{"id":20760,"date":"2025-06-09T22:04:55","date_gmt":"2025-06-09T13:04:55","guid":{"rendered":"https:\/\/neonmetin.info\/buletin\/?p=20760"},"modified":"2025-06-09T22:07:59","modified_gmt":"2025-06-09T13:07:59","slug":"ita-lao-too-ain-moras-no-nafatin-bee-la-moos-feto-timoroan-ida-nia-luta-loron-loron-ba-bee-iha-mudansa-klimatika","status":"publish","type":"post","link":"https:\/\/neonmetin.info\/buletin\/2025\/06\/09\/ita-lao-too-ain-moras-no-nafatin-bee-la-moos-feto-timoroan-ida-nia-luta-loron-loron-ba-bee-iha-mudansa-klimatika\/","title":{"rendered":"\u201cIta La\u2019o To\u2019o Ain Moras, Nafatin Be\u2019e La Moos\u201d: Feto Ida Nia Luta Loron-loron Ba Be\u2019e Iha Mudansa Klimatika"},"content":{"rendered":"\n

Reportajen Zevonia Vieira <\/em><\/strong><\/p>\n\n\n\n

Bainhira loro-matan sa’e iha Abu, aldeia ki’ik ida ne’eb\u00e9 maka subar iha Timor-Leste nia foho Matebian nia laran, Joanina do Santos hah\u00fa nia loron ho todan, ida ne’eb\u00e9 nia lori durante nia tinan 25 nia laran.<\/p>\n\n\n\n

\u201cAmi la\u2019o dook hodi buka bee,\u201d Joanina dehan ho lian neneik. \u201cIha tempu rai-maran ne\u2019eb\u00e9 naruk, ami tenke la\u2019o dook liut\u00e1n, hodi kuru bee. Komesa tuku neen dadeer, ami tenke sai.\u201d<\/em><\/p>\n\n\n\n

Joanina hela iha aldeia Abu, husi Munis\u00edpiu Baucau, dook liu kil\u00f3metru 95 husi sidade kapit\u00e1l Dili, no lori oras 3 atu lori karreta. Abu fatin ida ne’eb\u00e9 uluk ko\u00f1esidu ho nia klima malirin ho ai-hun barak iha sorin-sorin. Maib\u00e9 dadeer malirin sira husi nia inf\u00e1nsia lakon ona. Ohin, anin manas liu. Tempu maran sira naruk liu. Udan mai tarde, dalaruma la mai. Krize klim\u00e1tika, ne’eb\u00e9 la haree iha parte barak iha mundu, maka forsa ida ne’eb\u00e9 la para iha ne’e, halo bee-matan sira sai ki’ik, mota sira sai kole, no transforma sobreviv\u00e9nsia loroloron nian ba teste ida ba rezist\u00e9nsia.<\/p>\n\n\n\n

Bee-matan ne’eb\u00e9 Joanina depende ba dook iha foho sira, hale’u dalan ai-laran nian ne’eb\u00e9 tun no sa’e. Ho jerigen pl\u00e1stiku ne’eb\u00e9 maka todan, Joanina la’o oras barak, dala barak ho nia inan no alin-feto sira iha nia sorin.<\/p>\n\n\n\n

\"Joanina<\/figure>\n\n\n\n

“Ha’u ba kuru bee ho ha’u nia inan no alin-feto ki’ik sira, ami feto sira b\u00e1 hamutuk,” nia hatete.<\/p>\n\n\n\n

Maib\u00e9 maski iha forsa ne’eb\u00e9 fahe ba malu, maibe dalaruma iha  perigu nia laran.<\/p>\n\n\n\n

\u201cAmi tauk atu b\u00e1 kuru bee mesak tanba bee-matan ne\u2019e dook, ha\u2019u tenke husu ba ha\u2019u-nia inan ho ha\u2019u-nia alin feto sira atu mai hamutuk ho ha\u2019u, ha\u2019u ta\u2019uk katak se ha\u2019u b\u00e1 mesak, mane balun bele halo as\u00e9diu ka at\u00e9 asalta ami,\u201d <\/em>Joanina hateten.<\/p>\n\n\n\n

Tauk ida-ne’e taka pasu ida-idak. Maib\u00e9, nesesidade ba bee la hein.<\/p>\n\n\n\n

Bee ne’eb\u00e9 sira halibur la to’o ba loron ida liu. Loron-loron, dadeer no kalan, Joanina ho nia fam\u00edlia fila ba bee-matan ne\u2019e. Viajen ne’e maka’as tebes. Bee, ne’eb\u00e9 dala barak nakukun no la seguru, tenke uza nafatin ba tein, hariis, no fase roupa.<\/p>\n\n\n\n

