{"id":6883,"date":"2021-02-23T10:38:22","date_gmt":"2021-02-23T01:38:22","guid":{"rendered":"https:\/\/neonmetin.info\/buletin\/?p=6883"},"modified":"2021-02-23T10:38:26","modified_gmt":"2021-02-23T01:38:26","slug":"violensia-ho-abuzu-seksual-hosi-uma-kreda-nonok-nuudar-klamar-agresaun-seksual-3","status":"publish","type":"post","link":"https:\/\/neonmetin.info\/buletin\/2021\/02\/23\/violensia-ho-abuzu-seksual-hosi-uma-kreda-nonok-nuudar-klamar-agresaun-seksual-3\/","title":{"rendered":"Violensia ho Abuzu Seksual Hosi Uma-kreda: Nonok Nu\u2019udar Klamar Agresaun Seksual (3)"},"content":{"rendered":"\n

By<\/em><\/strong> Jairton \u201cIra\u2019isi\u201d Marques*

<\/em><\/strong><\/p>\n\n\n\n

Tanba presaun ho Uma-kreda ne\u2019eb\u00e9 nakdoko maka\u2019as, iha fulan Fevereiru tinan ida ne\u2019e (2010), Papa konvoka sorumutuk emerjensia ida ho bispu Irlandia na\u2019in 24 iha Vatikanu. La kleur, Vatikanu deklara katak abuzu seksual hosi amululik sira nu\u2019udar hahalok krimi ho muta ida. Vatikanu husu ba bispu sira iha Irlandia hodi iha kompromisu no serbisu hamutuk ho polisia sira hodi halo investigasaun ba kazu sira abuzu seksual nian.

Abuzu seksual la\u2019os mosu iha fatin seluk de\u2019it, maibe mosu m\u00f3s iha Papa Bento XVI nia rai, Alema\u00f1a. Iha kazu balu da\u2019et m\u00f3s ba Papa Bento XVI rasik. Iha semana hira ikus, Arkidioseze Munike (Monich) nian fo sai nota ida katak amlulik ida hetan akuzasaun halo abuzu seksual ba labarik sira. Amlulik ne\u2019e haruka ba halo terapia, iha tinan 1980 hosi bispu lokal. Bispu lokal ne\u2019e maka Joseph Ratzinger, aktual Papa Bento XVI. Papa Bento XVI, iha tempu ne\u2019eba hanesan Bispu autoriza amululik ne\u2019e ba halo terapia no amlulik ne\u2019e bele fila mai serbisu kuandu halo hotu ona terapia. Wainhira fila, amlulik ne\u2019e halo tan fali abuzu seksual.

Desde Janeiru tinan ida ne\u2019e, Uma-kreda Katolika Alema\u00f1a nian hetan doko tanba abuzu seksual ho violasaun hasoru labarik sira iha eskola ho fatin internamentu sira iha tinan 1970 ho 1980. Entre eskandalu sira ne\u2019eb\u00e9 fo sai, iha m\u00f3s abuzu iha fatin labarik orfaun sira nian ne\u2019ebe dirije hosi Papa Bento XVI nian alin rasik, Bispu Georg Ratzinger.

Iha fulan Fevereiru tinan 2010, Arsebispu (Uskup Agung) Robert Zollitsch ne\u2019eb\u00e9 kaer Konferensia Episkopal Alema\u00f1a nian, husu ona deskulpa kona-ba abuzu seksual ne\u2019eb\u00e9 amlulik sira Katolika nian iha Alema\u00f1a halo, hafoin mosu keisa liu atus ida (100) kona-ba abuzu seksual iha Eskola Internatu Juzuita sira nian iha rai Alema\u00f1a tomak.

Hosi Alema\u00f1a, iha Inglaterra m\u00f3s hasoru problema hanesan. Problema abuza seksual sai tiha hanesan kultura subar ho nonok ida. Iha fulan Juillu tinan 2000, Kardeal Londres nian, Murphy-O\u2019Connor rekui\u00f1ese katak nia la aktua ho loos hodi hosik amlulik ped\u00f3filo ida hodi kontinua halo misa iha tinan 1980 nia laran. Iha 1997 amlulik ne\u2019e hetan kastigu hafoin hetan provas halo abuzu seksual ba labarik mane na\u2019in sia (9) iha tinan ruanulu (20) nia laran.

