{"id":8167,"date":"2021-05-01T13:05:28","date_gmt":"2021-05-01T04:05:28","guid":{"rendered":"https:\/\/neonmetin.info\/buletin\/?p=8167"},"modified":"2022-07-31T20:49:50","modified_gmt":"2022-07-31T11:49:50","slug":"viajem-problematika-ho-malindo-air-problema-nia-hun-no-nia-solusaun","status":"publish","type":"post","link":"https:\/\/neonmetin.info\/buletin\/2021\/05\/01\/viajem-problematika-ho-malindo-air-problema-nia-hun-no-nia-solusaun\/","title":{"rendered":"Viajen Problem\u00e1tika ho Malindo Air, Problema nia hun no nia Solusaun"},"content":{"rendered":"\n

Reportazen Zevonia Vieira, David da Costa<\/em><\/strong><\/p>\n\n\n\n

Aviaun Malindo ho No. flight OD 8214 tula Pasajeiru na\u2019in 90, maioria timoroan ne\u2019eb\u00e9 deskola (take off) hosi Aeroportu Internasion\u00e1l Nicolau Lobato, Dili, iha loron 18 Abr\u00edl 2021, tuku 09:00 dadeer, ho destinu final Aeroportu Internasion\u00e1l Kuala Lumpur, Selangor-Mal\u00e1zia. Pasajeiru timoroan sira iha aviaun ne\u2019e, nia destinu final mak Aeroportu Internasion\u00e1l Heathrow, Londres, Inglaterra. Hosi itiner\u00e1riu ne\u2019eb\u00e9 hakerek iha billete, hosi Kuala Lumpur pasajeiru timoroan sira ne\u2019e sei halo \u201cconnecting flight\u201d ba Inglaterra ho kompa\u00f1ia a\u00e9rea KLM ne\u2019eb\u00e9 sei transit iha Aeroportu Schiphol, Amsterdam, Olanda.<\/p>\n\n\n\n

Karik bainhira sai hosi Dili, timoroan sira ne\u2019e laran haksolok tanba dalan atu konkretiza mehi ne\u2019eb\u00e9 kuda iha sira ida-idak nia neon hah\u00fa luan, maib\u00e9 aviaun Malindo nia tuun iha Aeroportu Internasion\u00e1l Kuala Lumpur, tuku 12:10 meiudia, oras Mal\u00e1zia nian, hat\u00fan m\u00f3s sira nia mehi. Sira nia mehi ne\u2019eb\u00e9 fofoun aas ho aviaun Malindo nia semo nakfilak sai mehi-aat. Mehi-aat liu mak pasajeiru timoroan na\u2019in 35. Hafoin trankadu ho laran taridu iha Aeroportu Kuala Lumpur besik semana ida, kompa\u00f1ia a\u00e9rea Malindo ho interm\u00e9diu Pedro Carrascal\u00e3o deside tula fila sira mai Dili iha loron 24Abril 2021.<\/p>\n\n\n\n

Situasaun ne\u2019eb\u00e9 pasajeiru timoroan sira ne\u2019e hasoru iha Aeroportu Kuala Lumpur, aleinde sai not\u00edsia primeira p\u00e1jina iha media nasion\u00e1l balun, sai mos diskusaun publika iha media sosi\u00e1l. Opiniaun sira iha not\u00edsia no media nasional atribui kulpa ba aj\u00e9nsia viajen NARPOV. Hanoin balun, liuliu iha media social buka atribui kulpa ba governu, liuliu Minist\u00e9riu Neg\u00f3siu Estranjeiru no Kooperasaun. Seluk akuza Embaixada Timor-Leste iha Mal\u00e1zia \u201cla halo buat ida.\u201d<\/p>\n\n\n\n

Bainhira ho interm\u00e9diu Pedro Carrascal\u00e3o, kompa\u00f1ia a\u00e9rea Malindo deside tula fila pasajeiru timoroan na\u2019in 35 mai Dili, opiniaun sira iha media nasion\u00e1l hahi\u2019i no tane Pedro nu\u2019udar \u201csalvad\u00f3r\u201d ba situasaun ne\u2019eb\u00e9 mosu iha Aeroportu Kuala Lumpur hasoru timoroan sira ne\u2019e. Pedro sai \u201csalvad\u00f3r\u201d tanba tuir opiniaun iha media nasion\u00e1l no media social, la\u2019os de\u2019it f\u00f3 solusaun atu aluga aviaun Malindo tula fila timoroan na\u2019in 35 ne\u2019e fila mai Dili, maib\u00e9 m\u00f3s tanba Pedro mak sustenta timoroan sira ne\u2019e nia akomodasaun, hah\u00e1n no hotel, durante besik semana ida iha Mal\u00e1zia. Aj\u00e9nsia viajem NARPOV ho governu Timor-Leste sai \u201cpecador.\u201d \u00a0\u201cPecado\u201d ne\u2019eb\u00e9 governu Timor-Leste boot liut\u00e1n to\u2019o hada\u2019et entidade Estado nian ne\u2019eb\u00e9 responsabiliza ba teste swab ka Polymerase Chain Reaction (PCR) test<\/em> COVID-19, hafoin Pedro Carrascal\u00e3o nia deklarasaun ba media iha Aeroportu Nicolau Lobato katak, razaun pasajeiru sira ne\u2019e labele kontinua sira nia viajen tanba kualidade teste PCR iha Timor-Leste \u201cla di\u2019ak.\u201d<\/p>\n\n\n\n

\"\"
Timor oan sira ne’ebe infrenta problema iha aero portu Kuala Lumpur. [Foto: Copyright facebook | 01.05.2021]<\/strong><\/em><\/figcaption><\/figure>\n\n\n\n

