{"id":4952,"date":"2020-08-30T03:37:26","date_gmt":"2020-08-30T03:37:26","guid":{"rendered":"https:\/\/neonmetin.info\/buletin\/?p=4952"},"modified":"2020-08-30T04:18:33","modified_gmt":"2020-08-30T04:18:33","slug":"patifor-hetan-apoiantes-eleitoral-besik-30-mill-gregorio-sei-serbisu-ho-responsabilidade","status":"publish","type":"post","link":"https:\/\/neonmetin.info\/buletin\/2020\/08\/30\/patifor-hetan-apoiantes-eleitoral-besik-30-mill-gregorio-sei-serbisu-ho-responsabilidade\/","title":{"rendered":"PATIFOR Hetan Apoiantes Eleitoral Besik 30 mill , Gregorio: Sei Serbisu Ho Responsabilidade"},"content":{"rendered":"\n

Reportazen Zevonia Vieira <\/em><\/strong><\/p>\n\n\n\n

\u201cPartidu ne\u2019e foun no mosu hanesan alternativa no hakarak lao tuir Lei. Ami tenke halo tuir rekezitus, tenke hetan apoiantes kartaun eleitoral 20 mill no minimu kada munisipiu 1000 no ami ultra pasa tiha ona besik 30 mill\u201d.<\/em> Gregorio Saldanha<\/strong> ‘Mouris’<\/strong><\/p>\n\n\n\n

Partidu Timor Forte (PATIFOR) liu hosi konferensia imprensa deklara ba publiku katak PATIFOR prontu sai partidu ida iha Timor-Leste. Liu hosi konferensia imprensa Prezidente Interinu Gregoriu Saldanha ‘Mouris’ ba jornalista sira hateten, iha loron komemorasaun Konsulta Popular ba tinan 21, PATIFOR deklara ba publiku katak tanba responsabildade ba povu Timor-Leste, ami timoroan lubuk ida hodi ami nia naran raasik harii ona iha Dili, Partido Timor Forte iha loron 30 Maiu 2020.<\/p>\n\n\n\n

\u201cOhin PATIFOR komemora fulan tolu ba nia loron moris, bebe ho idade fulan tolu ne\u2019e prepara an hela hodi ba rejistu nudar partidu politiku ida legal iha ita nia rain. Oras ne\u2019e diresaun nasional PATIFOR lao tuir hela prosedimentu legal sira, hodi kompleta rekejitus hotu tuir Lei haruka. Obrigado no parabens ba maluk PATIFOR sira hotu ne\u2019ebe serbisu halibur no prosesa kartaun electoral besik rihun 30 ona\u201d,<\/em> hateten Prezidente Interinu PATIFOR, iha sede PATIFOR Farol, 30\/08.<\/p>\n\n\n\n

Neon Metin halo konfirmasaun relasiona ho Lei Partidu Politiku\nnian hodi kompleta rekejitus sira hanesan tenke halo kongresu hodi hamosu akta,\nhodi nune\u2019e Tribunal Rekursu bele legaliza. Ba Neon Metin Prezidente Gregorio\nSaldanha hateten kongresu sei halo iha tempu badak no PATIFOR tenke kompleta rekezitus\n<\/p>\n\n\n\n

\u201cPartidu ne\u2019e foun no mosu hanesan alternativa no hakarak lao tuir Lei. Ami tenke halo tuir rekezitus, tenke hetan apoiantes kartaun eleitoral 20 mill no minimu kada munisipiu 1000 no ami ultra pasa tiha ona besik 30 mill. Rekezitus sira seluk, ami iha estatutu, iha ona sede nasional no sei identifika sede municipais hotu, balun iha no balun sei prosesa hela no ami tenke halo tuir kriteria. Ami monta uluk kriteria mak ami fiksa ema no funsaun sira. Kriteriu sira seluk ami iha ona hanesan imblema, logo partidu no seluktan. Hau hakarak repete partidu ne\u2019e foun no hakarak lao tuir Lei, ida ne\u2019e mak marka diferensia, tanba diferensia ne\u2019e mak halo ema barak hakarak mai PATIFOR no ida ne\u2019e garantidu\u201d, <\/em>hateten Gregorio.<\/p>\n\n\n\n

