{"id":20734,"date":"2025-06-03T23:42:19","date_gmt":"2025-06-03T14:42:19","guid":{"rendered":"https:\/\/neonmetin.info\/buletin\/?p=20734"},"modified":"2025-06-04T00:15:21","modified_gmt":"2025-06-03T15:15:21","slug":"timor-leste-deportasaun-arnoldo-teves-jr-husi-timor-leste","status":"publish","type":"post","link":"https:\/\/neonmetin.info\/buletin\/2025\/06\/03\/timor-leste-deportasaun-arnoldo-teves-jr-husi-timor-leste\/","title":{"rendered":"TIMOR-LESTE Deportasaun Arnoldo Teves JR. Husi Timor-Leste"},"content":{"rendered":"\n

Hakerek nain Argelio Bernardino Vilela<\/em><\/strong><\/p>\n\n\n\n

(Revizaun kr\u00edtiku simples husi perspetiva oin-oin bazeia ba leitura opiniaun p\u00fabliku, liu-liu iha opiniaun sira iha m\u00eddia sosi\u00e1l ema Timor sira ninian)<\/strong><\/em><\/p>\n\n\n\n

Hah\u00fa Nian<\/strong><\/p>\n\n\n\n

Pol\u00e9mika deportasaun lider pol\u00edtiku kontrov\u00e9rsia Nasaun Filipina, Arnolfo Teves Jr. husi governu Timor-Leste liu-husi desizaun administrativa Minist\u00e9riu Interi\u00f3r RDTL nian iha loron 29, fulan-Maiu tinan 2025 hamosu pergunta-boot kona-ba pod\u00e9r\/pozisaun supremasia lei, autonomia \u00f3rgaun judisi\u00e1riu, no m\u00f3s relasaun pod\u00e9r entre estadu no direitu (lei) Timor-Leste ninian. Iha loron 21, fulan-Marsu tinan 2025, Tribunal rekursu RDTL nu\u2019udar inst\u00e1nsia superior ezerse kompet\u00e9nsia pr\u00f3pria Tribunal supremu justisa Timor-Leste f\u00f3 sentensa hodi rejeita pedidu estradisaun husi Tribunal Filipina, maib\u00e9 governu RDTL foti desizaun ketak hodi deporta Arnolfo liu-husi desizaun administrativa.\u00a0 Desizaun ida ne\u2019e hamosu pol\u00e9mika iha Timor-Leste no m\u00f3s iha komunidade internasion\u00e1l nia-matan. Nune\u2019e ensaiu simples ida ne\u2019e mai-ho hanoin ida, mak loke espasu anal\u00edtiku husi perspetiva oin-oin liu-husi halo leitura ba opiniaun p\u00fabliku, liu-liu iha opiniaun sira iha m\u00eddia sosi\u00e1l ema Timor sira ninian hodi hatuur revizaun kr\u00edtiku ida.<\/p>\n\n\n\n

Hah\u00fa ho Perspetiva Direitu (Lei)<\/strong><\/p>\n\n\n\n

(Entre Supremasia Lei no Pod\u00e9r Ezekutivu)<\/p>\n\n\n\n

Normalmente iha sistema demokrasia konstitusion\u00e1l, supremasia lei (rule of law-<\/em>Termu Ingl\u00e9s) sai prins\u00edpiu prinsip\u00e1l hodi subli\u00f1a katak, desizaun governu hotu-hotu iha estadu direitu demokr\u00e1tiku tenke hakru\u2019uk ba lei ne\u2019eb\u00e9 rai ne\u2019e rasik hatuur. Konforme Artigu 2 K-RDTL, kona-ba (Soberania no konstitusionalidade) kl\u00e1uzula 1, 2 no 3 hateten: 1) Soberania hatuur metin iha povu, ne\u2019eb\u00e9 hala\u2019o soberania ne\u2019e tuir Lei-Inan haruka; 2) Estadu hakru\u2019uk ba Lei-Inan no lei-oan sira; 3) Lei-oan sira no hahalok seluk tan hosi Estadu no kbiit autoridade lok\u00e1l sira-nian foin sai v\u00e1lidu bainhira sira la\u2019o tuir duni Lei-Inan haruka. Konsagrasaun ne\u2019e ninia baze hatuur metin iha Artigu 1 K-RDTL, kona-ba (Rep\u00fablika) kl\u00e1uzula 1: \u201cRep\u00fablika Demokr\u00e1tika Tim\u00f3r-Leste katak Estadu ida-ne\u2019eb\u00e9 demokr\u00e1tiku, soberanu, ukun-an no ida-mesak, harii husi povu nia hakarak no iha respeitu ba dignidade ema moris ida-idak nian.<\/p>\n\n\n\n