Pasajeiru timoroan na\u2019in 35 to\u2019o fali Dili ho laran susar. Laran susar, tanba hanoin esforsu sira ne\u2019eb\u00e9 sira halo hodi prepara-an ba Inglaterra. Informasaun ne\u2019eb\u00e9 Neon Metin hetan hosi pasajeiru balun, katak sira preokupa oins\u00e1 atu selu tusan ba sira nia maluk iha Timor ne\u2019eb\u00e9 f\u00f3 empresta osan ba sira hodi prepara sira nia viajen. Emprestimu ne\u2019eb\u00e9 sira promete atu selu fali bainhira hetan ona osan hosi servisu iha Inglaterra. Sira laran susar m\u00f3s tanba hanoin sira nia fam\u00edlia ne\u2019eb\u00e9 hein atu simu sira iha Inglaterra.<\/p>\n\n\n\n

Hosi laran susar ne\u2019e, mosu m\u00f3s pergunta boot ida. Pergunta ne\u2019eb\u00e9 sira kontinua husu ba aj\u00e9nsia viajen NARPOV ho Pedro Carrascal\u00e3o: se razaun tanba kualidade teste swab COVID no validade billete viajen (not invalid after 16 April), tanba s\u00e1 nia impaktu afeta ami na\u2019in 35 de\u2019it. Tanba s\u00e1 pasajeiru sira seluk bele kontinua sira nia viajen?<\/p>\n\n\n\n

Relasaun entre Aj\u00e9nsia Viajen NARPOV ho Malindo Air<\/strong><\/p>\n\n\n\n

Neon Metin halo entrevista ho Responsavel Jer\u00e1l aj\u00e9nsia viajen NARPOV Jos\u00e9 Alexandre Guterres, hodi klarifika situasaun ne\u2019e, liuliu relasaun kontratu entre NARPOV ho kompa\u00f1ia a\u00e9rea Malindo Air, ne\u2019eb\u00e9 reprezenta hosi Pedro Carrascal\u00e3o.<\/p>\n\n\n\n

Ba Neon Metin, Jos\u00e9 Esplika katak iha fulan Janeiru 2021, NARPOV halo komunikasaun ho Pedro Carrascal\u00e3o kona ba oins\u00e1 bele fasilita koneksaun viajen a\u00e9rea ida hodi bele tula timoroan sira hosi Timor ba Reinu Unidu (UK). \u201cKoneksaun ne\u2019eb\u00e9 bele fasilita mos timoroan sira Reinu Unidu fila mai Timor, tanba situasaun Serka Sanitaria tanba impaktu hosi COVID-19\u201d, Jos\u00e9 haktuir ba Neon Metin iha loron 26 Abr\u00edl. \u00a0Hosi komunikasaun ne\u2019e, Pedro hato\u2019o ba NARPOV katak nia iha aviaun ne\u2019eb\u00e9 bele aluga atu halo koneksaun ida ne\u2019e. Parte rua konkorda atu kompleta malu iha objetivu ida ne\u2019e. Aj\u00e9nsia viajen NARPOV fa\u2019an (emite) billete, Pedro mak responsabiliza konaba prosesu aluga aviaun.<\/p>\n\n\n\n

\u201cAmi hah\u00fa komunika malu, iha kedas fulan Janeiru 2021, atu bele prosesa billete viajen ba timoroan sira ne\u2019eb\u00e9 hakarak halo viajen ba UK no fatin seluk iha tasi-balu. Iha ne\u2019e, ami hah\u00fa kontaktu, halo rejistu no marka data (itiner\u00e1riu). Hosi Inglaterra atu mai iha loron 14 Abr\u00edl. Buat hotu la\u2019o di\u2019ak. Aleinde hosi UK, ami kontaktu timoroan sira iha Korea, tanba sira barak iha ne\u2019eb\u00e1 m\u00f3s ezije hakarak fila, ho razaun pasaporte mate, no labele serbisu tan tanba kontratu ho kompa\u00f1ia remata ona. Difikuldade sira ne\u2019e halo Adidu (Atax\u00e9) m\u00f3s kontaktu ha\u2019u beibeik husu tulun oins\u00e1 bele prosesa sira fila\u201d,<\/em> Responsavel Jer\u00e1l aj\u00e9nsia NARPOV ne\u2019e esplika.<\/p>\n\n\n\n

Pedro Carrascal\u00e3o haktuir nia kompromisu. Pedro nia knaar nu\u2019udar pontu koneksaun ho kompa\u00f1ia a\u00e9rea Malindo Air, kompa\u00f1ia ne\u2019eb\u00e9 f\u00f3 aluga (charter) aviaun. \u201cKustu ba aluga aviaun ajensia NARPOV mak responsabiliza. Pagamentu ba aluga aviaun halo liuhosi transfer\u00e9nsia bank\u00e1ria, Banku Mandiri. Pagamentu halo dala tolu iha dolar Am\u00e9rika. Dala uluk halo ho montante USD 7,000.00 (dolar rihun hitu), daruak USD 45,000.00 (dolar rihun haatnulu resin lima) no pagamentu ikusliu USD 10,000.00 (dolar rihun sanulu). Kustu total aluga aviaun ba fulan tolu (3) hosi 18 Abr\u00edl to\u2019o 30 Ju\u00f1u 2021 hamutuk USD 62,000.00 (rihun neenulu resin rua)\u201d, Jos\u00e9 klarifika.<\/p>\n\n\n\n

Ho akordu ne\u2019e no prosesu preparativu sira ne\u2019eb\u00e9 ami halo, ikusmai ami hetan kandidatu pasajeiru hamutuk na\u2019in 104. Iha loron 18 Abr\u00edl, bainhira halo check-in, pasajeiru na\u2019in 90 de\u2019it mak konsege sa\u2019e aviaun atu halo sira nia viajen. Sira na\u2019in 14 kansela sira nia viajen iha Aeroportu Dili, tanba labele transit iha Barcelona, Espa\u00f1a, tuir itinerariu. Pasajeiru sira ne\u2019e balun uza pasaporte Portuguesa no ida uza pasaporte Timor-Leste. Ida ho pasaporte Timor-Leste ne\u2019e lori narrativu pasaporte nian, atu ba halo tratamentu m\u00e9diku iha Lizboa.<\/p>\n\n\n\n

