{"id":8487,"date":"2021-05-20T22:35:19","date_gmt":"2021-05-20T13:35:19","guid":{"rendered":"https:\/\/neonmetin.info\/buletin\/?p=8487"},"modified":"2021-05-20T22:51:11","modified_gmt":"2021-05-20T13:51:11","slug":"inundasaun-aida-ho-nia-bebe-moris-ho-difisiensia-iha-laclubar-sei-hela-iha-lona-okos-too-agora","status":"publish","type":"post","link":"https:\/\/neonmetin.info\/buletin\/2021\/05\/20\/inundasaun-aida-ho-nia-bebe-moris-ho-difisiensia-iha-laclubar-sei-hela-iha-lona-okos-too-agora\/","title":{"rendered":"Inundasaun, Aida ho nia Bebe Moris Ho Difisiensia Iha Laclubar, Sei Hela Iha Lona Okos To\u2019o Agora"},"content":{"rendered":"\n

\u201cAmi haree ba rai nakfera, pois bee sa\u2019e ona iha uma hun, ne\u2019e mak ami komesa halai ona. Halai ba Batika, tau sasan iha ne\u2019eb\u00e1, labarik sira komesa dada lona ami hodi toba iha ne\u2019e, tanba iha ne\u2019eb\u00e1 (Batika) ta\u2019uk tanba ai hun boot ida mos besik iha ne\u2019eb\u00e1, ta\u2019uk anin huu ai ne\u2019e monu tun ba ami\u201d<\/em>. Aida<\/strong><\/p>\n\n\n\n

Antes loron akontese siklone seroja, ema hotu la hanoin katak sei akontese dezastre boot ne\u2019ebe hamosu risku boot ema barak nia moris. Iha kalan Paskua ema hotu fo agradese tanba sarani katolika selebra loron Jesus nian moris, ne\u2019ebe salva ema hosi salah nain, iha tempu hanesan hahu hosi lorokraik udan mos komesa habokon rai hanesan babain. Iha kalan boot udan komesa tun ho variedade makaas, karik mota sei sae, anin mos komesa boot, halo ema sira ne\u2019ebe hela besik fatin risku, komesa taridu saida mak atu akontese?<\/p>\n\n\n\n

Iha rai dook ne\u2019eba, iha knua Wer-Lubuti, aldeia Torilalan, Suku Orlalan, Postu Administrativu Laclubar, Municipio Manatuto, moris uma kain ida ne\u2019ebe hasoru risku boot bainhira siklone seroja akontese iha loron 4 Abril.<\/p>\n\n\n\n

Nia fuan komesa tuku-tuku iha kalan boot, komesa hanoin oinsa bele salva-an, nia iha bebe ne\u2019ebe ho kondisaun sofre hela moras komplikadu, hakarak ka lakohi iha tempu kalan ne\u2019eba sira tenke salva-an.<\/p>\n\n\n\n

Ida ne\u2019e akontese ba Aida Belo idade 26 hela iha knua Wer-Lubuti iha Laclubar, Aida moris mesak ho nia oan, hasoru susar boot tanba nia hare ho matan bee komesa sae, iha tempu ne\u2019eba nia kaben ba tiha nia moris fatin municipio Ermera, labele fila tanba ho Serka Sanitaria no ikus nia kaben mos sofre ho inundasaun iha Dili-Tasi Tolu<\/p>\n\n\n\n

Udan boot ne\u2019e konsege harahun sira nia, obriga sira halai buka fatin seguru hodi satan an hosi dezastre natural.<\/p>\n\n\n\n

Aida konta nia ist\u00f3ria moruk ne\u2019e ba Neon Metin, wainhira iha vizita ida hamutuk ho Administrador no juventude Laclubar oan sira, iha nia fatin evakuasaun. Iha rai hun ne\u2019eb\u00e9 hali\u2019is, lona ne\u2019eb\u00e9 hanehan ho kaleng feruzen mak sai fatin helik-an ba Aida, nia bebe, nia mama no alin sira.<\/p>\n\n\n\n

Inan ne\u2019e haktuir katak iha loron 3 no 4 Abril udan boot tebes, hafoin iha Domingu hamosu deslizamentu rai iha sira nia knua, nune\u2019e iha oras tuku 4 loraik liu, sira tenki husik sira nia hela fatin. Tan domin Aida nian boot tebes, nia la preokupa sasan mundu nian, naran katak salva netik nia bebe hodi buka fatin ida di\u2019ak no seguru.<\/p>\n\n\n\n