Uma-kreda Olanda nian mos hetan doku maka\u2019as. Iha fulan Marsu tinan 2010, vitima liu na\u2019in atus tolu (300) halo keisa kona-ba abuzu seksual hafoin semana balu media sira fo sai kona-ba amlulik na\u2019in tolu hosi Kongresaun Saleziana halo abuzu seksual iha dekada balu liu ba. Abuzu ne\u2019e halo iha uma Katolika ida nia laran iha Olanda.

Provas Seluk Kleru sira nia Krimi iha Mundu

Ema barak interesadu halo estudus no hakerek kona-ba krimi sira hosi Uma-kreda nian. So iha rai sira subdezenvolvidu ou seidauk dezenvolvidu, inklui Timor Lorosa\u2019e, maka ema la brani halo estudus ou hakerek kona ba hahalok aat kardeal, bispu ho amlulik sira nian. Basaa, iha rai sira subdezenvolvidu, sei tabu hela ba sarani sira ko\u2019alia kona-ba kardeal, bispu ho amlulik sira nia moris tanba sira haree amlulik sira hanesan santu no moos hanesan batina mutin ne\u2019eb\u00e9 sira tau. Maibe iha batina moos ho mutin sira ne\u2019e nia kotuk, dala ruma iha kosar ho katuma ne\u2019eb\u00e9 ita la haree tanba subar an hosi batina laran. Atu hatene buat hirak ne\u2019e presiza halo estudus, presiza tempu hodi deskobre buat sira ne\u2019eb\u00e9 ita nia matan la haree.

Iha rai Amerika ho Europa, investigador sira, halo ona no sei halo nafatin estudus hodi deskobre segredu ho misteriu iha Uma-kreda laran. Estudus la\u2019os halo hosi de\u2019it ema investigador baibain sira, balu hosi Igreja rasik nu\u2019udar meiu ida hodi labele hosik Uma-kreda monu ba iha desgrasa. Tuir mai ita haree fuan hosi estudus ho investigasaun sira ne\u2019eb\u00e9 deskobre eh hetan buat foer sira subar metin iha batina ka Uma-kreda laran.

Iha loron 27 fulan Fevereiru tinan 2004, The Associated Press<\/strong> fo sai hakerek ida ho titulu \u201cTwo Studies Cite Child Sex Abuse by 4 Percent of Priests<\/strong>\u201d, hosi Laurie Goodstein, iha ne\u2019ebe dehan porsentu 4 abuzu seksual halo hosi amlulik sira Uma-kreda Katolika nian.

Hafoin tinan 1970, ema na\u2019in 1 hosi amlulik na\u2019in 10 hetan akuzasaun halo abuzu seksual. Hosi tinan 1950 to\u2019o tinan 2002, iha abuzu seksual ne\u2019eb\u00e9 hetan keisa hosi labarik sira hamutuk 10.667 no bispu ho amlulik sira be halo abuzu seksual hamutuk 4.392. Estudu ne\u2019e halo hosi The American Catholic Bishops<\/strong> iha tinan 2002 nu\u2019udar resposta ba akuzasaun sira subar kazu abuzu seksual ne\u2019eb\u00e9 pratika hosi ulun boot sira Uma Kreda nian.

A.W. Richard Sipe, amlulik Katoliku ida hakerek livru ida ho titulu \u201cSex, Priests<\/strong>, and Power<\/strong>: Anatomy of a Crisis<\/strong>\u201d (1995). Livru ne\u2019e konta istoria kona-ba hahalok seksual amlulik sira nian. Nu\u2019udar ilustrasaun, iha loron 17 fulan Novembru, Televizaun Olanda nian fo sai programa ida ho minutu 17 kona-ba abuzu seksual hosi figura sira relijiaun Kristaun iha Amerika. Hafoin fo sai hotu, loron ida tuir mai, ema hamutuk 300 telefone ba estasaun Televizaun nee no hateten katak sira m\u00f3s hetan abuzu seksual hosi amlulik sira Olanda nian.

