{"id":21335,"date":"2025-09-15T06:46:52","date_gmt":"2025-09-14T21:46:52","guid":{"rendered":"https:\/\/neonmetin.info\/buletin\/?p=21335"},"modified":"2025-09-15T06:46:54","modified_gmt":"2025-09-14T21:46:54","slug":"timoroan-iha-klube-down-to-earth-sai-kampiaun-ba-ord-valley-cup-2025-iha-kununurra-western-australia","status":"publish","type":"post","link":"https:\/\/neonmetin.info\/buletin\/2025\/09\/15\/timoroan-iha-klube-down-to-earth-sai-kampiaun-ba-ord-valley-cup-2025-iha-kununurra-western-australia\/","title":{"rendered":"Timoroan Iha Klube Down to Earth sai Kampiaun ba Ord Valley Cup 2025 iha Kununurra, Western Australia"},"content":{"rendered":"\n

Reportajen Adroaldo “Saretukau”<\/em><\/strong><\/p>\n\n\n\n

Ekipa kompa\u00f1ia Down to Earth sai kampiaun ba taxa “Ord Valley Cup” 2025 ne’eb\u00e9 hala’o iha Ord River Magpies Football Club, Kununurra, Western Australia, mak organiza hosi to’os na’in sira.<\/p>\n\n\n\n

Reprezentante organizador, Empregador kompa\u00f1ia Bothkamp, Christian Bloecker, hatete, jogu ida ne’e hanesan parte ida hodi anima traballador Timor-oan sira mak servisu iha Kununurra.<\/p>\n\n\n\n

“Tinan-tinan, hosi tinan 7 ka 8 kotuk mai, jogu kompetisaun entre kompa\u00f1ia to’os sira, liuliu ba Timor-oan sira, tanba to’os barak iha Kununurra mak Timor-oan sira servisu ba. Entaun ida ne’e hodi anima no kompete mos,”<\/em> dehan Christian hafoin remata jogu, s\u00e1badu, 13\/09.<\/p>\n\n\n\n

Nia dehan, tinan ida ne’e iha ekipa lima (5) mak kompete, entretantu tinan kotuk iha ekipa ualu (8).<\/p>\n\n\n\n

“Jogu ida ne’e hanesan animasaun, tanba sira servisu maka’as iha ne’e, nomos atu halo Timor-oan sira hasoru malu ho sira nia maluk hosi kompa\u00f1ia seluk.”<\/em> Nia hatutan.<\/p>\n\n\n\n

Nia akresenta, jogu ida ohin animadu tebes, tanba sira iha t\u00e1tika di’ak entre ekipa hodi halo kontra atake ba malu.<\/p>\n\n\n\n

“Kampiaun tinan ida ne’e mak ekipa Down to Earth, no sira halakon ha’u nia ekipa Bothkamp, sira joga di’ak tebes iha jogu final”, <\/em>dehan Christian ho laran triste tanba nia ekipa lakon iha jogu final.<\/p>\n\n\n\n

Fatin hanesan, reprezentante ekipa Down to Earth, jogador Sim\u00e3o Ximenes Sarmento, expresa sentimentu kontente tanba sira-nia ekipa sai kampiaun ba tinan ida ne’e.<\/p>\n\n\n\n

“Sente kontente tebes tanba jogu ida ohin ita konsege manan ho score 7 a 0, valor ida pozitivu tebes ba ekipa, maske la manan ho osan maib\u00e9, sente kontente no orgullu ho jogu ne’eb\u00e9 ekipa hala’o ho kapas tebes, kontrola bola ho di’ak, final ita manan, primeira vez iha Kununurra Down to Earth marka ist\u00f3ria ida ne’e.” <\/em>Guarda rede Down to Earth expresa nia sentimentu ksolok.<\/p>\n\n\n\n

Nia hatete, liu hosi jogu ida ne’e bele kria amizade no relasaun di’ak entre jogadores Timor-oan sira hotu ho estranjeiru sira mak hala’o servisu iha Austr\u00e1lia.<\/p>\n\n\n\n

“Maske ita servisu, ita kontinua mos ho jogu para ajuda ita-nia f\u00edziku, sa\u00fade, atu ita bele fit nafatin hodi hasoru servisu ne’eb\u00e9 loro-loron ita hala’o.”<\/em><\/p>\n\n\n\n

Nia fiar katak iha jogu ne’eb\u00e9 sei hala’o tinan oin, sira-nia ekipa sei mantein hatudu joga di’ak atu nafatin sai kampiaun nomos foti kompa\u00f1ia ne’eb\u00e9 sira servisu ba nia naran.<\/p>\n\n\n\n

Nune’e mos jogador ekipa Ceres Farm, Ramos Natalino Valente dehan, “ha’u sente kontente tanba jogu ida ne’e ba Timor-oan hotu-hotu ne’eb\u00e9 organiza hosi to’os na’in sira. Nia objetivu atu halibur Timor-oan sira no backpacker hosi nasaun seluk.”<\/em><\/p>\n\n\n\n

Jogu Kopa Ord Valley ne’e halo iha kampu Ord River Magpies Football Club ne’eb\u00e9 kompete hosi kompa\u00f1ia to’os sira hanesan Down to Earth, Ceres Farm, Bothkamp, Acadia Farm no BTS Packing Shed. Mais ou menus traballador Timor-oan 100 resin mak partisipa iha aktividade jogu refere.<\/p>\n\n\n\n

Ba jogu ne’e rasik, kompa\u00f1ia Down to Earth joga dala haat (4), empata ida, lakon ida no manan rua hodi sai kampiaun.<\/p>\n\n\n\n

Kopa Ord Valley ne’e hah\u00fa iha tinan 2017. Kampiaun 2017 mak Ivanhoe\/Barradale, 2018 Ceres Farm, 2019 Bothkamp Australia Farm, 2020 Ceres Farm, 2021 Bothkamp-Pumpkin, 2021 Bothkamp Australia Farm, 2023 no 2024 Ceres Farm no tinan 2025 mak Down to Earth.<\/p>\n","protected":false},"excerpt":{"rendered":"

Reportajen Adroaldo “Saretukau” Ekipa kompa\u00f1ia Down to Earth sai kampiaun ba taxa “Ord Valley Cup” 2025 ne’eb\u00e9 hala’o iha Ord River Magpies Football Club, Kununurra, Western Australia, mak organiza hosi to’os na’in sira. Reprezentante organizador, Empregador kompa\u00f1ia Bothkamp, Christian Bloecker, hatete, jogu ida ne’e hanesan parte ida hodi anima traballador Timor-oan sira mak servisu iha […]<\/p>\n","protected":false},"author":2,"featured_media":21336,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-21335","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t