\u2018Date of Departure\u2019 la tuir Billete aviaun ne\u2019eb\u00e9 aj\u00e9nsia viajen emite<\/strong><\/p>\n\n\n\n

Voo aviaun Malindo ho No. Vou OD 8214, tula pasajeiru na\u2019in 90 deskola (take off) \u00a0hosi Aeroportu Internasion\u00e1l Nicolau Lobato, Dili iha loron 18 Abr\u00edl oras 09:00 daders\u00e1n. Tun iha \u00a0Aeroportu Internasion\u00e1l Kuala Lumpur tk 12:10 meiudia, oras Mal\u00e1zia nian.<\/p>\n\n\n\n

\"\"
bileti Malindo airlines Dili-Kuala Lumpur. [Foto: Dok. NM | 01.05.2021]<\/em><\/strong><\/figcaption><\/figure>\n\n\n\n

Hosi kopia billete ne\u2019eb\u00e9 Neon Metin hetan hatudu katak \u201cdate of departure\u201d la tuir data ne\u2019eb\u00e9 hakerek iha billete laran. Tuir billete ne\u2019eb\u00e9 aj\u00e9nsia viajen NARPOV emite ba pasajeiru sira, ho validade \u201cnot valid before 16 Abr\u00edl and not valid after 16 April\u201d, aviaun loloos arranka hosi Aeroportu Nicolau Lobato, iha loron 16 Abr\u00edl 2021, tk 09:00 dadeer. Katak billete aviaun ne\u2019e la v\u00e1lidu (not valid) molok no hafoin loron 16 Abr\u00edl 2021. Realidade hanesan p\u00fabliku hatene, aviaun Malindo semo hosi Dili ho pasajeiru na\u2019in 90 iha loron 18 Abr\u00edl ho destinu final Aeroportu Internasion\u00e1l Kuala Lumpur, Mal\u00e1zia.<\/p>\n\n\n\n

Billete aviaun ba vou loron 18 Abr\u00edl nian iha ne\u2019eb\u00e9? Pasajeiru sira tenke hola foun fali?<\/strong><\/p>\n\n\n\n

Jos\u00e9 haktuir ba Neon Metin katak billete hosi Dili ba Kuala Lumpur Malindo Airlines mak emite (ho NARPOV fo ona osan). NARPOV mak emite billete viajen hosi Kuala Lumpur ba Londres (Inglaterra) no nasaun destinat\u00e1riu sira seluk. Kompa\u00f1ia a\u00e9rea (aviaun) ne\u2019eb\u00e9 aj\u00e9nsia NARPOV hili ba pasajeiru sira nu\u2019udar \u201cconnecting flights\u201d mak Singapore Airlines (SG), KLM no Qatar prepara mak ticket ba Singapore Airlines, KLM (KL) no Qatar Airways (QF).<\/p>\n\n\n\n

\u201cAgora ne\u2019e hau konfuzaun ho billete hosi Dili ba Kuala Lumpur nian. \u00a0Se\u00f1\u00f3r Pedro charter aviaun ne\u2019e to\u2019o fulan tolu. \u00a0Signifika katak billete viajen aviaun ne\u2019e hosi fulan Abr\u00edl to\u2019o Ju\u00f1u, maib\u00e9 to\u2019o agora billete viajen Dili-Kuala Lumpur ho \u2018date of departure\u2019 18 Abr\u00edl nian ami la hetan. Nia haruka fali billete ho \u2018date of departure\u2019 loron 16 Abr\u00edl nian. Ami la hatene tanba s\u00e1? Nia dehan aviaun iha fallansu. Ami nia\u00a0 kliente (pasajeiru) sira halo hotu ona PCR test no hola billete viajen ho \u2018date of departure\u2019 16 Abr\u00edl nian, maib\u00e9 teki-teki nia dehan aviaun la iha no labele mai. Entaun ida ne\u2019e halo ami nu\u2019udar \u00a0aj\u00e9nsia viajen m\u00f3s lakon osan barak, tanba ami tenke tanggung (responsabiliza) fali osan ba PCR test nian no hola fali tiket foun\u201d<\/em>, Jos\u00e9 kestiona ba Neon Metin.<\/p>\n\n\n\n

Tanba s\u00e1 Pasajeiru pasaporte Timor labele kontinua sira nia viajen no tenke fila mai Timor?<\/strong><\/p>\n\n\n\n

Iha viajen a\u00e9rea baibain, ema ida sa\u2019e aviaun ida hosi aeroportu orijen ba to\u2019o iha aeroportu seluk (transit), hafoin kontinua fali nia viajen ho aviaun seluk ba aeroportu destinat\u00e1riu, pasajeiru ne\u2019e nia destinu viajen) la\u2019os ona responsabilidade aviaun ne\u2019eb\u00e9 tula sira hosi aeroportu orijen (port of departure). Iha kazu ne\u2019eb\u00e9 akontese ho pasajeiru timoroan na\u2019in 35 ne\u2019e, loloos ne\u2019e aviaun KLM mak tenke responsabiliza ona. Situasaun ne\u2019e sai pol\u00e9mika boot, tanba informasaun ne\u2019eb\u00e1 Neon Metin hetan hosi pasajeiru sira ne\u2019eb\u00e9 fila ne\u2019e, katak sira labele ba halo check-in iha KLM tanba Malindo mak kansela. Pol\u00e9mika ne\u2019e sai boot liut\u00e1n iha p\u00fabliku bainhira opiniaun balun iha media nasion\u00e1l balun hateten katak imigrasaun Mal\u00e1sia sei detein pasajeiru sira ne\u2019e bainhira hela liu limite loron ne\u2019eb\u00e9 lei imigrasaun Mal\u00e1zia nian. Se pasajeiru sira ne\u2019e kaer pasaporte Timor-Leste nian, ne\u2019eb\u00e9 hetan admisaun atu hela iha Mal\u00e1zia durante loron 30, tanba s\u00e1 tenke detein? Iha situasaun ne\u2019e pergunta ida mosu: Malindo Airlines ka Imigrasaun Mal\u00e1zia mak \u2018deporta\u2019 pasajeiru timoroan na\u2019in 35 ne\u2019e?<\/p>\n\n\n\n

