{"id":23273,"date":"2026-06-27T11:29:36","date_gmt":"2026-06-27T02:29:36","guid":{"rendered":"https:\/\/neonmetin.info\/buletin\/?p=23273"},"modified":"2026-06-27T11:29:38","modified_gmt":"2026-06-27T02:29:38","slug":"familia-saudozu-lu-olo-agradese-ba-solidariedade-povu-no-entidade-sira","status":"publish","type":"post","link":"https:\/\/neonmetin.info\/buletin\/2026\/06\/27\/familia-saudozu-lu-olo-agradese-ba-solidariedade-povu-no-entidade-sira\/","title":{"rendered":"Fam\u00edlia Saudozu L\u00fa Olo Agradese Ba Solidariedade Povu no Entidade Sira"},"content":{"rendered":"\n

Reportajen David da Costa<\/strong><\/p>\n\n\n\n

Fam\u00edlia Saudozu Francisco Guterres L\u00fa Olo hato\u2019o agradesimentu ba povu Timor-Leste, entidade Estadu, partidu pol\u00edtiku, veteranu no komunidade sira ne\u2019ebe f\u00f3 solidariedade no partisipa iha serim\u00f3nia despedida ikus ba saudozu L\u00fa Olo nian iha Jardim Her\u00f3is P\u00e1tria Metinaro.<\/p>\n\n\n\n

Domingos Guterres nu’udar alin ida husi Saudozu L\u00fa Olo, agradese ba ema hotu-hotu ne’ebe partesipa iha haloot ikus saudozu L\u00fa Olo nian. Saudozu Francisco Guterres L\u00fa Olo ema ida ne\u2019ebe simples no pasi\u00e9nsia iha nia pol\u00edtika no nia mos sai ezemplar ba ema hotu-hotu iha Timor-Leste.<\/p>\n\n\n\n

“Ami orgullu tanba ami nia maun L\u00fa Olo nia mate ema hotu, partidu pol\u00edtiku hotu-hotu partisipa, ida ne’e maka L\u00fa Olo duni. L\u00fa Olo ema ida pasensia, ema ida simples ne’ebe sai ezemplu ba ema hotu. Ha’u orgullu ba ha’u nia maun, tanba ezemplu di’ak ba ha’u, nune’e mos ha’u husu ba hotu-hotu, iha membru sira hotu-hotu ne’ebe maka iha partidu FRETILIN modelu ida ne’e labele mate. Francisco L\u00fa Olo maka mate, espiritu L\u00fa Olo tenke moris iha FRETILIN nia laran, tenke moris,” dehan Domingos Guterres bainhira hato\u2019o liafuan agradesimentu haf\u00f3in haloot Saudozu L\u00fa Olo iha Jardim dos Her\u00f3is da P\u00e1tria, Metinaro, sexta 26\/06.<\/p>\n\n\n\n

Reprezentante fam\u00edlia husu deskulpa ba sala ka buat ne\u2019ebe saudozu L\u00fa Olo halo durante nia moris. Fam\u00edlia hakruk husu deskulpa ba pol\u00edtiku, governante, no povu tomak, se karik iha desizaun, liafuan, ka asaun ruma ne\u2019ebe la loos durante nia vida pol\u00edtika, vida sivil no luta resist\u00e9nsia, tantu direta ka indiretamente, ne\u2019ebe f\u00f3 kanek ba ema seluk karik enome familia hakruk no husu deskulpa.<\/p>\n\n\n\n

Reprezentante fam\u00edlia ne’e mos rekomenda ba Estadu no Governu hamutuk ho pol\u00edtiku sira, veteranu sira atu f\u00f3 liman ba malu hadi’a saida mak ladi’ak no lori buat di’ak sira lao ba oin hanesan ezemplu murak saudozu Francisco Guterres L\u00fa Olo husik hela.<\/p>\n\n\n\n

“Ba ha’u nia maluk sira hotu-hotu, povu doben Timor-Leste ne\u2019ebe maka ohin prejensa iha serimonia Maktoban nian fatin ikus ida ne’e, ha’u hanoin povu triste, la’os familia de\u2019it maka triste, Timor-Leste triste, tanba L\u00fa Olo ema simples maib\u00e9 hakarak duni hakoak ema hotu. Nia la haree ba koor, la haree ba rasa, la haree ba metan ka mutin, maib\u00e9 nia haree hanesan ema Timor oan,” Nia hateten.<\/p>\n\n\n\n

Saudozu nia alin, Domingos Guterres hato\u2019o mensajen adeus ikus ba saudozu L\u00fa Olo ho sentimentu kle\u2019an no husu nia atu kontinua tau matan ba fam\u00edlia, kamarada luta sira no povu Timor-Leste tomak. L\u00fa Olo nu\u2019udar maun ida ne\u2019ebe di\u2019ak, ne\u2019ebe lori dame no unidade iha ema hotu nia laran.<\/p>\n\n\n\n