\u201cBee menus iha ne\u2019e ami la\u2019o kuaze oras haat to\u2019o iha bee matan ne\u2019e, no ema barak mak ba, entaun tenke troka malu,\u201d<\/em> Joanina esplika.<\/p>\n\n\n\n

Joanina serb\u00ed nu\u02bcudar mestra iha eskola ne\u02bceb\u00e9 besik. Maib\u00e9 nia responsabilidade sira iha uma, kuru bee, tein, fase roupa dalabarak atraza nia atu hanorin, no ida-ne’e f\u00f3 impaktu ba labarik sira nia edukasaun.<\/p>\n\n\n\n

\u201cHa\u2019u kuru bee, fase roupa, no te\u2019in. Ha\u2019u sente serbisu ne\u2019e todan tebes tanba ami tenke la\u2019o dook atu kuru bee. To\u2019o tempu ami fila, ami tenke hariis nafatin, entaun ikus mai ha\u2019u ba eskola tarde. Tanba bee-matan ne\u2019e dook, ami la to\u2019o lalais ba uma, no foin mak ha\u2019u bele hariis no ba eskola,\u201d <\/em>nia dehan.<\/p>\n\n\n\n

Viajen ida-idak ba bee-matan hasai oras barak iha nia loron. Depois eskola, iha deskansa uitoan de’it. Viajen daruak ba bee hah\u00fa.<\/p>\n\n\n\n

Tuir Joaquim Domingos Soares, xefe aldeia iha Abu, krize bee afeta ema hotu, maibe todan monu maka\u2019as liu ba feto no labarik sira. Abu uluk iha bee natoon iha pasadu.<\/p>\n\n\n\n

\"\"<\/figure>\n\n\n\n

Joaquim Domingos Soares, Xefe Aldeia iha Abu. [Foto: Zevonia | 07.03.2025]<\/em><\/p>\n\n\n\n

\u201cAgora bee menus tebes iha ne\u2019e tempu bailoro naruk ami tenke la\u2019o dook hodi ba kuru bee, sira ne\u2019ebe iha osan bele sosa bee $2.00 kada tanki, maibe ida ne\u2019e susar ba ema ne\u2019ebe osan laiha,\u201d <\/em>nia hateten.<\/p>\n\n\n\n

Komunidade laiha asesu bee ne’eb\u00e9 konfi\u00e1vel dezde nasaun nia independ\u00e9nsia.<\/p>\n\n\n\n

\u201cFeto no labarik sira ne\u2019ebe kuru bee ne\u2019e.Sira tenki kuru bee iha dadersan sedu molok ba eskola.Se dader sira ba kuru bee ikus mai to\u2019o tarde iha eskola tanba eskola mos dook,\u201d<\/em> Joaquim akresenta.<\/p>\n\n\n\n

Grupu Feto Foinsa\u2019e Timor-Leste (GFFTL), organizasaun lok\u00e1l ne\u2019eb\u00e9 halo advokasia ba direitu feto nian, haree krize bee nian hanesan fiu ida iha krize ne\u2019eb\u00e9 boot liu: mudansa klim\u00e1tika.<\/p>\n\n\n\n

Grupu Feto Foinsa\u2019e Timor-Leste (GFFTL), organizasaun lok\u00e1l ida ne\u2019eb\u00e9 halo advokasia ba direitu feto nian, haree krize bee nu\u2019udar krize mudansa klim\u00e1tika ne\u2019eb\u00e9 boot liu.<\/p>\n\n\n\n

Esmenia Laura Ximenes, Diretora GFFTL, esplika katak bainhira bee-matan sira maran, loron-loron feto sira tenke la\u2019o dook liu tan.<\/p>\n\n\n\n

“Feto sira iha \u00e1rea remota sira, ne’eb\u00e9 uluk iha asesu ba bee-matan natur\u00e1l sira besik sira nia aldeia, agora hasoru hela kondisaun bee matan maran. Tanba impaktu hosi krize klim\u00e1tika, sira hetan obrigasaun atu la’o dook tebes, hosi \u00e1rea ida ba \u00e1rea seluk hodi hetan bee,”<\/em> nia hatete.<\/p>\n\n\n\n

\"\"<\/figure>\n\n\n\n

Esmenia Laura Ximenes, Diretora GFFTL, [Foto: Zevonia | 09.03.2025]<\/em><\/p>\n\n\n\n

