{"id":9282,"date":"2021-08-03T21:59:46","date_gmt":"2021-08-03T12:59:46","guid":{"rendered":"https:\/\/neonmetin.info\/buletin\/?p=9282"},"modified":"2021-08-03T22:00:04","modified_gmt":"2021-08-03T13:00:04","slug":"konsidera-governu-falla-investe-ba-bee-moos-permatil-la-tau-atensaun-ba-konservasaun-bee","status":"publish","type":"post","link":"https:\/\/neonmetin.info\/buletin\/2021\/08\/03\/konsidera-governu-falla-investe-ba-bee-moos-permatil-la-tau-atensaun-ba-konservasaun-bee\/","title":{"rendered":"Konsidera Governu Falla Investe Ba Bee Moos, PERMATIL: La Tau Atensaun Ba Konservasaun Bee"},"content":{"rendered":"\n

Reportajen Francisco JDA <\/em><\/strong><\/p>\n\n\n\n

Bee moos sai asuntu importante no nesesidade fundamental iha ema nia moris lor-loron, to\u2019o ohin loron komunidade iha area urbana kontinua ezije ba bee moos, hodi asegura ba ema nia sa\u00fade p\u00fabliku<\/p>\n\n\n\n

Ho kestaun bee moos jornalista Neon Metin dadalia ho Diret\u00f3r Permakultura Timor-Leste ( PERMATIL) Eugenio Lemos konaba import\u00e1nsia bee moos ba ema nia moris. Ba Neon Metin Eugenio hateten maski governu investe osan millaun ba millaun ba iha infrastrutura bee m\u00f3os, maib\u00e9 konsidera katak 70% ne’e falla, no infraestrutura bee ne’e sai fali monumentu dada kanu barak, maib\u00e9 falla hotu tanba la tau matan ba konservasaun bee m\u00f3os ne’e rasik.<\/p>\n\n\n\n

“Ita investe desde ukun-an to\u2019o agora, investe osan millaun ba millaun ba iha infraestrutura bee, ha’u bele dehan 70% ne’e falla, nune’e 70% infraestrutura bee ne’eb\u00e9 sai fali monumentu, ita tau tanke boot, monta pipa barak kil\u00f3metru ba kil\u00f3metru nu fin sai monumentu, bee la iha, tanba ita la tau konservasaun ba bee matan ne’e rasik, ita ba hare bee ne’e iha tau tanke, dada ita la hare bee matan ne’e mai sai hosi ne’eb\u00e9, nia \u00e1rea akaptasaun ne’e ita tenki buka, entaun ita halo konservasaun atu nune’e bee matan ne’e fornese nafatin bee,”<\/em> hateten Eugenio Lemos iha nia knaar fatin Farol, 03\/08<\/p>\n\n\n\n

Diret\u00f3r PERMATIL ne’e reforsa tan, governu falla investe iha bee moos, tanba la iha aprosimasaun ba malu, hare liu ba infraestrutura bee maib\u00e9 la tau atensaun ba konservasaun bee, nune’e rekomenda ba governu presiza serbisu makaas tan ho sosiedade siv\u00edl sira,  hat\u00e1n ba solusaun ho los selae tinan-tinan aprova osan boot maib\u00e9 tiru sala hela de’it.<\/p>\n\n\n\n

“Ita nia governu presiza serbisu makaas tan ho sosiedade sivil sira ho entidades tomak, atu hare no hat\u00e1n ba solusaun ne’e ho lolos, selae tina-tinan aprova orsamentu estadu biliaun, mais ita tiru ba sala hela de’it no osan ne’e estraga de’it,” hateten Diret\u00f3r PERMATIL Eugenio Lemos.<\/p>\n\n\n\n

Iha parte seluk Diretor Geral Agua Saneamentu Ijieniku, Gustavo da Cruz bainhira halo diskusaun iha FONGTIL informa katak hateten bee no saneamentu sai prioridade dahuluk ba orientasaun VIII Governu nian hodi bele atinji sidadaun sira asesu bee no saneamentu ne\u2019ebe diak.<\/p>\n\n\n\n

“Ita nia kobertura bee no saneamentu iha terit\u00f3riu fahe ba kategoria rua, ida bee urbana iha kapit\u00e1l Dili no municipiu sira secara 80% no bee rural ita atinji 71%, tan ne’e 20% hosi urbanu, sei lori periodu governasaun ida ne’e no periodu rua tuir mai to\u2019o tinan 2030, nune’e m\u00f3s bee iha area ruirais sira\u201d,<\/em> esplika Gustavo da Crus iha Salaun FONGTIL.<\/p>\n

Gustavo da Cruz hatutan iha jestaun Juridiku Lei no.4\/2004 define bee urbanu no bee rural katak bee urbanu ninia investimentu ka operasaun manutensaun ne’e governu mak jere no bee rural ne’e hamutuk ho sosiedade sivil no parseiro dezenvolvimentu sira, dezenvolve no fo ba komunidade mak halo jestaun, tanba kapasidade rekursu finanseira no humanu limitadu atu halo operasaun tomak ba sistema iha teritorio laran tomak. <\/p>\n

Iha fatin hanesan Presidente Komisaun E ne\u2019ebe trata asuntu Infrastrutura, Abel Pires hatete se iha Timor bee la iha, sei la ko’alia kona ba dezenvolvimentu, tanba povu ne’e atu halo saida de’it m\u00f3s presiza bee.<\/p>\n

“20% seidauk iha asesu ba bee maske iha sidade, kondisaun iha foho ne’e difisil asesu ba bee, ne’e populasaun barak tenke la’o kilomemtru 5 to\u2019o 6, entaun ita tenke hakotu debate lisuk ne’e,\u00a0 ita tenke hakat ona ba implementasaun. Ko’alia kona ba orsamemtu Parlamentu aprova de’it, planu tenke mai hosi Diretor Geral, Ministru no Vise Ministru hatama depois bele debate, advokasia no defende orsamemtu ba bee moos\u201d,<\/em> \u00a0dehan Abel Pires iha salaun FONGTIL.<\/p>\n

<\/p>\n

<\/p>\n\n

\u00a0<\/p>\n

\u00a0<\/p>\n

\u00a0<\/p>\n\n

\u00a0<\/p>\n\n

\u00a0<\/p>\n