{"id":3368,"date":"2020-05-04T00:37:05","date_gmt":"2020-05-04T00:37:05","guid":{"rendered":"https:\/\/neonmetin.info\/buletin\/?p=3368"},"modified":"2020-06-30T07:20:10","modified_gmt":"2020-06-30T07:20:10","slug":"jornalizmu-ho-asaun-funu-hasoru-injustisa-husi-laran","status":"publish","type":"post","link":"https:\/\/neonmetin.info\/buletin\/2020\/05\/04\/jornalizmu-ho-asaun-funu-hasoru-injustisa-husi-laran\/","title":{"rendered":"Jornalizmu Ho Asaun, Funu Hasoru Injustisa Husi Laran"},"content":{"rendered":"\n

Hakerek nain Alberico Junior<\/em><\/strong><\/p>\n\n\n\n

Reflesaun ida ba Komemorasaun Loron Mundi\u00e1l Liberdade Imprensa no Loron Mundu\u00e1l Traballu) <\/strong><\/p>\n\n\n\n

Bainhira simu orientasaun husi redasaun hafoin\nenkontru redasaun nian. Nu\u2019udar jornalista, ha\u2019u tenke tuir planu kobertura (TOR)\nne\u2019eb\u00e9 ohin aprezenta no diskute iha enkontru redasaun nian. Maib\u00e9 antes atu\nto\u2019o iha fatin kobertura nian, iha dalan klaran ha\u2019u hetan asidente traf\u00edku,\niha-ne\u2019eb\u00e9 ema soke labarik ida ho motor iha ema barak nia oin. Buat baibain\nona iha sosiadade ida agora, liuliu iha sidade sira, ema la diretamentu ajuda\nsira ne\u2019eb\u00e9 hetan asidente ne\u2019e. Maib\u00e9, sira husik deit no dalaruma sira hasai\nfoto uluk foin hanoin atu ajuda ka la ajuda. Hanoin lalais katak, ida-ne\u2019e\nnu\u2019udar situasaun ida-ne\u2019eb\u00e9 difisil no dilem\u00e1tiku ba jornalista ida atu foti\ndesizaun bainhira hala\u2019o hela serbisu. Situasaun dilem\u00e1tiku tamba jornalista\nne\u2019e nia iha entre misaun jornalizmu no misaun umanit\u00e1riu. Maib\u00e9, iha situasaun\nne\u2019e, ha\u2019u tenke ajuda uluk labarik ne\u2019e hodi salva nia vida. Maske, iha biban\nne\u2019e, ha\u2019u hala\u2019o hela misaun jornalizmu ne\u2019eb\u00e9 redasaun orienta ona. Ha\u2019u\nkonsiente katak atu sai jornalista di\u2019ak, tenke sai uluk ema ne\u2019eb\u00e9 di\u2019ak\n(sebelum menjadi seorang jurnalis yang baik, jadilah manusia yang baik dulu). <\/p>\n\n\n\n

Asidente ida-ne\u2019e lori ita ba insidente ida-ne\u2019eb\u00e9\nenvolve Fotografu Mundi\u00e1l Kevin Carter husi Afrika S\u00fal ho labarik\nMetan-Afrikana ne\u2019eb\u00e9 sofre hela malnutrisaun iha tempu ne\u2019eb\u00e1. Kevin ikus mai\ntenke oho-an tamba nia la salva labarik ne\u2019e husi manu ne\u2019eb\u00e9 han ema nia\nisin-maten [burung pemakan bangkai]. Iha momentu ne\u2019eb\u00e1, nia hein hela oinsa\nmanu refere han labarik ne\u2019e atu nia bele hasai foto. Kevin konsege hasai duni\nfoto bainhira manu han labarak ne\u2019e. Ikus-mai nia manan duni pr\u00e9miu boot\nmundi\u00e1l hanaran Pulitzer<\/em> tamba ninia\nfotogr\u00e1fia mak di\u2019ak-liu bainhira liuhusi prosesu selesaun komit\u00e9 pr\u00e9miu nian.\nInsidente ne\u2019eb\u00e9 nia iha ho labarik ne\u2019e lori nia ba situasaun fisikol\u00f3jiku\nne\u2019eb\u00e9 grave tebes. Loroloron nia hanoin no imajina hela akontesimentu ne\u2019e,\nentau ikus mai nia deside hodi ohon nia-an. Kevin oho-an tamba la konsege salva\nlabarik ne\u2019e, maske nia hetan pr\u00e9miu boot. Iha momentu ne\u2019e mak nia lori\nlabarik ne\u2019e hodi salva nia vida, manu sei la han nia no karik nia sei moris. Desizaun\nhodi oho-an akontese tamba Kevin la konsege hakunu karat\u00e9r jornalista ida-ne\u2019e\ndi\u2019ak tamba misaun prins\u00edpal jornalizmu dadauk ne\u2019e mak atu tane-aas umanidade\nno ineterese ema barak nian duke interese peso\u00e1l ka grupu. <\/p>\n\n\n\n

