{"id":23270,"date":"2026-06-27T11:26:46","date_gmt":"2026-06-27T02:26:46","guid":{"rendered":"https:\/\/neonmetin.info\/buletin\/?p=23270"},"modified":"2026-06-27T11:26:49","modified_gmt":"2026-06-27T02:26:49","slug":"prezidente-horta-fo-omenajen-ikus-ba-saudozu-lu-olo-deskansa-ho-dame-oan-husi-timor-leste","status":"publish","type":"post","link":"https:\/\/neonmetin.info\/buletin\/2026\/06\/27\/prezidente-horta-fo-omenajen-ikus-ba-saudozu-lu-olo-deskansa-ho-dame-oan-husi-timor-leste\/","title":{"rendered":"Prezidente Horta F\u00f3 Omenajen Ikus ba Saudozu L\u00fa-Olo; \u201cDeskansa ho Dame, Oan Husi Timor-Leste\u201d"},"content":{"rendered":"\n

Reportajen David da Costa<\/strong><\/p>\n\n\n\n

Iha atmosfera lutu no respeitu, Prezidente Rep\u00fablika (PR) Jos\u00e9 Ramos-Horta hato\u2019o omenajen ikus ba saudozu Francisco Guterres L\u00fa-Olo ho mensajen \u201cDeskansa ho dame, Oan husi Timor-Leste\u201d, no afirma katak povu Timor-Leste sei la haluha kontribuisaun l\u00edder rezist\u00e9nsia no eis Prezidente Rep\u00fablika ne\u2019e ba independ\u00e9nsia no dezenvolvimentu nasaun.<\/p>\n\n\n\n

Ramos-Horta dehan, Ohin Timor-Leste hamriik ho sil\u00e9nsiu iha lutu ba nia oan-mane boot ida nia mate. Francisco Guterres L\u00fa-Olo nu\u2019udar dirijente Estadu nian, sidadaun ida ne\u2019ebe ativu, kombatente ba liberdade, l\u00edder pol\u00edtiku, s\u00edmbolu moris luta ba ukun rasik-an.<\/p>\n\n\n\n

\u201cNinia naran kesi metin ho faze desiziva sira ita nia kami\u00f1ada nian: rezist\u00e9nsia armada, lideransa FRETILIN nian, no konstrusaun baze institusion\u00e1l sira Estadu nian,\u201dhateten Prezidente Ramos-Horta bainhira halo nia diskursu iha Jardim Eroi Metinaro, Sexta 26\/06.<\/p>\n\n\n\n

Saudozu L\u00fa Olo hanesan kombatente FALINTIL nian, l\u00edder pol\u00edtiku rezist\u00e9nsia nian, dirijente FRETILIN nian. Nia nu\u2019udar Prezidente Asembleia Konstituinte, Prezidente Parlamentu Nasion\u00e1l, Prezidente Rep\u00fablika.<\/p>\n\n\n\n

Nia maka La\u2019en, Aman, Belun, Kompa\u00f1eiru luta nian. Nia ema ida ho konviksaun metin, ne\u2019eb\u00e9 nunka sees-an hosi ide\u00e1l boot liu p\u00e1tria ida ne\u2019ebe livre, soberana no dezenvolvida.<\/p>\n\n\n\n

Ba Timoroan barak, nia reprezenta jerasaun ne\u2019ebe fiar bainhira buat hotu parese imposivel. Jerasaun ne\u2019eb\u00e9 mehi ba pa\u00eds ida livre, luta ba mehi ne\u2019e no reziste bainhira esperansa parese lakon.<\/p>\n\n\n\n

\u201cOhin, hodi hanoin hikas nia, ita selebra misaun ida ne\u2019eb\u00e9 kumpre ona. L\u00fa-Olo pertense ba jerasaun ita-nia eroi nasion\u00e1l sira nian,sira ne\u2019ebe hanorin katak liberdade la\u2019os prezente ida, maib\u00e9 konkista ida ne\u2019ebe halo ho kosar been, sakrif\u00edsiu, fakar raan, aten barani no perseveransa,\u201dnia dehan<\/p>\n\n\n\n

Nia sei kontinua sai inspirasaun ba jerasaun foun sira, moris katak bele mehi, maib\u00e9 presiza luta barak, loron no kalan, atu halo mehi ne\u2019e sai realidade.<\/p>\n\n\n\n

\u201cOhin, ita f\u00f3 ita-nia omenaj\u00e9n ba nia batalla ikus ho ai-funan no matan-been! No, hanesan Eskritura hanorin ita iha Livru Eclesiastes, \u201crai-rahun fila fali ba rai, hanesan uluk, no esp\u00edritu fila fali ba Maromak, ne\u2019eb\u00e9 f\u00f3 nia,\u201d nia subli\u00f1a.<\/em><\/p>\n\n\n\n

Nia salienta \u201cAtu nia esp\u00edritu fila fali, ho dame, ba Kriad\u00f3r, no atu nia mem\u00f3ria hela iha ta nia leet, no iha kalan nakukun no loron sira ne\u2019ebe nakonu ho susar, atu nia sai farol ne\u2019ebe orienta ita ba fatin seguru\u201d.<\/p>\n\n\n\n

Xefe estadu dehan, ba fam\u00edlia enlutada, Estadu hato\u2019o solidariedade no respeitu ne\u2019eb\u00e9 kle\u2019an liu ba perda saudozu l\u00edder ne\u2019e. Moris no kontribuisaun saudozu ba independ\u00e9nsia no dezenvolvimentu nasaun sei hela nafatin iha mem\u00f3ria povu Timor-Leste.<\/p>\n\n\n\n

\u201cBa fam\u00edlia enlutada, ha\u2019u espresa, hodi Estadu nia naran, ha\u2019u-nia solidariedade no respeitu ne\u2019eb\u00e9 kle\u2019an liu. Ita-boot sira nia terus Nasaun tomak sente,\u201d nia afirma.<\/p>\n\n\n\n

Nia mos hato\u2019o ba kompa\u00f1eiru luta sira no povu Timoroan tomak katak saudozu nia mem\u00f3ria sei la haluha, tanba nia dedikasaun no servisu ba nasaun sai hanesan legadu ida ne\u2019eb\u00e9 sei kontinua moris iha ist\u00f3ria Timor-Leste.<\/p>\n\n\n\n

\u201cBa kompa\u00f1eiru luta nian tomak no ba povu Timor-oan, ha\u2019u husik serteza katak \u00a0ninia mem\u00f3ria sei la haluha. Deskansa ho dame, Oan husi Timor-Leste. Ita nia povu sei la haluha Ita,\u201d nia konklui.<\/p>\n","protected":false},"excerpt":{"rendered":"

Reportajen David da Costa Iha atmosfera lutu no respeitu, Prezidente Rep\u00fablika (PR) Jos\u00e9 Ramos-Horta hato\u2019o omenajen ikus ba saudozu Francisco Guterres L\u00fa-Olo ho mensajen \u201cDeskansa ho dame, Oan husi Timor-Leste\u201d, no afirma katak povu Timor-Leste sei la haluha kontribuisaun l\u00edder rezist\u00e9nsia no eis Prezidente Rep\u00fablika ne\u2019e ba independ\u00e9nsia no dezenvolvimentu nasaun. Ramos-Horta dehan, Ohin Timor-Leste […]<\/p>\n","protected":false},"author":1,"featured_media":23271,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-23270","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t