{"id":21126,"date":"2025-08-13T13:34:05","date_gmt":"2025-08-13T04:34:05","guid":{"rendered":"https:\/\/neonmetin.info\/buletin\/?p=21126"},"modified":"2025-08-13T13:34:07","modified_gmt":"2025-08-13T04:34:07","slug":"sosiedade-sivil-la-aseita-sekoms-kria-esbosu-lei-komsos-hodi-kriminaliza-produtu-jornalistiku","status":"publish","type":"post","link":"https:\/\/neonmetin.info\/buletin\/2025\/08\/13\/sosiedade-sivil-la-aseita-sekoms-kria-esbosu-lei-komsos-hodi-kriminaliza-produtu-jornalistiku\/","title":{"rendered":"Sosiedade Sivil La Aseita SEKOMS \u00a0Kria Esbosu Lei KomSos hodi Kriminaliza Produtu Jornalistiku"},"content":{"rendered":"\n

Reportajen David da Costa<\/strong><\/p>\n\n\n\n

Forum organizasaun Naun Governamental Timor-Leste (FONGTIL) ho Assosiasaun Hak la aseita ho Sekretariu Estadu Komunikasaun Sosial (Sekoms)  Expedito Loro Dias Ximenes ne\u2019e kria fali esbosu lei komunikasaun sosial hodi penaliza fali jornalista, media no produtu jornal\u00edstika, maib\u00e9 jornalista sira maka promove espasu siviku iha Timor-Leste.<\/p>\n\n\n\n

Direit\u00f3r Ezekutivu FONGTIL, Valentim da Costa Pinto, hatete, nasaun Timor-Leste ne\u2019e nasaun ida Estadu Direitu Demokr\u00e1tiku, entaun tenke asegura didi’ak kualidade liberdade imprensa no espresaun, espasu siviku sira ne’e tenke mantei.<\/p>\n\n\n\n

Tanba ne\u2019e Sekoms labele halo fali artigu ida hodi krimninaliza produtu jornalista sira, tanba jornalista ne\u2019e atu promove espasu siviku iha Timor-Leste. Ne\u2019ebe esbosu lei ne\u2019ebe Sekoms prepara iha artigu 38 B responsabilidade penal ne\u2019e Fongtil la aseita atu kria lei ida.<\/p>\n\n\n\n

\u201cIta nia nasaun ne’e nasaun demokr\u00e1tiku, entaun ita tenke asegura didi’ak ita nia kualidade liberdade imprensa no espresaun. Tanba jornalista hanesan elementu ida ne’eb\u00e9 bele promove ita nia kualidade espasu siviku iha Timor ne’e la’o, entaun ne’e laiha oportunidade ida kria artigu ida ne’eb\u00e9 atu kriminaliza, ne’e ita labele aseita ida ne’e,\u201d dehan Direit\u00f3r Ezekutivu FONGTIL, Valentim da Costa Pinto, Ba jornalista sira iha salaun Assosiasaun HAK, Tersa 12\/08<\/p>\n\n\n\n

Tanba ne\u2019e bainhira  esbosu lei komunikasaun Timor-Leste ne\u2019eb\u00e9 Sekoms prepara iha artigu 38 B kona-ba responsabilidade pen\u00e1l ne\u2019e aprova duni, Media, Jornalista, sosedade sivil no atevista sira tenke  hamutuk hodi halo asaun hasoru governu tanba ida ne\u2019e limite ema nia liverdade no liverdade imprensa iha Timor-Leste.<\/p>\n\n\n\n

\u201cAprova duni esbosu Lei Komunikasaun sosial ne\u2019e, ha’u hanoin jornalista ho maluk sosi\u00e9dade sivil ita sei bele hamutuk halo buat ruma, labele akontese ida ne\u2019e, tanba espasu siviku ita Timor-Leste opta hela kona-ba estadu demokr\u00e1tiku,\u201d nia hatete.<\/p>\n\n\n\n

Tanba nasaun Timor-Leste opta hela sistema demokratiku, ne’e hatudu katak ema hotu-hotu tenke iha liberdade hodi bele jere ninia autonomia, nia liberdade sira. Tanba ne\u2019e Jornalista sira labele kriminaliza, tanba jornalista sira mak tenke fahe informasaun, sosiadade ne’e iha direitu atu hetan informasaun sira.<\/p>\n\n\n\n