Iha tinan 2002, The Boston Globe<\/strong> m\u00f3s hasai livru ida ho titulu: \u201cBetrayal: The Crisisin the Catholic Church<\/strong>\u201d, iha ne\u2019eb\u00e9 sobu hotu kedas traisaun ho eskandalu seks ulun sira Uma Kreda Katolika nian.

Sobu ho halekar eskandalu seks sira ne\u2019e hamosu krize ida seriu tebes iha Uma Kreda Katolika nia laran… Abuzu seksual, liliu hasoru labarik sira, seriu tebes duni.

Nu\u2019udar ezemplu, iha tinan 1992, iha Sudueste Massachusetts, hetan amlilik ida de\u2019it naran James R. Porter, halo abuzu seksual hasoru labarik sira hamutuk atus ida (100) resin.

Nusa maka buat sira ne\u2019e mosu?

La Republica<\/strong>, jornal It\u00e1lia nian ida, ne\u2019eb\u00e9 publika iha Vatikanu iha loron 21 fulan Marsu tinan 2001 deskreve kona-ba abuzu seksual ho violasaun barak hosi amlulik ho bispu sira hasoru madre sira. Tuir jornal ne\u2019e bispu ho amlulik sira obriga madre sira hodi halo abortu ka oho kosok oan iha kabun laran hodi evita eskandalu hirak ne\u2019e nakloke sai ba publiku.

Iha notisia ne\u2019e, naksobu segredu ne\u2019eb\u00e9 dehan bispu ho amlulik sira uza autoridade relijiaun sira nian iha rai balu, hodi halo relasaun seksual forsadu ou obriga madre sira hodi halo relasaun seksual ho bispu no amlulik sira. Buat ne\u2019e prova hosi relatoriu ida kona-ba akontese abuzu seksual barak iha rai 23, rai balu hanesan EUA, Brazil, Filipinas, \u00cdndia, Irlandia, It\u00e1lia ho rai Afrika balu. La\u2019os de\u2019it iha rai sira ne\u2019e, buat ne\u2019ebe halo hakfodak maka abuzu seksual ne\u2019e mosu rasik iha fuan Uma-kreda Katolika nian iha Vatikanu.

Notisia ne\u2019e hateten katak: Xefe Madre sira nian iha Uma-kreda ida, depropozitu lakohi fo sai nia naran, hateten katak amluli sira iha Uma-kreda, fatin be nia serbisu ba, halo ona abuzu seksual hasoru madre na\u2019in 29 ne\u2019eb\u00e9 hetan iha ninia Dioseze. Wainhira madre ida informa kazu ne\u2019e ba Bispu Boot (arcebispo), nia hetan kedan espulsaun hosi nia serbisu<\/strong>.

Iha Uma-kreda seluk, tuir relatoriu ne\u2019e, amlulik sira iha ne\u2019eba husu arranja madre hodi satisfaz sira nia nesesidade biolojika. Iha notisia ne\u2019e hateten katak, hafoin loke sai kazu ne\u2019e, parte Uma-kreda nian haruka tiha bispu sira be envolve iha abuzu seksual ba rai-li\u2019ur hodi kontinua sira nia estudus ou haruka sira ba Dioseze seluk durante tempu balu.

Madre sira be ta\u2019uk fila ba nia uma obriga hodi hosik hela Uma-kreda, ne\u2019eduni barak hosi sira muda profissaun sai prostituta.

Iha relatoriu ne\u2019e dehan m\u00f3s katak, iha fulan hira liu ba, hetan rede bispu ho amlulik sira iha Vatikanu, ho n\u00edvel oioin, ne\u2019eb\u00e9 hatuduk hahalok seks desviante (homoseks) no uza narkotika.

