{"id":2734,"date":"2020-04-04T08:10:53","date_gmt":"2020-04-04T08:10:53","guid":{"rendered":"https:\/\/neonmetin.info\/buletin\/?p=2734"},"modified":"2020-04-04T08:10:55","modified_gmt":"2020-04-04T08:10:55","slug":"auto-kuarentena-durante-loron-14-gill-ema-dehan-izola-ita-nia-an-bele-salva-ema-barak","status":"publish","type":"post","link":"https:\/\/neonmetin.info\/buletin\/2020\/04\/04\/auto-kuarentena-durante-loron-14-gill-ema-dehan-izola-ita-nia-an-bele-salva-ema-barak\/","title":{"rendered":"Auto-Kuarentena Durante Loron 14, Gill: Ema Dehan Izola Ita Nia-an, Bele Salva Ema Barak"},"content":{"rendered":"\n<p class=\"wp-block-paragraph\"><strong><em>Reportazen Zevonia Vieira <\/em><\/strong><\/p>\n\n\n\n<p class=\"wp-block-paragraph\">Pandemia virus Corona sai ona ameasa boot iha mundu tomak, tanba iha nasaun Europa, Amerika, Xina no Asia hamate ona ema rihun ba rihun. Virus Corona ne\u2019ebe daet ona mai Timor, bainhira Ministeriu Saude deklara iha ona ema ida positivu virus Corona. <\/p>\n\n\n\n<p class=\"wp-block-paragraph\">Situasaun ida ne\u2019e governu foti medidas no Prezidente da\nRepublika mos dekrata estadu emerjensia, ho objetivu sidadaun bele salva an\nhosi Corona, hodi haruka sidadaun sira hela hakmatek iha uma no moris hijiene\ntuir regras mediku sira nian. <\/p>\n\n\n\n<p class=\"wp-block-paragraph\">Iha istoria ne\u2019e Neon Metin hakerek istoria ida hosi\nsidadaun ida ne\u2019ebe mak halo auto-kuarentena ba nia an iha uma, bainhira fila\nhosi nasaun afetadu Indonesia iha loron 17 Fevereiru, nia mak Prezidente\nKonsellu Imprensa, Virgilio Guterres.<\/p>\n\n\n\n<p class=\"wp-block-paragraph\">Iha dada lia ho Neon Metin iha loron 02 Abril, bainhira nia\nremata ona nia auto-kuarentena haktuir nia esperiensia. Tuir Virgilio katak\nrazaun fundamentu tanba nia komprende no hatene saida mak virus Corona, tanba\nida ne\u2019e nia hakarak izola an rasik para bele bele salva ema seluk<\/p>\n\n\n\n<p class=\"wp-block-paragraph\"><em>\u201cRazaun premeiru hau rasik komprende no hatene virus Corona, iha loron 17 Fevereiru bainhira hau fila hosi Bali, no bainira too Dili hakarak ba izola an iha foho, maibe kolega Australiano ida ne\u2019ebe mak serbisu iha NGO ida iha Timor, tanba nia hela besik ho ami, entaun nia oferese kuartu mamuk ida, para hau bele hela durante loron 14\u201d,<\/em> tenik Virgilio iha edifisu KI, Kintal Boot, 02\/04.<\/p>\n\n\n\n<p class=\"wp-block-paragraph\">Lamukan nudar narak kodigu ne\u2019ebe nia uza iha tempu\nrezistensia, ba Neon Metin nia konfesa katak problema ne\u2019e laos iha ita, tanba\nita mai hosi fatin afetadu hanesan Indonesia-Bali, tanba iha ona kazu, entaun\nita lahatene iha ne\u2019ebe ita nia liman kona saida, ita la hare, entaun diak liu\nita evita. <\/p>\n\n\n\n<p class=\"wp-block-paragraph\"><em>\u201cHau labele karantina iha uma tanba hau nia banin feto, no hau nia fen nia avo feto tanba virus ne\u2019e ataka lalais mak ema ida boot sira, alende ne\u2019e tanba mos hau nia familia rasik entaun diak liu hau prevene no halo distansia\u201d,<\/em> tenik Lamukan<\/p>\n\n\n\n<p class=\"wp-block-paragraph\">Jornalista senior ne\u2019ebe mak hahu ona nia kareira hanesan\njornalista iha tempu Indonesia, kontinua dad alia ho Neon Metin, hodi haktuir\nkatak hosi loron 17 Fevereiru \u2013 02 Abril konsege kompleta loron kuarentena\ndurante. <\/p>\n\n\n\n<p class=\"wp-block-paragraph\">Lamukan dehan katak pontus positivu ne\u2019ebe nia hakarak foti\nmak bainhira hatene ona, tenke hatudu katak labele tarde liu tanba iha\nesperiensia bainhira konsellu mediku ka konsellu seluk koalia ita lakohi rona,\nnia konsekuensia mak hanorin ita ho trajedia, entaun ida ne\u2019e mak halo hau no\ndesidi auto-kuarentena.