{"id":22019,"date":"2026-01-13T23:57:54","date_gmt":"2026-01-13T14:57:54","guid":{"rendered":"https:\/\/neonmetin.info\/buletin\/?p=22019"},"modified":"2026-01-13T23:57:56","modified_gmt":"2026-01-13T14:57:56","slug":"vitima-sira-husi-masakre-iha-myanmar-apela-ba-povu-timor-leste-atu-ajuda-hetan-justisa","status":"publish","type":"post","link":"https:\/\/neonmetin.info\/buletin\/2026\/01\/13\/vitima-sira-husi-masakre-iha-myanmar-apela-ba-povu-timor-leste-atu-ajuda-hetan-justisa\/","title":{"rendered":"Vitima sira husi masakre iha Myanmar apela ba Povu Timor-Leste atu ajuda hetan justisa"},"content":{"rendered":"\n

Autor Salai Za Uk<\/strong><\/em><\/p>\n\n\n\n

Grupu ida, ne\u2019eb\u00e9 reprezenta v\u00edtima sira husi krime atrosidade ne\u2019eb\u00e9 Junta Militar Myanmar nian komete hasoru Povu Chin (Kristaun), mai Timor-Leste atu hato\u2019o keixa krimin\u00e1l ida ba Minist\u00e9riu P\u00fabliku. <\/p>\n\n\n\n

Ha\u2019u mak lidera grupu ida ne\u2019e no ha\u2019u hato\u2019o ona keixa ba Prokurad\u00f3r iha D\u00edli no husu atu hah\u00fa investigasaun kona-ba krime funu no krime hasoru umanidade ne\u2019eb\u00e9 Junta Militar komete iha Myanmar. Ha\u2019u nia Povu buka Justisa no hakarak responsabiliza kriminozu sira. Tanba ne\u2019e ami mai iha ne\u2019e ho fiar katak ami sei hetan solidariedade husi Povu Timor-Leste no apoiu husi autoridade  Timor-Leste nian.<\/p>\n\n\n\n

Keixa krimin\u00e1l ne\u2019eb\u00e9 ami hato\u2019o ona ba Prokurad\u00f3r, inklui evid\u00e9nsia kona-ba violasaun husi grupu ida hasoru feto isin-rua ida; masakre ba ema na\u2019in sanulu, inklui jornalista ida no labarik-mane ida ho tinan 13; oho Pastor Kristaun ida no Di\u00e1konu na\u2019in-tolu; milit\u00e1r sira halo atake a\u00e9reu indiskriminadu hasoru ospit\u00e1l ida,  no hamate peso\u00e1l m\u00e9diku na\u2019in-haat no pasiente na\u2019in-haat.<\/p>\n\n\n\n

Nu\u2019udar Kristaun ami apela ba autoridade Timor-Leste ninia apoiu atu responsabiliza ema kriminozu tuir prins\u00edpiu \u201cjurisdisaun univers\u00e1l\u201d, ne\u2019eb\u00e9 permite foti asaun independentemente v\u00edtima sira hela iha ne\u2019eb\u00e9, no kriminozu sira hela iha ne\u2019eb\u00e9, no independentemente iha  pa\u00eds ida ne\u2019eb\u00e9 mak ema at sira komete krime.<\/p>\n\n\n\n

Nu\u2019udar sarani, ne\u2019eb\u00e9 tanen aas direitus umanus, dignidade umana no estadu direitu, ha\u2019u apela ba autoridade Timor-Leste atu foti asaun tuir Justisa univers\u00e1l. Ha\u2019u reza no fiar katak ami-nia kazu sei monu iha povu Timor-Leste nia fuan, haree ba ita-nia ist\u00f3ria luta kuaze hanesan.<\/p>\n\n\n\n

