira fila nia seidauk bele deskansa, tanba nia tenke tein ba kalan nian.<\/p>\n\n\n\n

\u201cHau ba natar hahu husi tuku 07:00 dader too tuku 18:00 kalan, hau lao kuaze oras 2 hodi to\u2019o iha nee tanba hakur mota. Maibe hau hader antes tuku 7 dader, tanba tenke tein ba oan sira hodi han ba eskola. Kalan hau fila, hau labele deskansa, tenke tein fali ba laen no oan sira, han hotu pois mak foin bele deskansa\u00bb, dehan Terezeinha ba Neon Metin.<\/p>\n\n\n\n

Serbisu dupla ne\u2019e halo feto sira laiha tempu atu deskansa diak, labele partisipa iha atividade importante sira, no fo impaktu ba sira nia sa\u00fade. Serbisu tau matan no la hetan selu, nudar serbisu ne\u2019ebe todan liu.<\/p>\n\n\n\n

Relatoriu husi Oxfam iha Views Voice hateten katak https:\/\/views-voices.oxfam.org.uk\/2023\/11\/how-do-you-define-unpaid-care-insights-timor-leste\/<\/a> iha fatin barak, knaar kuidadu nian iha Timor-Leste iha j\u00e9neru maib\u00e9 peskiza Oxfam nian m\u00f3s destaka diferensa lok\u00e1l sira iha saida maka ema reko\u00f1ese nu\u2019udar \u201ckuidadu la selu\u201d \u2013 liuliu iha ekonomia subsist\u00e9nsia ho traballad\u00f3r barak seluk ne\u2019eb\u00e9 la selu.<\/p>\n\n\n\n

Iha dadus  ne\u2019e hatudu bazea ba kultura ne\u2019ebe eziste iha Timor-Leste, feto tenke hela iha uma. Iha tempu naruk nu\u2019udar feto, hela iha dapur. Maibe tempu agora tempu muda, iha feto balun ne\u2019ebe hahu halo asaun hodi muda nia moris, sobrevive atu hasae sira nia konnesementu atu bele partisipa iha dezenvolve ekonomia uma laran.<\/p>\n\n\n\n

Iha mundu, 75% husi servisu tau-matan la hetan selu hala\u2019o husi feto. Alende ne\u2019e, 66% husi feto hirak ne\u2019e m\u00f3s halo servisu tau-matan ne\u2019eb\u00e9 hetan selu. Servisu tau-matan ne\u2019eb\u00e9 la hetan selu ne\u2019e bele f\u00f3 impaktu oi-oin ba feto sira nia oportunidade ekon\u00f3mika, tanba servisu tau-matan (care work) barak liu kumpri pap\u00e9l\/responsbilidade ne\u2019eb\u00e9 tradisionalmente aloka tuir j\u00e9neru, no ida ne\u2019e minimiza feto sira nia tempu ba servisu sira ne\u2019eb\u00e9 mak hetan osan relata iha relatoriu Oxfam iha Timor-Leste.<\/p>\n\n\n\n

Dadus hatudu katak mane nia tempu serbisu iha semana ida nia laran iha deit 37 oras, hodi halo serbisu mistura hanesan serbisu produtivu no serbisu la hetan selu,  kompara ho feto iha oras barak liu iha oras 80 kada semana.<\/p>\n\n\n\n

Situasaun mane no feto toos nain sira hateten katak mane sira halo serbisu barak iha to\u2019os husi dader too lorokraik, bainhira fila ba uma sira han no deskansa, maibe feto agrikultor sira halo mos serbisu iha toos, no bainhira fila uma sira tenke tein no hare serbisu uma nian seluk.<\/p>\n\n\n\n

Mane sira servisu oras 37 kada semana, halo servisu mistura servisu produtivu selu no la hetan selu. Kompara ho feto sira uza oras barak liu hala\u2019o serbisu tau matan. Tuir relat\u00f3riu feto sira reklama iha oras 80 kada semana ba laos serbisu (toba, tau-matan ba an rasik no relaxa), kompara ho sira nia parseiru mane sira reklama katak, sira nia oras la halo serbisu iha oras 170 kada semana.<\/p>\n\n\n\n