Tanba ne\u2019e laiha oportunidade atu bele kriminaliza ida ne’e no labele akontese iha Timor. Se esbosu lei komunikasaun sosial ida ne\u2019e maka  aprova ida ne\u2019e sei f\u00f3 impaktu ba libredade imprensa iha Timor, ne\u2019ebe atigu ida ne\u2019e Fongtil la aseita.<\/p>\n\n\n\n

\u201cIda ne’e sei labele permite iha ita nia rain, xatamente sei f\u00f3 impaktu ba liberdade imprensa iha rai laran, ne’eb\u00e9 ita la aseita tebes artigu ida ne’e atu bele kontinua hetan aprovasaun,\u201d Nia la Aseita.<\/p>\n\n\n\n

Direit\u00f3r Ezekutivu Asosiasaun Hak, Feliciano da Costa Ara\u00fajo, mos hatete, hanoin presiza refleta didi’ak ba konstituisaun RDTL ne’eb\u00e9 iha artigu balun f\u00f3 dalan ba iha sosiadade oins\u00e1 atu bele espresa sira ninia hanoin, liu-liu hanesan buat balun ne’eb\u00e9 la loos sira bele hato’o ida ne’e. Maib\u00e9 Sekoms labele halo buat hotu-hotu ho intensaun atu bele proteze nia aan no atetude ka hahalok sira ne\u2019ebe la loos.<\/p>\n\n\n\n

\u201cBainhira ami haree fila fali situasaun refere, se ita hanoin bele kriminaliza situasaun ida ne’e, ba ami atu hatete dala ida tan maka ida ne’e halo ona pemberkosan ba iha konstituisaun RDTL ne’e, ita temi lei inan maib\u00e9 ita rasik vi\u00f3la. Labele halo buat hotu-hotu ho intensaun atu bele proteze ita ninia atetude ka hahalok ne’eb\u00e9 tuir loloos ita vi\u00f3la, serake koruptor ida, nia halo korupsaun ne’e ita labele ko’alia, nonok de’it,\u201d dehan Diret\u00f3r Hak.<\/p>\n\n\n\n

Nia hatete, se ema balun halo violasaun seksual, halo abuzu seksual sira ne’e tenke nonok de’it, \u201cse ita \u00fatiliza ita nia poder hanesan halo abuzu poder sira ne’e ema nonok de’it, ema labele ko’alia buat ida, serake hanesan balun implementa sira ninia projetu ruma depois la tuir ninia lala’ok ka prosedimentu ne’e, ema hotu-hotu tenke nonok de’it, entaun hanesan ita bandu ema ona\u201d.<\/p>\n\n\n\n

\u201cIta nia estadu direitu demokr\u00e1tiku ne’e ita lakon tiha ona, afin\u00e1l ita sai hanesan nasaun ka estadu ida ne’eb\u00e9 iha esperiensia di’ak ba iha implementasaun demokr\u00e1sia ne’e. Maib\u00e9 realidade ita rasik falun an, subar an, se ita hakarak dehan hamosu lei ida ne’e signifika ita hakarak proteze ita nia an, bainhira ita halo sala ema labele ko’alia ba iha ita,\u201dnia afirma<\/p>\n\n\n\n

Maib\u00e9 importante mak ida ne’e, klaru katak ema ida ne’e la ko’alia atu tolok o, ema ida la ko’alia atu bele trata o nia inan-aman sira ka atu ko’alia buat sira ne’e. Maib\u00e9 o nia atetude ne’eb\u00e9 o halo sala ne’e, hanoin ema iha direitu atu espresa, se hanesan ne’e di’ak liu  hasai tiha Konstitusaun RDTL ne’eb\u00e9 f\u00f3 dalan liberdade ba ema atu espresa ne’e di’ak liu taka tiha de’it.<\/p>\n\n\n\n

\u201cIda ne’e ba ami lamenta tebe-tebes signifika estadu ida ita bolu sistema rep\u00fablika demokr\u00e1tika Timor-Leste ne’e hamosu ona ditadura. Ita hakarak kontrola buat hotu-hotu, se hanesan ne’e tanba saida mak ita ba ko’alia nasaun sira seluk, nasaun selu-seluk nia problema ita ba ko’alia, maib\u00e9 realidade ita falun ita nia an, kurtina de’it, afin\u00e1l ita atu hatudu ba ema ita di’ak, maib\u00e9 realidade ita hakarak halo fila fali buat sira ne’e hanesan buradu, sabraut loos iha ita nia nasaun laran ida ne’e,\u201dnia dehan.<\/p>\n\n\n\n