\u201cUdan tau hosi S\u00e1badu to\u2019o kedas Domingu. Hader dadersan mai komesa akontese ona, depois ami lori loraik mak halai, ami halai ho isin lolon de\u2019it. Tanba ha\u2019u hanoin ho labarik ne\u2019e (Aida nia bebe Niveia), entaun ha\u2019u halai de\u2019it ho nia fos oi-tuan, bikan ida, kanuru ida, kaneka ida ho bee agua\u201d,<\/em> Aida haktuir akontesimentu moruk ne\u2019e iha nia Knua Wer-Lubuti, wainhira dada lia ho Neon Metin, 29\/04.<\/p>\n\n\n\n

<\/p>\n\n\n\n

Aida hanoin, karik di\u2019ak liu sira salva-an iha to\u2019os, iha Batika <\/em>(lian Idat\u00e9: Uma hodi te\u2019in tua) hodi salva mos nia bebe, maib\u00e9 aat liu tan tanba iha ai hun boot ne\u2019eb\u00e9 hamahan hela Batika, <\/em>halo sira la sente seguru, nune\u2019e obriga tenki dada lona iha tetuk oan ida ne\u2019eb\u00e9 ladun seguru, hodi salva netik-an au mezmu hodi horik proviz\u00f3riu ba.<\/p>\n\n\n\n

\"\"
Jornalista Neon Metin halo entrevista ho Aida. [Foto: Dok. NM } 20.05.2021]<\/figcaption><\/figure>\n\n\n\n

\u201cAmi haree ba rai nakfera, pois bee sa\u2019e ona iha uma hun, ne\u2019e mak ami komesa halai ona. Halai ba Batika, tau sasan iha ne\u2019eb\u00e1, labarik sira komesa dada lona ami hodi toba iha ne\u2019e, tanba iha ne\u2019eb\u00e1 (Batika) ta\u2019uk tanba ai hun boot ida mos besik iha ne\u2019eb\u00e1, ta\u2019uk anin huu ai ne\u2019e monu tun ba ami\u201d,<\/em> haktuir Aida.<\/p>\n\n\n\n

Pas\u00e9nsia hodi simu realidade ne\u2019ebe hasoru, hodi tahan netik udan no loron, maske la seguru naran katak tahan netik isin lolon, la bokon ho bebe ne\u2019e iha rai malirin nia leten. Loron ne\u2019eb\u00e1 kedas sira hah\u00fa moris foun ida iha susar nia laran, tan hela de\u2019it iha lona okos. La iha kulusaun, la iha kama, maib\u00e9 iha de\u2019it mak bibit homan hodi halatan sira-an no mos hatoba netik bebe oan ne\u2019e.<\/p>\n\n\n\n

Aat liu tan mak nia bebe Noveia labele hamriik, nem tuur hodi obriga nia mama no av\u00f3 ko\u2019us de\u2019it. Iha triste nia laran ne\u2019e, telefone marka Samsung metan ida mak hamaluk netik bebe atu labele tanis,. Iha dada lia ho Neon Metin ho s\u00e9riu bebe ne\u2019e haree (nonton) hela video iha telefone, akompa\u00f1a ho nia mama ne\u2019eb\u00e9 kele hela nia.<\/p>\n\n\n\n

\u201cFulan Ju\u00f1u agora nia halo tinan rua ona, maib\u00e9 nia la\u2019o mos seidauk, tur mos seidauk, la ko\u2019alia, ko\u2019us no toba de\u2019it. Fo han nia mos han tanis de\u2019it, fo han kanuru isin ida tanis, ha\u2019u sente ba ha\u2019u difisil los\u201d,<\/em> Aida haktuir ho oin ne\u2019eb\u00e9 hafalun ho triste.<\/p>\n\n\n\n

Inan idade 26 ne\u2019e haktuir dezafiu ne\u2019eb\u00e9 nia hasoru mak sira tenki toba iha rai leten, kalan-kalan tenki hamaluk nia bebe Niveia tanba susar atu toba. Maske sente todan maib\u00e9 pasensia tan nia domin boot ba nia bebe hodi simu realidade ne\u2019e.<\/p>\n\n\n\n