Tuir dadus husi Oxfam nian hatudu katak politika transformativu ba koidadu seidauk ezistete,  politika eziste maibe la transformativu iha deit 1 -20%,  politika eziste no transformativu limite tebes iha deit 21-40%, politika eziste maibe iha limitasaun ba tranformativu iha 41-60%, iha pol\u00edtika sira eziste no transformativu to’o iha estensaun moderadu iha 61-80%, no pol\u00edtika sira eziste no transformativu to’o pontu ida ne’eb\u00e9 boot iha 81-100%.<\/p>\n\n\n\n

Husi dadus ne\u2019e hatudu katak presiza iha advokasia makaas hodi kria pol\u00edtika liga ho ekonomia koidadu, no kria pol\u00edtika ne\u2019ebe mak bele fo valor no justu ba serbisu ne\u2019ebe la hetan selu.  <\/p>\n\n\n\n

Tabela husi peskiza Oxfam iha Timor-Leste:<\/em><\/p>\n\n\n\n

\"\"<\/figure>\n\n\n\n

Ba problema ne\u2019e jornalista Neon Metin halo entrevista ho Sekretariu Estadu Igualdade (SEI), Elvina Sousa Carvalho, iha Bangkok bainhira partisipa iha konfer\u00e9nsia ba deklarasaun Beijing ba dala 30, hodi hato\u2019o progresu programa ne\u2019ebe nasaun sira iha Asia pas\u00edfiku sira halo, hodi promove igualdade j\u00e9neru, luta kontra diskriminasaun hasoru feto, viol\u00e9nsia hasoru feto no injustisa.<\/p>\n\n\n\n

Ba Neon Metin Sekret\u00e1riu Estadu Elvina esplika to\u2019o ohin loron Timor-Leste seidauk iha lei konaba Traballad\u00f3r Dom\u00e9stika ka Lei Serbisu Dom\u00e9stika.<\/p>\n\n\n\n

Nia dehan serbisu la hetan selu nu\u2019udar care economy, sai hanesan asuntu ne\u2019ebe agora nasaun barak koalia, no sai hanesan pol\u00edtika ida ne\u2019ebe tenke buka solusaun, \u201cdadus ne\u2019eb\u00e9 ita hetan ne\u2019e los, mais atu hateten katak atu hare ba care economy, sai programa prinsip\u00e1l ne\u2019eb\u00e9 agora SEI halo mak advokasia konaba Lei ba Traballad\u00f3r Dom\u00e9stika, hanesan nasaun ida to\u2019o agora ita seidauk iha Lei Traballad\u00f3r Dom\u00e9stika, ita iha de\u2019it Lei Traballad\u00f3r\u201d.<\/p>\n\n\n\n

Nia dehan Lei Traballad\u00f3r Dom\u00e9stika sai hanesan asuntu ida ne\u2019eb\u00e9 SEI halo advokasia, SEI ho SEFOPE serbisu hamutuk oins\u00e1 atu iha Lei ida ne\u2019eb\u00e9 bele proteje ita nia domestic worker sira husi harassment, eksploitasaun. Serbisu maibe la hetan selu, depois tenke fo estatus ida ne\u2019ebe los ba sira, presiza iha kontratu, bele kontribui ba seguransa sosi\u00e1l. Ida ne\u2019e mak sai hanesan agenda prinsip\u00e1l iha SEI hamutuk ho SEFOPE.<\/p>\n\n\n\n

Sekretariu Estadu mos informa katak alende ne\u2019e SEI iha fundus transfer\u00e9nsia publika, ne\u2019ebe mak apoiu feto maluk sira atu bele halo sira nia atividade produtiva sira. iIda ne\u2019e parte husi Deklarasaun Maubisi atu hakbi\u2019it feto iha ekonomia.<\/p>\n\n\n\n

\u201cHau sempre hateten katak serbisu ne\u2019e laos SEI nian deit, sosiedade tomak tenke esforsu an para bele empodera feto hotu, ida ne\u2019e sai hanesan serbisu ema hotu nian, mais prinsip\u00e1l liu governu mak tenke investe, koordena hodi hare\u201d, Sekret\u00e1riu Estadu Elvina konklui.<\/p>\n\n\n\n

Kazu husi serbisu la hetan seluk fo impaktu viol\u00e9nsia f\u00edziku no sexual ne\u2019ebe mak fo afeta makaas ba feto sira, ne\u2019ebe publika husi The Gender Snapshot 2024 hatudu katak proporsaun feto ho idade 15 \u2013 49, ne\u2019eb\u00e9 hetan esperi\u00e9nsia viol\u00e9nsia f\u00edziku no sexual husi parseiru \u00edntimu no buka tulun iha Timor-Leste iha tinan 2010 iha kazu 60%, no iha tinan 2016 iha 75%.<\/p>\n\n\n\n