Biar nune\u2019e, opiniaun p\u00fabliku barak simu no lejitima desizaun adminsitrativa governu nian liu-husi Minist\u00e9riu Interi\u00f3r RDTL iha loron 29, fulan-Maiu tinan 2025, nu\u2019udar kompet\u00e9nsia absoluta \u00f3rgaun ezekutiva (governu) hodi garante pol\u00edtika interna nasaun nian no hametin RDTL nia reprezentasaun iha relasaun internasion\u00e1l sein haree nia baze legal loloos no kle\u2019an. (Iha dokumentu Komunikadu Imprensa Govenrnu ho t\u00edtulu: Informa katak Deporta ona Arnolfo Teves Jr. no Entrega ona ba Autoridade Filipina ne\u2019eb\u00e9 f\u00f3-sai husi Prezid\u00e9nsia Konsellu Ministru, Portav\u00f3s Governu Timor-Leste, IX Governu Konstitusion\u00e1l, nein temi artigu ida husi baze legal ba deportasaun refere.) S\u00e9 ninia baze legal mak Artigu 115 K-RDTL kl\u00e1uzula 1, al\u00ednea g no h, mak, governu tenke haree fila-fali m\u00f3s Artigu 35 K-RDTL kl\u00e1uzula 1, 2 no 3: 1) Estradisaun bele hala\u2019o de\u2019it ho desizaun judisi\u00e1l; 2) Labele iha estradisaun tanba motivu pol\u00edtiku; 3) Labele iha estradisaun tan krime ida, bainhira estadu ne\u2019eb\u00e9 husu estradisaun bele f\u00f3 kastigu mate-kotu ka kastigu to\u2019o mate, eh bainhira, iha tada-nanis katak atu iha tortura eh tratamentu aat no degradante ba ema be atu hetan estradisaun. Nune\u2019e governu bele tetu sentensa Tribunal rekursu RDTL nu\u2019udar inst\u00e1nsia superior ezerse kompet\u00e9nsia pr\u00f3pria Tribunal supremu justisa Timor-Leste f\u00f3 sentensa hodi rejeita pedidu estradisaun husi Tribunal Filipina.<\/p>\n\n\n\n

 \u201cHakikat dari aturan hukum adalah bahwa semua orang dan lembaga dalam suatu badan politik tunduk pada hukum yang sama.<\/em>\u201d- Sempill, Julian. Ligadu ho kazu iha leten, mak afirmasaun ne\u2019e ita bele aprosima ho Tom Bingham, fil\u00f3zofu direitu europeu nia hanoin, katak: \u201cSupremasi hukum berarti bahwa pemerintah harus tunduk pada hukum, bukan hukum tunduk pada pemerintah\u201d<\/em><\/p>\n\n\n\n

Iha kontestu kazu Teves, Tribunal Rekursu Timor-Leste rejeita estradisaun, iha ne\u2019eb\u00e9, loloos nia sai desizaun final, (final and binding)<\/em> ka ikus-liu no hakesir\/vinkulativa. Maib\u00e9 desizaun governu mai ho dalan oin-seluk, deporta Teves liu-husi desizaun administrativa. Ida ne\u2019e hatudu katak, iha intervensaun pod\u00e9r ezekutivu hasoru responsabilidade \u00f3rgaun judisi\u00e1l. Ne\u2019e nu\u2019udar indikasaun ida, iha ne\u2019eb\u00e9 iha teoria direitu bolu, violasaun ba prins\u00edpiu \u201cdue process of law<\/em>\u201d inklui sai sasukat ne\u2019eb\u00e9 reflete krize integridade iha sistema judisi\u00e1l no governasaun estadu Timor-Leste ninian. S\u00e9 governu RDTL mak hakru\u2019uk ba lei, mak laiha-tan desizaun administrativa (deportasaun) iha-fali desizaun Judisi\u00e1l (rejeisaun estradisaun) nia-leten, ho nune\u2019e labele iha violasaun ba prins\u00edpiu supremasia lei Timor-Leste ninian.<\/p>\n\n\n\n

