Reportajen Umbelina dos Reis
Forum Organizasaun Naun Governamental Timor-Leste (FONGTIL) hamutuk ho Asia Justice And Rights (AJAR), Assosiasaun Chega Ba Ita (ACBIT), realiza diálogu entre Organizasaun Sosiedade Sivil (OSS), atu “Hametin Parseria Ne’ebé Saudavel no Engalitariu”, no membru ONG atu asesu ba fontes finansiamentu hosi doadór sira, nune’e OSS sira ida-idak bele Implementa projetu spotlight.
Diretór Ezekutivu Forum Organizasaun Naun Governamental Timor-Leste (FONGTIL), Valentim da Costa, hateten, Objetivu prinsipal hosi diálogu ne’e primeiru hato’o apresiasaun ba parseria ne’ebé la’o kleur ona hamutuk ho organizasaun doadór sira no organizasaun internasional. Objetivu seluk maka polítika mekanizmu finanseiru nian, maibé estabelese mos kultura ida ne’ebé ke organizasaun internasional iha oportunidade ko’alia ba malu ho regularmente ho doadór sira saída mak sira halo iha Timor.
“Diálogu ne’e durante loron rua, ONG hamutuk 40 resin, maibé FONGTIL atu fasilita de’it membru ONG hodi asesu fontes finansiamentu hosi doadór sira, nune’e iha responsabilidade liu hosi implementasaun projetu Inisiative Spotlight, ne’ebé tau matan no luta kontra violensia hasoru feto no labarik feto iha Timor.” dehan Diretór FONGTIL Valentim da Costa, iha Salaun Otél Timor, kinta 22/06.
Iha dialogu ne’e Intensaun atu hasae komprensaun hosi parte organizasaun sosiedade sivil no doadór sira bele asesu di’ak ba fundus ne’ebé sirkula iha Timor-Leste.
Nune’e mós reprezentante Uniaun Europeia, Karla da Silva Leitzke, dehan, Timor-Leste iha komitmentu ho Uniaun Europeia, nune’e liu hosi diálogu ne’e presija tebes finansiamentu, tanba ne’e doadór tenki iha kna’ar importante hodi apoiu sira nia servisu refere, maibé doadór balun iha nia espesifikamente rasik no tenki parseria ho organizasaun internasional sira, tanba organizasaun sosiedade sivil balun lakoiñese kona-ba segmentu. Tanba ne’e ba oin tenki utiliza di’ak halo advokasia maka’a ho governu hodi hadi’a di’ak liu tan iha organizasaun sosiedade sivil iha Timor-Leste
Entertanntu, FONGTIL realiza diálogu entre organizasaun sosiedade sivil (OSS), no doadór sira ne’ebé existe iha Timor-Leste, UN Women inisiativa parseria ho Asia Justice And Rights (AJAR), Assosiasaun Chega Ba Ita (ACBIT), no instituisaun doadór sira ne’ebé eziste iha Timor-Leste, tantu hosi ajensia kooperasaun internasional, Organizasaun das Nasoens Unidas (ONU), ONG Internasional, inklui instituisaun governu Timor-Leste, Servisu de Apoiu Sosiedade Sivil Auditoria Sosial (SASCAS), Ministeriu Solidariedade Sosial Inkluzaun (MSSI), Sekretariu Estadu Igualdade Inkluzaun (SEIl), Sekretariu Estadu Juventude no Desportu (SEJD).