{"id":22675,"date":"2026-04-20T20:35:48","date_gmt":"2026-04-20T11:35:48","guid":{"rendered":"https:\/\/neonmetin.info\/buletin\/?p=22675"},"modified":"2026-04-20T20:35:52","modified_gmt":"2026-04-20T11:35:52","slug":"intelligence-led-policing-paradigma-foun-ba-pntl","status":"publish","type":"post","link":"https:\/\/neonmetin.info\/buletin\/2026\/04\/20\/intelligence-led-policing-paradigma-foun-ba-pntl\/","title":{"rendered":"Intelligence\u2011Led Policing: Paradigma Foun ba PNTL"},"content":{"rendered":"\n

Hakerek nain Jo\u00e3o Almeida<\/strong>, <\/p>\n\n\n\n

*Remata Estudu P\u00f3s-Gradua\u00e7\u00e3o iha Instituto de Defesa Nacional de Timor-Leste<\/em><\/p>\n\n\n\n

Introdusaun <\/strong><\/p>\n\n\n\n

Iha loron 27 fulan-Marsu tinan 2026 Pol\u00edcia Nacional de Timor Leste (PNTL) selebra ona nia anivers\u00e1riu ba dala-XXVI ho nomeasaun foun ba lideransa instituisaun nian. Marka etapa foun ida iha diresaun instituisaun nian (maski husi aspetu legal nomeasaun ba lideransa foun ne\u2019e \u201culun-tun ain-sa\u2019e\u201d hela). Lideransa foun ida ne\u2019e sei kontinua hasoru tensaun kl\u00e1siku sira, hili entre \u2013 kontinua ho reativa, aplikasaun lei ne\u2019eb\u00e9 orienta ba insidente, ka muda ba aprosimasaun ida ne\u2019eb\u00e9 maka estrat\u00e9jiku liu, no informadu ho dadus. <\/p>\n\n\n\n

Artigu ida ne\u2019e fornese ba PNTL ho paradigma foun ida kona-ba Intelligence-Led Policing<\/em>. Jerry Ratcliffe nia livru Intelligence-Led Policing<\/em> (ILP) define ILP hanesan \u201cmodelu neg\u00f3siu no filozofia jestaun nian, iha ne\u2019eb\u00e9 an\u00e1lize dadus no intelij\u00e9nsia kriminal fundamental tebes ba enkuadramentu foti desizaun nian ne\u2019eb\u00e9 fasilita redusaun krime no problema, interupsaun no prevensaun liuhusi jestaun estrat\u00e9jiku no estrat\u00e9jia ezekusaun efetivu ne\u2019eb\u00e9 alvu ba \u00e1rea sira ne\u2019eb\u00e9 risku aas, atividade sira ne\u2019eb\u00e9 pot\u00e9nsia atu mosu krime no ema sira ne\u2019eb\u00e9 suspeita no nia antesedente envolve iha krime\u201d (Jerry Ratcliffe, 2008). PNTL opera ho rekursu ne\u2019eb\u00e9 limitadu iha kontestu ameasa transnasional sira ne\u2019eb\u00e9 mosu ho organizadu no kompleksu. Nune\u2019e mos adezaun Timor Leste nian ba ASEAN iha fulan-Outubru tinan 2025 la\u2019os benefisiu de\u2019it maib\u00e9 hasoru m\u00f3s ambiente seguransa rejional ne\u2019eb\u00e9 kompleksu liutan. Adota ILP oferese la\u2019os de\u2019it konjuntu t\u00e1tika sira maib\u00e9 re-enje\u00f1aria fundamental ida kona-ba oinsa PNTL konsebe no fornese seguransa ba sidadaun sira.<\/p>\n\n\n\n