Kontinua ho Perspetiva Progresivu<\/strong><\/p>\n\n\n\n

(Estadu nu\u2019udar instrumentu povu ka klase mahukun-Revizaun ba Perspetiva Marxizmu)<\/p>\n\n\n\n

Badan eksekutif negara modern hanyalah merupakn sebuah komite untuk mengatur urusan-urusan bersama dari seluruh borjuasi\u201d \u2013 <\/em>Karl Marx & Friedrich Engels<\/p>\n\n\n\n

Perspetiva ida ne\u2019e atu f\u00f3 reflesaun ida katak, estadu ne\u2019e formalmente hatuur-aan neutru, maib\u00e9 esensialmente nu\u2019udar instrumentu ba klase dominante (burgezia sira) hodi asegura sira nia interese. Iha kazu deportasaun ba Teves, iha ne\u2019eb\u00e9 subordinadu\/elementu mahukun barak dezenvolve opiniaun p\u00fablika hodi lejitima desizaun governu nu\u2019udar estrat\u00e9jia hodi \u201cmeloloskan\u201d Timor-Leste nia adezaun ba ASEAN. Nune\u2019e iha ensaiu ne\u2019e ita halo revizaun liu-husi perspetiva Marxizmu, iha ne\u2019eb\u00e9 desizaun administrativa (deportasaun) ba Teves ita bele konsidera nu\u2019udar forma kolaborasaun entre elite pol\u00edtika hodi asegura interese jeopol\u00edtika no estabilidade pod\u00e9r sira nian. Ita labele halo an\u00e1lize-dook, haree de\u2019it desizaun tribunal nu\u2019udar \u00f3rgaun judisi\u00e1l ne\u2019eb\u00e9 hala\u2019o desizaun Judisi\u00e1l (rejeisaun estradisaun) viola husi pod\u00e9r pol\u00edtika administativa (governu). Ida ne\u2019e hatudu momoos katak, dominasaun klase dominante (burgezia sira) forte tebes hodi determina lala\u2019ok lei no pol\u00edtika (kebijakan) estadu RDTL. Entaun perspetiva Marx ho Engels iha leten loos, katak estadu ne\u2019e la neutru, maib\u00e9 hala\u2019o funsaun hodi asegura interese klase dominante (burgezia sira). Mak kazu deportasaun Teves ne\u2019e mak bain-bain iha kultura Marxizmu bolu, forma kompromisu no kolaborasaun pol\u00edtika-ekonomia entre mahukun\/elite sira, la\u2019\u00f3s desizaun neutru bazeia ba lei no hodi dudu interese povu ninian. Nune\u2019e bele tau karimbu (cap) ida, katak desizaun ne\u2019e nu\u2019udar rezultadu husi relasaun entre elite estadu sira, liu-liu elite rejion\u00e1l ASEAN sira nian hodi hakaat-liu tiha justisa (lei) hodi to\u2019o sira nia interese. Mak estadu ne\u2019e instrumentu povu nian? Sei fiar narrativa ida \u201cestadu mak povu no povu mak estadu\u201d?<\/p>\n\n\n\n

Liu-tan ida ne\u2019e, ensaiu ne\u2019e sei halo revizaun m\u00f3s ba Marxista sira nia pensamentu hodi haree kazu Teves nian. Iha s\u00edrkulu Marxista, afirmasaun ne\u2019eb\u00e9 sempre sai m\u00f3s ajitasaun iha sira nia diskusaun sempre hateten: \u201cEstadu ne\u2019e nu\u2019udar aparellu represiva no ideol\u00f3jiku\u201d. Ba sira ne\u2019eb\u00e9 vizita ona livru \u201cIdeologi dan Aparatus Ideologi Negara<\/em>-Louis Althusser\u201d<\/em>entende di\u2019ak-liu.Pontu importante ne\u2019eb\u00e9 Althusser subli\u00f1a iha livru ne\u2019e mak ideia kona-ba oins\u00e1 estadu defende pod\u00e9r liu-husi tipu aparellu rua (2): 1) Aparellu Represiva Estadu (RSA-Sigla Ingl\u00e9s) no Aparellu Ideol\u00f3jiku Estadu (ISA-Sigla Ingl\u00e9s). Ninia afirmasaun ne\u2019eb\u00e9 famoza maizumenus nune\u2019e:<\/p>\n\n\n\n