Tanba esbosu lei KomSos artigu 38 B responsabilidade penal ne\u2019e maka aprova duni nia sei impaktu ba iha liberdade imprensa no  espresaun tanba  aban bainrua jornalista no sosedade sivil sira hakrak koalia lia loos sira bele uza lei ida ne\u2019e hodi proses aba tribunal no lori ema halai lakon ba oho.<\/p>\n\n\n\n

\u201cSe la’e aban bainrua, jornalista, sosi\u00e9dade sivil ka ativista sira mai husi komunidade sira iha baze, sira hakarak ko’alia lia loos, autoridade sira bele uza sira nia poder depois naok ema sira ne’e hodi lakon, ita hakarak akontese hanesan iha Jakarta 1-2 bainhira ema foti ema ba soe iha ne’eba, ka ita hakarak akontese tan fatin sira seluk depois naok ema kalan-kalan depois ba halakon, ita lakohi buat ida ne’e,\u201d nia hatete.<\/p>\n\n\n\n

Sosedade Sivil ne\u2019e mos husu ba Sekoms  atu presiza haree didiak esbosu lei ne\u2019e, se Expedito Loro Dias Ximenes nia moris iha tempu Indon\u00e9zia nian, nia hatene muito bem kona-ba Indon\u00e9zia nia atetude iha pasadu, evita tiha buat ida ne’e labele akontese tan. Tanba ne\u2019e Ko’alia di’ak ba rai ida ne’e soedade sivil sei la retira. Tanba ne’e mak atu hatete tan dala ida, se Indon\u00e9zia nia tempu ne’eb\u00e9 Sekoms labele uza fila fali sistema ida rejime Soeharto ninian ne’e atu mai tau iha Timor-Leste.<\/p>\n\n\n\n

\u201cIta iha m\u00f3s dokumentu ida ne’eb\u00e9 hakerek iha Chega ninian ne’e hetete labele atu repete tan, serake ida ne’e ita kumpri ka la’e, se ita la kumpri entaun dokumentu sira ne’e ita halo saida, ita s\u00f3 halo nune’e hatudu ba ema mundi\u00e1l katak ita iha ona kovensaun, ita iha ona komitmentu ida katak iha ita nia estadu ida ne’e se la repete tan atitude ida pasadu,\u201d nia dehan<\/p>\n\n\n\n

Nia haktuir, tanba ne\u2019e  presiza atu tetu didi’ak lei ida ne\u2019e, no sosedade sivil nia espetativa maka Parlamentu Nasion\u00e1l m\u00f3s presiza haree esbosu lei KomSos Atigu 38 B ne\u2019e, nune\u2019e mos Prezidente Rep\u00fablika rasik atu bele haree esbosu Lei KomSos ida ne’e antes halo halo promulgasaun ba iha lei refere.<\/p>\n\n\n\n

\u201cHa’u hanoin atu hatete ba maluk sira seluk, maske bele dehan esbosu to’o bele aprova ba, maib\u00e9 kolega sira ko’alia lia loos nafatin ko’alia lia loos, labele atu retira se la’e ita hanoin de’it katak kontrola sosi\u00e1l ida ne’e s\u00f3 sai de’it slogan, maib\u00e9 asaun konkreta laiha,\u201d nia konklui.<\/p>\n","protected":false},"excerpt":{"rendered":"

Reportajen David da Costa Forum organizasaun Naun Governamental Timor-Leste (FONGTIL) ho Assosiasaun Hak la aseita ho Sekretariu Estadu Komunikasaun Sosial (Sekoms)  Expedito Loro Dias Ximenes ne\u2019e kria fali esbosu lei komunikasaun sosial hodi penaliza fali jornalista, media no produtu jornal\u00edstika, maib\u00e9 jornalista sira maka promove espasu siviku iha Timor-Leste. Direit\u00f3r Ezekutivu FONGTIL, Valentim da Costa […]<\/p>\n","protected":false},"author":2,"featured_media":21127,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[28],"tags":[],"class_list":["post-21126","post","type-post","status-publish","format-standard","has-post-thumbnail","hentry","category-justisa"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/21126","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/2"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=21126"}],"version-history":[{"count":1,"href":"https:\/\/neonmetin.info\/buletin\/wp-json\/wp\/v2\/posts\/21126\/revisions"}],"predecessor-version":[{"id":21128,"href":"https:\/\/neonmetin.info\/buletin\/wp-json\/wp\/v2\/posts\/21126\/revisions\/21128"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/21127"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=21126"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=21126"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=21126"}],"curies":[{"name":"wp","href":"https:\/\/api.w.org\/{rel}","templated":true}]}}