Responsabilidade ba uma laran, falta edukasaun no infraestrutura nian bele kontribui ba feto sira nia reprezentante liu iha empregu informal.<\/p>\n\n\n\n

Iha gr\u00e1fiku hatudu katak Timor-Leste feto nia responsabilidade iha setor agrikultura feto ho persentajen 99 % no mane 95%. Iha setor sira seluk feto responsabilidade nian persentajen boot liu 72% no mane 70%. Ne\u2019e hatudu katak serbisu todan ne\u2019ebe feto halo boot liu, no dala barak serbisu dupla ne\u2019ebe tenke halo sem deskansa no involve iha atividade produtivu sira seluk ne\u2019ebe bele hasae sira nia abilidade.<\/p>\n\n\n\n

Servisu tau-matan ne\u2019eb\u00e9 la hetan selu ne\u2019e bele f\u00f3 impaktu oi-oin ba feto sira nia oportunidade ekon\u00f3mika, tanba servisu tau-matan (care work) barak liu kumpri pap\u00e9l\/responsbilidade ne\u2019eb\u00e9 tradisionalmente aloka tuir j\u00e9neru, no ida ne\u2019e minimiza feto sira nia tempu ba servisu sira ne\u2019eb\u00e9 mak hetan osan.<\/p>\n\n\n\n

Neon Metin halo entrevista ho  Ana Paula Sequera nu\u2019udar Gender Learning System and MEL Lead Oxfam iha Timor-Leste, hateten  Oxfam  tau prioridade ba asuntu Serbisu Tau Matan La Hetan Selu hodi halo advokasia ba justisa j\u00e9neru ne\u2019ebe dignu no justu, liu-liu ba feto maluk sira ne\u2019ebe halo serbisu dom\u00e9stika nian, maibe laiha lei serbisu dom\u00e9stika, hodi proteje sira nia direitu hanesan traballador.<\/p>\n\n\n\n

Nune\u2019e Ana Paula  dehan Oxfam halo peskiza konaba unpaid care work, hodi aplika \u00e1rea pol\u00edtika sira ne\u2019eb\u00e9 la selu no trans setori\u00e1l husi Scorecard iha Timor-Leste, hodi avalia no akompa\u00f1a to\u2019o iha ne\u2019eb\u00e9 pol\u00edtika governu nian relasiona ho kuidadu ne\u2019eb\u00e9 la selu adota, orsamenta ba, no implementa no to\u2019o iha ne\u2019eb\u00e9 sira iha efeitu transformativu ida iha kuidadu, no identifika lakuna sira no espasu ba hadi’a sira.<\/p>\n\n\n\n

\u00c1rea pol\u00edtika sira ne’eb\u00e9 kobre iha serbisu kuidadu nian ne’eb\u00e9 la selu maka infraestrutura f\u00edziku ne’eb\u00e9 apoia kuidadu, Servisu kuidadu nian, benef\u00edsiu sira Protesaun Sosi\u00e1l nian ne’eb\u00e9 relasiona ho kuidadu no servisu fatin sira ne’eb\u00e9 apoia kuidadu.<\/p>\n\n\n\n

Iha \u00e1rea pol\u00edtika sira ne’eb\u00e9 kobre iha pol\u00edtika trans-setori\u00e1l sira maka hanesan intervensaun norma sosi\u00e1l sira , no  enkuadramentu sira sasukat nian no halibur dadus.<\/p>\n\n\n\n

Tuir perspetiva Oxfam iha Timor-Leste konaba Unpaid care work katak serbisu tau matan la hetan selu maka serbisu produtivu ne’eb\u00e9 halo la h\u00f3 kompensasaun finanseira.<\/p>\n\n\n\n

Husi rezultadu peskiza ne\u2019e, Oxfam rekomenda ba governu atu reko\u00f1ese no hasa’e vizibilidade ba kontribuisaun sira ne’eb\u00e9 halo hosi serbisu kuidadu nian ba progresu sosi\u00e1l no ekon\u00f3miku, deze\u00f1u no formulasaun pol\u00edtika sira lad\u00fan bazeia ba evid\u00e9nsia. Evid\u00e9nsia kona-ba realidade serbisu kuidadu nian no impaktu potensi\u00e1l sira iha set\u00f3r laran lad\u00fan konsidera durante formulasaun pol\u00edtika sira.<\/p>\n\n\n\n

