{"id":4089,"date":"2020-06-16T06:01:44","date_gmt":"2020-06-16T06:01:44","guid":{"rendered":"https:\/\/neonmetin.info\/buletin\/?p=4089"},"modified":"2020-06-16T06:01:46","modified_gmt":"2020-06-16T06:01:46","slug":"kontra-lei-defamasaun-ajtl-governu-la-valoriza-prestasaun-liberdade-imprensa-neebe-aas","status":"publish","type":"post","link":"https:\/\/neonmetin.info\/buletin\/2020\/06\/16\/kontra-lei-defamasaun-ajtl-governu-la-valoriza-prestasaun-liberdade-imprensa-neebe-aas\/","title":{"rendered":"Kontra Lei Defamasaun, AJTL: Governu La Valoriza Prestasaun Liberdade Imprensa Ne’ebe Aas"},"content":{"rendered":"\n

Reportazen Francisco JDA <\/em><\/strong><\/p>\n\n\n\n

Projetu Lei krimininaliza defamasaun ne\u2019ebe prepara hosi Ministeriu Justisa, hetan reasaun hosi Asosiasaun Jornalsta Timor Lorosa\u2019e (AJTL)\u00a0 tanba bele hamate domkrasia iha nasaun demokratiku ida ne\u2019e.<\/p>\n\n\n\n

Liu\nhosi konferensia imprensa, Prizdente AJTL, Zevonia Vieira hateten atu proteje\nkualidade demokrasia no halo povu Timor-Leste sai maduru-liu iha demokrasia,\npap\u00e9l m\u00eddia, sosiadade sivil no sidadaun sira iha momentu ne\u2019e neses\u00e1riu tebes.\n<\/p>\n\n\n\n

Kualidade\ndemokrasia garantidu bainhira iha komunikasaun di\u2019ak entre povu no sira ne\u2019eb\u00e9\nukun, liuhusi liberdade espresaun no liberdade imprensa, nu\u2019udar instrumentu\ndemokr\u00e1tiku ida dadauk ne\u2019e. <\/p>\n\n\n\n

Zevonia\nhateten m\u00eddia, sidadaun no sosiadade sivil sira sei hala\u2019o ninia funsaun\nkontrolu sosi\u00e1l ho di\u2019ak, bainhira liberdade imprensa no liberdade espresaun\ngarantidu. Tamba imprensa no espresaun ne\u2019eb\u00e9 livre, akontese deit iha nasaun\ndemokr\u00e1tiku sira, la\u2019\u00f3s iha nasaun sira a\u00fatoritariu no ditadura. <\/p>\n\n\n\n

\u201cS\u00f3 demokrasia deit mak bele proteje liberdade imprensa no liberdade espresaun visa versa liberdade imprensa no liberdade espresaun, mak bele garante demokrasia.\u00a0 Demokrasia sein liberdade imprensa no liberdade espresaun, ne\u2019e la\u2019\u00f3s demokrasia, maib\u00e9 ne\u2019e a\u00fatoritariu ka ditadura\u201d, <\/em>hateten Zevonia iha sede AJTL Fatuhada, 16\/06.<\/p>\n\n\n\n

Tuir\nAJTL katak hafoin lee no estuda atigu sira iha esbosu Lei Kirminalizasaun Defamasaun\nhosi Ministeriu Justisa, AJTL nudar mahon ba jornalista sira hare katak, esbosu\nLei ne\u2019e laiha benefisiu ba demokrasia iha futuru no sei produs deit jerasaun\nho mindset ka pensamentu \u201cdictator\u201d hodi hanesan ninia povu rasik.  <\/p>\n\n\n\n