Povu Myanmar no Povu Timor-Leste, Povu rua ne\u2019eb\u00e9 halo parte Sudeste Azi\u00e1tiku, liu hotu husi per\u00edodu administrasaun koloni\u00e1l (Myanmar ukun husi Inglaterra no Timor-Leste husi Portugal). Hafoin proklamasaun independ\u00e9nsia, povu rua  ne\u2019e sai  vitima husi  krime atrosidade barak komete husi ukun-nain sira. Ohin Povu Timor-Leste moris ona ho liberdade tomak .  Povu Myanmar m\u00f3s hakarak ida ne\u2019e . <\/p>\n\n\n\n

Golpe milit\u00e1r ne\u2019eb\u00e9 akontese iha Myanmar iha fulan fevereiru tinan 2021, hamosu rejime ditadura milit\u00e1r ho krime oioin hanesan ditadura rejime Suharto nian. <\/p>\n\n\n\n

Grupu sosiedade siv\u00edl sira iha Myanmar, hanesan ida ne\u2019eb\u00e9 ha\u2019u lidera (Chin), dokumenta ona atake barak husi junta Myanmar nian hasoru manifestante pas\u00edfiku sira no hamate ona ema rihun ba rihun. Iha Myanmar masakre dala barak akontese hanesan sira ne\u2019eb\u00e9 akontese iha Timor-Leste durante per\u00edodu 1975-1999.<\/p>\n\n\n\n

Tuir direitu internasion\u00e1l, atake indiskriminadu, inklui hasoru Kristaun sira, mak krime hasoru umanidade. Junta Myanmar nian halo kampa\u00f1a viol\u00e9nsia sistem\u00e1tika, jeneralizada no indiskriminada hasoru ema siv\u00edl sira iha Estadu Chin ne\u2019eb\u00e9 maioria Krist\u00e1n. Desde Jullu 2022, junta milit\u00e1r hala\u2019o ona atake a\u00e9reu dokumentadu hamutuk 1,000 iha Estadu Chin. Uma liu 4,600 hetan rahun hosi atake a\u00e9reu sira. Ema siv\u00edl na\u2019in-478 mak mate, inklui feto na\u2019in-91 no labarik na\u2019in-79. Pelumenus instalasaun m\u00e9diku 19, eskola 25 no edif\u00edsiu relijiozu 127, inklui igreja 78, hetan estragu ka destruisaun.<\/p>\n\n\n\n

Hafoin golpe iha Myanmar, tinan lima liub\u00e1, maizumenus ema 200,000 \u2013 besik metade hosi populasaun Estadu Chin nian \u2013 hetan dezlokasaun forsada. Ema liu 100,000 halai-sai husi sira-nia hela-fatin no b\u00e1 fali  \u00e1rea sira seluk iha Myanmar, enkuantu ema Chin rihun sanulu resin maka agora daudaun buka ref\u00fajiu iha \u00cdndia.<\/p>\n\n\n\n

Aleinde situasaun espes\u00edfika iha Estadu Chin, ami-nia delegasaun m\u00f3s mai iha Dili hodi f\u00f3-hatene ba Povu no autoridade Timor-Leste  kona-ba situasaun populasaun Myanmar tomak ninia luta ein- jer\u00e1l. Husi kedas golpe 2021, junta aumenta sira-nia atake a\u00e9reu indiskriminadu, ho drone no artillaria hasoru ema siv\u00edl inosente sira, Kirst\u00e1n, Budista, Musulman, no sira seluk.<\/p>\n\n\n\n

Tuir dadu sira ikus liu husi ONU no fonte kred\u00edvel sira seluk, to\u2019o 31 Marsu 2025, pelumenus, ema siv\u00edl na\u2019in-6,473 mak mate ona liihusi krime komete husi forsa junta nian, inklui feto na\u2019in-1,487 no labarik na\u2019in-748. Ema liu 30,000 hetan detensaun no liu 22,000 maka sei dadur hela. Tuir ONU, besik ema 2,000 maka mate ona iha detensaun milit\u00e1r, inklui ema sanulu resin hetan tortura to\u2019o mate. Ema na\u2019in-172 hetan kondenasaun ba mate hosi tribun\u00e1l sira ne\u2019eb\u00e9 Junta mak kontrola.<\/p>\n\n\n\n