Hat\u00e1n ba pergunta ne\u2019e, Responsavel Jer\u00e1l NARPOV, Jos\u00e9 Alexandre Guterres esklarese ba Neon Metin katak NARPOV husu duni ba Malindo razaun sa ida mak \u201cimi tahan hotu pasaporte Portuguesa? Se imigrasaun mak tahan, hatudu to\u2019ok buat ruma (prova) mai.\u201d<\/em><\/p>\n\n\n\n

Ho situasaun ne\u2019e Jos\u00e9 konklui \u201ctahan timoroan ho pasaporte Portugeza hamutuk ho timoroan ho pasaporte Timor-Leste, ha\u2019u deskonfia ne\u2019e Malindo mak tahan. Imigrasaun labele tahan ema Portuguesa nia pasaporte no kualk\u00e9r sidadaun ida nian. \u00a0Se nia (imigrasaun) mak tahan pasaporte Timor-Leste, nia tenke halo justifikasaun\u201d.<\/p>\n\n\n\n

Jos\u00e9 m\u00f3s argumenta katak, posibilidade atu tahan pasajeiru timoroan sira ne\u2019e ho nia pasaporte bele mai hosi imigrasaun Inglaterra nian. Nia dehan \u201cimigrasaun Inglaterra bele tahan timoroan sira ne\u2019e, ho razaun tanba sira nia per\u00edodu (oras) transit iha aeroportu nasaun seluk kleur liu limite ne\u2019eb\u00e9 sira nia sistema imigrasaun prevee, oras 2 nia laran de\u2019it. Bainhira kle\u2019ur liu ida ne\u2019e, bele hamosu deskonfiansa iha aspetu seguransa nian, hanesan envolvimentu iha atividade terrorizmu nian.\u201d<\/em><\/p>\n\n\n\n

Razaun seluk tan ne\u2019eb\u00e9 sai baze ba Jos\u00e9 nia argumentu mak pasajeiru timoroan inklui na\u2019in 16, balun ba ho pasaporte Timor-Leste akompa\u00f1a ho narrativu atu ba trata pasaporte portugeza hodi kontinua halo viajen ba nasaun Europa seluk. \u201cPasajeiru ho pasaporte Portugeza na\u2019in rua m\u00f3s sira tahan hotu no labele kontinua viajen. Ida ne\u2019e sai problema boot baa mi, tanba sira ezije sira nia osan ba ami no pasaporte Portugal m\u00f3s hah\u00fa hosi Timor-Leste kansela ona,\u201d<\/em> Jos\u00e9 hatutan.<\/p>\n\n\n\n

\"\"
pasajeiro sira atu boarding fila mai Timor iha loron 24 Abril. [Foto: Copyright facebook | 01.05.2021]<\/em><\/strong><\/figcaption><\/figure>\n\n\n\n

Ezij\u00e9nsia atu reembolsa osan ticket mai m\u00f3s hosi pasajeiru sira ne\u2019eb\u00e9 labele kontinua viajen no tenke fila mai Timor. Pasajeiru sira ne\u2019e iha loron 26 Abr\u00edl hakat ba aj\u00e9nsia ticket NARPOV ezije hodi f\u00f3 fila sira nia osan. “Ami mai ezije atu devolve fali ami nia osan. Husi Dili ba Malaysia ne’e ami sa\u2019e ona aviaun ne’e los ona, maib\u00e9 ami husi Malaysia ba Inglaterra ami seidauk sa\u2019e aviaun, entaun ami ezije ida ne’e, aj\u00e9nsia NARPOV tenke f\u00f3 fila ami nia osan. Isabel F\u00e1tima da Cruz haktuir ba Neon Metin iha edif\u00edsiu Aj\u00e9nsia NARPOV, iha Fatuhada Dili.<\/p>\n\n\n\n

Konaba kanselamentu viajen, Neon Metin husu m\u00f3s informasaun hosi pasajeiru timoroan ne\u2019ebe halo parte grupu 35 ne\u2019e. Ant\u00f3nio da Costa, pasajeiru Malindo portador pasaporte Timor-Leste afirma katak nia rasik m\u00f3s la komprende konaba hun loloos hosi kanselamentu ne\u2019e. \u201cEma tahan ami la\u2019os hosi imigrasaun, maib\u00e9 iha ground desk KLM nian, bainhira ami hakat ba atu boarding. Iha fatin ne\u2019e sira hateten katak ami labele tama (boarding) tanba laiha autorizasaun hosi imigrasaun Amsterdam, Olanda. La kleur parte hosi Malindo mai lori ami ba hotel. Staff Malindo hateten ba ami labele boarding tanba ami la\u2019o grupu no tanba \u2018alert\u2019 ne\u2019eb\u00e9 dehan katak ami PCR test<\/em> ne\u2019e falsu, ami la lori bagasse no la hatene ko\u2019alia ingl\u00e9s. Konaba lian ingl\u00e9s ne\u2019e ha\u2019u hat\u00e1n ba malae ne\u2019e katak ha\u2019u hatene ko\u2019alia ingl\u00e9s. Maib\u00e9 nia hatene katak se ami halo viajen ho kondisaun hanesan ne\u2019e to\u2019o iha Amsterdam, KLM Mal\u00e1zia mak sei hetan \u2018penalty\u201d, Ant\u00f3nio haktuir.<\/p>\n\n\n\n

