{"id":6084,"date":"2020-12-01T19:55:12","date_gmt":"2020-12-01T10:55:12","guid":{"rendered":"https:\/\/neonmetin.info\/buletin\/?p=6084"},"modified":"2020-12-01T19:55:15","modified_gmt":"2020-12-01T10:55:15","slug":"sustentabilidade-finansa-estadu-no-fundu-petroliferu","status":"publish","type":"post","link":"https:\/\/neonmetin.info\/buletin\/2020\/12\/01\/sustentabilidade-finansa-estadu-no-fundu-petroliferu\/","title":{"rendered":"Sustentabilidade Finansa Estadu no Fundu Petrol\u00edferu"},"content":{"rendered":"\n

Hakerek nain Celestino Gusm\u00e3o Pereira<\/em><\/strong><\/p>\n\n\n\n

Iha\nsemana hirak ikus, Deputadu sira iha Parlamentu Nasional ho Governu loke debate\nimportante sira kona-ba destinu Fundu Petrol\u00edferu, rezerva mina no gas inklui\ndiskute iha ka lae posibilidade Timor-Leste sei hetan fali fonte reseita estadu\nnian hodi troka Fundu Petrol\u00edferu ne\u2019eb\u00e9 sei hotu, atu sustenta ekonomia Estadu\nno povu nian. Infelizmente, seidauk diskute kle\u2019an kona-ba Fundu Petrol\u00edferu\nnud\u00e1r oportunidade atu diversifika ekonomia husi investimentu iha rai laran,\nliu-liu iha set\u00f3r sira ne\u2019eb\u00e9 bele asegura kualidade moris Timor oan sira nian\nno dezenvolve diresaun ekon\u00f3miku ida ne\u2019eb\u00e9 sustent\u00e1vel liu.  <\/p>\n\n\n\n

Fonte\nOrsamentu Jer\u00e1l Estadu Timor-Leste nian, kuaze tot\u00e1lmente mai husi Fundu\nPetrol\u00edferu, ne\u2019eb\u00e9 konverte husi petr\u00f3leu no gas iha Tasi Timor, liu liu mai\nhusi kampu Elang-Kakatua, Kitan no Bayu-Undan. Infelizmente, Elang-Kakatua\nmaran iha 2006 no Kitan maran iha 2015, kampu \u00faniku ativu mak Bayu-Undan ne’eb\u00e9\nm\u00f3s sei maran iha tempu besik. Maske too agora seidauk iha planu\ndezenvolvimentu ba kampu\npetr\u00f3leu no gas husi Greater Sunrise maib\u00e9 bele\nprod\u00fas no f\u00f3 osan balun tan iha futuru hodi selu ba kustu sira programa no\natividade Governu nian iha futuru liu husi Fundu Petrol\u00edferu.<\/p>\n\n\n\n

Apresia\nba ukun na\u2019in sira ne\u2019eb\u00e9 kria ona Lei Fundu Petrol\u00edferu iha 2005 hodi regula\ndezempe\u00f1u fundu soberanu ida ne\u2019e, fundu ida ne\u2019eb\u00e9 preve objetivu jer\u00e1l atu\nkontribui ba pol\u00edtika fisk\u00e1l ne\u2019eb\u00e9 sustent\u00e1vel no atu sustenta jerasaun ohin\nno futuru Timor-Leste nian. Fundu atualmente investe iha merkadu ekidade,\nt\u00edtulu no f\u00f3 empresta ba TimorGAP. <\/p>\n\n\n\n

\"Description:<\/figure>\n\n\n\n

Gr\u00e1fiku iha kraik hatudu katak dezde\n2008 Governu tuituir malu too agora, la tuir matadalan ne’eb\u00e9 hakerek iha Lei\nFundu Petrol\u00edferu ne\u2019eb\u00e9 ko\u00f1esidu m\u00f3s ho naran mata dalan Rendimentu\nSustent\u00e1vel Estimadu (RSE).\n<\/p>\n\n\n\n

Kalkula RSE\n 3%\nhusi total riku-soin mina-rai no valor prezente l\u00edkidu\nba reseita futuru mina-rai, atu subli\u00f1a\nkatak RSE inklui de\u2019it kampu ne\u2019eb\u00e9 iha ona planu dezenvolvimentu. Lei FP m\u00f3s\npermite atu Governu propoin levantamentu liu montante RSE maib\u00e9 tenke justifika\nlevantementu sira atu investe ba interese Timor-Leste nian ba tempu naruk.<\/p>\n\n\n\n