PNTL Nia Dezafiu Atual no Fundamentu Legal sira<\/strong><\/strong><\/p>\n\n\n\n

PNTL nia estrat\u00e9jia no filozofia polisiamentu orienta ba komunidade \u2013 pol\u00edsia komunit\u00e1ria (n.o<\/sup> 2 artigu 2 Dekretu-Lei N.o<\/sup>34\/2024), maib\u00e9 ninia estrutura, formasaun no dixiplina ali\u00f1a nafatin ho modelu militar. An\u00e1lize ONG Fundasaun Mahein tinan 2025 kona-ba alokasaun rekursu PNTL nian sei limitadu hanesan rekursu umanu, ekipamentu no orsamentu. Alokasaun rekursu umanu la ali\u00f1a ho nesesidade seguransa populasaun nian, 2\/3 populasaun hela iha \u00e1rea rural sira (suku, aldeia no knua), enkunatu maioria membru PNTL nia kolokasaun konsentra iha sentru urbanu sira. Nune\u2019e m\u00f3s jestaun ba transporte ne\u2019eb\u00e9 la adekuadu, iha munis\u00edpiu sira menus ba transporte hodi atende populasaun 2\/3 ne\u2019eb\u00e9 hela iha suku, aldeia no knua, iha sentru urbana liuliu iha n\u00edvel nasional alokasaun transporte barak liu ba kargu komandu, diresaun no xefia sira. Agrava liutan PNTL hasoru difikuldade atu kontrole no manutensaun ba viaturas sira. Observasaun ne\u2019eb\u00e9 hanesan husi ONG HABADA iha tinan 2025 kona-ba orsamentu PNTL nian ne\u2019eb\u00e9 ninia alokasaun la proporsional. Ezemplu, orsamentu ba PNTL iha tinan 2026 hamutuk US$49.511.296, maski montante ida-ne\u2019e hatudu kompromisu Estadu nian ba instituisaun ne\u2019e, maib\u00e9 ninia estrutura hatudu vulnerabilidade signifikativa tebes: iha ne\u2019eb\u00e9 88,2% husi total US$43,695,119 aloka de\u2019it ba sal\u00e1riu no vensimentu, no restu 11.8% maka ba nesesidade operasional no investimentu sira.<\/p>\n\n\n\n

Agrava liutan limitasaun rekursu sira-ne\u2019e maka paizajen ameasa nian ne\u2019eb\u00e9 maka evolui lalais. Global Organized Crime Index 2025 klasifika Timor-Leste iha pozisaun 149 husi nasaun 193. Timor-Leste pot\u00e9nsia sai merkadu ba kriminozu sira (distinu no orijen) ba tr\u00e1fiku umanu, droga sint\u00e9tika no krime finanseiru sira hetan pontuasaun aas tebes. Iha de\u2019it tinan 2024, autoridade sira rejista timoroan na\u2019in 68 hanesan v\u00edtima tr\u00e1fiku umanu iha rai-li\u2019ur. Dezde adere ba ASEAN iha fulan-Outubru tinan 2025, Timor-Leste hetan ona asesu ba mekanizmu fahe intelij\u00e9nsia rejional (ezemplu, ASEANAPOL), maib\u00e9 m\u00f3s hasoru risku ne\u2019eb\u00e9 aumenta husi krime organizadu transnasional hanesan sindikatu sira jogu ilegal, siber-scam, osan falsu, fase-osan no transportasaun osan cash <\/em>dolar amerikau millaun 10 resin ho aviaun privadu, ne\u2019eb\u00e9 hetan atensaun maka\u2019as husi Ministru Prezidensia Konsellu-Ministru \u00c1gio Pereira no UNODC iha tinan 2025. Kazu ikus liu iha tinan 2026, tuir Organized Crime and Corruption Reporting Project (OCCRP) nia relat\u00f3riu no The Guardian f\u00f3 sai kona-ba atividade krime organizadu transnasional iha Timor-Leste no alegasaun sira hasoru liderasaun m\u00e1ximu Timor-Leste nian kona-ba envolvimentu iha rede krime transnasional. Nom\u00f3s PNTL prende osan falsu dolar amerikanu 100 ho kuantidade millaun 4 resin iha loja Xineza nian ida iha Bidau-Dili. Atu hatan ba dezafiu sira-ne\u2019e, polisiamentu reativu la\u2019os de\u2019it inefisiente \u2013 maib\u00e9 ida-ne’e perigozu liu. <\/p>\n\n\n\n