Bispu Nova Yorke ho Boston ne\u2019eb\u00e9 iha pozisaun boot liu hotu iha Uma-kreda Amerika nian hetan presaun maka\u2019as hodi hosik hela sira nia pozisaun, hafoin namakari notisia katak sira na\u2019in rua maka iha eskandalu seks sira ne\u2019e nia kotuk, sira rua maka iha abuzu seksual sira pratika hosi maioria amlulik sira nia kotuk.

Bispu Milouki hetan akuzasaun subar informasaun kona-ba abuzu sira ne\u2019e. Xefe Bispu Boston nian, Kardeal Bernard Lu, ne\u2019eb\u00e9 halo ona tinan 70, hetan akuzasaun katak nia hatene Bispu balu iha ninia Dioseze halo beibeik abuzu seksual hasoru labarik sira. Maibe nia la fo kastigu ruma ba sira, maibe muda de\u2019it sira ba Dioseze seluk, iha ne\u2019eb\u00e9 bispu sira ne\u2019e bele buka vitima foun sira seluk.

Seluk ho ne\u2019e, iha m\u00f3s eskandalu hanesan iha St. Louis, Florida, Calif\u00f3rnia, Philadephia ho Detroit, iha Amerika hotu.

Amlulik sira, serkade 300 hasoru akuzasaun abuzu seksual hasoru labarik sira be otas ki\u2019ik.

Kardeal m\u00f3s hetan protestu maka\u2019as tanba la fo kastigu ruma ba eis-amlulik John Geogon ne\u2019eb\u00e9 fiar katak halo ona abuzu seksual hasoru labarik atus ida (100) iha tinan ruanulu (20) nia laran, maibe muda nia de\u2019it ba Dioseze seluk.

Eskandalu Uma-kreda nian ne\u2019e gasta ona osan to\u2019o d\u00f3lar tokon hodi halo dame ho vitima sira iha li\u2019ur tribunal nian. M\u00f3s dehan Dioseze balu atu taka tanba osan sai hotu ba selu eskandalu sira ne\u2019e.

Oin-sa Subar Abuzu Seksual iha Uma-kreda?

Maski numeru kona-ba abuzu seksual halo hakfodak tebes, kazu sira pedofilia nian ne\u2019ebe fo sai ona seidauk han malu ho faktu ne\u2019eb\u00e9 akontese tanba nem vitima hothotu brani fo sai kriminozu ou abuzador sira no seluk fali Uma-kreda rasik iha ninia dalan hodi subar kardeal, bispu ho amlulik ped\u00f3filo ho violador hasoru sarani ho madre sira. Dalan ida maka transfere ou muda sira be kaer toman halo violasaun seksual ba Dioseze seluk ou haruka ba rai seluk hodi labele kaer toman.

Dokumentariu BBC London nian, hetan bandu labele fo sai iha Brazil, Portugal ho It\u00e1lia kona-ba abuzu seksual ho pedofilia ne\u2019ebe fiar-na\u2019in Katoliku sira halo iha rai balu hanesan Amerika, Irlandia ho Brazil, ne\u2019eb\u00e9 Igreja Vatikanu taka metin hela.

Iha v\u00eddeo ida hatudu jornalista BBC iha Rio de Janeiru, ne\u2019ebe relata kona-ba kazu Papa Tarcisio Tadeu Spricigo katak sidade Annapolis viola eh halo abuzu ba labarik maneoan ida ho tinan lima (5). \u201c… Polisia iha Saun Paulo ba buka atu hatene kazu abuzu seksual ba labarik sira, abuzador ne\u2019e hetan ona transferensia minimal dala haat (4) hosi parokia ida ba parokia seluk, maski nune\u2019e, nia kontinua halo violasaun ba labarik sira iha fatin sira ne\u2019ebe nia ba…\u201d<\/strong> (http:\/\/www.blogdoatheneu.org\/blog\/?p=2271&lang=id).