Viol\u00e9nsia iha Myanmar halo ema liu millaun 3,5 dezlokadu. Tuir ONU, maski besik millaun 20 mak presiza asist\u00e9nsia urjente. Maib\u00e9  milit\u00e1r sira la husik f\u00f3 apoiu umanit\u00e1riu ba sira. Estimativa indika katak ema liu millaun 15 husi Myanmar hakaat ona fronteira internasion\u00e1l sira hodi buka seguransa. Ne\u2019e signifika krize umanit\u00e1ria no krize rejion\u00e1l iha \u00e1rea ASEAN nian, ne\u2019eb\u00e9 RDTL m\u00f3s halo parte nu\u2019udar Estadu membru.<\/p>\n\n\n\n

Aleinde krize umanit\u00e1ria ne\u2019eb\u00e9 refere iha leten, Myanmar sai nafatin sentru ba krime transnasion\u00e1l, inklui atividade online scam centre<\/em> sira nian ne\u2019eb\u00e9 da\u2019et ona  mai Timor-Leste. Tuir Gabinete ONU nian ba Droga no Krime, Myanmar sai hanesan produt\u00f3r prinsip\u00e1l ida ba \u00f3piu no ero\u00edna iha Mundu tomak. Ema korrupt\u00f3r husi Junta Militar envolvidu iha rede krimin\u00e1l sira no sira hariku-an ho krime sira ne\u2019e.<\/p>\n\n\n\n

Atu buka legitimasaun internasion\u00e1l ba rejime ida ne\u2019e, Junta Militar organiza eleisaun falsa sira. Iha setembru 2025, fulan haat molok ha\u2019u mai  Timor-Leste, ha\u2019u hato\u2019o ona ha\u2019u -nia Povu nia preokupasaun sira ba palku glob\u00e1l durante sesaun ba dala 60 husi Konsellu Direitus Umanus ONU nian, iha Jenebra. Iha tempu ne\u2019eb\u00e1, ha\u2019u f\u00f3-hatene ba komunidade internasion\u00e1l katak milit\u00e1r sira Myanmar nian sei halo eleisaun falsa hodi man\u00e1n ukun, nune\u2019e sira bele subar nafatin sira-nia brutalidade hasoru Povu tomak.<\/p>\n\n\n\n

Ha\u2019u hatete iha ne\u2019eb\u00e1, no ha\u2019u hatete filafali ohin ba imi: viol\u00e9nsia no sofrimentu umanu sei aumenta liut\u00e1n karik milit\u00e1r sira sente katak komunidade internasion\u00e1l  konsidera rejime milit\u00e1r hanesan autoridade lej\u00edtima iha Myanmar.  Ida-ne\u2019e maka violasaun fundament\u00e1l ida ba justisa tanba rejime ida ne\u2019e mak halo masakre ba  ninia sidadaun rasik.<\/p>\n\n\n\n

Desde golpe milit\u00e1r iha tinan 2021, Junta uza ho laran-makerek Lei Rejistu Partidu Pol\u00edtiku nian iha tinan 2023 no Lei Protesaun Eleisaun nian iha tinan 2025 hodi halakon diverj\u00e9nsia hotu-hotu, no  partidu pol\u00edtiku liu 40 \u2014 inklui Liga Nasion\u00e1l ba Demokrasia \u2014 mak disolve.<\/p>\n\n\n\n

Ho liafuan badak, envezde prod\u00fas estabilidade, manipulasaun eleisaun  sira iha Myanmar sei sai fonte ba aumenta viol\u00e9nsia, instabilidade, kriminalidade no sofrimentu umanu ne\u2019eb\u00e9 luan.<\/p>\n\n\n\n

