{"id":5787,"date":"2020-11-11T11:59:24","date_gmt":"2020-11-11T02:59:24","guid":{"rendered":"https:\/\/neonmetin.info\/buletin\/?p=5787"},"modified":"2020-11-11T11:59:26","modified_gmt":"2020-11-11T02:59:26","slug":"tinan-20-rksnu-1325-sunita-halo-asaun-no-investimentu-ba-feto-pas-no-seguransa","status":"publish","type":"post","link":"https:\/\/neonmetin.info\/buletin\/2020\/11\/11\/tinan-20-rksnu-1325-sunita-halo-asaun-no-investimentu-ba-feto-pas-no-seguransa\/","title":{"rendered":"Tinan 20 RKSNU 1325,  Sunita: Halo Asaun no Investimentu Ba Feto, Pas no Seguransa"},"content":{"rendered":"\n<p><strong><em>  Reportazen Zevonia Vieira <\/em><\/strong><\/p>\n\n\n\n<p><strong><em>\u201cTimor-Leste nafatin kometidu atu kontinua PAN 1325 faze segundu husi 2021-2025\u201d.<\/em> Vice Ministru Interior<\/strong><\/p>\n\n\n\n<p>Relasiona ho komemorasaun ba tinan 20 hosi Rezolusaun Konsellu Seguransa Nasoens Unidas (RKSNU) 1325 ba Feto, Pas no Seguransa, UN Women, Ministeriu Interior komemora loron importante ho parseiru sira, ho tema Feto, Pas no Poder, Investe ba Feto, Investe ba Futuru. <\/p>\n\n\n\n<p>Liu hosi komunidade imprensa ne\u2019ebe UN Women hateten Timor-Leste halo refleksaun ba nia progresu rasik atu avansa nia Planu Asaun Nasional ba Rezolusaun Konsellu Seguransa ONU 1325 (PAN 1325) 2016-2020. <\/p>\n\n\n\n<p>Lidera husi Ministerio Interior iha koordenasaun ho li\u00f1a\nministerio oi-oin, instituisaun estadu no sosiedade sivil, PAN implementa ona\nho asistensia teknikal husi UN Women no suporta jenerozu husi Governu Japaun.\nIha tinan 2020, Timor-Leste no Japaun hanesan nasaun 1 husi Membru Estadu ONU\n85 ne\u2019eb\u00e9 dezemvolve tiha ona Planu Asaun Nasional ida ba Rezolusaun Konsellu\nSeguransa ONU 1325. PAN 1325 Timor nian suporta atividade sira atu promove no\ngarantia feto sira nia partisipasaun iha pozisaun no prosesu ba foti no halo\ndesizaun sira, inklui seitor defeza no seguransa, har\u00ed pas no dezemvolvimentu.&nbsp;&nbsp;&nbsp; <\/p>\n\n\n\n<p>Dezde adoptasaun PAN 1325 iha 2016, Ministerio Interior\nestabelese ona sekretariadu ida no estrutura koordenasaun ida, hodi servisu\nhamutuk ho li\u00f1a ministerio 12 seluk no organizasaun sosiedade sivil oi-oin atu\nalkansa planu ba atividade 47. <\/p>\n\n\n\n<p>Atividade hirak ne\u2019e relasiona ho Feto, Pas no Seguransa organizadu\nba iha pillar 4 foka ba feto sira nia partisipasaun iha lideransa no foti\ndesizaun, prevensaun ba konflitu violentu, protesaun husi viol\u00e9nsia no diskriminasaun\nno planu responsivu ba j\u00e9neru no justisa ba pos konflitu ba har\u00ed pas. Liuhusi\nprojeitu \u201cHasa\u2019e Feto Nia Partisipasaun Signifikativa iha Har\u00ed Pas no Estadu,\u201d\nGovernu Japaun no UN Women suporta ona Timor-Leste atu implementa ninia PAN\n1325, ho foka ida ba feto nia partisipasaun no papel iha prevensaun konflitu.&nbsp;&nbsp; <\/p>\n\n\n\n<p>Embaixador Japaun ba Timor-Leste,\nKinefuchi Masami, iha nia abertura hateten projeitu millaun $2.8. Nia dehan fundu\nhusi governu Japaun no implementa ho susesu tebes husi UN Women iha tinan hat\n(4) nia laran. Ami mos servisu hamutuk ho Governu no sosiedade sivil Timor-Leste,\n\u201chau hakarak hato\u2019o hau nia agradesimentu ba ema hirak ne\u2019eb\u00e9 involve ba sira\nnia servisu ne\u2019eb\u00e9 dedikadu\u201d.