{"id":23233,"date":"2026-06-23T16:47:06","date_gmt":"2026-06-23T07:47:06","guid":{"rendered":"https:\/\/neonmetin.info\/buletin\/?p=23233"},"modified":"2026-06-23T16:47:11","modified_gmt":"2026-06-23T07:47:11","slug":"taur-matan-ruak-legadu-no-mensajen-lu-olo-sei-moris-nafatin-ba-jerasaun-foun-sira","status":"publish","type":"post","link":"https:\/\/neonmetin.info\/buletin\/2026\/06\/23\/taur-matan-ruak-legadu-no-mensajen-lu-olo-sei-moris-nafatin-ba-jerasaun-foun-sira\/","title":{"rendered":"Taur Matan Ruak: Legadu no Mensajen L\u00fa-Olo Sei Moris Nafatin ba Jerasaun Foun Sira"},"content":{"rendered":"\n

Reportajen David da Costa <\/strong><\/p>\n\n\n\n

Eis Titul\u00e1r Taur Matan Ruak afirma katak maske Timor-Leste lakon lider ist\u00f3riku ida ho partida Francisco Guterres L\u00fa-Olo, ninia legadu ka kontribuisaun valores no mensajen importante sira, liu-liu kona-ba unidade nasional, kombate korupsaun no servisu ba povu, sei moris nafatin no sai orientasaun ba jerasaun foun sira atu kontinua lori nasaun ba oin.<\/p>\n\n\n\n

Iha okaziaun lutu nasional ba Saudozu Eis Prezidente Francisco Guterres L\u00fa-Olo, Eis Primeiru-Ministru no eis Prezidente Rep\u00fablica, Taur Matan Ruak, hateten katak Timor-Leste lakon figura boot ida ne’eb\u00e9 durante ne’e kontribui maka’as ba luta libertasaun no dezenvolvimentu nasaun.  L\u00fa-Olo hanesan ema ida ne’eb\u00e9 determinadu, disiplinadu no sempre kumpri nia responsabilidade ba povu no nasaun.<\/p>\n\n\n\n

“Timor lakon boot, Timor lakon ema di’ak ida, maun L\u00fa Olo ema ida ne’eb\u00e9 sente determinadu, disiplinadu, kumpri, entaun ita lakon. Maib\u00e9 dalan mak ne’e hotu, ne’eb\u00e9 obrigadu ba maun L\u00fa tanba nia kontribui f\u00f3 hela Timor ba ita hotu, liu-liu ba ita nia jerasaun sira tuir mai. Ita ne’eb\u00e9 moris tuir nafatin, banati tuir nafatin hahalok ne’e lori ita nia nasaun ba oin,” dehan Eis Titul\u00e1r Taur Matan Ruak ba Jornalista sira iha rezid\u00e9nsia Saudozu L\u00fa-Olo iha Far\u00f3l, Tersa 23\/06.<\/p>\n\n\n\n

Taur Matan Ruak salienta katak maske L\u00fa-Olo husik ona mundu ne’e, nia legadu no mensajen sira sei hela nafatin ba jerasaun foun sira atu kontinua. Nia apela ba povu tomak atu banati tuir valor no hahalok di’ak ne’eb\u00e9 L\u00fa-Olo hatudu durante nia moris, liu-liu iha esforsu kombate mukit, kiak, dezempregu no mizeria hodi lori Timor-Leste ba oin.<\/p>\n\n\n\n

“Ita sira moris ne’e kontinua lori ita nia rai ba oin, tanba ba nia hotu ona, ba ita todan sei iha. Buat hotu ne’eb\u00e9 nia iha ne’e tutur lisuk, sasan sira nia husik hela, nia agora tau hela ba ita sira moris ne’e, liu-liu imi sira jerasaun foun ne’e, ne’e imi nia tempu ona,” nia subli\u00f1a.<\/p>\n\n\n\n

Iha nia mensajen, Taur Matan Ruak mos hato’o sentidu kondol\u00e9nsia profunda ba fam\u00edlia enlutada, inklui kaben no oan sira, no afirma katak sira la mesak tanba povu Timor-Leste tomak sente hanesan fam\u00edlia ida. Nia rekordasaun ikus kona-ba enkontru ho L\u00fa-Olo iha Mal\u00e1zia sai momentu ida ne’eb\u00e9 emosional, bainhira nia despede no garante katak kompaneiru sira sei la haluha nia.<\/p>\n\n\n\n

“Ami hotu mai husi ailaran ho nia, espera ami nia sentimentu kondelensia profunda boot ba nia kaben, nia oan sira. Sira la mesak. Ami na’in rua ba hamutuk ba hotu hospit\u00e1l, nia hela ha’u fila. Antes ha’u filas ha’u despede, ha’u hatete ba nia katak, ami hotu iha la haluha nia, hamutuk nia nafatin. Saida de’it mak mai simu. Finalmente nia hakuak ikus f\u00f3 ba nia iha Mal\u00e1zia. Ne’e ne’eb\u00e9 nia ba ona, husu obrigadu, destinu hanesan ne’e duni. Ita sira ne’eb\u00e9 moris forsa nafatin,” nia hateten.<\/p>\n\n\n\n

Taur Matan Ruak mos lembra katak durante nia mandatu hanesan Prezidente Rep\u00fablica, L\u00fa-Olo f\u00f3 atensaun boot ba luta hasoru korupsaun no insisti katak lider no instituisaun sira tenke servisu ho integridade ba interese povu nian. Nune’e, nia husik hela responsabilidade ba jerasaun atual no futura atu kontinua realiza mehi no aspirasaun sira ne’eb\u00e9 nia luta ba durante tinan barak.<\/p>\n\n\n\n

“Mensajen ida ne’eb\u00e9 durante mandatu eis Prezidente Saudozu L\u00fa Olo nia apela tebe-tebes ba iha kombate korupsaun. Saida mak reprezenta bainhira nia husik Timor-Leste. Ne’e hela ba ita moris sira atu hatutan. mensajen sira ne’eb\u00e9 f\u00f3 hela. Konserteja nia funu ita, nune’e ita labele toba, hader nafatin, buat hotu ne’eb\u00e9 la di’ak, la kontribui ba dezenvolvimentu ita nia rain, ita tenke halakon.<\/p>\n\n\n\n

Nia remata ho apelu ida ba povu Timor-Leste atu kontinua hametin unidade nasional, hadomi nasaun no hader nafatin hasoru buat hotu ne’eb\u00e9 bele impede dezenvolvimentu pa\u00eds, hanesan forma ida atu honra no kontinua legadu politik no patri\u00f3tiku ne’eb\u00e9 Saudozu L\u00fa-Olo husik hela ba Timor-Leste.<\/p>\n","protected":false},"excerpt":{"rendered":"

Reportajen David da Costa  Eis Titul\u00e1r Taur Matan Ruak afirma katak maske Timor-Leste lakon lider ist\u00f3riku ida ho partida Francisco Guterres L\u00fa-Olo, ninia legadu ka kontribuisaun valores no mensajen importante sira, liu-liu kona-ba unidade nasional, kombate korupsaun no servisu ba povu, sei moris nafatin no sai orientasaun ba jerasaun foun sira atu kontinua lori nasaun […]<\/p>\n","protected":false},"author":1,"featured_media":23234,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-23233","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t