\u201cBispu hatene sa-ida maka nia halo, maibe hateten de\u2019it katak nia di\u2019ak tiha ona\u201d. Iha tempu ne\u2019eba Kardeal Ratzinger, agora Papa Bento XVI, maka fo \u201cinstrusaun ba kauza abuzu seksual ba labarik, tan ne\u2019e, nia hatene hotu hahalok ho akuzasaun hasoru kleru sira. \u201cIgreja muda ema sira abuzador hosi parokia ida ba parokia seluk, iha ne\u2019eb\u00e9 sira kontinua halo krimi seksual seluk. Ne\u2019e iha tempu hothotu, iha ne\u2019eb\u00e9 de\u2019it iha mundu tomak. Enkuatu eskandalu abuzu seksual doko EUA no Vatikanu buka razaun hodi justifika, iha Brazil fiar-na\u2019in sira seluk viola dadaun labarik ida…Iha eskola sira bolu \u201clabarik feto nia aman\u201d; ninia avo hateten katak labarik hakarak atu oho an.

Bispu Stephan Ackerman, simu knaar ba esklarese eskandalu abuzu seksual kontra labarik sira ne\u2019ebe halo hosi amlulik sira iha Alema\u00f1a, du\u2019un Uma-kreda katak \u201cla iha vontade atu esklarese\u201d no \u201chalo disimulasaun<\/strong>\u201d. (Rhein Zeitung, 16\/03\/2010).

Tuir Bispu Stephan, iha fatin sira be la iha vontade atu esklarese no fatin sira be autor abuzu seksual transfere sai, ita bele admite katak iha disimulasaun iha kazu hothotu ne\u2019ebe iha. \u201cIha diskusaun sira iha loron ikus ha\u2019u persebe ona katak ami konsentra liu ba proteje autor (abuzador) sira<\/strong>\u201d. Bispu ne\u2019e hakarak dehan iha sira nia diskusaun la buka loke sai bispu ho amlulik sira ne\u2019ebe halo abuzu seksual, maibe proteje fali sira. Ne\u2019e signifika vitima sira la hetan justisa no kontinua sai vitima nafatin.

Uma-kreda matenek tebes subar nia ema sira halo abuzu seksual, muda tun muda sa\u2019en nia ema violador sira hodi la koopera ho polisia hodi buka lia loos.

Muda bispu ho amlulik abuzador seksual sira ba mau sai tiha kultura ida, iha ne\u2019eb\u00e9 kardeal, bispu ho amlulik sira hosik tutan ba malu hodi subar sira nia krimi. Muda ba dioseze seluk ou haruka ba estuda no ne\u2019eb\u00e9 grave liu ou ema toman ona, haruka muda tiha ba rai-li\u2019ur. Iha kazu barak, la iha kastigu ruma hanesan hasai violador sira hosi kardeal, bispu ho amlulik, maibe muda tun muda sa\u2019en hodi sees hosi
justisa no sees hosi kondenasaun sarani sira nian.

Dalan seluk hodi subar krimi maka halo presaun ba vitima ho sasin sira hodi \u201clabele husu<\/strong>\u201d ho \u201clabele hateten sai<\/strong>\u201d. Seluk ho ne\u2019e ameasa ho deskomunga vitima ho sasin sira. Tanba ema hotu ta\u2019uk, ne\u2019eduni, Uma-kreda nia segredu iis uitoan m\u00f3s la sai, maibe buat ida taka metin sei nakfera iha loron ida. Bee nakali sei halo sana-matan haksoit sai tanba taka metin tebes no wainhira loke oituan sei loke tomak hotu. Maibe di\u2019ak liu loke duke Uma-kreda rahun tanba de\u2019it kaerdela, bispu ho amlulik balu nia hahalok. Buat ne\u2019eb\u00e9 nakloke sei metin no buat ne\u2019eb\u00e9 taka metin sei rahun.