Ilustrasaun aktu salva labarik husi asidente motor\nne\u2019e, la mai husi K\u00f3digu \u00c9tika Jornalizmu nian ka la hakerek iha prinsipiu\nunivers\u00e1l jornalizmu nian, s\u00e1tan mai husi lei ruma. Ida-ne\u2019e mai husi\nkonxi\u00e9nsia ema ka peso\u00e1l jornalista idaidak nian nu\u2019udar \u00e9tika peso\u00e1l iha\nsituasaun espesi\u00e1l ida. Jornalista, edit\u00f3r, xefe redasaun no jest\u00f3r presiza\nduni k\u00f3digu \u00e9tika peso\u00e1l alen K\u00f3digu \u00c9tika Jornalzimu nian ne\u2019eb\u00e9 dadauk aplika\nba jornalista no kan\u00e1l m\u00eddia hotuhotu. Desizaun hotuhotu la\u2019os bazeia deit ba\nprosedimentu no lei sira, maib\u00e9 tenke rona m\u00f3s konxi\u00e9nsia ka hati nurani ne\u2019eb\u00e9\nsai nu\u2019udar \u00e9tika peso\u00e1l ba ema ne\u2019eb\u00e9 halo profisaun. Tan-ne\u2019e, m\u00eddia presiza\niha redasaun ida-ne\u2019eb\u00e9 demokr\u00e1tiku iha-ne\u2019eb\u00e9 jornalista hotuhotu iha direitu\natu hato\u2019o sira nia hanoin kona-ba asuntu sira ne\u2019eb\u00e9 iha ligasaun ho\njornalizmu no bem estar (kesejateraan) pesoal hotuhotu nian. Maske, dalabarak\nasuntu bem estar ne\u2019e serbisu jestaun nian, liuliu kan\u00e1l m\u00eddia komersi\u00e1l sira. <\/p>\n\n\n\n

Hanesan m\u00f3s desizaun kobertura nian, pur ezemplu bele\nka lae jornalista ka m\u00eddia bele publika asuntu substituisaun Deputadu Gilman\nExposto dos Santos no Deputada Albina Marcal Freitas iha tempu ne\u2019eb\u00e9 familia\nsira sei iha ambiente lutu nia laran. Asuntu ne\u2019e la hakerek K\u00f3digu \u00c9tika\nJornal\u00edstika, maib\u00e9 ida-ne\u2019e depende ba konxi\u00e9nsia (nurani) jornalista no\nkomunikasaun entre jornalista ne\u2019e ho ninia redasaun. Maske, prosesu\nsubstituisaun ne\u2019e, la\u2019o hela iha partidu nia laran. Desizaun la publika asuntu\nsubstituisaun ne\u2019e nu\u2019udar dalan ida oinsa atu respeita familia ne\u2019eb\u00e9 hasoru\nhela tempu difisil.  <\/p>\n\n\n\n