\u201cNegara bukanlah netral; ia mempertahankan kekuasaan kelas melalui aparatus represif dan ideologis.\u201d <\/em>-Louis Althusser<\/p>\n\n\n\n

Iha kazu deportasaun Teves, desizaun administrativa husi governu RDTL, la-seluk-la-leet, nu\u2019udar inkarnasaun husi Aparellu Represiva Estadu (RSA-Sigla Ingl\u00e9s). Nu\u2019udar asaun koersiva ne\u2019eb\u00e9 hala\u2019o ho razaun atu garante pol\u00edtika interna nasaun nian no hametin RDTL nia reprezentasaun iha relasaun internasion\u00e1l, nune\u2019e sira pimenta (bumbu) ho interese nasion\u00e1l no estabilidade estadu. Enkuantu media nasion\u00e1l sira, Minist\u00e9riu Interior no Minist\u00e9riu Neg\u00f3siu Estranjeiru no narrativa ofisial governu RDTL hala\u2019o funsaun nu\u2019udar Aparellu Ideol\u00f3jiku Estadu (ISA-Sigla Ingl\u00e9s) hodi domina opiniaun p\u00fablika no espalla lejitimasaun ideol\u00f3jiku husi sira nia desizaun, iha termu Indon\u00e9ziu, (seolah-olah hal itu tindakan sah, wajar, dan patriotik<\/em>). Ho nune\u2019e, deportasaun ne\u2019e bele lejitima no simu husi povu, hodi povu labele haree pratika pod\u00e9r ne\u2019eb\u00e9 nia forma ne\u2019e koersiva no ejem\u00f3niku atu nafatin asegura mahukun sira nia interese.<\/p>\n\n\n\n

Imajina povu tomak komprende ho kr\u00edtiku forma ejemonia no konsensu sosi\u00e1l?<\/p>\n\n\n\n

Ita koko lori pensamentu Marxista Italianu ida, ho naran Antonio Gramsci. Iha nia hanoin sira ne\u2019eb\u00e9 nia f\u00f3 sai liu-husi konseitu ejemonia, Gramsci f\u00f3 pontu importante ida, katak dominasaun klase mahukun ne\u2019e sira hetan la\u2019\u00f3s-de\u2019it liu-husi meiu obrigasaun (obriga povu), maib\u00e9 barak-liu, mak liu-husi konkord\u00e1nsia ideol\u00f3jiku husi sosiedade\/povu. Oins\u00e1 konkord\u00e1nsia ne\u2019e akontese?<\/p>\n\n\n\n

\u201cHegemoni tercipta ketika dominasi kelas diterima secara sukarela oleh masyarakat melalui konsensus ideologis.\u201d<\/em>– Antonio Gramsci<\/p>\n\n\n\n

Kazu deportasaun Teves hatudu momoos, povu maioria, media no sosiedade siv\u00edl iha Timor barak simu no lejitima desizaun administrativa (deportasaun) husi governu RDTL hasoru Teves. Minoria mak preokupa desizaun refere tanba kontrad\u00eds ho desizaun Tribunal Rekursu. Ida ne\u2019e hatudu katak, klase dominante (mahukun) sira susesu iha sira nia estrat\u00e9jia ejem\u00f3niku. Sosiedade\/povu Timor, mahukun sira konsege konvense hodi simu no lejitima katak desizaun refere nu\u2019udar desizaun ba interese nasion\u00e1l, maski desizaun refere \u201cpika\u201d tiha prins\u00edpiu justisa, soberania lei no supremasia lei iha Timor-Leste ne\u2019eb\u00e9 ho estatutu nu\u2019udar estadu direitu demokr\u00e1tiku.<\/p>\n\n\n\n