Krusialmente, Timor-Leste iha ona baze legal ba ILP iha PNTL. Artigu 41 husi Dekretu-Lei N.o<\/sup> 34\/2024 estabelese Dire\u00e7\u00e3o do Servi\u00e7o de Informa\u00e7\u00f5es de Pol\u00edcia (DSIP) \u2013 nu\u2019udar servisu ida ne\u2019eb\u00e9 depende diretamente ba Komandante-Jeral PNTL. Ninia funsaun prinsipal sira inklui \u201chalibur, analiza no divulga informasaun pol\u00edsia, seguransa no kontra-intelij\u00e9nsia nian no identifika fator risku sira ba realizasaun misaun nian\u201d. Aleinde ne’e, n.o<\/sup> 4 artigu 41 determina katak DSIP hala’o operasaun \u201ciha kooperasaun besik ho Servi\u00e7o Nacional de Intelig\u00eancia Estrat\u00e9gica – refer\u00e9nsia ida ba kuadru ne\u2019eb\u00e9 estabelese husi Lei N.o<\/sup> 9\/2008 (Lei Sistema Nasional Intelij\u00e9nsia). Arkitetura legal ida-ne\u2019e fornese fundasaun ideal atu implementa ILP iha PNTL, no DSIP la servisu izoladamente maib\u00e9 atua iha sistema intelij\u00e9nsia ida ne\u2019eb\u00e9 halibur entidade seguransa oioin, ka instituisaun releventate seluk iha kuadru Sistema Integradu Seguransa Nasional (Lei N.o<\/sup> 2\/2010, Lei Seguransa Nasional).<\/p>\n\n\n\n

Enkuadramentu ida ba ILP iha PNTL: Modelu 3 i<\/strong><\/p>\n\n\n\n

Jerry Ratcliffe nia modelu 3 i \u2013 Interpreta, Influ\u00e9nsia, Impaktu \u2013 oferese estrutura pr\u00e1tika ida atu enkuadra ILP iha PNTL nia operasaun ezistente sira. Interpreta<\/strong> ezije pol\u00edsia hakat husi kontajen n\u00fameru krime ba an\u00e1lize ne\u2019eb\u00e9 jenu\u00ednu. Relat\u00f3riu Fundasaun Mahein tinan 2025 destaka katak D\u00edli hasoru \u201cambiente krime oioin ne\u2019eb\u00e9 hetan influ\u00e9nsia husi fator sira hanesan dezempregu no pobreza, ho autor kriminozu lokal no transnasional sira ne\u2019eb\u00e9 komplika esforsu sira aplikasaun lei nian\u201d. An\u00e1lize espasial kona-ba distribuisaun krime nian revela padraun sira ne\u2019eb\u00e9 liga ba bairru espes\u00edfiku sira. Iha sentidu ida-ne’e, estrutura interna DSIP nian (artigu 42 Dekretu Lei N.o<\/sup> 34\/2024) fornese ona modelu ida: DSIP funsiona liuhusi Departamento Informa\u00e7\u00f5es e Contrainforma\u00e7\u00e3o (ho seksaun sira ba krime organizadu\/transnasional, krime konvensional, monitorizasaun fronteira\/sidadaun estranjeiru sira, tekonlojia\/baze dadus, no ajitasaun\/propaganda), no Departamento Pesquisa e An\u00e1lise de Intelig\u00eancia (ho seksaun sira ba an\u00e1lize teknol\u00f3jiku, an\u00e1lize seguransa nasional, an\u00e1lize sosiokultural, no peskiza\/analize informasaun internasional). Seksaun espesializada sira-ne’e maka tipu m\u00e1kina anal\u00edtika ne\u2019eb\u00e9 ILP presiza. Maib\u00e9, hanesan Jerry Ratcliffe nota, seksaun\/departamentu pol\u00edsia ne\u2019eb\u00e9 barak no lah\u00f3 abilidade atu hala\u2019o avaliasaun ne\u2019eb\u00e9 rigorozu, no \u201cpresaun ka ansi atu rezolve problema urjente sira dalabarak impede oportunidade ba avaliasaun ruma\u201d. Nune\u2019e, investe iha formasaun ba analista sira \u2013 liuliu ba seksaun espsifika sira hanesan peskiza\/monitorizasun, an\u00e1lize no teknolojia \u2013 ne’e esensial tebes ba ILP. <\/p>\n\n\n\n