Ant\u00f3nio m\u00f3s dehan katak durante iha aeroportu no iha hotel, sira nunka hasoru ema ruma ne\u2019eb\u00e9 identifika-an nu\u2019udar peso\u00e1l imigrasaun Mal\u00e1zia nian. \u201cAmi hasoru mak staff hosi Malindo Airlines no UK staff ne\u2019eb\u00e9 halo entrevista ba ami konaba ami nia profiling.\u201d<\/em> Ba Neon Metin, Ant\u00f3nio temi m\u00f3s prezensa peso\u00e1l hosi Embaixada Timor-Leste nian iha entrevista ne\u2019e. \u201cStaff Malindo Airlines ho ema hosi Embaixada Timor-Leste hateten ba ami atu labele temi kona imigrasaun Mal\u00e1zia. Tan asuntu ne\u2019e la iha relasaun ho servisu imigrasaun Mal\u00e1zia nian. Ha\u2019u haree staff Malindo Airlines mak \u2018take over\u2019 hotu no f\u00f3 garantia \u00a0ami atu hela iha ne\u2019eb\u00e1 durante oras 72 nia laran”.<\/em>\u00a0<\/em><\/p>\n\n\n\n

\"\"
Embaixada Timor iha Malaysia hasoru malu ho pasajeiro timoroan sira. [Foto: Copyright embaixada TL iha Malazia | 01.05.2021]<\/em><\/strong><\/figcaption><\/figure>\n\n\n\n

Neon Metin m\u00f3s konfirma ho Embaixadora Timor-Leste iha Mal\u00e1zia Se\u00f1ora Olandina Caeiro hodi hetan esplikasaun ruma. Aleinde esplikasaun, Neon Metin m\u00f3s hakarak buka hatene asist\u00e9nsia no intervensaun s\u00e1 ida mak Embaixada halo ba hodi tulun solusiona problema ne\u2019eb\u00e9 sidadaun timoroan sira hasoru. Tanba opiniaun kritika barak mosu iha media nasion\u00e1l no media sosi\u00e1l hateten Embaixada \u2018la halo buat ida\u2019 iha asuntu ne\u2019e.<\/p>\n\n\n\n

Ba Neon Metin, liuhosi surat eletr\u00f3nika (e-mail), Se\u00f1ora Olandina esplika katak Embaixada hatene no akompa\u00f1a kazu ne\u2019e to\u2019o hetan solusaun. \u201cHafoin simu informasaun konaba kazu ne\u2019e liuhosi telefone iha 18 Abr\u00edl, kalan ne\u2019e kedas ha\u2019u orienta peso\u00e1l Konsul\u00e1r Sr. Leonildo atu ba kedas buka tuir akompa\u00f1a Malindo Airlines, kompa\u00f1ia a\u00e9rea ne\u2019eb\u00e9 tula pasajeiru sira hosi Dili no akompa\u00f1a sira ba hotel transit Sama Sama Express. Iha 19 Abr\u00edl, Embaixada simu informasaun \u2018por escrita\u2019 hosi Malindo Air katak pasajeiru na\u2019in 53, portador pasaporte Portugal na\u2019in 18, no pasaporte Timor-Leste na\u2019in 35, labele kontinua sira nia viajen ba Reinu Unidu\u201d,<\/em> Embaixadora Olandina esplika.<\/p>\n\n\n\n

Esplikasaun Embaixadora RDTL iha Mal\u00e1zia bele sani iha ne\u2019e (link ba<\/strong> (link ba<\/strong>: Entrevista ho embaixadora TL iha Malasia Maria Olandina, kanselamentu viajem pasajeiro nain 50 resin. <\/a><\/p>\n\n\n\n

Tuir Se\u00f1ora Olandina nia esplikasaun iha surat eletr\u00f3nika ne\u2019e, iha razaun fundamental rua (2) mak halo sira labele kontinua sira nia viajen. Ida, Pasajeiru sira ba halo check-in iha grupu no iha \u2018ultimo minutu\u2019. Situasaun ne\u2019eb\u00e9 hamosu konfuzaun boot ba kompa\u00f1ia a\u00e9rea KLM, liuliu relasiona ho pasajeiru sira ne\u2019e nia \u2018motivu de viajen.\u2019 Rua, Pasajeiru sira ho pasaporte Timor-Leste nia itiner\u00e1riu la tuir prosedura (Dili \u2013 Kuala Lumpur \u2013 London, fulan ida (1) \u2013 Lizboa. Itiner\u00e1riu ne\u2019e la kumpre prosedura normal. Katak pasajeiru ho pasaporte Timor-Leste, hafoin vizita tiha nasaun ida, tenke fila hikas ba nasaun orijen. Iha kazu ne\u2019e, pasajeiru na\u2019in 35 ne\u2019eb\u00e9 uza pasaporte Timor-Leste tenke fila ba Timor, maib\u00e9 sira nia billete ne\u2019eb\u00e9 aj\u00e9nsia viajen emite nia destinu ikus ba fali Lizboa, Portugal<\/p>\n\n\n\n

Kona ba desizaun kanselamentu Embaixadora Olandina esplika \u201cho razaun rua ne\u2019e mak Malindo Air hosu tulun ba UK Immigration Enforcement International Border <\/em>iha British High Commission Kuala Lumpur<\/em> hodi halo profiling ka entrevista pasajeiru sira hodi hatene sira nia motivu viajen, liuliu atu haree legalidade dokumentu tuir prosedura UK Brexit nian. Iha prosesu ne\u2019e mak identifika katak pasajeiru sira nia dokumentu balun la prenxe rekizitu atu tama Reinu Unidu ka nia kategoria Not to Land (NTT) <\/em>ka Inadmissible passengers (INAD). <\/em>Tan ne\u2019e, husu ba Malindo Air atu tula fila sira ba nasaun orijen, Timor-Leste.\u201d<\/p>\n\n\n\n