<\/p>\n\n\n\n<p>Nia hatutan governu Japaun suporta\najenda Feto, Pas no Seguransa, ne\u2019eb\u00e9 haforsa feto sira nia papel iha foti\ndesizaun no empoderamentu ein jeral. Ida ne\u2019e parte ida husi avansa seguransa\numanu no ba atinji ODS sira. <\/p>\n\n\n\n<p>Liu hosi komunikadu imprensa Vice Ministro Interior, Antonio Armindo hateten dezde planu ne\u2019e\nadopta iha 2016, nia atividade liu 52% mak implementa ona. Eventu komemorativu\nno hato\u2019o projeitu nia rezultadu sira sei tuir kedas ho diskusaun meza redonda\nida atu rev\u00e9 progresu PAN 1325 no identifika areia prioridade sira atu alkansa\nba oin. <em>\u201cTimor-Leste nafatin kometidu atu kontinua PAN 1325 faze segundu\nhusi 2021-2025\u201d.<\/em><\/p>\n\n\n\n<p>Iha tempu hanesan Xefe Edifisiu UN Women Timor-Leste, Sunita\nCaminha informa katak eventu Timor-Leste nian ida ne\u2019e, tuir malu ho eventu\ndiskusaun global sira ba aniversariu dala 20, ba ajenda Feto, Pas no Seguransa.\nEventu sira ne\u2019e ho relatoriu 2020 Sekretario Jeral ONU nian ba Feto, Pas no\nSeguransa subli\u00f1a tiha ona, husi areia sira ne\u2019eb\u00e9 subli\u00f1a, presija ba atensaun\nno komitmentu ida ne\u2019eb\u00e9 bot liutan ba hasa\u2019e feto sira nia partisipasaun&nbsp; iha lideransa no rozolusaun konflitu, monta\ntarjetu atu fundu diak liu tan organizasaun ba feto sira, investimentu iha\ndadus atu informa politika no halais liutan atu atinji progresu.<\/p>\n\n\n\n<p><em>\u201cIha Timor-Leste nia kontestu,\nkomitmentu ba Feto, Pas no Seguransa hanesan parte husi nasaun nia istoria ba\nrezistensia no reziliensia. Ida ne\u2019e mak komitmentu ida ne\u2019eb\u00e9 lidera ita ba\nadoptasaun PAN 1325 in 2016. Ohin loron, nasaun ne\u2019e tenki foti asaun sira no\nhalo investimentu sira ba Feto, Pas no Seguransa atu sai hanesan parte ida husi\nnia futuru, ne\u2019eb\u00e9 feto iha poder hanesan&nbsp;\nno goza direitu hanesan ba pas ida ne\u2019eb\u00e9 inklusivu no sustentavel,\u201d<\/em>\nhatete Sunita Caminha.<\/p>\n\n\n\n<p>UN Women kolabora ho Ministerio\nInterior, ho fundu\njenerozu husi Governu Japaun hodi rev\u00e9 progresu ba Planu Asaun Nasional ba\nRezolusaun Konsellu Seguransa ONU 1325 no rezultadu husi parseria 2016-2020 ba\nFeto, Pas no Seguransa. <br>\n<br>\n<\/p>\n","protected":false},"excerpt":{"rendered":"<p>Reportazen Zevonia Vieira \u201cTimor-Leste nafatin kometidu atu kontinua PAN 1325 faze segundu husi 2021-2025\u201d. Vice Ministru Interior Relasiona ho komemorasaun ba tinan 20 hosi Rezolusaun Konsellu Seguransa Nasoens Unidas (RKSNU) 1325 ba Feto, Pas no Seguransa, UN Women, Ministeriu Interior komemora loron importante ho parseiru sira, ho tema Feto, Pas no Poder, Investe ba Feto, [&hellip;]<\/p>\n","protected":false},"author":2,"featured_media":5789,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-5787","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/5787","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/2"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=5787"}],"version-history":[{"count":1,"href":"https:\/\/neonmetin.info\/buletin\/wp-json\/wp\/v2\/posts\/5787\/revisions"}],"predecessor-version":[{"id":5790,"href":"https:\/\/neonmetin.info\/buletin\/wp-json\/wp\/v2\/posts\/5787\/revisions\/5790"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/5789"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=5787"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=5787"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=5787"}],"curies":[{"name":"wp","href":"https:\/\/api.w.org\/{rel}","templated":true}]}}