\u201cAmi toba hela iha rai leten, rai mos mirin hela, kalan nia (Bebe Niveia) toba ladun tenang ida, tanba toba iha rai be sente moras, so tuku 04:00 ka 05:00 mak nia foin toba\u201d,<\/em> haktuir Aida.<\/p>\n\n\n\n

Meza oan ida ne\u2019ebe tau iha lona okos, Aida hatuur hela estatau Nossa Se\u00f1ora de F\u00e1tima, imajen ilas na\u2019in feto ho imajen bebe Niveia nia av\u00f3 m\u00e3e, ne\u2019eb\u00e9 mak hamaluk sira nia na\u2019in lima mak Aida ho nia bebe, nia alin na\u2019in rua ho nia mama iha lona okos, hodi f\u00f3 seguransa no esperansa nafatin sira sei bele moris nafatin.<\/p>\n\n\n\n

La to\u2019o de\u2019it iha ne\u2019e, Aida mos lakon sira nia sasan uma laran hanesan bikan, kanuru, roupa no seluk tan. Aat liu tan mak sira tenki lakon talas, ai-farina, modo tahan no ai-fuan hanesan ai-nanas, jambua nu\u2019udar fontes ai-han di\u00e1ria nu\u2019udar foho oan, no mos lakon ai horis kaf\u00e9.<\/p>\n\n\n\n

Knua Wer-Lubuti ne\u2019eb\u00e9 sira hela b\u00e1 nu\u2019udar fatin ne\u2019eb\u00e9 afetadu maka\u2019as liu iha Postu Laclubar. Akontesimentu iha knua refere kauza rai nakfera, rai mout hodi estraga uma, to\u2019os no plantasaun komunidade nian. Karik udan, sira labele ba to\u2019os tanba rai ne\u2019eb\u00e1 risku boot ba rai halai.<\/p>\n\n\n\n

Dezastre ne\u2019e mosu Aida ho nia fam\u00edlia simu ona apoiu hosi fatin lima ka neen. Nia agradese tebes ba grupu laran luak sira ne\u2019eb\u00e9 la taka matan, maib\u00e9 ho domin bele tulun netik sira iha situasaun emerj\u00e9nsia ida ne\u2019e, maib\u00e9 nia nafatin husu tulun hadi\u2019a sira nia hela fatin.<\/p>\n\n\n\n

\u201cApoiu ami simu seidauk to\u2019o tanba ami hanoin uma. Sasan sira ne\u2019e simu mais lato\u2019o ba uma\u201d,<\/em> dehan Aida ho triste.<\/p>\n\n\n\n

Nia husu governu atu tulun apoiu material uma nian, hodi konstroi fila fali uma foun ba sira tanba sira nia uma hetan estragus total hosi rai nakfera.<\/p>\n\n\n\n

\u201cHa\u2019u husu barak ba governu sira, tanba governu seidauk haree balu, maib\u00e9 balu sira haree ona ho matan, ajuda de\u2019it uma. Tanba sa\u00edda? Molok uma ida hamriik maib\u00e9 ita mos kole, tanba ne\u2019e ajuda netik material balu hodi halo uma hodi ami mos bele hela fali iha laran\u201d, <\/em>Aida hato\u2019o nia esperansa.<\/p>\n\n\n\n

Iha sorin seluk ho esperansa ne\u2019eb\u00e9 boot ba nia bebe atu bele rekupera, nia husu tulun mos karik governu ka ema laran luak ruma bele fasilita nia atu buka dalan, hodi halo terapia ba nia bebe ne\u2019eb\u00e9 oras ne\u2019e besik tinan rua ona maib\u00e9 seidauk bele hamriik, nem tuur.<\/p>\n\n\n\n

\u201cIta bele ajuda terapi nia, karik Maromak ajuda, nia hakat netik karik\u201d,<\/em> Aida hato\u2019o nia esperansa ba Neon Metin karik nia bele hetan tulun ruma.<\/p>\n\n\n\n