<\/p>\n\n\n\n<p class=\"wp-block-paragraph\">Kuarentena durante loron 14 katak tenke izola an, moris\nmesak no halo distansia ho ema seluk, karik ida ne\u2019e tempu naruk ida, ne\u2019ebe\nmak tenke halo ho pasensia, labele besik familia, labele hakuak oan sira ka\nhalimar ho sira, tanba labele sik karik bele konab virus Corona, tanba fila hos\nfatin afetadu. <\/p>\n\n\n\n<p class=\"wp-block-paragraph\">Ho tempu izolamentu ne\u2019e, Virgilio Guterres aproveita nia\ntempu hodi hetan vantazen durante kuarentena an. <\/p>\n\n\n\n<p class=\"wp-block-paragraph\"><em>\u201cAproveita tempu ne\u2019e tanba hau gosta leitura, entaun hau aproveita lee. Mai hosi Bali aproveita kedas sosa livru entaun pronto lee livru sira ne\u2019e. Atividade seluk ne\u2019ebe hau halo kontinua halo kontaktu ho ema, Work From Home, halo enkontru plenariu dala rua ho Konseilhor sira, hau mos hola parte iha PLG entaun halo enkontru via video call. Barak liu hau fo tempu ba estuda, liu-liu hau buka refernesia iha tempu pasadu konaba moras Corona ne\u2019e, no ikus mai ita hatene tanbasa mak umanidade ne\u2019e tenke hetan. Hau hatene Kuarentena tanbasa tenke iha,\u00a0 saida mak hau lee katak moras Corona ne\u2019e akontese ona iha tinan 1300- 1400 ne\u2019e ataka ona iha Europa,\u00a0 iha Italia duni entaun deskonfia Ro balun lori moras ne\u2019e mai hosi Asia, entaun bainhira Ro to\u2019o, sira husu durante loron 40 Ro ne\u2019e labele ba entaun ne\u2019e hahu kuarentena\u201d<\/em>, haktuir Virgilio<\/p>\n\n\n\n<p class=\"wp-block-paragraph\">Dalabarak ema hamosu hahalok rasismu tanba dehan virus\nCorona afeta ba ema estranjeiru ka babain ema dehan kona ema malae. Informasaun\nne\u2019ebe namkari iha Timor laran, ema sempre hamosu liafuan katak ema estranjeru\nka malae mak positivu kona virus Corona. Situasaun ida ne\u2019e hamosu\ndiskriminasaun no halo ema estranjeiru sira la hakmatek moris iha Dili. <\/p>\n\n\n\n<p class=\"wp-block-paragraph\">Ba Neon Metin Virgilio hasara tuir saida mak Dr. Rui Araujo\nesplika liu hosi centru media ba covid-19, ne\u2019ebe mak harii hosi Gabinete de\nCrize katak virus ne\u2019e la diskrimina ema, la hare Timoro oan ka&nbsp; malae.<\/p>\n\n\n\n<p class=\"wp-block-paragraph\">Virgilio haktuir istoria ida katak emperador ida hosi\nRomania ne\u2019e mate tanba virus ne\u2019e, to\u2019o intelektual balun mos tenke halo\nkuarentena, tanba ne\u2019e ita la hakfodak bainhira rona rainha Elizabet kona virus\nCorona.<\/p>\n\n\n\n<p class=\"wp-block-paragraph\"><em>\u201cHau aproveita estuda konaba moras ne\u2019e no fo razaun forte liutan ba hau atu komunika ho kolega sira seluk, ne\u2019ebe bele hatoo ba ita nia estadu katak tenke halo investimentu ba iha seitor Saude. Iha Saude ne\u2019e laos atu harii deit infrastrutura, maibe halo investimentu peskiza konaba medicina nian, atu nune aban bainrua ita nia beoan sira nia tempu, sira la preokupa ona hanesan iha situasaun agora ne\u2019e\u201d<\/em>, hateten Virgilio <\/p>\n\n\n\n<p class=\"wp-block-paragraph\">Virgilio ne\u2019ebe mos uluk kontribui nia an liu hosi\norganizasaun rezistensia Resist\u00eancia\nNacional dos Estudantes de Timor-Leste [RENETIL] hamutuk ho estudante sira iha\nIndonesia, hodi luta ba ukun rasik an, hateten ba Neon Metin katak pandemia\nvirus Corona ne\u2019e hamosu preokupasaun no tauk ba ema idak-idak nia vida. <\/p>\n\n\n\n<p class=\"wp-block-paragraph\"><em>\u201cEma dehan izola ita nia an, bele salva ema barak ne\u2019e hanesan asaun siviku ida ne\u2019ebe ita hotu tenke hatene, liu-liu ita sira ne\u2019ebe hatene informasaun\u201d,<\/em> hateten Virgilio<\/p>\n\n\n\n<p class=\"wp-block-paragraph\">Virgilio konfesa\u00a0 katak desvantajen hosi kuarentena mak la sai\u00a0 ba liur, labele hakuak oan sira, tanba babain tenke hakuak no halimar ho oan sira, ida ne\u2019e mak halo stress, maibe situasaun hanesan ne\u2019e ita nia rasio mak tenke makaas,\u00a0 <em>\u201cita nia desizaun no meius ida tanba ita hadomi ema seluk ne\u2019e mak ita lakohi ba ne\u2019e. Se ita ba depois ikus mai sira moras hotu,\u00a0 diak liu ita hadook an .Ita mak tenke esforsu an hodi foti nia vantazen hosi kuarentena\u201d.