{"id":7636,"date":"2021-04-05T21:53:31","date_gmt":"2021-04-05T12:53:31","guid":{"rendered":"https:\/\/neonmetin.info\/buletin\/?p=7636"},"modified":"2021-04-05T21:53:32","modified_gmt":"2021-04-05T12:53:32","slug":"ss-impaktu-ba-negosiante-tiga-roda-isabel-osan-laiha-hola-pulsa-ba-oan-tuir-eskola-online","status":"publish","type":"post","link":"https:\/\/neonmetin.info\/buletin\/2021\/04\/05\/ss-impaktu-ba-negosiante-tiga-roda-isabel-osan-laiha-hola-pulsa-ba-oan-tuir-eskola-online\/","title":{"rendered":"SS, Impaktu ba Negosiante Tiga Roda, Isabel: Osan Laiha Hola Pulsa Ba Oan Tuir Eskola Online"},"content":{"rendered":"\n

Reportazen David da Costa Gusmao*<\/em><\/strong><\/p>\n\n\n\n

Relasiona ho Serka Sanitaria (SS) ne’ebe mak governu deside kontinua extende ba fulan ida, tanba impaktu hosi numeru kazu COVID-19 ne’ebe mak sae bebeik kada loron, halo negosiante tiga roda sira faan nia sasan iha dalan ninin, la hetan rendementu ne’ebe mak diak, atu sustenta sira nia moris loron loron.<\/p>\n\n\n\n

Jornaliata Neon Metin tun iha tereinu hodi observa situasaun iha Tasi tolu iha loron 3 Abril, dada lia ho negosiante tiga roda, Isabel Soares hosi Bobonaro ne\u2019ebe tur hela iha ai-hun besik tasi ibun, hodi taka netik lona ba nia tiga roda.<\/p>\n\n\n\n

Ba Neon Metin Isabel konfesa katak Serka Sanitaria ne\u2019ebe governu implementa, fo impaktu ba sasan ne\u2019eb nia faan, tanba la folin hotu, no bainhia oan sira husu osan, atu hola pulsa telefone nian, hodi uza ba eskola online, Isabel hatan osan laiha tanba sasan ne’ebe faan ema la hola.<\/p>\n\n\n\n

“Ami faan sasan iha ne’e mos ema la hola, maun sira mos mai duni ami haruka ami ba uma ona, ami hatan ami ba uma atu han fali saida. maibe hau nia oan sira iha foho mos telefone husu osan, atu hola pulsa telefone nian, hodi tuir eskola online, osan laiha ne’e atu halo nusa, labarik sira \u00a0tanis mak dehan ba hau”, <\/em>dehan negosiante\u00a0 Tiga Roda ne”e iha Tasi Tolu, 03\/04.<\/p>\n\n\n\n

Isabel moris nudar feto faluk, nia fahe malu ona ho nia kaben tina 12 liuba, nune\u2019e nia todan aumenta liutan, tanba tenke luta mesak ba nia oan sira nia future, tanba aman hosi oan sira la preokupa ona. Situasaun ne\u2019e halo Isabel tenke luta mesak, domin ba nia oan sira atu hetan futuru diak, ida ne\u2019e mak inspira Isabel iha tempu susar ida ne\u2019e, hodi buka moris.<\/p>\n\n\n\n

“Hau nia oan nain Lima, ami rua hau nia laen fahe malu ona, hau nia oan nain tolu hau nia maun lori tia mai Dili, ho ida ne’e mak hau tuir mai iha Dili \u00a0hodi faan saan atu haree sira nia eskola, \u00a0nain tolu iha Dili sei SD, no nain rua iha Bobonaro ne’e mak eskola iha \u00a0SMA-K, ne’e mak sira husu osan ba hau, atu hola pulsa maibe hau osan laiha,\u201d<\/em>nia dehan.<\/p>\n\n\n\n

Nia esplika sasan ne’ebe nia faan ne’e, nia kredit iha koperativu $300, hodi bele hola sasan no faan fila fali,  hodi bele haree oan sira nia  eskola. Kada semana setor $13,50 cen, seidauk setor hotu no sei hela $120<\/p>\n\n\n\n

Isabel dehan antes seidauk iha serka sanitaria, loron ida sorti iha bele hetan $2,00 no sorti laiha labele hetan, maibe iha tempu agora ne’e loron ida tur to\u2019o kalan mos ema la hola.<\/p>\n\n\n\n

Iha fatin hanesan mos negosiante Tiga Roda, Domingos Soares husi Ermera sente triste los iha situasaun serka sanitaria ne’ebe besik fulan ida ona,  nia  faan sasan ema nunka hola hanesan baibain, maibe  seidauk iha serka sanitaria, loron ida nia faan bele hetan $5,00 -$ 10,00.<\/p>\n\n\n\n

“Iha situasaun serka sanitaria ne’e sasan ami faan ema nungka hola hanesan baibin, loron ida bele hetan deit $0,25 cen to’o iha $1,00, ida ne\u2019e atu augenta ba moris loron-loron mos la sufisiente. Tanba ami iha uma laran iha nain haat. Osan ne’ebe iha, ami foti hodi hola fos lata rua ka tolu hodi tein han hamutuk ho labraik sira”,<\/em> nia espresa.<\/p>\n\n\n\n

Nia husu ba VIII Governu Konstitusional atu haree ba iha povu sira ne’ebe \u00a0mak laiha ona forsa atu hola hahan, ajuda neitik fos ruma ba “ami povu kiik sira hodi bele ami augenta ba moris hodi hasoru Corona ne’e.<\/p>\n\n\n\n

*(David da Costa Gusmao nudar estudante UNTL ne’ebe halo estajiu iha Neon Metin)<\/em><\/strong><\/p>\n","protected":false},"excerpt":{"rendered":"

Reportazen David da Costa Gusmao* Relasiona ho Serka Sanitaria (SS) ne’ebe mak governu deside kontinua extende ba fulan ida, tanba impaktu hosi numeru kazu COVID-19 ne’ebe mak sae bebeik kada loron, halo negosiante tiga roda sira faan nia sasan iha dalan ninin, la hetan rendementu ne’ebe mak diak, atu sustenta sira nia moris loron loron. […]<\/p>\n","protected":false},"author":2,"featured_media":7637,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[11],"tags":[],"class_list":["post-7636","post","type-post","status-publish","format-standard","has-post-thumbnail","hentry","category-feature"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t