Meta saida mak PATIFOR hakarak atinji, hodi partisipa iha eleisaun? Ba Neon Metin Gregorio hateten, \u201cmeta mak diferensia, alvu hotu iha Timor-Leste mak povu hotu tenke moris diak, partidu hotu iha Timor nia hakarak mak povu moris diak desde uluk kedas, ita hili independensia tanba povu hotu hakarak hili povu moris diak\u201d. <\/em><\/p>\n\n\n\n

Nia dehan PATIFOR hakarak halo diferensia katak saida mak\nami koalia ne\u2019e, tenke sai realidade no ami serbisu makaas ona no ami labele\nrepete sala buat ne\u2019ebe uluk lao salah ona.<\/p>\n\n\n\n

Dala barak ema vota tanba hare figura, oinsa ho PATIFOR nia\nhare ba kestaun ida ne\u2019e? mate restu 12 Novembru ne\u2019e hateten ohin ema barak\nhamrik iha ne\u2019e, hodi fo testemunhu no prova katak PATIFOR la mesak no sei lao\nho ema no ema ne\u2019ebe apoiu sei mai tanba diferensia.<\/p>\n\n\n\n

\u201cHamrik ho seriedade iha fulan 3 deit ami hetan ona besik 30 mill ho kartaun original, voluntariu mak boot los, ida ne\u2019e nudar konfiansa hosi militantes no povu fo fiar mai ami no sei halo serbisu ho responsabilidade\u201d,<\/em> tenik Gregorio Saldanha. <\/p>\n\n\n\n

Neon Metin mos halo konfirmasaun karik hetan apoiu fundus\nbalun hodi harii PATIFOR? Ba Neon Metin Prezidente Gregorio hateten, \u201cami rasik\napoiu ami nia an. Partidu ne\u2019e hamrik ho ami nia naran rasik, la uza organizasaun\nruma nia naran, la uza maun ka ema ruma hosi kotuk, hau fiar maluk balun sei\ndeskonfia hela hateten katak maun balun iha ami nia kotuk. Ami uluk kedas iha\ntempu bapa nian tempu, ami assume ona responsabilidade, ohin responsabilidade\nsedauk hotu, ita mate mak responsabilidade sei hotu, ida ne\u2019e mak ami aprende\nuluk no ami nia mestre sira mak hanorin.<\/p>\n\n\n\n

Gregorio mos fo hanoin fila fali katak Timor 18 anos ba\nindependensia no PATIFOR iha vontade atu bele muda buat balun no hatutan saida\nmak uluk juventude sira halo ona iha tempu luta nia laran. <\/p>\n\n\n\n

\u201cTinan 30 resin ba kotuk, kuandu ema hotu lakon vontade, Timor-Leste ne\u2019e resolve ka lae? Ema hotu lakon fiar no juventude lubuk ida hamriik hodi hateten katak ami sei iha, ne\u2019e hanesan responsabilidade, ohin responsabilidade ne\u2019e ami hatutan nafatin ho karakteristiku ne\u2019e ami iha hodi harii partidu ne\u2019e. Ami harii partidu ne\u2019e tanba ezijensia nesesidade povu nian no buka dalan hodi resolve, ami fiar katak laos fasil kuandu hakarak ita sei resolve. Ohin loron PATIFOR hamrik ona nudar prosesa hela nia legalidade tuir Lei\u201d,<\/em> hateten Gregorio<\/p>\n","protected":false},"excerpt":{"rendered":"

Reportazen Zevonia Vieira \u201cPartidu ne\u2019e foun no mosu hanesan alternativa no hakarak lao tuir Lei. Ami tenke halo tuir rekezitus, tenke hetan apoiantes kartaun eleitoral 20 mill no minimu kada munisipiu 1000 no ami ultra pasa tiha ona besik 30 mill\u201d. Gregorio Saldanha ‘Mouris’ Partidu Timor Forte (PATIFOR) liu hosi konferensia imprensa deklara ba publiku […]<\/p>\n","protected":false},"author":2,"featured_media":4953,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-4952","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t