Pedofilia mosu iha setor sosiedade hothotu nian, neduni kondena de\u2019it Uma-kreda hanesan hamalahok realidade ne\u2019ebe iha. Maibe tenki klaru katak krimi sira mosu hosi Uma-kreda no pratika hosi autoridade ekleziastika sira hanesan buat ida ne\u2019eb\u00e9 kondenavel no hakribi tebtebes tanba sira nia responsabilidade maka fo edukasaun ho moral Igreja nian.

Akuzasaun ho kondenasaun sira hasoru Uma-kreda hatudu karater reasionariu ho monstruozu ne\u2019eb\u00e9 Uma-kreda Katolika iha. Reprimi no kontra kualker tipu liberdade feto sira nian, hanesan ezemplu, kriminaliza feto sira ne\u2019eb\u00e9 halo abortu no bandu labele uza kondom, antikonsepsional ho planeamentu familiar, maibe sira rasik livre halo buat hirak ne\u2019e. Deskomunga inan-aman, padri\u00f1u ho madri\u00f1a sira tanba dehan la hatene hanorin nia oan sira, maibe hosi baki instituisaun sira Uma-kreda nia laran, kardeal, bispu ho amlulik balu halo hela abuzu seksual ba labarik sira, ba sarani feto sira no ba madre sira. Obriga madre sira isin rua hodi halo abotu tanba rezultadu hosi abuzu seksual forsadu ida, no halo madre balu sai stress no monu iha prostituisaun. Buat hirak ne\u2019e hotu hatudu momoos promosaun komportamentu ida kontrariu ho doutrina moral Katolika nian ou adopta pozisaun sira ne\u2019eb\u00e9 kontraria ba direitu moris ba buat moris hotu nian.

Segredu ho misteriu sai hanesan duit ida ho matan rua ne\u2019eb\u00e9 tulun tebes Uma-kreda hodi subar ninia hahalok amoral. Susar sobu sai hahalok sira da\u2019et ho ambispu ho amlulik sira nia hahalok tanba hahalok sira ne\u2019e sei hanesan buat tabu ida. Hein katak artigu ida ne\u2019e hanesan lilin oan ida iha fatuk ko\u2019ak hodi lenu sarani sira nia n\u00e9on ho hanoin katak, ambispu ho amlulik sira m\u00f3s ema sala na\u2019in hanesan ita, ne\u2019eduni ita presiza kontrola sira nia hahalok ho lala\u2019ok hodi hametin nafatin Uma-kreda ne\u2019eb\u00e9 ita sarani hotu halo parte ba.

Provas sira iha leten kona ba abuzu seksual hatudu katak ema sira ita konsidera nu\u2019udar santu, nu\u2019udar liman-ain Jesus Kristu nian, no dala ruma ita adora hanesan Maromak hotu, sira maka trai rasik doutrina ho moral ne\u2019ebe sira hanorin. Sira hanorin buat ida ba ita no sira halo buat seluk. Buat hirak ne\u2019e hotu kontribui ba degradasaun eh dekadensia moral ohin loron nian, basaa, ema sira be prega doutrina Kristu nian no haklaken moral ba mundu, sira lakon autoridade hodi ko\u2019alia kona ba moral ho etika tanba sira mos hanesan ema baibain ona: bosok maka\u2019as, subar metin sira nia krimi, no grave liu tan halo abuzu seksual ne\u2019eb\u00e9 la sei hetan pardaun ruma hosi se de\u2019it.

Semana-semana sarani sira fo esmola ba Uma-kreda. Ema balu osan la iha m\u00f3s fo osan la hanoin tanba sira hanoin, bele ki\u2019ak ba m\u00f3s tulun Igreja sempre hanesan buat di\u2019ak ida hodi loron ikus sei manan la lehan. Ironiku tebes sarani sira, fo tiha osan ba Uma-kreda hodi tulun kardeal, bispu ho amlulik sira nia moris, depois sira fila halo abuzu seksual ba sarani sira nia oan ho sarani feto adultu balu. Sarani sira lakon dala rua, dahuluk oan sira sai vitima no darua lori sarani sira nia osan hodi selu fali ba sarani sira tanba abuzu seksual ne\u2019ebe halo ba nia oan sira.