\n

<\/p>\n<\/div><\/div>\n\n\n\n

Iha parte sorin, ba situasaun ne\u2019e Administrador Postu Laclubar, Natalino Martins Carvalho hamutuk ho juventude volunt\u00e1riu ne\u2019eb\u00e9 ajuda distribui apoiu emerj\u00e9nsia ba v\u00edtima afetadu sira iha Laclubar, dader ida sira halo vizita ba Aida ho nia bebe iha sira nia fatin provoz\u00f3riu lona okos, hodi lori apoiu sasan emerj\u00e9nsia hanesan fos, hahan instant , sanan inklui biti no kulusaun mak oferese ba Aida ho nia bebe.<\/p>\n\n\n\n

\u201cOi-tuan mos ami hodi mai uza netik, tanba sira ne\u2019e haree hotu (juventude volunt\u00e1riu) imi toba iha fatin ne\u2019eb\u00e9 ladi\u2019ak, ho tan labarik (bebe Noveia) ne\u2019eb\u00e9 kategoria ho difisi\u00e9nsia hela, pois imi mai toba tan iha rai hanesan ne\u2019e\u201d,<\/em> lai-fuan badak Administrador Natalino ba v\u00edtima Aida.<\/p>\n\n\n\n

Entretantu iha loron 3 Maiu, wainhira Sekeret\u00e1ria Estadu Protesaun Sivil (SEPS), Joaquim G. R. Martins halo distribuisaun ajudu umanit\u00e1iu iha Laclubar, nia hateten inundasaun iha loron 4 Abril, iha Munis\u00edpiu Manatuto, Postu rua mak sofre maka\u2019as liu mak Laclo ho Laclubar, tanba ne\u2019e iha nia prezensa iha momentu ne\u2019eb\u00e1, nia sauda no distribui ajudu umanit\u00e1riu ba v\u00edtima afetadu sira.<\/p>\n\n\n\n

\u201cOhin ita mai konsentra iha Postu Laclubar, ita prepara ona hodi fo apoiu ba 391 fam\u00edlias ne\u2019eb\u00e9 mak iha, ita sei kompleta tan to\u2019o iha 474 fam\u00edlias para bele apoiu ida ne\u2019e\u201d, <\/em>informa Sekretariu Estadu Joaquim.<\/p>\n\n\n\n

Nia hatutan ida ne\u2019e apoiu primeiru ne\u2019eb\u00e9 v\u00edtima sira simu, tuir fali mak sei apoiu rekoperasaun ba konstrusaun uma ne\u2019eb\u00e9 hetan estragus ne\u2019eb\u00e9 identifika ona hosi autoridade Munisipal to\u2019o n\u00edvel aldeia.<\/p>\n\n\n\n

\u201cTanba ne\u2019e, depois de apoiu emej\u00e9nsia ida ne\u2019e, ita sei hakat ba faze ida segundu mak faze rekoperasaun, ita sei apoiu fali tan ba uma kain 167 ne\u2019eb\u00e9 mak uma aat, ita sei apoiu material konstrusaun, maun de obra nomos ai kuadradu, para depois sira bele harii fali sira nia uma ne\u2019eb\u00e9 mak destru\u00eddu durante dezastre\u201d,<\/em> hateten sekret\u00e1riu Estadu Joaquim iha Laclubar.<\/p>\n\n\n\n

Iha faze rekuperasaun ba uma 167 ne\u2019eb\u00e9 estragus iha Laclubar, inklui mos ho Aida nia uma. karik ida ne\u2019e sei fo ksolok no hakman netik terus ne\u2019eb\u00e9 Aida ho nia fam\u00edlia hasoru, maib\u00e9 oins\u00e1 ho promesa ida ne\u2019e, sei halo duni ka lae? ida ne\u2019e resposta ne\u2019eb\u00e9 mak ita hein, hosi ita nia makaer ukun sira, hodi hakmaan komunidade afetadu sira nia sofrimentu.<\/p>\n\n\n\n

Iha sorin seluk Administrador Postu Laclubar relata katak iha akontesimentu ne\u2019e iha uma kain total 345 mak hetan estragus, maib\u00e9 hafoin halo asesmentu hosi autoridade Protesaun Sivil Munis\u00edpiu no Postu dadus sa\u2019e fila fali ba 474, ne\u2019eb\u00e9 sei simu mos apoiu emerj\u00e9nsia.<\/p>\n\n\n\n