Buat importante liu iha kontestu ne\u2019e mak komunikasaun\niha ambiente ida-ne\u2019eb\u00e9 demokr\u00e1tiku. Komunikasaun mak sai xafe susesu\norganizasaun ida nian, tantu organizasaun boot-liu hanesan Estadu, organizasaun\nsosiadade sivil nom\u00f3s organizasaun m\u00eddia. Tuir Eis-Prezidente Conselho Imprensa\n(DPI) Indon\u00e9zia, Profesor Bagir Manang, komunikasaun iha demkorasia mak\ndialogu, fahe hanonin ba malu ho nakloke no livre. Tan-ne\u2019e, parte hotohotu\nne\u2019eb\u00e9 serbisu iha m\u00edda presizamente tenke moris iha ambiente ida-ne\u2019eb\u00e9\nkomunikativu, nune\u2019e bele rezolve problema ka asuntu hotuhotu ho loloos no\njustu, liuliu ba sira ne\u2019eb\u00e9 sai xefe no jest\u00f3r. Presiza kria kultura ida iha\nsala redasaun ne\u2019eb\u00e9 disponibiliza jornalista sira atu iha diskusaun livre no\nnakloke. \u201cJika jurnalisme adalah medium dialog diantara warga, rasanya tepat\ndialog itu dimulai di ruang redaksi,\u201d kata Linday Foley, soerang jurnalis\nAmerika. <\/p>\n\n\n\n

Jornalista Timoroan dadauk ne\u2019e la\u2019os deit hasoru aktu\nviolente no aktu sira diskriminativu husi entidade sira Estadu nian iha\nkontestu kobertura nian. Maib\u00e9, dadauk ne\u2019e hasoru m\u00f3s aktu injustisa husi\nm\u00eddia ne\u2019eb\u00e9 sira haknaar-an ba. Iha 2019 no in\u00edsiu 2020, kuaze jornalista\nna\u2019ain haat ona mak Jestaun ka redasaun Grupo Media Nacional (GMN) demite ho\nrazaun ne\u2019eb\u00e9 diferente tuir parte sira. Jornalista na\u2019in haat ne\u2019e mak, Julito\nXimenes, Carmelita Isaac, Evaristo Maris, no Ajinha Lola. Kestaun mak ne\u2019e,\nkarik demisaun ne\u2019e halo bazeia razaun ne\u2019eb\u00e9 forte tuir regulamentu no SOP\n(standard Operational Prosedures) ne\u2019eb\u00e9 kan\u00e1l m\u00eddia ne\u2019e estabelese?. Ou karik\niha manipulasaun faktu husi jestaun? Demisaun prim\u00e9iru akontese ba Jornalista\nFrancisco Som\u00f5es Belo da Costa \u201cQuito\u201d, atu\u00e1l membru Conselho Imprensa (CI) no\njornalista Tatoli iha 2017 ho razaun tamba nia halo serbisu rua. Alen, serbisu\nba GMN hanesan jornalista, Sr. Quito m\u00f3s hala\u2019o knaar iha CI nu\u2019udar\nkonselleiru. Afin\u00e1l sai nu\u2019udar membru CI ne\u2019e, nia reprezenta jornalista sira\nliuhusi asosiasaun jornalista, Timor-Leste Press Union (TLPU) no ida-ne\u2019e\nnu\u2019udar mandatu Lei Komunikasaun Sosi\u00e1l atu asegura liberdade imprensa no liberdade\nespresaun ne\u2019eb\u00e9 hatuur ona iha Konstituisaun RDTL, Artigu 40  no Artigu 41. <\/p>\n\n\n\n

Kazu demisaun jornalista na\u2019in tolu iha Novembru 2019 ne\u2019e\nto\u2019o agora seidauk hetan solusaun, maske tenta rezolve ona liuhusi mekanizmu\nmediasaun ne\u2019eb\u00e9 SEFOPE mak organiza. Ho ida-ne\u2019e, jornalista na\u2019ian tolu lori\nona kazu ne\u2019e b\u00e1 Minist\u00e9riu P\u00fabliku ho akumpa\u00f1amentu TLPU, AJTL no CI, nune\u2019e\nbele rezolve tuir dalan judisi\u00e1l hodi hetan justisa. Ida-ne\u2019e nu\u2019udar demisaun ho\nn\u00fameru barak-liu hasoru jornalista sira iha tinan ida nia laran (2019). Bele dehan\nn\u00fameru ida-ne\u2019eb\u00e9 boot-liu. Haree husi aspetu jornalizmu karik, demisaun ne\u2019e\nho valor notisia ka nilai berita keluarbiasaan<\/em>,\ntamba demisaun ho n\u00fameru boot seidauk akontese iha m\u00eddia seluk, eskui (kecuali)\nm\u00eddia ne\u2019e hasoru krize finanseiru boot, entau jestaun m\u00eddia nian tenke foti\ndalan ida hodi redus ninia n\u00fameru jornalista, la\u2019os halo demisaun. <\/p>\n\n\n\n