Influ\u00e9nsia <\/strong>ezije analista sira hodi forma pensamentu desizor sira nian. Katak desizor sira iha komandu PNTL tenke evolui rutinamente desizaun t\u00e1tika sira bazeia ba produtu anal\u00edtiku sira envezde intuisaun ka siik de\u2019it. Lei kanaliza ona intelij\u00e9nsia ho apropriadu: n.o<\/sup> 2 Artigu 41 hateten katak \u201cinformasaun ne\u2019eb\u00e9 halibur husi DSIP relata simultaneamente ba Komandante Komandu Operasaun no Komandante-Jeral, hafoin bele f\u00f3 instrusaun konkreta sira kona-ba nesesidade operasaun nian\u201d. Li\u00f1a relat\u00f3riu duplu ida-ne\u2019e \u2013 ba komandante operasaun no ba n\u00edvel aas liu \u2013 maka mandatu legal ida ba intelij\u00e9nsia atu influ\u00e9nsia desizaun t\u00e1tiku no estrat\u00e9jiku sira. Aleinde ne’e, Komisaun T\u00e9knika ne\u2019eb\u00e9 estabelese iha artigu 12 Lei N.o<\/sup> 9\/2008 (ne\u2019eb\u00e9 inklui Diretor DSIP nian) hasoru malu quinzenalmente<\/em> hodi koordena asuntu intelij\u00e9nsia nian ho autor seguransa sira seluk. Kestaun importante ida ne\u2019eb\u00e9 presiza f\u00f3 atensaun maka oinsa asegura katak kanal sira relat\u00f3riu nian ne\u2019e uza ho efetivu no komandante sira atua tuir produtu anal\u00edtiku intelij\u00e9nsia nian.<\/p>\n\n\n\n

Impaktu <\/strong>maka teste ikus liu. ILP susesu bainhira desizor sira foti desizaun no dirije rekursu sira hodi reduz kriminalidade. Ba PNTL, ida-ne\u2019e signifika muda husi aprosimasaun tradisional (sukat atividade – output:<\/em> oras patrullamentu, n\u00fameru kapturasaun no detensaun, no keixa hira maka prosesu ona) ba aprosimasaun ida ne\u2019eb\u00e9 estrat\u00e9jiku liu (sukat rezultadu \u2013 outcome<\/em>: serake krime ne\u2019e menus? Komunidade sira sente seguru ka lae? Rede kriminozu sira desmantela ka lae?). Nune\u2019e, ILP subli\u00f1a katak sasukat lolos ba susesu maka impaktu real\/konkretu ba krime, la\u2019os pol\u00edsia ne\u2019eb\u00e9 super sibuk<\/em>. Tanba ne\u2019e, Jerry Ratcliffe f\u00f3 atensaun katak indikador dezempe\u00f1u nian sei hamosu de\u2019it: tunnel vision<\/em> \u2013 katak foka de\u2019it ba krime sira ne\u2019eb\u00e9 fasil atu kaer, ignora krime bo\u2019ot sira ne\u2019eb\u00e9 susar atu kaer (ezemplu maka prende tiha osan falsu millaun 4 resin ho suspeitu balu maib\u00e9 suspeitu prinsipal seluk halai tiha). Myopia <\/em>\u2013 katak buka de’it rezultadu lalais (ezemplu, halo operasaun bo\u2019ot) lah\u00f3 estrat\u00e9jia prevensaun ba tempu naruk. Misrepresentation<\/em> \u2013 katak manipula dadus hodi atinji alvu sira, porezemplu, rejista ofensa ki’ik sira hanesan krime grave no prense n\u00fameru ne\u2019eb\u00e9 hakarak atinji). <\/p>\n\n\n\n