Haree ba abuza seksual sira temi iha leten, karik la\u2019os krimi, di\u2019ak liu hosik papa, kardeal, bispu, malulik ho madre sira kaben, basaa, wainhira sira kaben ona, tentasaun atu halo abuzu seksual m\u00f3s menos no sira m\u00f3s bele responsabiliza ba sarani feto sira be ko\u2019us oan ba sira. Di\u2019ak liu hosik sira kaben duke hosik sira mesak no halo krimi ne\u2019eb\u00e9 sei sobu de\u2019it Uma-kreda nia naran. Haree de\u2019it, amlulik sira Anglikan ho Protestante sira nian, sira kaben no iha oan, sira kotinua serbisu nafatin ba Maromak no sarani sira, maibe sira ladun monu barak hanesan kleru sira Katoliku nian.

Konkluzaun

Uma-kreda nu\u2019udar knuuk moral ho etika nian. Tanba ne\u2019e maka ita presiza hametin nafatin Uma-kreda. Infelizmente, sira be ita tau fiar ho laran metin ba sira hanesan kardeal, bispu ho amlulik balu maka iha uluk oin hodi hamonu Uma-Kreda nian naran, fama, dignidade ho kredibilidade.

Abuzu seksual hasoru labarik sira, feto otas boot ho madre sira kontra tebes prinsipiu ho valor sira ne\u2019eb\u00e9 Uma-kreda prega ou hanorin rasik. Ne\u2019eduni, atu evita buat hirak ne\u2019e hodi labele mosu, maka dalan di\u2019ak liu, karik ema ruma hatene no haree abuzu sira ne\u2019e, liliu vitima sira tenki fo sai ba publiku, basaa, imi nia esperiensia aat bele tulun salva labarik sira seluk, bele proteje sarani feto ho madre sira no hametin Uma-kreda rasik.

Ita tenki rekuinese katak papa, kardeal, bispu, amlulik ho madre sira, sira m\u00f3s ema hanesan ita, sira m\u00f3s iha moras ho frakeza, ne\u2019eduni maka halo ona buat aat sira ne\u2019eb\u00e9 sira halo tiha ona. Atu evita buat hirak ne\u2019e, la\u2019os krimi no sei respeitadu liu, di\u2019ak liu hosik kleru sira kaben.

)* Observador Politika no Sosial
E-mail: jairques@gmail.com<\/strong><\/p>\n\n\n\n

Foti hosi https:\/\/forum-haksesuk.blogspot.com\/2010\/04\/violensia-ho-abuzu-seksual-hosi-uma.html<\/a> (23 Febreiru 2021)<\/em><\/em><\/p>\n","protected":false},"excerpt":{"rendered":"

By Jairton \u201cIra\u2019isi\u201d Marques* Tanba presaun ho Uma-kreda ne\u2019eb\u00e9 nakdoko maka\u2019as, iha fulan Fevereiru tinan ida ne\u2019e (2010), Papa konvoka sorumutuk emerjensia ida ho bispu Irlandia na\u2019in 24 iha Vatikanu. La kleur, Vatikanu deklara katak abuzu seksual hosi amululik sira nu\u2019udar hahalok krimi ho muta ida. Vatikanu husu ba bispu sira iha Irlandia hodi iha kompromisu […]<\/p>\n","protected":false},"author":3,"featured_media":6879,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[60],"tags":[],"class_list":["post-6883","post","type-post","status-publish","format-standard","has-post-thumbnail","hentry","category-analisa"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/6883","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/3"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=6883"}],"version-history":[{"count":1,"href":"https:\/\/neonmetin.info\/buletin\/wp-json\/wp\/v2\/posts\/6883\/revisions"}],"predecessor-version":[{"id":6884,"href":"https:\/\/neonmetin.info\/buletin\/wp-json\/wp\/v2\/posts\/6883\/revisions\/6884"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/6879"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=6883"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=6883"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=6883"}],"curies":[{"name":"wp","href":"https:\/\/api.w.org\/{rel}","templated":true}]}}