Reportajen Estajiada Agustinha Amaral
Programa Nasoens Unidas ba dezenvolvimentu (UNDP) ba projetu Elisasun reziliente ba COVID-19 iha Timor-Leste (CORE-TL) ho apoiu finanseiru husi governu Japaun entrega ona edifísiu renovadu hitu ba Sekretariadu Tékniku Administrasaun Eleitoral (STAE) hodi prepara ba eleisaun parlamentar tuir mai, ho infra-estrutura ida kompleta no asesível ba feto-mane no ema ho difisiente sira.
Ba serimónia termu de entrega ne’e Diretor STAE, Acilino Manuel Branco hatete, aktividade termu de entrega ne’e hanesan rejultadu ida ne’ebé apoiu husi ita nia parseru UNDP, governu Japaun, ne’ebé durante ne’e apoiu maka’as tebes ba prosesu eleitoral STAE ho CNE, hahú kedas iha restaraurasaun independensia mai to’o última eleisaun. UNDP kontinua ho komitmento fo apoiu ba iha ita nia prosesu eleitoral no iha tinan ikus ne’e governu liu husi embaixada Japaun hatudu nafatin sira nia komitmentu ho fo apoiu ba iha prosesu eleitoral sira mai to’o iha eleisaun Prezidensial primeru no segunda volta.
“Ho elisaun ida ne’ebe mak ho kualidade partisipativu no elisaun ida ne’ebe mak justu no tranperente liu no asunto infra-estrutura ida ne’ebé mak importante tanba sira haree STAE ne’e halo interasaun ne’ebe barak ho nasional, internasional, partidu polítiku sira i jerador sira mai husi pais oi-oin hare ba espasu ida ne’e ladun konfortável iha kontestu eleisaun ida ne’ebe inkluzivo envolve mos ema hotu feto-mane, tipu difisente sira. Prekupasaun ida ne’e mos fo atensaun ba parseiru sira, teki kontinua fo apoiu atu nune’e bele iha inkluzaun, no iha prosesu renovasaun ida ne’e sira mos introdus oinsá atu kria fasilidade sira ne’ebe hanesan agora mundu sei alerta hela COVID-19, tanba ne’e haree liu ba iha sujestaun ne’e rasik no sira nia apoiu la’os ba de’it iha ediísiu iha Díli maibé ba mos iha munisípiu sira,” dehan Diritor Jeral STAE Acilino Manuel Branco ba jornalista iha edifísiu STAE, Kaikoli, Kinta-Feira, 1/12.
Iha fatin Vise Xefe Misaun Embaixada Japaun iha Timor-Leste, Kazumi Yamada, iha serimónia entrega iha edifísiu STAE nian ne’ebé renovadu iha edifisiu STAE nasional, Dili, dehan “ho apoiu finanseiru husi governu Japaun, projetu UNDP, CORE-TL hala’o sarvisu renovasaun ba eskritóriu STAE hitu ne‘ebé lokaliza iha munisípiu Dili, Baucau, Ainaro, Aileu, Bobonaro, Liquiça no Lautem, Edifisiu ida-idak dezena atu asegura asesibilidade ba ema ho defissénsia sira, liu husi ekipamnentu ho rampas no sentina ne’ebé asesível.”
Nia hatutan, alein de ne‘e, edifisiu hotu-hotu “Matak ka Ambiente Amigavel”. Iha dezeñu ho nia funsaun atu hamenus risku dezastre no kualker impaktu negatvu ba ambiente, ne’ebé inklui padraun tanke bee iha rai okos, no uma ne’ebé ho kakuluk, kompativel bee halibur udan been, nune’e mos estasaun fase liman ba ijiene no prevensaun COVID-19 nian.
“Ami orgullu atu finansia projetu ne’e, ne‘ebé implementa husi PNUD, hamutuk ho Governu Timor Leste. Eleisaun ne‘ebé livre no justu sai nu’uder fundamentu ba demotkrasia, no finansiamentu ba projetu ne’e sai nu’udar simbolu amizade nian entre demokrasia rua ne’ebé forte no nasaun rua ne‘ebé iha loro matan sa’e, hanesan ita komemora aniversériu ba dala 20 relasaun diplomátika entre Japaun no Timor-Leste,” dehan Kazumi Yamada.
Iha parte sorin reprezentate rezidente PNUD, Munkhtuya Altangerel, hato’o agradese ba governu Timor-Leste nia laran luak bele simu ami nia apoio ne’e. Nia apresia mos PNUD nian kooperasaun atu promove eleisaun inkluzivu no informativu iha nível nasional no munisipiu sira iha Timor-Leste.
“PNUD iha nia intevensaun haktuir hadi’a infra-estrutura ba STAE no CNE, sei fasilita ema hotu inklui ema ho defisiénsia sira asesu polítiku, ida ne’e sei hasa‘e tasa partisipasaun no promove elisaun inkluziva, hodi eleva demokrasia iha Timor-Leste,” dehan Munkhtuya.
Projeitu UNDP, CORE-TL ho orsamentu hamutuk dolar Amerikanu millaun 4 husi Governu Japaun, suporta govenru Timor-Leste hodi realiza eleisaun ne’ebé reziliente ba COVID, informadu no inkluzivu iha nivel nasional no munisípiu hodi asegura infra-estrutura ne’ebé iha ligasaun ho ambiente no inkluzivu ba edifisiu eleitoral sira. “Servisu renovasaun ba edifísiu STAE nian remata ona iha fulan Dezembru tinan 2022 no kontrusaun foun ba eskritoriu 6 ba STAE no CNE sei hahu tuir mai, projeitu UNDP, CORE-TL ba promove eleisaun livre no justu iha Republika Demokrátika Timor-Leste,” dehan Munkhtuya.