 Too agora, Governu transfere ona osan ne\u2019e\nhamutuk biliaun $12.1, liu husi Orsamentu Jer\u00e1l Estadu kada tinan, reseita petrol\u00edferu\ntotal ne’eb\u00e9 FP hetan ona mak biliaun $23.1, retornu husi investimentu fundu\nnian too agora biliaun $7.2 no saldu bainhira fulan Outubru remata iha Fundu\nPetrol\u00edferu biliaun $18.1. <\/p>\n\n\n\n

Minist\u00e9riu\nFinansa reko\u00f1ese no ilustra katak reseita estadu nian husi Bayu-Undan ba Fundu\nPetrol\u00edferu daudaun ne\u2019e ki\u2019ik tebes kompara ho tinan balun iha pasadu, no\nrezerva husi kampu \u00faniku ne\u2019e sei hotu iha tempu besik. Reko\u00f1ese, nomos ilustra\niha livru OGE 2021 katak Fundu Petrol\u00edferu bele hotu iha\ntinan 2030.<\/p>\n\n\n\n

Governu\nkontinua ho pol\u00edtika fisk\u00e1l antesipada (frontloading fiscal policy), ho objetivu atu hasa\u2019e kreximentu ekon\u00f3miku no\ndezenvolve set\u00f3r privadu, atu iha futuru reseita dom\u00e9stika sei sa\u2019e boot no\ngastu husi fundu petrol\u00edferu sei tuun. Realidade hatudu katak maske ita gasta\nona biliaun $15, inklui biliaun $12 husi Fundu Petrol\u00edferu no biliaun $3 husi\nreseita dom\u00e9stika no empr\u00e9stimu, maib\u00e9 gastu hirak ne\u2019e seidauk harii pot\u00e9nsia\nreseita dom\u00e9stiku ho konsistente, tanba realmente, maioria reseita dom\u00e9stika\nmai husi despeza estadu nian, ne\u2019eb\u00e9 finansia husi Fundu Petrol\u00edferu. Nud\u00e1r\nezemplu mak kuandu Orsamentu Estadu laiha tinan ida ka uza de\u2019it sistema\nduodesimu, reseita dom\u00e9stika hetan kedas kontrasaun. Nune\u2019e m\u00f3s, husi gasta\nsira temi iha leten seidauk hatudu signifikativa kualidade moris sidadaun sira\nnian, set\u00f3r edukasaun, sa\u00fade, bee no saneamentu kontinua iha difikuldade boot. <\/p>\n\n\n\n

Nud\u00e1r\nresposta ba preokupasaun kona-ba mina no gas sei maran no Fundu Petrol\u00edferu sei\nhotu lalais, Governu no deputadu sira hat\u00e1n lalais katak \u201cpresiza\u201d iha esforsu\natu prod\u00fas tan petr\u00f3leu, gas no mineiru hodi troka Fundu Petrol\u00edferu. Diskusaun\niha Panorama Orsament\u00e1l, audi\u00e9nsia p\u00fabliku Parlament\u00e1r no diskusaun iha media,\nGovernu, liu liu Minist\u00e9riu Petr\u00f3leu no Minerais ho instituisaun tutelada sira,\nf\u00f3 lista projetu sira tuir mai; sei halo perfurasaun posu tolu iha kampu Bayu-Undan,\nperfurasaun posu tolu iha Suai no Betano ne\u2019eb\u00e9 lidera husi Timor Resources,\nkontinua halo negosiasaun ba kampu Greater Sunrise ho membru konsorsiu no\nAustralia, kontinua ho konkursu esplorasaun ba bloku 18 no sei avansa lei no\nind\u00fastria mineiru. <\/p>\n\n\n\n