<\/em><\/p>\n\n\n\n<p class=\"wp-block-paragraph\">Virgilio pasa nia tempu hodi lee livru importante sira\nne\u2019ebe mak iha relasaun ho pandemia, maske izola an, Virgilio hakarak estuda\nbuat balun ne\u2019ebe iha ligasaun ho virus. Livru konaba Infeccionista no\nHistoriador Brazil, Livru konaba Historia da Humanidade Contada Pelo Virus\n[Istoria Umanidade Konta hosi Virus], livru konaba Historia e Suas Epidemias, A\nConviencia do Home Com Os Microorganismos [Istoria h onia Epidemia sira, Ema\nNe\u2019e Moris Hamutuk ho Mikroorganizmu Sira] ne\u2019ebe hakerek hosi Stefan Cunha\nUjvari hosi Brazil no livru konaba Jurnalistik dari Humanisme Harian Kompas,\nhakerek nain Sindhunata ne\u2019ebe hakerek konaba humanismu no nia savi ida mak\ninterese ema nian, tanba se ema laiha jurnalismu laiha<\/p>\n\n\n\n<p class=\"wp-block-paragraph\">Ba Neon Metin Prezidente Konsellu Imprensa ne\u2019e hateten\nlivru nain hosi Brazil ne\u2019e konta istoria umanidade nian neebe konta liu hosi\nvirus hanesan konaba TBC, Lepra, Korela, Pesti Negra iha Europa, iha livru\nlaran ne\u2019e hateten ita ema sira ne\u2019ebe sei moris, virus ne\u2019e sei iha nafatin,\ntanba nesesidade ekonomika, ita konsume hahan no animal sira ne\u2019e.<\/p>\n\n\n\n<p class=\"wp-block-paragraph\">Durante kuarentena Virgilio Guterres hateten nungka hetan\nkontaktu hosi Ministeriu Saude maibe nia dehan sekarik iha sintomas, nia sei\nkontaktu direita ba mediku sira atu bele halo teste, maibe to loron ne\u2019e remata\nlaiha sintomas ne\u2019ebe mosu. <\/p>\n\n\n\n<p class=\"wp-block-paragraph\">Ho situasaun ida ne\u2019e Virgilio ne\u2019ebe konsege aplika\nauto-kuarentena nia an durante loron 14, hatoo lia menon sidadaun sira katak ba\nsira ne\u2019ebe lahatene impaktu hosi moras ne\u2019e, diak liu buka hatene, no ba sira\nne\u2019ebe hatene diak liu izola an durante loron 14, no durante loron 14 mak laiha\nsintomas Covid-19 nian laiha buat, maibe sekarik sintomas covid-19 nian tenke\nhalo kontaktu ho mediku sira para halo teste.<\/p>\n\n\n\n<p class=\"wp-block-paragraph\"><em>\u201cHau nia mesajen mos ba governu liu-liu ba ekipa covid-19, atu tau atensaun ba maluk sira ne\u2019ebe kuarentena, halo tratamentu ba sira, hare sira nia hahan, atu nune sira ne\u2019ebe ba kuarentena bele salva-an hosi moras, labele ho kuarentena ne\u2019e, sira mak sai moras tiha fali\u201d, <\/em>tenik Virgilio<\/p>\n","protected":false},"excerpt":{"rendered":"<p>Reportazen Zevonia Vieira Pandemia virus Corona sai ona ameasa boot iha mundu tomak, tanba iha nasaun Europa, Amerika, Xina no Asia hamate ona ema rihun ba rihun. Virus Corona ne\u2019ebe daet ona mai Timor, bainhira Ministeriu Saude deklara iha ona ema ida positivu virus Corona. Situasaun ida ne\u2019e governu foti medidas no Prezidente da Republika [&hellip;]<\/p>\n","protected":false},"author":2,"featured_media":2735,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[64],"tags":[],"class_list":["post-2734","post","type-post","status-publish","format-standard","has-post-thumbnail","hentry","category-saude"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/2734","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/2"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=2734"}],"version-history":[{"count":1,"href":"https:\/\/neonmetin.info\/buletin\/wp-json\/wp\/v2\/posts\/2734\/revisions"}],"predecessor-version":[{"id":2736,"href":"https:\/\/neonmetin.info\/buletin\/wp-json\/wp\/v2\/posts\/2734\/revisions\/2736"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/2735"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=2734"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=2734"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=2734"}],"curies":[{"name":"wp","href":"https:\/\/api.w.org\/{rel}","templated":true}]}}