GMN nia situasaun diferente ho Di\u00e1riu Timor Roman no\nMatadalan. M\u00eddia rua ne\u2019e tenke taka tamba hasoru krize finanseru iha tinan\nhirak-liu ba, maske ikus-mai Timor Roman mosu ho naran foun \u2013 Dili Post. Iha 2018,\nkuaze kan\u00e1l m\u00eddia hotuhotu iha Timor-Leste hasoru krize finanseiru ne\u2019eb\u00e9 kauza\nhusi impase pol\u00edtika iha tempu ne\u2019eb\u00e1. Tuir relat\u00f3riu peskiza CI nian, Timor\nPost no STL obrigadu tenke redus n\u00fameru peso\u00e1l ne\u2019eb\u00e9 serbisu iha m\u00eddia rua\nne\u2019e tamba laiha fundu nato\u2019on atuhodi selu sira. Krize finanseru ne\u2019e m\u00f3s\nafeita Jorn\u00e1l Independente iha tempu neeb\u00e1, d\u00edariu ne\u2019e tenke ho prudente selu\nninia jornalista ho dalan cicilan<\/em>. <\/p>\n\n\n\n

Kazu demisaun foun-liu mak, iha in\u00edsiu 2020, GMN demite-tan\nnia jornalista, Ajinha Lola ho razaun tamba nia foti liu lisensa anu\u00e1l [cuti\ntahunan]. Antes ne\u2019e, nia komunika ona ho jestaun no redasaun GMN katak nia aumenta\nninia cuti tamba hein hela ninia espouza ne\u2019eb\u00e9 simu hela tratamente sa\u00fade iha\nIndon\u00e9zia. Maske nune\u2019e, jestaun no redasaun GMN nian firme ho nia pozisaun\nhodi demite nafatin jornalista Ajinha Lola. Hein katak desizaun ne\u2019eb\u00e9 foti\nne\u2019e justu bazeia ba konsiderasaun hotuhotu, inklui konsiderasaun umanu [pertimbangan\nkemanusiaan]. <\/p>\n\n\n\n

Iha situasaun ne\u2019e, lideransa mak sai fat\u00f3r\ndeterminante. Bainhira lideransa iha organizaun m\u00eddia ne\u2019e prudente [bijak],\nnia sei foti desizaun bazeia ba konsiderasaun hotuhotu ne\u2019eb\u00e9 dirije nia\nnu\u2019udar lider ka jest\u00f3r ida atu foti desizaun ida ho loloos no justu. Nune\u2019e,\ndesizaun ne\u2019eb\u00e9 lider ka jest\u00f3r ne\u2019e foti sei bazeia ba regulamentu, no SOP\norganizasaun nian no konsiderasaun \u00famanu hodi evita saida mak hanaran onflict of interest.<\/em> Tamba demite ema ruma husi ninia serbisu\nsignifika hamate vida ekon\u00f3miku familia ida nian. Nia sei la hakunu ninia\nnesesidade lorloron nian ho liafuan simples karik ita hamate ema seluk nia\nahi-matan. <\/strong>Tan-ne\u2019e, konsiderasaun bazeia ba aspetu hotuhotu neses\u00e1riu\ntebes molok desizaun ne\u2019e foti. <\/p>\n\n\n\n