“Adeus Maun L\u00fa-Olo, tau matan hela mai ami, tau matan mos ba oan kiak nain-haat, ba ha’u nia bin Cidalia no familia hotu-hotu, tulun mos ba kamarada sira hotu iha ne’e no mos ba maun sira ne\u2019ebe uluk hamutuk iha ne’e liu-liu maun Taur, maun Lere, maun-boot Xanana, nu’udar mos maun ida ne\u2019ebe diak, maun Falur, maun sira seluk ne\u2019ebe ha’u la temi ida por ida. Maun nu’udar maun di’ak Ida, tama sira nia laran ba, hamamar sira nia laran, f\u00f3 liman ba malu ba Timor-Leste ida de\u2019it. Obrigadu maun L\u00fa-Olo,” nia konklui.<\/p>\n\n\n\n

Iha fatin hanesan Sekret\u00e1riu Jer\u00e1l Partidu FRETILIN, Mar\u00ed Alkatiri, hateten, ohin hamutuk ho mana Cidalia ho subri\u00f1a no sobri\u00f1u sira hotu mai haloot kamarada Saudozu L\u00fa-Olo. Tanba ne\u2019e, agradese ba entidade tomak, apoiu tomak husi governu no estrutura, instituisaun estadu nia hanesan Pol\u00edsia, F\u00f3rsa Armada ne\u2019ebe durante ne’e apoiu m\u00e1simu ba iha Saudozu nia falesimentu to’o haloot iha fatin deskansa ikus nian.<\/p>\n\n\n\n

Iha serim\u00f3nia funebre Saudozu Francisco Guterres L\u00fa Olo ne’e, entrega mos arma saudozu L\u00fa Olo nian ne\u2019ebe maka uluk uza iha ai-laran ba Tenente Jener\u00e1l Domingos Ra\u00fal Falur Rate Laek.<\/p>\n\n\n\n

Nune\u2019e entrega mos medalla ba saudozu nia oan mane boot Francisco Cidalino “Ola Kay” no entrega mos Bandeira Nasion\u00e1l husi Prezidente Rep\u00fablika Jos\u00e9 Ramos-Horta ba saudozu nia oan mane segundu Eldino Nobre.<\/p>\n\n\n\n

Entrega mos Dekretu Prezidente Rep\u00fablika husi eis Primeiru-Ministru Taur Martan Ruak ba Saudozu nia oan feto mesak D\u00e1lia Luliana Nobre. Nune’e, entrega mos Bandeira FALINTIL husi Jener\u00e1l Taur Matan Ruak ba Saudozu nia ona Mane da toluk Felizito Samora Guterres.<\/p>\n\n\n\n

Tuir Objervasun Jornalista Neon Metin iha terenu katak, bainhira hah\u00fa deslokasaun saudu L\u00fa Olo nia isin mate husi Dili mai Jardim Her\u00f3is da P\u00e1tria Metinaro, ema rihun ba rihun maka akompa\u00f1ia saudozu nia isin mate no balun hamrik iha dalan hodi simu saudozu ho mataanwen no karik aifunan to\u2019o iha Jardim Her\u00f3is P\u00e1tria Metinaro.<\/p>\n\n\n\n

Jardim Her\u00f3is Metinaro sai fatin ida ne\u2019ebe nakonu ho laran triste bainhira Millares husi povu Timor-Leste mai f\u00f3 despedida ikus ba Saudozu Francisco Guterres L\u00fa Olo.<\/p>\n\n\n\n

Prezidente Rep\u00fablika Jos\u00e9 Ramos-Horta, governu, Veteranu sira, autoridade, juventude no komunidade husi parte oioin hamutuk hodi f\u00f3 onra ikus ba lider ida ne’ebe dedika ninia moris ba independ\u00e9nsia no dezenvolvimentu nasaun.<\/p>\n\n\n\n

Iha atmosfera ne’ebe hakmatek no emosional, mataanwen monu husi ema barak bainhira urna Saudozu tama ba fatin hakmatek ikus.<\/p>\n\n\n\n

Enteramentu ne’e la’os de’it serim\u00f3nia ida, maib\u00e9 mos momentu ida atu povu Timor-Leste hanoin no kontinua valor, sakrif\u00edsiu no legadu ne’ebe Saudozu Francisco Guterres L\u00fa Olo husik ba jerasaun sira tuir mai. <\/p>\n","protected":false},"excerpt":{"rendered":"

Reportajen David da Costa Fam\u00edlia Saudozu Francisco Guterres L\u00fa Olo hato\u2019o agradesimentu ba povu Timor-Leste, entidade Estadu, partidu pol\u00edtiku, veteranu no komunidade sira ne\u2019ebe f\u00f3 solidariedade no partisipa iha serim\u00f3nia despedida ikus ba saudozu L\u00fa Olo nian iha Jardim Her\u00f3is P\u00e1tria Metinaro. Domingos Guterres nu’udar alin ida husi Saudozu L\u00fa Olo, agradese ba ema hotu-hotu […]<\/p>\n","protected":false},"author":1,"featured_media":23274,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-23273","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t