Relasiona ho kualidade PCR test, Se\u00f1ora Olandina admite katak parte British High Commission Kuala Lumpur <\/em>kestiona duni, maib\u00e9 Embaixada no Malindo Air konsidera katak problema nia hun mak fallansu iha parte t\u00e9knika administrativu. \u201cLa\u2019os teste mak la iha kualidade. Ami haree ho atensaun tebes dokumentu PCR test ne\u2019e,\u201d<\/em> Se\u00f1ora Olandina afirma.<\/p>\n\n\n\n

Hat\u00e1n ba kritika sira iha p\u00fabliku Timor-Leste katak Embaixada la pro-ativu iha asuntu ne\u2019e, Embaixadora afirma katak \u201cami pro-ativu.\u201d Embaixada nia akompa\u00f1amentu hah\u00fa kedas iha 18 Abr\u00edl bainhira sira to\u2019o iha Kuala Lumpur. Embaixadora esplika katak \u201ciha aeroportu ami fo hatene kedas sira konaba rigorozidade SOP (Standard of Procedures) COVID-19 iha Mal\u00e1zia. Se mak viola selu multa RM 1,000.00 (ringgit Malaysia rihun ida), mais ou menus USD 250.00 (dolar atus rua limanulu). Nonook la\u2019os katak la halo servisu. Karik ami halo servisu m\u00f3s la\u2019os atu relata iha media social.\u201d<\/p>\n\n\n\n

Dokumentu rezultadu PCR test<\/em> m\u00f3s sai kestaun durante prosesu profiling ne\u2019eb\u00e9 entidade Immigration Enforcement International (IEI)<\/em> halo. Pasajeiru Malindo nia PCR test ne\u2019e nia validade to\u2019o 20 Abr\u00edl 2021. Tanba ne\u2019e mak iha rekizitu atu halo test foun. \u00a0<\/p>\n\n\n\n

Iha entrevista jornalista sira ho Pedro Carrascal\u00e3o iha loron 24 Abr\u00edl, bainhira prosesa pasajeiru Timoroan sira fila mai Timor, iha aeroportu Nicolau Lobato nia hateten British High Commission Kuala Lumpur<\/em> investiga sira no deteta pasajeiru ida, portador pasaporte Portug\u00e9s, pozitivu COVID-19 no halo hela izolamentu iha hotel SILKA Kuala Lumpur.<\/p>\n\n\n\n

“Iha oportunidade ida ne’e m\u00f3s deskonfia katak PCR test ne\u2019eb\u00e9 halo iha Timor-Leste la iha kualidade, entaun ha\u2019u m\u00f3s duvida karik ho razaun ida ne\u2019e mak haruka sira fila, maib\u00e9 ne’e hanesan deskonfia de\u2019it tanba iha Timor-Leste Organizasaun Mundial Sa\u00fade no Australia m\u00f3s tulun iha Laborat\u00f3riu Nasion\u00e1l Timor-Leste atu halo PCR test. Konaba ida ne\u2019e, ha\u2019u hanoin entidade relevante Mal\u00e1zia ho Timor-Leste mak sei komunika ba malu”, <\/em>dehan Pedro<\/p>\n\n\n\n

Ba kestaun ida ne\u2019e jornalista sira konfirma ho Ministra Sa\u00fade, Odete Maria Freitas Belo rejeita informasaun ne\u2019e no sei buka solusaun. Ministra hateten Laborat\u00f3riu Nasion\u00e1l (LABNAS) Timor-Leste se laiha kualidade, durante timoroan sira no ema estranjeiru sira bainhira atu sai ba rai li\u2019ur lori rezultadu hosi ne\u2019e la iha problema durante viajen.<\/p>\n\n\n\n

\"\"
Ministra Saude (MS), Odete Maria Freitas Belo. [Foto: David da Costa | 27.04.2021]<\/figcaption><\/figure>\n\n\n\n

“Ha’u la hatene informasaun teste laborat\u00f3riu ba PCR laiha kualidade, atu deklara katak Laborat\u00f3riu Nasion\u00e1l ne’e ida de’it no atualmente halo atividade teste ba ema ne\u2019eb\u00e9 presiza no m\u00e1kina halo analiza ba amostra sira . Entaun ha’u nafatin hateten katak Laborat\u00f3riu Nasion\u00e1l nia teste iha kualidade ,” <\/em>informa Ministra Odete, 27\/04.<\/p>\n\n\n\n

Ministra Sa\u00fade konsidera presiza identifika \u00a0buka hatene teste PCR ne\u2019eb\u00e9 mak scan de\u2019it, tuir informasaun ne\u2019eb\u00e9 espalla iha media sosi\u00e1l<\/p>\n\n\n\n

\u201cNormalmente kuandu ita atu ba rai \u00a0liur, \u00a0la’os na’in \u00a0haat ou na’in \u00a0lima de’it, maib\u00e9 ema lubuk ida ona mak ba, no la’os timoroan de’it, maib\u00e9 ema estranjeiru sira ne\u2019eb\u00e9 hakarak ba vizita sira \u00a0nia fam\u00edlia no m\u00f3s antes sai halo teste PCR, no Laborat\u00f3riu Nasion\u00e1l mak halo teste no f\u00f3 sai rezultadu analiza , ne\u2019eb\u00e9 durante ne’e laiha problema”, <\/em>nia esplika.<\/p>\n\n\n\n