Asaun sira ne\u2019eb\u00e9 durante ne\u2019e TLPU, CI no AJTL halo\nliuhusi advokasia no akumpa\u00f1amentu, ne\u2019e nu\u2019udar forma solidaridade hodi kontra\ninjustisa ne\u2019eb\u00e9 jornalista sira hasoru iha pa\u00eds ne\u2019e. Jornalista seluk m\u00f3s f\u00f3 solidariadade\nba sira nia maluk jornalista na\u2019in haat ne\u2019e liuhusi publikasaun notisia. Entau,\nreportajen investigativu neses\u00e1riu tebes ba kazu demisaun ne\u2019eb\u00e9 mosu iha GMN\nnu\u2019udar jornalizmu ho asaun, nune\u2019e bele deskobre no revela verasidade ka\nlia-loos husi kazu nune\u2019e. Husi ne\u2019e mak p\u00fabliku bele hatene no foti konkluzaun\nrasik, s\u00e9 mak loos no s\u00e9 mak sala. Notisia sira ne\u2019eb\u00e9 publika ona, ne\u2019e\nnotisia baibain (straight news), jornalista sira seidauk mai ho dadus, faktu no\nsolusaun. Entau, publikasaun notisia ba asuntu refere tenke kontinua to\u2019o\nbainhira hetan ona lia-loos no justisa. Relasiona ho kazu ne\u2019e, Prezidente\nConselho Imprensa, Virg\u00edlio da Silva Guterres hateten solidariadade entre\njornalista sira situasaun ne\u2019e di\u2019ak, maib\u00e9 bainhira maluk jornalista sira ne\u2019e\nprova katak sira sala, entau tenke reku\u00f1ese katak sira sala. La\u2019os sira sala\nita defende nafatin. <\/p>\n\n\n\n

To\u2019o ohin loron prosesu ba kazu ne\u2019e la\u2019o, parte\nredasaun no jestaun GMN seidauk ko\u2019alia ba m\u00eddia kona-ba kazu ne\u2019e, entau difisil\nba p\u00fabliku atu hatene klareza no verasidade parte GMN nian tamba durante ne\u2019e,\nparte jornalista no reprezentante asosiasaun sira mak hato\u2019o ona sira nia\npozisaun kona-ba kazu ne\u2019e. Tuir prinsipiu jornalizmu, informasaun hotuhotu kona-ba\nkazu ne\u2019e husi parte sira tenke kobre, nune\u2019e kan\u00e1l m\u00eddia sira ne\u2019eb\u00e9 halo\npublikasaun tenke to\u2019o iha verasidade ka lia-loos jornalizmu nian (kebenaran jurnalisme)\nhodi evita pre-supostu aat [prasangka buruk) iha prosesu ne\u2019e. Lia-loos parte\njudisi\u00e1l [tribun\u00e1l] nian foin mak hah\u00fa no sei la\u2019o to\u2019o iha desizaun ikus\ntribun\u00e1l nian, nune\u2019e bele hetan lia-loos ida loloos tamba desizaun aas liu mai\nhusi tribun\u00e1l tuir prins\u00edpiu Estadu direitu demok\u00e1tiku nian. <\/p>\n\n\n\n

Karik jornalista ne\u2019e sala, jest\u00f3r ka xefe redasaun tenke\nhatudu prova katak, nia viola regra ka regulamentu interna ida-ne\u2019e. Maib\u00e9\ntenke ho medida propriu, pur ezemplu tenke haree tuir nia avaliasaun dezempe\u00f1u,\nharee m\u00f3s nia grau infrasaun, nune\u2019e bele foti desizaun tuir ida-ne\u2019e. Bele f\u00f3\nsamada [peringatan] uluk karik infrasaun ne\u2019eb\u00e9 komete ne\u2019e nia grau kiik. Rezultadu\navaliasaun dezempe\u00f1u no grau infrasaun nu\u2019udar inidikad\u00f3r [sasukat] ba jestaun\nka redasaun atu foti desizaun ho loloos no justu. Esklui (kecuali) jornalista\nne\u2019e komete aktu krime ruma ne\u2019eb\u00e9 karik afeita maka\u2019as imajen m\u00eddia nian. <\/p>\n\n\n\n