Iha kontestu ida ne\u2019e mak  ami mai Dili hodi husu Minist\u00e9riu P\u00fabliku atu loke investigasaun ida. Evid\u00e9nsia hotu-hotu ha\u2019u aprezenta  daudaun ba Prokuradoria iha Dili. Ha\u2019u-nia organizasaun, Organizasaun Direitus Umanus Chin, dokumenta ho kuidadu no konfirma filafali ona no prontu atu koopera ho investigasaun Minist\u00e9riu P\u00fabliku nian. Aleinde ne\u2019e, Mekanizmu Investigasaun Independente ba Myanmar, (IIMM) ne\u2019eb\u00e9 estabelese hosi ONU, iha evid\u00e9nsia barak verifikadu sira ne\u2019eb\u00e9 bele disponibiliza ba autoridade timoroan sira atu ajuda sira nia investigasaun.<\/p>\n\n\n\n

Karik autoridade sira iha Timor-Leste deside loke investigasaun, ida ne\u2019e pasu simples ne\u2019eb\u00e9   haruka mens\u00e1jen forte ida ba ASEAN tomak: katak situasaun iha Myanmar la sustent\u00e1vel no tenke muda.<\/p>\n\n\n\n

Timoroan sira  iha ist\u00f3ria naruk nakonu ho  sofrimentu no iha esperi\u00e9nsia  luta hasoru rejime opres\u00f3r ida. Nune\u2019e, Timoroan sira  hatene sa\u00edda no oins\u00e1  povu Myanmar sofre  iha ninia moris loron-loron. Timor-Leste komprende sentidu liberdade husi tauk no folin ne\u2019eb\u00e9 nasaun ida tenke selu ba atinje dignidade koletiva. Ami-nia kazu leg\u00e1l iha Prokuradoria Dili oferese m\u00f3s oportunidade atu f\u00f3 solidariedade ba ema balun ne\u2019eb\u00e9 marjinalizadu no izoladu liu iha rejiaun ASEAN.<\/p>\n\n\n\n

No nune\u2019e ami apela  ba Estadu Timor-Leste ninia apoiu tomak, ba ba grupu sira sosiedade siv\u00edl timoroan, ba Igreja Kat\u00f3lika no kongregasaun sira seluk, no sidadaun no sidad\u00e1n hothotu atu hamriik ba kauza koletiva ida : defende direitus umanus iha mundu tomak. <\/p>\n\n\n\n

Haree ba pozisaun Timor-Leste nian  kona-ba direitus umanus , Povu Chin fiar ho laran tomak katak autoridade no Povu tomak sei tanen aasami-nia apelu ba Justisa. Hodi povu Myanmar nia naran , ami husu no hein, ho laran tomak, katak ami-nia orasaun ba justisa, dame no dignidade, sei hetan resposta iha tempu badak.<\/p>\n\n\n\n

*** Salai Za Uk, Diret\u00f3r Ezekutivu hosi Organizasaun Direitus Umanus Chin<\/p>\n","protected":false},"excerpt":{"rendered":"

Autor Salai Za Uk Grupu ida, ne\u2019eb\u00e9 reprezenta v\u00edtima sira husi krime atrosidade ne\u2019eb\u00e9 Junta Militar Myanmar nian komete hasoru Povu Chin (Kristaun), mai Timor-Leste atu hato\u2019o keixa krimin\u00e1l ida ba Minist\u00e9riu P\u00fabliku.  Ha\u2019u mak lidera grupu ida ne\u2019e no ha\u2019u hato\u2019o ona keixa ba Prokurad\u00f3r iha D\u00edli no husu atu hah\u00fa investigasaun kona-ba krime […]<\/p>\n","protected":false},"author":1,"featured_media":22020,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[60],"tags":[],"class_list":["post-22019","post","type-post","status-publish","format-standard","has-post-thumbnail","hentry","category-analisa"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/22019","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/1"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=22019"}],"version-history":[{"count":1,"href":"https:\/\/neonmetin.info\/buletin\/wp-json\/wp\/v2\/posts\/22019\/revisions"}],"predecessor-version":[{"id":22021,"href":"https:\/\/neonmetin.info\/buletin\/wp-json\/wp\/v2\/posts\/22019\/revisions\/22021"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/22020"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=22019"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=22019"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=22019"}],"curies":[{"name":"wp","href":"https:\/\/api.w.org\/{rel}","templated":true}]}}