Hosi Centro Integradu Jestaun Krize (CIJK) m\u00f3s hat\u00e1n ona ba problema ne\u2019eb\u00e9 pasajeiru 35 hasoru iha Kuala Lumpur, ne\u2019eb\u00e9 tuir informasaun sira labele ba tanba PCR test laiha kualidade. CIJK esplika katak husi pedidu klarifikasaun liu husi kan\u00e1l diplom\u00e1tiku ne\u2019eb\u00e9 Embaixada Timor-Leste iha Malaysia halo, Liasion Officer<\/em> British High Commission Kuala Lumpur<\/em> informa katak, relasiona no sira nian 35 ne\u2019eb\u00e9 tenke fila mai Timor-Leste hakerek iha English katak \u2018\u2019Each passenger was assessed, and a decision made to determine if they were admissible to the UK. Those deemed so were allowed to travel onwards once new COVID Tests had been conducted and negative results received.\u2019\u2019 <\/em>(kada pasajeiru hetan ona avaliasaun, no desizaun halo tiha ona se sira bele tama ba UK. Sira ne\u2019eb\u00e9 bele sei husik sira viajen nafatin bainhira teste COVID foun hala\u2019o tiha ona no hetan katak sira nia rezultadu negativu).<\/p>\n\n\n\n

Maski nune\u2019e data an\u00fansiu kona ba kondisaun sira ne\u2019eb\u00e9 ema ho pasaporte Timor-Leste tenke halo tuir ne\u2019e publika iha loron 20 Abr\u00edl. Data pasajeiru sira tama iha Aeroportu Kuala Lumpur no atu kontinua viajen ba Reinu Unidu ne\u2019e iha 18 Abr\u00edl. Oins\u00e1 mak kondisaun ne\u2019eb\u00e9 Immigration Enforcement International (IEI)<\/em> emite ka publika ne\u2019e efetivu kedas antes data publikasaun?<\/p>\n\n\n\n

CIJK m\u00f3s esplika katak pasajeiru na\u2019in 35, la admite tama iha UK ka Reinu Unidu tanba razaun seluk, \u201cse fosse sira prienxe krit\u00e9riu sira seluk, sira hetan permisaun atu halo viajen, bainhira halo fali test COVID ho rezultadu negativu, hanesan m\u00f3s ho timoroan sira seluk ne\u2019eb\u00e9 halo duni viajen, tanba prazu limite test nian 72 oras liu tiha ona\u201d.<\/p>\n\n\n\n

Tanba s\u00e1 tenke halo tan <\/strong>PCR test<\/strong><\/em> hafoin loron 3 iha nasaun seluk?<\/strong><\/p>\n\n\n\n

Ema barak sei kontinua konfunde swab test<\/em> ka PCR test<\/em> ne\u2019e halo dala ida de\u2019it ou tenke halo beibeik? Situasaun ida ne\u2019e mak pasajeiru sira hasoru iha Mal\u00e1zia, na\u2019in 18 ne\u2019eb\u00e9 uza pasaporte Portugal kontinua halo viajen ba Inglaterra, maib\u00e9 antes ne\u2019e sira halo PCR test<\/em> hodi deteta katak sira iha COVID-19 ka lae?<\/p>\n\n\n\n

Hosi rezultadu teste PCR na\u2019in ida konfirmandu pozitivu COVID-19, nune\u2019e nia labele halo viajen ba London no halo izolamentu iha Kuala Lumpur no na\u2019in 17 mak kontinua halo viajen ba Portugal no na\u2019in 35 pasaporte Timor fila mai Timor no la halo PCR test.<\/em><\/p>\n\n\n\n

\"\"
Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Ara\u00fajo. [Foto: Francisco JDA | 11.03.2021]<\/figcaption><\/figure>\n\n\n\n

Neon Metin halo entrevista via telefone ho Dr. Rui Ara\u00fajo konaba PCR test<\/em> presiza halo beibeik ka dala ida de\u2019it? Ba Neon Metin Dr. Rui Ara\u00fajo esplika \u201cprimeiru, ema nee bele hetan kont\u00e1jiu, hah\u00fa momentu liu tiha nia foti swab ba PCR test<\/em> iha Laborat\u00f3riu Nasion\u00e1l, no m\u00f3s durante halo viajen. Segundo, se kualidade swab TL nian la di\u2019ak, tan s\u00e1 pasajeiru sira seluk, ne\u2019eb\u00e9 lori pasaporte Portuguesa bele liu?\u201d<\/p>\n\n\n\n

Dr. Rui hatutan, kazu hanesan ne\u2019e mosu m\u00f3s ba pasajeiru ne\u2019eb\u00e9 mai husi liur. Sira lori PCR test<\/em> negative, maib\u00e9 durante kuarentena ita test pozitivu. Balun fali durante kuarentena mosu sintoma, ita halo test nia pozitivu, maski ninia PCR initial mai husi ninia nasaun negativu.<\/p>\n\n\n\n

Dr. Rui mos konta tuir fali loron hirak liu ba akontese mos iha Lospalos. Sira ba husi Dili ho test negativu, maib\u00e9 sa\u2019e mikrolete iha fronteira Lospalos ho ema ne\u2019eb\u00e9 la test PCR, liu tiha loron balun peso\u00e1l sa\u00fade Lospalos halo test, rezultadu pozitivu.<\/p>\n\n\n\n

Iha m\u00f3s posibilidade iha momentu nia foti swab iha Laborat\u00f3riu Nasion\u00e1l, nia foin hetan kont\u00e1jiu seidauk to\u2019o loron 4 ba leten. N\u00e9\u2019e iha relasaun ho per\u00edodu inkubasaun. PCR test la bele deteta bainhira virus seidauk multiplika-an\/habarak-an iha ita ema nia inus ho kakorok\u201d,<\/em> esplika Dr. Rui Ara\u00fajo, via telefone (26\/04).<\/p>\n\n\n\n

