{"id":925,"date":"2019-02-06T22:24:11","date_gmt":"2019-02-06T22:24:11","guid":{"rendered":"https:\/\/neonmetin.info\/buletin\/?p=925"},"modified":"2019-02-06T22:24:11","modified_gmt":"2019-02-06T22:24:11","slug":"ema-sosa-ikan-menus-rendementu-tun","status":"publish","type":"post","link":"https:\/\/neonmetin.info\/buletin\/2019\/02\/06\/ema-sosa-ikan-menus-rendementu-tun\/","title":{"rendered":"Ema Sosa Ikan Menus, Rendementu Tun"},"content":{"rendered":"

Reportajen Ruben ‘Hama’ & Mendes ‘Haksolok’<\/strong><\/em><\/p>\n

Situasaun ekonomia no politika ikus-ikus ne\u2019e fo impaktu ba negosiador kik faan ikan iha tasi ibun Pantaikelapa nian. Sira nia rendementu tun tanba konsumedor mos ladun sosa sira nia ikan.<\/p>\n

Tuir Sekretariu Komunidade Fa\u2019an Ikan iha Pantaikelapa, Mendes Nogueira, haktuir katak, \u201cagora dadun konsumidor sira nia presensa mai sosa ikan ne\u2019e kuantidade ita haree tun, la hanesan tempu uluk ka tinan hirak liu\u00a0 ba kotuk. Nia sente peokupa tebes ba situasaun agora dadun nee, tanba tuir nia haree kumunidade sira fa\u2019an ikan dala ruma fa\u2019an la hotu no balu estraga.\u201d<\/p>\n

Nia mos lamenta tanba maski sira iha situasaun defisil atu hetan ikan maibe negosiante Xinese kontinua hetan espasu no importa mos ikan hosi rai liur no nia husu atu governo tau prioridade ba Timor oan. Lia hirak ne\u2019e Nogueira hato\u2019o iha sira nia faan ikan fatin, horiseik (6\/01).<\/p>\n

\u201cIha parte seluk nia sente triste tebes, ba espasu ne\u2019eb\u00e9 ita nia governu relevante f\u00f3 ba\u00a0 Xineza sira. Tanba ne\u2019e husu ba Governu relevante atu limita ba Xinesa ne\u2019eb\u00e9\u00a0impor ikan mai iha ita nia nasaun. Tuir lolos governu tau prioridade ba timoroan\u00a0 sira, tantu peskador no vendedor oinsa bele kaer ikan ho kunatidade ne\u2019eb\u00e9 bo\u2019ot\u00a0 laos f\u00f3 oportunidade ba nasaun seluk hodi hatama fali ikan mai iha ita nia nasaun\u201d, Nogueira aumenta.<\/p>\n

Membru komunidade faan ikan Adriano Jose, nia haktuir katak sente orgullu tebes tanba sira bele loron-loron hala\u2019o atividade no sira hetan rendimentu husi atividade fa\u2019an ikan iha Tasi-ibun Pantaikelapa. Maib\u00e9 iha tinan rua tutuir malu sira fa\u2019an ikan l\u00e1 hanesan uluk, tanba ne\u2019e nia sente triste tebes.<\/p>\n

\u201cKonsumudor sira l\u00e1 hola ami nia ikan entaun ikan sira ne\u2019e estraga hotu, tanba ami hola ikan barak, ema l\u00e1 sosa entaun ami estraga deit ikan. Ami hakarak hato\u2019o ba nai ulun sira f\u00f3 liman ba malu oinsa bele serbisu hamutuk hodi promulga osan atu nune\u2019e maluk konsumudor sira bele mai sosa ami nia ikan hanesan babain. Atu nune\u2019e ami m\u00f3s orgullu tanba ema mai sosan ikan barak ida ne\u2019e mak ami m\u00f3s hetan netik rendimentu\u201d, dehan Adriano Jose.<\/p>\n

Iha situasaun hanesan agora ne\u2019e konsumedor mos sempre tetu kona ba sira nia konsumu. Bainhira sira sosa ikan lol-loron mak bele fo efeitu ba sira nia rendementu familia.<\/p>\n

Konsumudor Rojito Viegas, bainhira hetan malu ho jornalista Neon Metin iha fatin faan ikan nian hateten katak\u00a0 sira m\u00f3s agora dadaun difisil tebes, tanba failansu ekonomiku husi tinan 2018 to\u2019o mai to\u2019o agora, entaun sira m\u00f3s konsumu ikan naton, maske sira m\u00f3s hakarak konsumu ikan loron-loron, maib\u00e9 bazea ba sira nia salariu ne\u2019eb\u00e9 mak iha. Tanba iha tinan ida ne\u2019e ikan nia pressu m\u00f3s aumenta, failansu husi ami konsumudor tanba ami hetan salariu uitoan atu sustenta uma laran mak ami bele mai sosa, maib\u00e9 ita hotu hatene katak ikan ne\u2019e f\u00f3 nutrisaun ba ita nia.<\/p>\n

\u201cNudar povo sidadaun timor-leste ita hakarak buat ne\u2019ebe diak ba ita nia nasaun, enkuantu iha krize pulitika ida ne\u2019e, tanba deit diferensia ideas katak ita nia nai ulun sira bele tur hamutuk no bele hakotu impase pulitika ne\u2019eb\u00e9 mosu dadaun agora, I nu\u2019udar juventude no povo babain ita hotu-hotu hakarak ita nia nasaun ne\u2019e bele lao ho diak\u201d, dehan Rojito Viegas.<\/p>\n

Situasaun politika no ekonomia ikus ne\u2019e halo komunidade fa\u2019an ikan iha tasi ibun pantae kelapa sente triste tebes tanba ho situasaun ida agora kompara ho tinan kotuk la hanesan, tanba konsumudor sira la mai sosa sira nia ikan hanesan iha tinan 2017, tanba ne\u2019e mak sira sente triste tebes. Maske sira fa\u2019an ikan ho nia pressu $12 dolar, kompara ho tinan 2017 sira fa\u2019an ikan ho nia pressu $15-18 dolar, dala-ruma sira fa\u2019an ikan loron tomak dala ruma ema sosa deit butuk ida lae butuk rua deit hanesan ne\u2019e, entaun ida ne\u2019e difisil tebes ba sira atu kuida ikan ne\u2019e, tanba ikan ne\u2019e nia durasaun diak mak loron 1-3 deit se liu ida ne\u2019e sira bele habai maran ka fa\u2019an baratu deit ba maluk konsumidor sira ho nia pressu $ 2-3 dolar e dala ruma mos estraga se wainhira kosumudor sira sosa la hotu,\u00a0 entaun ida ne\u2019e mak f\u00f3 impaktu ba sira nia rendimentu.<\/p>\n

 <\/p>\n","protected":false},"excerpt":{"rendered":"

Reportajen Ruben ‘Hama’ & Mendes ‘Haksolok’ Situasaun ekonomia no politika ikus-ikus ne\u2019e fo impaktu ba negosiador kik faan ikan iha tasi ibun Pantaikelapa nian. Sira nia rendementu tun tanba konsumedor mos ladun sosa sira nia ikan. Tuir Sekretariu Komunidade Fa\u2019an Ikan iha Pantaikelapa, Mendes Nogueira, haktuir katak, \u201cagora dadun konsumidor sira nia presensa mai sosa […]<\/p>\n","protected":false},"author":3,"featured_media":926,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"amp_status":"","footnotes":""},"categories":[63],"tags":[],"class_list":["post-925","post","type-post","status-publish","format-standard","has-post-thumbnail","hentry","category-notisia"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t