Maib\u00e9, ida-ne\u2019e m\u00f3s tenke tuir ninia dalan, karik iha\nregulamentu interna m\u00eddia nian ne\u2019eb\u00e9 dehan bainhira jornalista ida komete aktu\nkrime, jestaun ka redasaun m\u00eddia nian foti desizaun imidi\u00e1tu hodi hapara temporariamente\nnia husi ninia serbisu, nune\u2019e f\u00f3 biban ba nia atu tuir prosesu judisi\u00e1l hotu ne\u2019eb\u00e9\niha to\u2019o hetan desizaun ikus husi tribun\u00e1l. Desizaun saida deit mak redasaun ka\njestaun m\u00eddia foti hasoru ninia jornalista tenke prudente no justu. Desizaun\nbazeia ba lei no regulamentu [SOP] la nato\u2019on ba jest\u00f3r ka xefe redasaun ida\natu foti desizaun, maib\u00e9 presiza m\u00f3s uza sasukat konxi\u00e9nsia (nurani) no sensu\nkom\u00fa [common sence] nu\u2019udar rekursu ikus-liu. Maib\u00e9 bainhira desizaun ne\u2019eb\u00e9 foti ne\u2019e la tuir SOP no lah\u00f3\nkonsiderasaun sasukat konxi\u00e9nsia no sensu kom\u00fa, signifika ne\u2019e iha conflict of\ninetrest.<\/strong> <\/p>\n\n\n\n

Iha kontestu ne\u2019e, ema hotuhotu, liuliu xefe redasaun no jest\u00f3r tenke respeita no rona m\u00f3s sira nia konxi\u00e9nsia ho ida-ne\u2019e mak ita bele foti desizaun ida di\u2019ak no justu. Jornalista Amerikanu, Bill Kovach no Tom Rossentil hatenen, \u201ckonxi\u00e9nsia la\u2019os buat ne\u2019eb\u00e9 ita bele tau-sees, hanesan iha kestaun deadline<\/em>. Ne\u2019e nu\u2019udar buat ne\u2019eb\u00e9 ita tenke respeita.\u201d Hein katak desizaun ne\u2019eb\u00e9 jest\u00f3r sira GMN nian foti ne\u2019e tuir duni prosedimentu organizasaun nian no sira ne\u2019eb\u00e9 foti desizaun rona duni idaidak nia konxi\u00e9nsia, nune\u2019e ikus-mai labele liu dalan ne\u2019eb\u00e9 Fotografu Kevin Carter foti. <\/p>\n\n\n\n

Hakerek-nain nu\u2019udar Sekert\u00e1riu-Jer\u00e1l Asosiasaun Jornalista Timor Lorosa\u2019e (AJTL). Ativista Dewan Solidarita Mahasiswa (DSMTT), Dewan Mini-Lautem. Telemovel: 77254078<\/em><\/strong><\/p>\n\n\n\n

<\/p>\n","protected":false},"excerpt":{"rendered":"

Hakerek nain Alberico Junior Reflesaun ida ba Komemorasaun Loron Mundi\u00e1l Liberdade Imprensa no Loron Mundu\u00e1l Traballu) Bainhira simu orientasaun husi redasaun hafoin enkontru redasaun nian. Nu\u2019udar jornalista, ha\u2019u tenke tuir planu kobertura (TOR) ne\u2019eb\u00e9 ohin aprezenta no diskute iha enkontru redasaun nian. Maib\u00e9 antes atu to\u2019o iha fatin kobertura nian, iha dalan klaran ha\u2019u hetan […]<\/p>\n","protected":false},"author":1,"featured_media":3369,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[60],"tags":[],"class_list":["post-3368","post","type-post","status-publish","format-standard","has-post-thumbnail","hentry","category-analisa"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/3368","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/1"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=3368"}],"version-history":[{"count":2,"href":"https:\/\/neonmetin.info\/buletin\/wp-json\/wp\/v2\/posts\/3368\/revisions"}],"predecessor-version":[{"id":4235,"href":"https:\/\/neonmetin.info\/buletin\/wp-json\/wp\/v2\/posts\/3368\/revisions\/4235"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/3369"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=3368"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=3368"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=3368"}],"curies":[{"name":"wp","href":"https:\/\/api.w.org\/{rel}","templated":true}]}}