Ticket One-way sai problema?<\/strong><\/p>\n\n\n\n

Iha situasaun ne\u2019eb\u00e9 pasajeiru sira hasoru problema seluk mak tiket one way, katak pasajeiru sira la iha tiket fila nian, liu-liu ba pasajeiru ne\u2019eb\u00e9 uza pasaporte Timor-Leste. Iha entrevista ho Responsavel Jer\u00e1l NARPOV, Jos\u00e9 Alexandre Guterres esplika katak sira ne\u2019eb\u00e9 hola ticket one-way tanba atu ba hela ona iha UK, ho razaun sira uza Joint Family Visa.<\/p>\n\n\n\n

\u201cDepois ita apar (kombina) fali ticket Kuala Lumpur mai Dili, Pedro dehan aviaun aluga to\u2019o fulan 3, entaun billete v\u00e1lidu hosi 18 April until 30 June. Maib\u00e9 ticket 18 April nian ne\u2019e to\u2019o agora ami la hetan no uza fali 16 Abr\u00edl nian, tanba bazeia ba UK ne\u2019e sira sei husu ticket return nian, maib\u00e9 ida ne\u2019e Pedro la f\u00f3, no nia dehan aviaun ne\u2019e aluga fulan 3. Hosi Dili ba Malaysia ne\u2019e one-way tanba billete ne\u2019e Pedro mak hasai, hosi kompa\u00f1ia a\u00e9rea Malindo Air. Pasajeiru balun billete kompletu, maib\u00e9 sira m\u00f3s labele sai hosi Malaysia, balun billete hola ba Lizboa ne\u2019e m\u00f3s la ba, balun pasaporte Portuguesa m\u00f3s la ba hotu, katak labele kontinua halo viajen hosi Kuala Lumpur\u201d,<\/em> dehan Jos\u00e9.<\/p>\n\n\n\n

Konaba billete viajen 18 Abr\u00edl nian ne\u2019eb\u00e9 NARPOV seidauk simu, bele sani deklarasaun Pedro Carrascal\u00e3o nian, iha entrevista Neon Metin ho Pedro (via WhatsApp) iha loron 30 Abr\u00edl 2021<\/strong> iha link: <\/strong>Viajem problematika ho malindo, Pedro Carracalao: Malindo kumpri ona nia servisu <\/a><\/p>\n\n\n\n

Nia hatutan prosesu ne\u2019e iha 3 katak one way m\u00f3s iha, ba mai nian m\u00f3s iha, maib\u00e9 sira ne\u2019e falla hotu kedas, \u201cberarti ida ne\u2019e laiha prosesu checking karik, hanesan m\u00f3s iha Dili, sira seidauk checking haruka sira fila tiha. timoroan na\u2019in rua ne\u2019eb\u00e9 nia viajen kansela iha Dili ne\u2019e uza pasaporte Portugal no nia labele semo tanba nia ticket transit iha Barcelona. Ne\u2019e akontese m\u00f3s ba sira ne\u2019eb\u00e9 uza pasaporte Timor-Leste<\/p>\n\n\n\n

Afirmasaun hosi fonte oioin ne\u2019eb\u00e9 Neon Metin hetan konaba kazu pasajeiru timoroan sira iha Aeroportu Kuala Lumpur, Mal\u00e1zia, hatudu katak parte sira ne\u2019eb\u00e9 involve diretamente iha prosesu viajen, aj\u00e9nsia viajen no kompa\u00f1ia a\u00e9rea, la iha koordenasaun sufisiente hodi garante sira nia kliente nia seguransa iha durante viajen hosi nasaun orijen to\u2019o nasaun destinat\u00e1riu. Liuliu iha per\u00edodu pandemia COVID-19, iha ne\u2019eb\u00e9 nasaun hotu-hotu aplika Standard Operational Procedures (SOP) tuir ida-idak nia rekizitu legal. Atensaun seluk ne\u2019eb\u00e9 tenke haree mak pol\u00edtika Brexit ne\u2019eb\u00e9 halo Reinu Unidu hamosu nia padraun imigrasaun rasik. Padraun ne\u2019eb\u00e9 diferente hosi nasaun Uniaun Europeia seluk, hanesan Portugal ka Olanda.<\/p>\n\n\n\n

Maski intensaun di\u2019ak hosi aj\u00e9nsia viajen no kompa\u00f1ia a\u00e9rea atu fasilita timoroan sira bele ba rai seluk no fila hosi rai seluk mai Timor-Leste, tenke hetan apresiasaun, maib\u00e9 nu\u2019udar entidade neg\u00f3siu destinu no bem-estar kliente (pasajeiru) tenke sai prioridade aas liu.<\/p>\n","protected":false},"excerpt":{"rendered":"

Reportazen Zevonia Vieira, David da Costa Aviaun Malindo ho No. flight OD 8214 tula Pasajeiru na\u2019in 90, maioria timoroan ne\u2019eb\u00e9 deskola (take off) hosi Aeroportu Internasion\u00e1l Nicolau Lobato, Dili, iha loron 18 Abr\u00edl 2021, tuku 09:00 dadeer, ho destinu final Aeroportu Internasion\u00e1l Kuala Lumpur, Selangor-Mal\u00e1zia. Pasajeiru timoroan sira iha aviaun ne\u2019e, nia destinu final mak […]<\/p>\n","protected":false},"author":2,"featured_media":8172,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-8167","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/8167","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/2"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=8167"}],"version-history":[{"count":7,"href":"https:\/\/neonmetin.info\/buletin\/wp-json\/wp\/v2\/posts\/8167\/revisions"}],"predecessor-version":[{"id":13933,"href":"https:\/\/neonmetin.info\/buletin\/wp-json\/wp\/v2\/posts\/8167\/revisions\/13933"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/8172"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=8167"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=8167"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=8167"}],"curies":[{"name":"wp","href":"https:\/\/api.w.org\/{rel}","templated":true}]}}