Nune\u2019e mos iha konfer\u00e9nsia imprensa hosi lider lokal Suku neen Postu Adminitativu Laclubar nian, ne\u2019eb\u00e9 hato\u2019o hosi Xefe Suku Orlalan, Carlos Jos\u00e9 Alves katak durante akontesimentu siklone seroja iha loron 4 Abril la\u2019os estraga de\u2019it komunidade nia uma, maib\u00e9 estraga mos komunidade sira nia to\u2019os no plantasaun sira.<\/p>\n\n\n\n

\u201cKomunidade ne\u2019eb\u00e9 afeta ba dezastre naturais la\u2019os uma de\u2019it. Uma mak ekipa verifikasaun verifika ona hetan 474, maib\u00e9 komunidade ne\u2019eb\u00e9 afeta ba agrikultura mak uma kain 1275, lakon plantasaun, ai-han nomos animal sira, to\u2019o agora seidauk hetan intervensaun hosi parte governu\u201d,<\/em> hateten Xefe Suku, Carlos iha Edif\u00edsiu administrasaun Postu Laclubar segunda 03\/05.<\/p>\n\n\n\n

Komunidade sira ne\u2019ebe afeta direita ba dezastre natural ne\u2019ebe akontese, ho esperansa boot la akontese tan iha sira nia moris, tanba situasaun ne\u2019e halo sir moris vulneravel liutan. Estadu iha dever boot atu proteje no tau matan ba nia povu, hodi sai hosi sofrementu no mukit, sira iha direitu atu moris seguru. Sei iha Aida seluktan iha area rural seluk, ne\u2019ebe karik hasoru sofrementu hanesan, governu iha dever atu buka tuir nia povu sira ne\u2019ebe mak presiza dulun tulun, atu hadia sira nia moris no sai hosi mukit. Povu hein governu sira nia promesas ne\u2019ebe haktuir liu hosi kampanya politika kada tinan lima<\/p>\n","protected":false},"excerpt":{"rendered":"

\u201cAmi haree ba rai nakfera, pois bee sa\u2019e ona iha uma hun, ne\u2019e mak ami komesa halai ona. Halai ba Batika, tau sasan iha ne\u2019eb\u00e1, labarik sira komesa dada lona ami hodi toba iha ne\u2019e, tanba iha ne\u2019eb\u00e1 (Batika) ta\u2019uk tanba ai hun boot ida mos besik iha ne\u2019eb\u00e1, ta\u2019uk anin huu ai ne\u2019e monu […]<\/p>\n","protected":false},"author":2,"featured_media":8483,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[11],"tags":[],"class_list":["post-8487","post","type-post","status-publish","format-standard","has-post-thumbnail","hentry","category-feature"],"aioseo_notices":[],"_links":{"self":[{"href":"https:\/\/neonmetin.info\/buletin\/wp-json\/wp\/v2\/posts\/8487","targetHints":{"allow":["GET"]}}],"collection":[{"href":"https:\/\/neonmetin.info\/buletin\/wp-json\/wp\/v2\/posts"}],"about":[{"href":"https:\/\/neonmetin.info\/buletin\/wp-json\/wp\/v2\/types\/post"}],"author":[{"embeddable":true,"href":"https:\/\/neonmetin.info\/buletin\/wp-json\/wp\/v2\/users\/2"}],"replies":[{"embeddable":true,"href":"https:\/\/neonmetin.info\/buletin\/wp-json\/wp\/v2\/comments?post=8487"}],"version-history":[{"count":2,"href":"https:\/\/neonmetin.info\/buletin\/wp-json\/wp\/v2\/posts\/8487\/revisions"}],"predecessor-version":[{"id":8491,"href":"https:\/\/neonmetin.info\/buletin\/wp-json\/wp\/v2\/posts\/8487\/revisions\/8491"}],"wp:featuredmedia":[{"embeddable":true,"href":"https:\/\/neonmetin.info\/buletin\/wp-json\/wp\/v2\/media\/8483"}],"wp:attachment":[{"href":"https:\/\/neonmetin.info\/buletin\/wp-json\/wp\/v2\/media?parent=8487"}],"wp:term":[{"taxonomy":"category","embeddable":true,"href":"https:\/\/neonmetin.info\/buletin\/wp-json\/wp\/v2\/categories?post=8487"},{"taxonomy":"post_tag","embeddable":true,"href":"https:\/\/neonmetin.info\/buletin\/wp-json\/wp\/v2\/tags?post=8487"}],"curies":[{"name":"wp","href":"https:\/\/api.w.org\/{rel}","templated":true}]}}