Infelizmente,\nprojetu sira temi iha leten, sei la f\u00f3 tan reseita osan husi konverte mina no\ngas hanesan ita hetan ona husi kampu Bayu-Undan, karik sei hetan uitoan de\u2019it\nhanesan ita hetan ona husi Elang-Kakatua no Kitan ne\u2019eb\u00e9 maran tiha ona,\nTimor-Leste no kompa\u00f1ia operad\u00f3r iha sorte di\u2019ak tanba vida produsaun\nBayu-Undan nian, iha periodu ne\u2019eb\u00e9 folin mina no gas sa\u2019e maka\u2019as. Maske ita\nseidauk hatene bainhira mak sei halo produsaun ba kampu Greater Sunrise, kampu\nida ne\u2019e sei bele f\u00f3 reseita balun ba Timor-Leste, maib\u00e9 ita sei la hetan liu\nida ne\u2019eb\u00e9 hetan husi Bayu-Undan, tanba mudansa iha ekonomia petrol\u00edferu global,\nmudansa klim\u00e1tika no impaktu husi pandemia Covid 19. <\/p>\n\n\n\n

Realidade\natu\u00e1l ezije ajustamentu fundamental husi pol\u00edtika p\u00fabliku Estadu nian, tenke\nkansela projetu ambisiozu sira no investe ba set\u00f3r save sira, hanesan rekursu\numanu (edukasaun, sa\u00fade, nutrisaun) no produtivu (agrikultura, ind\u00fastria ki\u2019ik\natu substitui ba importasaun) ne\u2019eb\u00e9 bele ajuda kapasidade ekon\u00f3miku dom\u00e9stiku\nno hadi’ak povu nian moris. Agora\nsai urgenti tebes tanba, hanesan Governu reko\u00f1ese iha Livru 1 husi Proposta OJE\n2021, impaktu realidade katak Fundu Petrol\u00edferu bele hotu iha 2030 katak \u201cdespeza sei tuun maka\u2019as\nto\u2019o 92% iha tinan 2028\u20102030\u2026ba tokon $386 de\u2019it.\u201d Se ita falta atu hametin ita\nnia servisu b\u00e1ziku, no hamosu set\u00f3r ekon\u00f3miku ne\u2019eb\u00e9 sustent\u00e1vel no produtivu iha tinan sanulu tuir\nmai, ita sei hasoru situasaun grave tebes tanba Governu sei la iha rekursu atu\nfinansia servisu b\u00e1ziku, ka investe iha set\u00f3r xave. Se Timor-Leste la iha\nrekursu ekon\u00f3miku atu sustenta nasaun, ne\u2019e bele f\u00f3 ameasa ba ita nia soberania\nno kria depend\u00e9nsia ba nasaun seluk no aj\u00e9nsia internasion\u00e1l.  Agora mak tempu atu uza Fundu Petrol\u00edferu ho\nmatenek atu evita krize iha futuru. <\/p>\n\n\n\n

Sujere\natu Timor-Leste la tama kle\u2019an liu tan ba depend\u00e9nsia ekonomia petr\u00f3leu, riku\nsoin ne\u2019eb\u00e9 la renova, la barak no la sustent\u00e1vel. Nasaun barak sofre ona\nkonseku\u00e9nsia husi depend\u00e9nsia ba petr\u00f3leu, ezemplu akontese ona iha Nigeria, no\nfatin sira seluk. Timor-Leste la\u2019\u00f3s Nasaun ne\u2019eb\u00e9 \u00faniku depende ba osan husi\nmina no gas, karik TL la uza nian fundu \u00faniku ho kuidadu sei uza riku soin ne\u2019e\nhotu lalais liu.<\/p>\n\n\n\n

Obrigadu barak ba lee na\u2019in sira nian pasi\u00e9nsia hodi lee artigu ida ne\u2019e too hotu. Korajen, ba oin nafatin, nud\u00e1r Estadu no Povu!<\/p>\n\n\n\n

*(Hakerek nain peskizador iha institute La’o Hamutuk, Celestino Gusm\u00e3o Pereira<\/strong>)<\/em><\/p>\n\n\n\n

<\/p>\n","protected":false},"excerpt":{"rendered":"

Hakerek nain Celestino Gusm\u00e3o Pereira Iha semana hirak ikus, Deputadu sira iha Parlamentu Nasional ho Governu loke debate importante sira kona-ba destinu Fundu Petrol\u00edferu, rezerva mina no gas inklui diskute iha ka lae posibilidade Timor-Leste sei hetan fali fonte reseita estadu nian hodi troka Fundu Petrol\u00edferu ne\u2019eb\u00e9 sei hotu, atu sustenta ekonomia Estadu no povu […]<\/p>\n","protected":false},"author":2,"featured_media":6086,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[60],"tags":[],"class_list":["post-6084","post","type-post","status-publish","format-standard","has-post-thumbnail","hentry","category-analisa"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t