Iha m\u00f3s pontu de vista lubuk-ida ne\u2019eb\u00e9 importante tebes hodi sita iha ensaiu ne\u2019e mak, artigu husi Timor-oan ida iha m\u00eddia sosi\u00e1l Facebook (Kuadru Juventude Partidu CNRT) iha ne\u2019eb\u00e9 nia f\u00f3 an\u00e1lize hodi fanun p\u00fabliku liu-husi aprosimasaun Teoria Framing.Mezmu ihania artikulasaunnia la sita direta husi te\u00f3riku Teoria Framing sira hanesan Robert Entman, Dietram Scheufele no seluk-tan, maib\u00e9 iha pontu importante balun ne\u2019eb\u00e9 nia sita iha nia an\u00e1lize mak hanesan: (Framing) umanit\u00e1riu, (Framing) Soberania Nasion\u00e1l, Kuadru (Framing) Diplomasia Estrat\u00e9jiku, Kuadru (Framing) Prosesu Leg\u00e1l Justu, Kuadru (Framing) Ambiguidade Estrat\u00e9jiku.<\/p>\n\n\n\n

Jerlamente loos no forte iha kontestu akad\u00e9miku, liu-liu iha sikun aplikasaun teoria framing iha kontestu komunikasaun pol\u00edtika no diplomasia tanba konsege identifika eskema framing lubuk-ida. Maib\u00e9 ida ne\u2019e ita bele konsidera loos? Ita hateke hikas-fali Louis Althusser no Gramsci.<\/p>\n\n\n\n

Hakerek na\u2019in ensaiu ida ne\u2019e konsidera opiniaun iha leten kona-ba aprosimasaun teoria Framing bele deskonfia m\u00f3s nu\u2019udar lejitimasaun hodi f\u00f3 susesu ba estrat\u00e9jia ejem\u00f3niku husi klase dominante atu\u00e1l (mahukun). Iha kontestu Timor karik, toman ida \u201cRekayasa Publik\u201d. Ida ne\u2019e iha relasaun m\u00f3s ho Louis Althusser no Gramsci ninia pensamentu.<\/p>\n\n\n\n

Iha definisaun b\u00e1ziku si\u00e9nsia sosiais, Framing define nu\u2019udar elementu perspetiva konseitu no te\u00f3riku kona-ba oins\u00e1 indiv\u00edduu, grupu no organizasaun sosi\u00e1l ida haree no hato\u2019o realidade ida.<\/p>\n\n\n\n

Nune\u2019e iha Dietram A. Scheufele maizumenus nune\u2019e:<\/p>\n\n\n\n

Framing adalah proses di mana individu mengembangkan pemahaman tertentu terhadap suatu isu atau mengubah cara pandangnya terhadap isu tersebut.- <\/em>Dietram A. Scheufele<\/p>\n\n\n\n

Mak definisaun ne\u2019e iha relev\u00e1nsia ba revizaun kr\u00edtiku liu-husi Louis Althusser no Gramsci ninia pensamentu. Iha kazu Teves, Governu Timor-Leste ninia Framing ne\u2019e nu\u2019udar \u201crekayasa publik), iha ne\u2019eb\u00e9 hatudu deportasaun nu\u2019udar desizaun adminitrativa normal, la\u2019\u00f3s nu\u2019udar violasaun ida ba desizaun \u00f3rgaun judisi\u00e1l. Ida ne\u2019e mak iha lingua Gramsci bolu koersiva no ejem\u00f3niku, tanba kontein estrat\u00e9jia ejem\u00f3niku liu-husi dezenvolve diskursu no opiniaun p\u00fablika hodi \u201cmegalihkan\u201d kestaun judisi\u00e1l sai fali kestaun t\u00e9kniku andministrativu imigrasaun Timor ninian, ho nune\u2019e, sosiedade\/povu la konxiente katak iha violasaun ba prins\u00edpiu separasaun pod\u00e9r iha sistema governasaun Timor ninian no m\u00f3s supremasia lei Timor ninian.<\/p>\n\n\n\n

