Reportajen Santina Lucia da Costa
Dosente Departamentu Peskas no Siénsia Mariña (DPSM), husi Universidade Nasionál Timor Lorosa’e (UNTL), konvida Prezidente Repúblika, Dr. José Ramos Horta atu partisipa semináriu Komemorasaun loron mundiál ba Oceana ne’ebé sei realiza iha Auditóriu Fakuldade Enjeñaria Hera.
“Ami nia objetivu ohin mai hasoru Prezidente Repúblika atu konvida Xefe Estadu aban halo abertura ba selebrasaun loron Oceano Mundial ne’ebé sei realiza iha loron Kuarta-Feira iha Auditoria Fakuldade Enjeñaria UNTL Hera.” Hateten, Dosente Departamentu Peskas no Siénsia Mariña UNTL, Mário Marques Cabral ba jornalista sira hafoin remata enkontru ho Xefi Estadu iha Palasiu Prezidensiál Nicolau Lobato, Bairu-Pite, 7/6.
Dosente Mário Marques Cabral dehan tema jerál mak liga ba revitalization collection for Oceano. Depois foti tema lokal iha Timor-Leste Collectivization for Blue Economy. Depois kona-ba despeza sira ne’e husi Departamentu Peskas Siénsia Mariña Fakuldade Agrikultura, Universidade Timor Lorosa’e (UNTL) bele dehan mais menus 2 mill ba leten.
Dosente ne’e esplika katak, atividade refere mós ohin UNTL hala’o tiha ona limpeza jerál iha tasi ibun komesa husi área Metiaut to’o Kristu Rei ne’ebé servisu hamutuk mós ho Ministériu Agrikultura no Peskas (MAP), Diresaun Jerál Peskas, Ministériu Turizmu Komersiu Industria (MTCI) inklui mós parseiru dezenvolvimentu sira ne’ebé iha Timor Leste.
Marío Marques akresenta, importánsia husi semináriu ne’e hanesan fanu ita nu’udar nasaun membru ba ONU nian ne’ebé loron hanesan ne’e iha mundu hotu-hotu selebra ba loron importánsia tasi ba umanu, tanba ita hotu-hotu hatene tasi ne’e hanesan regulador ar ba moris, nia mós regula ba klima ne’ebé ko’alia kona-ba mudansa klimátika
Nia hatutan mudansa klimatika ninia importansia ida mak ninia knar boot tasi no mós liga ba Biodiversidade moris iha ne’eba, maybe agora ne’e destrutivu atividade barak iha ne’eba, entaun poluisaun barak. Entaun ba futuru ita nia nasaun joven ita nia esperansa katak, ba futuru ita mós hanesan bele kontribui ba mundu internasional.
Nia Informa, Oradór ba seminariu refere mak hanesan ba tékniku primeiru husi Ministru Komérsiu Industria ne’e liga ba turizmu Maritima iha Timor, depois tuir fali mai Sekretáriu Estadu Peskas liga ba dezenvolvimentu peskas industria iha Timor Leste, Dosente Peskizadór husi Departamentu Peskas siensia Mariña liga ba Dezenvolvimentu Peskas Industria iha Timor-Leste, no oinsa mudansa klimatika ba biodiversidade. Iha oradór seluk sei koalia kona-ba, oinsa envolvimentu feto iha area peskas.
Nia haktuir, Prezidente Repúblika, José Ramos Horta konfirmadu ona aban sei ba partisipa eventu refere hato’o mós palestra no fó hanoin mós atividade ne’ebé universidade sei hala’o.