Nune\u2019e susesu lolos husi ILP maka patrullamentu la’os ona bazeia ba \u00e1bitu, maib\u00e9 determina husi an\u00e1lize padraun krime nian\u2014ezemplu, mapa \u00e1rea vulner\u00e1vel sira, tempu insidente sira, no tipu krime sira. Objetivu maka atu hadi’a prevensaun krime nian (pol\u00edsia prezente iha fatin no oras ne\u2019eb\u00e9 apropriadu liu) no efisi\u00e9nsia rekursu nian (ho pesoal, ve\u00edkulu sira no konvust\u00edvel ne\u2019eb\u00e9 limitadu, patrullamentu sira diriji ba prioridade sira ne\u2019eb\u00e9 aas liu). Ho liafuan seluk, PNTL husik ona modelu tradisional sira (halo patrullamentu iha ne\u2019eb\u00e9 de’it pos\u00edvel, sura oras) no ba aprosimasaun estrat\u00e9jiku (dadus maka determina pol\u00edsia tenke iha ne\u2019eb\u00e9 no ba ne\u2019eb\u00e9). Ida-ne’e maka pasu dahuluk ba polisiamentu loloos ne\u2019eb\u00e9 lidera husi intelij\u00e9nsia (Intelligence-Led Policing).<\/p>\n\n\n\n

Interupsaun, Prevensaun no Aplikasaun Lei <\/strong><\/strong><\/p>\n\n\n\n

Karakter\u00edstika ida ne\u2019eb\u00e9 define ILP maka interupsaun\u2013 difikulta operasaun rede kriminal sira maski foin suspeita no la presiza hein prosesu no akuzasaun formal husi autoridade kompetente. Iha Timor-Leste mandadu ne\u2019eb\u00e9 demora ka hein evidensia kompletu hafoin halo atuasaun, dalabarak kriminozu sira halai sai husi teritoriu nasional no husik rede kriminal bo\u2019ot ba beibeik. Tanba ne\u2019e maka Jerry Ratcliffe nota katak interupsaun maka \u201cobjetivu prinsipal ida husi aj\u00e9nsia pol\u00edsia nian, liuliu sira ne\u2019eb\u00e9 iha knaar atu kombate krime organizadu, grave no kompleksu\u201d. Ba Timor-Leste, DSIP nia mandatu inklui \u201ckontra intelij\u00e9nsia\u201d (al\u00ednea c, n.o.<\/sup> 1 artigu 41) no ninia Seksaun Informasaun Krime Organizadu no Transnasional (n.o<\/sup> i, al\u00ednea a artigu 42) deze\u00f1a espesifikamente atu halibur informasaun kona-ba ameasa sira hanesan ne\u2019e. Nune\u2019e, atu halo interupsaun ba operasaun rede kriminal sira, DSIP la servisu izoladamente, maibe utiliza m\u00f3s plataforma fahe intelij\u00e9nsia tantu iha n\u00edvel nasional (ezemplu, Komisaun T\u00e9knika), kanal bilateral, nom\u00f3s rejional (ASEANAPOL no INTERPOL). Timor-Leste iha ona esperi\u00e9nsia ida ne\u2019e, kazu ikus liu PCIC ho INTERPOL halo operasaun no interupsaun ba rede kriminal hodi prende osan millaun 42 dolar amerikanu no kaer suspeitu sira iha tinan 2024.<\/p>\n\n\n\n

Krusialmente, ILP la abandona prevensaun. Jerry Ratcliffe nia definisaun espl\u00edsitu \u201credusaun, interupsaun no prevensaun\u201d. Iha Timor-Leste, polisiamentu komunit\u00e1riu sai nafatin pilar estrat\u00e9jiku ida \u2013 tuir n.o<\/sup> 2 artigu 2 Dekretu-Lei N.o<\/sup> 34\/2024 katak estrat\u00e9jia no filozofia polisiamentu PNTL nian maka Pol\u00edsia Komunit\u00e1ria. Dire\u00e7\u00e3o de Policiamento Comunit\u00e1rio – DCP (artigu 43) no Pol\u00edsia de Suco (artigu 53) hanesan espresaun konkreta polisiamentu orientadu ba prevensaun. Mekanizmu rezolusaun konflitu tradisional hanesan Tara-Bandu \u2013 aplika lokalmente ne\u2019eb\u00e9 regula komunidade nia hahalok \u2013 hatudu ona susesu hodi hamenus kriminalidade no hametin solidariedade sosial. Nune\u2019e, integra estrutura no mekanismu lokal sira-ne’e iha enkuadramentu ILP, la\u2019os de\u2019it respeita lejitimidade lokal maib\u00e9 m\u00f3s hodi halibur informasaun. Tanba ne\u2019e, ILP la\u2019os copy paste<\/em> de\u2019it modelu osidental sira maib\u00e9 aplika tuir lejislasaun nasional ne\u2019eb\u00e9 iha ona no akumula pr\u00e1tika ezistente sira iha komunidade. <\/p>\n\n\n\n