Ikus-liu<\/strong><\/p>\n\n\n\n

Ensaiu ne\u2019e iha tanba hodi fanun ita-hotu, atu bele hateke kle\u2019an Timor-Leste ninia pol\u00edtika husi sikun oin-oin. Kazu deportasaun Teves husi Timor-Leste ba Filipina hatudu kontradisaun s\u00e9riu entre \u00f3rgaun judisi\u00e1l no ezekutivu ka entre lei no pod\u00e9r. Importante atu ita hateke ho kle\u2019an mak, iha perspetiva direitu (lei) ita bele konsidera desizaun governu RDTL ne\u2019e \u201cmencederai<\/em>-termu Indon\u00e9ziu\u201d prins\u00edpiu separasaun pod\u00e9r no supremasia lei iha Timor-Leste ne\u2019eb\u00e9 ho estatutu estadu direitu demokr\u00e1tiku. Iha fali sikun-seluk, tuir kultura Marxismu, ba Marxista sira, estadu Timor liu-husi ninia governu nia desizaun hala\u2019o aktu nu\u2019udar instrumentu klase mahukun sira hodi manipula lei ba interese sira nian la\u2019\u00f3s ba interese povu ninian. Atu bele to\u2019o interese ne\u2019e mak sira utiliza aparellu represivu no aparellu ideol\u00f3jiku sira hodi kontrola narrativa pod\u00e9r. Sira m\u00f3s hatudu mai-ita, oins\u00e1 konsensu sosi\u00e1l bele konstrui liu-husi ejemonia. Mahukun sira m\u00f3s \u201cJago\u201d hodi forma, konstrui no dezenvolve persesaun p\u00fablika liu-husi instrumentu simb\u00f3liku sira hanesan liu-husi deklarasaun ofisial ne\u2019eb\u00e9 pimenta ho lingua oin-oin no m\u00f3s utiliza media sira. Mak revizaun kr\u00edtiku iha ensaiu ne\u2019e lori ita ba lia-fuan ikus ida, katak desizaun adminsitrativa (deportasaun) hasoru Teves la\u2019\u00f3s de\u2019it viola prins\u00edpiu separasaun pod\u00e9r no supremasia lei, maib\u00e9 hatudu m\u00f3s forsa rede pod\u00e9r ideol\u00f3jiku ne\u2019eb\u00e9 sei nafatin kesi-metin povu Timor iha obskurantizmu nia laran.<\/p>\n\n\n\n

Proposta ba leitura<\/strong><\/p>\n\n\n\n

Konstituisaun RDTL no Lei-oan sira Timor ninian, Liu-liu Lei N.\u00ba 11\/2004<\/p>\n\n\n\n

Karl Marx & Friedrich Engels (Manifesto Partai Komunis)<\/p>\n\n\n\n

Louis Althusser (Ideologi dan Aparatus Ideologi Negara)<\/p>\n\n\n\n

Tom Bingham (The Rule of Law\/ Supremasi Hukum)<\/p>\n\n\n\n

Eriyanto. (AnalisisFraming).<\/p>\n\n\n\n

Antonio Gramsci (Negara dan Hegemoni)<\/p>\n\n\n\n

*(Argelio Bernardino Vilela – Estudante Departamentu Pol\u00edtika Dezenvolvimentu UNPAZ)<\/em><\/strong><\/p>\n","protected":false},"excerpt":{"rendered":"

Hakerek nain Argelio Bernardino Vilela (Revizaun kr\u00edtiku simples husi perspetiva oin-oin bazeia ba leitura opiniaun p\u00fabliku, liu-liu iha opiniaun sira iha m\u00eddia sosi\u00e1l ema Timor sira ninian) Hah\u00fa Nian Pol\u00e9mika deportasaun lider pol\u00edtiku kontrov\u00e9rsia Nasaun Filipina, Arnolfo Teves Jr. husi governu Timor-Leste liu-husi desizaun administrativa Minist\u00e9riu Interi\u00f3r RDTL nian iha loron 29, fulan-Maiu tinan 2025 […]<\/p>\n","protected":false},"author":2,"featured_media":20735,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[60],"tags":[],"class_list":["post-20734","post","type-post","status-publish","format-standard","has-post-thumbnail","hentry","category-analisa"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/20734","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/2"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=20734"}],"version-history":[{"count":2,"href":"https:\/\/neonmetin.info\/buletin\/wp-json\/wp\/v2\/posts\/20734\/revisions"}],"predecessor-version":[{"id":20738,"href":"https:\/\/neonmetin.info\/buletin\/wp-json\/wp\/v2\/posts\/20734\/revisions\/20738"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/20735"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=20734"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=20734"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=20734"}],"curies":[{"name":"wp","href":"https:\/\/api.w.org\/{rel}","templated":true}]}}