Tuir AJTL, esbosu Lei ida-ne\u2019e rasik\nla eduka sidadaun sira atu sai kr\u00edtiku, maib\u00e9 halo sidadaun sira, tauk atu\nespresa sira ninia hanoin publikamente, hodi garante boa-governasaun no\nkontablidade tuir prins\u00edpiu demokrasia. Realmente, Esbosu Lei Kriminalizaun\nDefamasaun ne\u2019e kontra prins\u00edpiu Povu Maubere nia luta lulik ba ukun-rasik an,\nprins\u00edpiu demokrasia, Konvensaun Internasion\u00e1l kona-ba Direitu S\u00edvil Pol\u00edtika\nne\u2019eb\u00e9 pa\u00eds ne\u2019e opta, no kontra Konstituisaun R\u00e9publika Demok\u00e1tika, Artigu 40,\n41 no 48.<\/p>\n\n\n\n

Bazeia ba razaun ho prinsipiu no valor\nsira, AJTL hatudu nia pozisaun katak rejeita absolutamente esbosu Lei Kriminalizasaun\nDefamasaun ne\u2019ebe produs hosi Ministeriu Justisa, tanba sei hamate liberdade imprensa\nno espresaun iha Timor-Leste no fo liu protesaun ba ukun nain sira.<\/p>\n\n\n\n

AJTL mos la menta Ministeriu Justisa,\nManuel Carceres nia komentariu iha midia foin lalais, ne\u2019ebe dehan esbosu\nLei  ne\u2019e atu eduka sidadaun sira, hodi\nlabele halo sala. Tuir AJTL katak atu eduka sidadaun sira, Governu tenke\ninveste maka\u2019as iha set\u00f3r edukasaun, la\u2019\u00f3s liuhusi krimininalizasaun Lei\ndefamasaun ne\u2019eb\u00e9 nu\u2019udar eransa koloni\u00e1l rezime Orde Baru no Portuges nian. <\/p>\n\n\n\n

AJTL fo apoiu pensamentu eiz-Prezidente\nda Republika, Dr. Jose Ramos Horta ne\u2019ebe la aseita aplikasaun esbosu Lei Kriminalizasaun\ndefamasaun, tanba tuir nia Lei ne\u2019e kontra prinsipiu povu Timor-Leste nia luta\nba ukun rasik an no kontra povu nia liberdade espresaun. <\/p>\n\n\n\n

AJTL mos konsidera esbosu Lei ne\u2019e nudar traisaun boot ba esforsu eiz Prezidente da Republika, Xanana Gusmao hodi hasai Artigu Defemasaun ne\u2019e, hosi kodigu Penal ba kodigu sivil tanba kontra prosesu demokratizasaun iha pais ida ne\u2019e.<\/p>\n\n\n\n

AJTL nia pozisaun m\u00f3s haree katak\nGovernu la valoriza prestasaun democracy and freedom of the press ranking index\nnian, ne\u2019eb\u00e9 tau Timor-Leste aas-liu, kompara ho nasaun sira S\u00fadeste Aziatiku.\nTuir loloos Governu tenke garante ida-ne\u2019e atu mantein imajen di\u2019ak pa\u00eds nian\niha mundu internasion\u00e1l. <\/p>\n","protected":false},"excerpt":{"rendered":"

Reportazen Francisco JDA Projetu Lei krimininaliza defamasaun ne\u2019ebe prepara hosi Ministeriu Justisa, hetan reasaun hosi Asosiasaun Jornalsta Timor Lorosa\u2019e (AJTL)\u00a0 tanba bele hamate domkrasia iha nasaun demokratiku ida ne\u2019e. Liu hosi konferensia imprensa, Prizdente AJTL, Zevonia Vieira hateten atu proteje kualidade demokrasia no halo povu Timor-Leste sai maduru-liu iha demokrasia, pap\u00e9l m\u00eddia, sosiadade sivil no […]<\/p>\n","protected":false},"author":2,"featured_media":4090,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[28,63],"tags":[],"class_list":["post-4089","post","type-post","status-publish","format-standard","has-post-thumbnail","hentry","category-justisa","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t