Konkluzaun<\/strong><\/p>\n\n\n\n

Ba PNTL atu implementa ILP, prioridade tolu importante maka: primeiru<\/em>, operasionaliza DSIP nia kapasidade anal\u00edtika tomak \u2013 investe iha formasaun ba analista intelij\u00e9nsia sira (liuliu iha seksaun monitorizasaun, peskiza no an\u00e1lize) no asegura sistema baze-dadus sira tenke funsiona. Segundu<\/em>, inkorpora intelij\u00e9nsia iha desizaun sira komandu nian \u2013 uza kanal sira relat\u00f3riu nian hodi halo produtu sira DSIP nian sai hanesan ajenda rutina ida iha enkontru sira planeamentu operasional nian. Terseiru<\/em>, habelar opsaun estrat\u00e9jiku sira ne\u2019eb\u00e9 iha PNTL, la\u2019os depende de\u2019it ba m\u00e9todu tradisional sira (uza DSIP nia seksaun kontra-intelij\u00e9nsia no seksaun krime organizadu) hodi halo interupsaun ba krime sira no prevensaun bazeia ba komunidade (aproveita DPC no Pol\u00edcia de Suco). Katak ILP fornese par\u00e1metru ida husi \u201cestrutura komandu ne\u2019eb\u00e9 informadu\u201d to\u2019o \u201cuzu apropriadu ba prevensaun, interupsaun no aplikasaun\u201d. Timor-Leste iha ona arkitektura jur\u00eddika \u2013 Dekretu-Lei N.o<\/sup> 34\/2024 no Lei N.o<\/sup> 9\/2008 \u2013 ne\u2019eb\u00e9 posibilita ILP iha PNTL nia laran. Dezafiu agora maka implementasaun: transforma provizaun legal sira ba pr\u00e1tika loroloron nian, treinu analista no komandante sira, hodi harii futuru seguransa ne\u2019eb\u00e9 bazeia ba Intelligence-Led Policing. <\/p>\n","protected":false},"excerpt":{"rendered":"

Hakerek nain Jo\u00e3o Almeida, *Remata Estudu P\u00f3s-Gradua\u00e7\u00e3o iha Instituto de Defesa Nacional de Timor-Leste Introdusaun  Iha loron 27 fulan-Marsu tinan 2026 Pol\u00edcia Nacional de Timor Leste (PNTL) selebra ona nia anivers\u00e1riu ba dala-XXVI ho nomeasaun foun ba lideransa instituisaun nian. Marka etapa foun ida iha diresaun instituisaun nian (maski husi aspetu legal nomeasaun ba lideransa foun ne\u2019e […]<\/p>\n","protected":false},"author":1,"featured_media":19311,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[60],"tags":[],"class_list":["post-22675","post","type-post","status-publish","format-standard","has-post-thumbnail","hentry","category-analisa"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/22675","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/1"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=22675"}],"version-history":[{"count":1,"href":"https:\/\/neonmetin.info\/buletin\/wp-json\/wp\/v2\/posts\/22675\/revisions"}],"predecessor-version":[{"id":22676,"href":"https:\/\/neonmetin.info\/buletin\/wp-json\/wp\/v2\/posts\/22675\/revisions\/22676"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/19311"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=22675"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=22675"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=22675"}],"curies":[{"name":"wp","href":"https:\/\/api.w.org\/{rel}","templated":true}]}}