Reportajen Adroaldo “Saretukau”
Parteira iha klínika saúde Suku Leuro, Postu Administrativu Lospalos, Munisípiu Lautem hahú hikas nia servisu iha klínika refere, hafoin iha fulan Jullu 2022 liubá la hala’o nia servisu hodi atende pasiente sira.
Haktuir komunidade Justina Soreas hosi Aldeia Lutu-Rula, Suku Leuro, iha Jullu 2022 katak, uluk sira iha parteira hodi halo atendimentu ba pasiente sira, maibé nia la tama servisu hanesan bai-bain ona. Hafoin Neon Metin halo fila-fali konfirmasaun via telefone ho komunidade hosi Suku Leuro, Feliciddade Fernades, nia hato’o los ona duni uluk parteira iha maibé la tama servisu, maibé agora parteira refere transfere fila-fali hodi kontinua servisu hanesan bai-bain, iha fin du ano 2022 ne’e.
“Uluk rujuk tiha ona, ne’ebé parteira ne’e mak fila kedas. Parteira ida uluk ne’e mak sira nomeia fali mai iha klínika Leuro, tanba sira nia xefe atu muda fali nia ba fali klínika seluk, mais nia lakoi, tanba ho rajaun ida ne’e mak ami balun husu fali para nia fila fali mai ami nia klínika,” dehan komunidade Felicidade ba Neon Metin, Kinta-Feira, 19/01.