Konseku\u00e9nsia sira ne’e maka’as tebes.<\/strong><\/p>\n\n\n\n

\u201cSira gasta tempu barak hodi la\u2019o dook, hodi kuru bee ba sira-nia nesesidade loroloron nian, dala barak sira sai iha dadeer no la fila ba uma to\u2019o besik meiudia. Nu\u2019udar rezultadu, laiha tempu sufisiente atu prepara hah\u00e1n ka hat\u00e1n ba nesesidade fam\u00edlia nian, ne\u2019eb\u00e9 ikusmai hamosu falta komprensaun m\u00fatua no dala ruma rezulta iha viol\u00e9nsia dom\u00e9stika,<\/em>\u201d Esmenia hateten.<\/p>\n\n\n\n

Labarik sira para husi eskola. Fam\u00edlia sira sai tensaun. Labarik-feto sira hasoru vulnerabilidade adision\u00e1l, liuliu durante menstruasaun, bainhira laiha asesu ba saneamentu b\u00e1ziku<\/p>\n\n\n\n

Tuir relat\u00f3riu feto sira mak lori todan husi estrese relasiona ho klima, tanba sira-nia pap\u00e9l iha agrikultura, kuidadu, no halibur bee. Rai-maran no inundasaun sira intensifika todan sira-ne’e, hodi f\u00f3 sira ba tensaun f\u00edziku no emosion\u00e1l ne’eb\u00e9 boot liu. Maski nune’e, feto sira nafatin eskluidu hosi espasu sira foti desizaun nian, ne’eb\u00e9 hafraku nasaun nia resposta ba klima.<\/p>\n\n\n\n

Asesu ba bee moos hanesan asuntu xave ida. Nu’udar padraun udan-been nian muda no bee-matan sira sai dook liu, feto sira ne’eb\u00e9 responsavel ba rekolla bee iha umakain barak liu\u2014hasoru viajen sira ne’eb\u00e9 naruk liu no risku liu. Enkuantu estudu sira hosi \u00c1zia S\u00fal nian hatudu todan hosi menus bee ba feto sira, dadus ne’eb\u00e9 hanesan sei falta nafatin ba Sudeste Azi\u00e1tiku, inklui Timor-Leste.<\/p>\n\n\n\n

Relat\u00f3riu ne’e husu atu iha pol\u00edtika klim\u00e1tika ne’eb\u00e9 inkluzivu ba j\u00e9neru hodi kapasita feto sira no harii rezili\u00e9nsia iha komunidade sira ne’eb\u00e9 vulner\u00e1vel.<\/p>\n\n\n\n

\"\"<\/figure>\n\n\n\n

Merkadu iha postu Matebian. Foto: Zevonia | 07.03.2025]<\/em><\/p>\n\n\n\n

Iha Timor-Leste, kuaze ema 353,000 mak seidauk iha bee moos. Liu 570,000 laiha sintina ida ne’eb\u00e9 di’ak. Moras diareia sira hamate labarik na’in 65 tinan-tinan no surtu sira k\u00f3lera no tifoide nian relata beibeik.<\/p>\n\n\n\n

WaterAid no UNICEF relata kontraste maka’as entre asesu ba bee urbanu no rur\u00e1l: 50% hosi populasaun rur\u00e1l iha asesu b\u00e1ziku, maib\u00e9 uitoan de’it maka iha fornesimentu seguru, sufisiente no sustent\u00e1vel.<\/p>\n\n\n\n

Governu kompromete ona atu atinji asesu bee tomak iha tinan 2030. Maib\u00e9 iha aldeia foho nian sira hanesan Abu, iha ne’eb\u00e9 viajen oras haat ba bee-matan ne’eb\u00e9 nakonu ho lama maka rutina, promesa ne’e sei dook nafatin<\/p>\n\n\n\n

Nu’udar klima manas, feto sira hanesan Joanina maka lori todan ne’eb\u00e9 maka’as liu, literalmente no figurativamente.<\/p>\n\n\n\n

\u201cIha tuku 6:30 dadeer, ami hadeer no lori jerygen rua ka tolu, kuaze tinan 20 ona, ami kuru bee hanesan ne\u2019e, iha tempu maran bee hotu, kuandu hanesan ne\u2019e akontese, ami tenke la\u2019o dook liut\u00e1n hodi foti, iha tempu udan de\u2019it mak bee fila fali, ami sente katak iha tempu maran ne\u2019eb\u00e9 naruk mak ami sofre liu, ami tenke la\u2019o dist\u00e1nsia ne\u2019eb\u00e9 dook atu kuru de’it bee,\u201d<\/em> nia hatete<\/p>\n\n\n\n