Hamenus serbisu maka’as ne’eb\u00e9 maka servisu tau matan la hetan selu presiza serbisu maka’as, ezije hosi feto no labarik-feto sira hodi hasa’e sira nia partisipasaun iha vida kultur\u00e1l, sosi\u00e1l, pol\u00edtika no ekon\u00f3mika, Hadi’a kualidade no asesibilidade ba infraestrutura apoiu kuidadu nian iha Timor-Leste, sei hamenus todan ba tarefa kuidadu nian ne’eb\u00e9 la selu ne’eb\u00e9 presiza serbisu maka’as.<\/p>\n\n\n\n

Redistribui responsabilidade ba serbisu tau matan la hetan selu entre feto no mane sira, no entre governu sira, neg\u00f3siu sira, komunidade sira, no umakain sira, iha baze ida ne’eb\u00e9 hanesan liu Intervensaun sira ba servisu fatin no norma sosi\u00e1l sira ne’eb\u00e9 apoia kuidadu iha pap\u00e9l fundament\u00e1l, iha redistribuisaun responsabilidade sira servisu kuidadu nian ne’eb\u00e9 la selu.<\/p>\n\n\n\n

Reprezenta lian husi kuidadu-na’in sira no simu-na’in kuidadu sira iha siklu orsamentu p\u00fabliku nia laran, halo pol\u00edtika no planeamentu, no di\u00e1logu sosi\u00e1l tripartida. Traballad\u00f3r kuidadu sira la hetan reprezentasaun sufisiente iha siklu orsamentu p\u00fabliku nia laran, halo pol\u00edtika no planeamentu, no di\u00e1logu sosi\u00e1l tripartida iha Timor-Leste.<\/p>\n\n\n\n

Iha deklarasaun Sekretariu Estadu Igualdade, Elvina Sousa Carvalho mos deklara katak Timor-Leste halo ona progresu, dezde per\u00edodu relat\u00f3riu ikus nian, no kontinua halo esforsu konsertadu atu alkansa igualdade j\u00e9neru no dezenvolvimentu inkluzivu no sustent\u00e1vel, no atu aselera implementasaun ba \u00e1rea kr\u00edtiku ba 12,  hosi Deklarasaun Pekin no Plataforma ba Asaun no Objetivu sira Dezenvolvimentu Sustent\u00e1vel nian.

<\/p>\n\n\n\n

Nia dehan Governu Timor-Leste komprometidu atu halo esforsu hodi halakon pobreza no hadi\u2019a ekonomia ba feto sira hodi hetan dezenvolvimentu inkluzivu, prosperidade ne\u2019eb\u00e9 fahe no serbisu ne\u2019eb\u00e9 dignu ba feto no mane sira.<\/p>\n\n\n\n

\u201cApoiu empoderamentu ekon\u00f3miku feto nian mak atu harii feto sira-nia auto-konfiansa no atu hamosu sira-nia rendimentu rasik, jere sira-nia osan rasik no foti desizaun, defende sira-nia direitu, no dehan lae ba viol\u00e9nsia, diskriminasaun no pr\u00e1tika tradision\u00e1l sira ne\u2019eb\u00e9 f\u00f3 impaktu negativu ba feto no labarik-feto sira\u201d Sekretariu Estadu Elvina konklui<\/p>\n","protected":false},"excerpt":{"rendered":"

Reportajen Zevonia Vieira “Hau ba natar hahu husi tuku 07:00 dader too tuku 18:00 kalan, hau lao kuaze oras 2 hodi to\u2019o iha nee tanba hakur mota. Maibe hau hader antes tuku 7 dader, tanba tenke tein ba oan sira hodi han ba eskola. Kalan hau fila, hau labele deskansa, tenke tein fali ba laen […]<\/p>\n","protected":false},"author":2,"featured_media":19814,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-19810","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/19810","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/2"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=19810"}],"version-history":[{"count":1,"href":"https:\/\/neonmetin.info\/buletin\/wp-json\/wp\/v2\/posts\/19810\/revisions"}],"predecessor-version":[{"id":19812,"href":"https:\/\/neonmetin.info\/buletin\/wp-json\/wp\/v2\/posts\/19810\/revisions\/19812"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/19814"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=19810"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=19810"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=19810"}],"curies":[{"name":"wp","href":"https:\/\/api.w.org\/{rel}","templated":true}]}}