Nia liafuan sira ahtudu lia-loos ida ne’eb\u00e9 klean liu, mudansa klim\u00e1tika la’\u00f3s dook ida, la’\u00f3s ameasa abstratu ida. Ida-ne’e moris, loroloron, iha estrada manas no rai-rahun, iha loro-matan ne’eb\u00e9 manas nia okos, iha feto sira nia liman ne’eb\u00e9 lori todan mundu ida ne’eb\u00e9 lakohi muda lalais.<\/p>\n\n\n\n

\u201cLoos duni, feto no labarik sira sofre liu kuandu laiha bee iha fam\u00edlia laran, hetan ona impaktu husi desflorestasaun,\u201d<\/em> hateten Diret\u00f3r Fundasaun Haburas, ONG ambient\u00e1l ne\u2019eb\u00e9 bazeia iha Dili, Pedrito Vieira.<\/p>\n\n\n\n

Pedrito m\u00f3s dehan, \u201cdesflorestasaun aumenta bee-sa\u2019e superfisi\u00e1l, udan-been suli lalais ba mota no tasi laran sein absorve ba rai. Ne\u2019e hamenus kuantidade bee ne\u2019eb\u00e9 bele enxe fali rezerva bee-rai-okos, ne\u2019eb\u00e9 sai bee-matan krusi\u00e1l ba komunidade rur\u00e1l barak\u201d.<\/em><\/p>\n\n\n\n

Komunidade rur\u00e1l barak, liuliu sira iha rejiaun foho nian hanesan Abu, maka hetan impaktu maka’as liu.<\/p>\n\n\n\n

\u201cLiu 70% husi ita-nia povu depende ba bee-matan ka bee-matan ne\u2019eb\u00e9 ke\u2019e ho liman\u201d, esplika peritu klim\u00e1tiku Timor-Leste Dioniosio Babo, ne\u2019eb\u00e9 hanesan m\u00f3s embaixad\u00f3r Timor-Leste ba Nasoins Unidas, iha ninia opiniaun ba aj\u00e9nsia notisioza Tatoli foin lalais ne\u2019e. “Maib\u00e9 durante tempu bailoro, barak hosi sira-ne’e maran ka sai la seguru.”<\/em><\/p>\n\n\n\n

Babo m\u00f3s esplika katak estimativa 80% hosi ai-laran sira nasaun nian hetan degradasaun ka desflorestasaun. Nia atribui ida-ne’e liuliu ba pr\u00e1tika sira uza rai nian ne’eb\u00e9 la sustent\u00e1vel, hanesan to’os tesi-no-sunu no estrasaun ai-tahan.<\/p>\n\n\n\n

Peritu ne\u2019e hatutan liut\u00e1n katak levantamentu nasion\u00e1l sira revela estat\u00edstika ida ne\u2019eb\u00e9 preokupante, 42% hosi uma-kain sira iha Timor-Leste tomak depende ba fonte bee-hemu ne\u2019eb\u00e9 la seguru ka la hadi\u2019a. Asuntu ne’eb\u00e9 maka jeneralizadu ida-ne’e hamosu insid\u00e9nsia aas sira moras nian ne’eb\u00e9 maka mai hosi bee<\/p>\n","protected":false},"excerpt":{"rendered":"

Reportajen Zevonia Vieira Bainhira loro-matan sa’e iha Abu, aldeia ki’ik ida ne’eb\u00e9 maka subar iha Timor-Leste nia foho Matebian nia laran, Joanina do Santos hah\u00fa nia loron ho todan, ida ne’eb\u00e9 nia lori durante nia tinan 25 nia laran. \u201cAmi la\u2019o dook hodi buka bee,\u201d Joanina dehan ho lian neneik. \u201cIha tempu rai-maran ne\u2019eb\u00e9 naruk, […]<\/p>\n","protected":false},"author":2,"featured_media":20754,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[29],"tags":[],"class_list":["post-20760","post","type-post","status-publish","format-standard","has-post-thumbnail","hentry","category-meio-ambiente"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/20760","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/2"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=20760"}],"version-history":[{"count":2,"href":"https:\/\/neonmetin.info\/buletin\/wp-json\/wp\/v2\/posts\/20760\/revisions"}],"predecessor-version":[{"id":20766,"href":"https:\/\/neonmetin.info\/buletin\/wp-json\/wp\/v2\/posts\/20760\/revisions\/20766"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/20754"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=20760"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=20760"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=20760"}],"curies":[{"name":"wp","href":"https:\/\/api.w.org\/{rel}","templated":true}]}}